| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
ниссаг̇г̇ияагат̇ааван̣н̣анаа
Nissaggiyakathāvaṇṇanā
2094-5. звам̣ сад̇д̇арасасан̇гхаад̣̇исзсз д̣̇ассзд̇ваа ид̣̇аани д̇ад̣̇ананд̇араани ниссаг̇г̇ияаани д̣̇ассзд̇умааха ‘‘ад̇хидтаанубаг̇ам̣ бад̇д̇а’’нд̇иаад̣̇и. ‘‘ад̇хидтаанубаг̇ам̣ бад̇д̇а’’нд̇и иминаа бад̣̇зна гзнажи гааран̣зна анад̇хидтаанубаг̇з бад̇д̇з анаабад̇д̇ибхаавам̣ д̣̇ийбзд̇и. ‘‘д̇ассаа’’д̇и д̇а-сад̣̇д̣̇аабзгкааяа бхигкунийд̇и зд̇т̇а ‘‘яаа’’д̇и лаб̣бхад̇и. бад̇д̇асаннид̇хигааран̣аад̇и анад̇хидтааяа, авигаббзд̇ваа згарад̇д̇амби бад̇д̇асса нигкид̇д̇агааран̣аа.
2094-5. Evaṃ sattarasasaṅghādisese dassetvā idāni tadanantarāni nissaggiyāni dassetumāha ‘‘adhiṭṭhānupagaṃ patta’’ntiādi. ‘‘Adhiṭṭhānupagaṃ patta’’nti iminā padena kenaci kāraṇena anadhiṭṭhānupage patte anāpattibhāvaṃ dīpeti. ‘‘Tassā’’ti ta-saddāpekkhāya bhikkhunīti ettha ‘‘yā’’ti labbhati. Pattasannidhikāraṇāti anadhiṭṭhāya, avikappetvā ekarattampi pattassa nikkhittakāraṇā.
2096. ид̇ха имасмим̣ сигкаабад̣̇з сзсо саб̣б̣о винижчаяо гат̇аамаг̇г̇од̇и яож̇анаа, авасзсасаб̣б̣авинижчаяагат̇аамаг̇г̇од̇и ад̇т̇о. бад̇д̇асигкаабад̣̇зд̇и махаавибхан̇г̇абатамабад̇д̇асигкаабад̣̇з.
2096.Idha imasmiṃ sikkhāpade seso sabbo vinicchayo kathāmaggoti yojanā, avasesasabbavinicchayakathāmaggoti attho. Pattasikkhāpadeti mahāvibhaṅgapaṭhamapattasikkhāpade.
2097. висзсова висзсад̇аа.
2097. Visesova visesatā.
батамам̣.
Paṭhamaṃ.
2098. агаалзд̇и ‘‘анад̇т̇ад̇агат̇инз вихаарз згаад̣̇аса маасаа, ад̇т̇ад̇агат̇инз вихаарз сад̇д̇а маасаа’’д̇и (баажи. 740 ад̇т̇ад̇о самаанам̣) звам̣ вуд̇д̇з агаалз. вигаббанд̇арам̣ д̣̇ассзд̇умааха ‘‘д̣̇иннам̣ гаалзби гзнажий’’д̇иаад̣̇и. вуд̇д̇авибарияааязна гааланияамо взд̣̇ид̇аб̣б̣о. гзнажи агаалз яам̣ жийварам̣ д̣̇иннам̣, гаалзби яам̣ жийварам̣ аад̣̇исса д̣̇иннам̣, д̇ам̣ агаалажийварам̣ наамаад̇и яож̇анаа. аад̣̇исса д̣̇аанаббагаарам̣ д̣̇ассзд̇умааха ‘‘самбад̇д̇аа бхааж̇знд̇уу’’д̇и. нияаамид̇анд̇и ‘‘самбад̇д̇аа бхааж̇знд̇уу’’д̇и звам̣ вад̇ваа д̣̇иннан̃жа ‘‘ид̣̇ам̣ г̇ан̣асса, ид̣̇ам̣ д̇уяхам̣ д̣̇аммий’’д̇и вад̇ваа ваа д̣̇аад̇угаамад̇ааяа баад̣̇амуулз табзд̇ваа ваа д̣̇иннан̃жа аад̣̇исса д̣̇иннам̣ наамаад̇и ад̇т̇о. яат̇ааха ‘‘самбад̇д̇аа бхааж̇знд̇уу’д̇и вад̇ваа ваа ‘ид̣̇ам̣ г̇ан̣асса, ид̣̇ам̣ д̇умхаагам̣ д̣̇аммий’д̇и вад̇ваа ваа д̣̇аад̇угамяад̇ааяа баад̣̇амуулз табзд̇ваа ваа д̣̇иннамби аад̣̇исса д̣̇иннам̣ наама ход̇ий’’д̇и (баажи. адта. 740).
2098.Akāleti ‘‘anatthatakathine vihāre ekādasa māsā, atthatakathine vihāre satta māsā’’ti (pāci. 740 atthato samānaṃ) evaṃ vutte akāle. Vikappantaraṃ dassetumāha ‘‘dinnaṃ kālepi kenacī’’tiādi. Vuttavipariyāyena kālaniyamo veditabbo. Kenaci akāle yaṃ cīvaraṃ dinnaṃ, kālepi yaṃ cīvaraṃ ādissa dinnaṃ, taṃ akālacīvaraṃ nāmāti yojanā. Ādissa dānappakāraṃ dassetumāha ‘‘sampattā bhājentū’’ti. Niyāmitanti ‘‘sampattā bhājentū’’ti evaṃ vatvā dinnañca ‘‘idaṃ gaṇassa, idaṃ tuyhaṃ dammī’’ti vatvā vā dātukāmatāya pādamūle ṭhapetvā vā dinnañca ādissa dinnaṃ nāmāti attho. Yathāha ‘‘sampattā bhājentū’ti vatvā vā ‘idaṃ gaṇassa, idaṃ tumhākaṃ dammī’ti vatvā vā dātukamyatāya pādamūle ṭhapetvā vā dinnampi ādissa dinnaṃ nāma hotī’’ti (pāci. aṭṭha. 740).
2099. агаалажийваранд̇и вуд̇д̇аббагаарам̣ агаалажийварам̣.
2099.Akālacīvaranti vuttappakāraṃ akālacīvaraṃ.
2100. ад̇д̇анаа бадилад̣̇д̇ханд̇и д̇ад̇о яам̣ жийварам̣ ад̇д̇анаа вассаг̇г̇зна бадилад̣̇д̇хам̣. ниссаж̇ж̇ид̇ваа бадилад̣̇д̇хагаалз гад̇д̇аб̣б̣авид̇хим̣ д̣̇ассзд̇умааха ‘‘лабхид̇ваа…бз… нияож̇аяз’’д̇и. яат̇аад̣̇аанз нияож̇аязд̇и яат̇аа д̣̇ааяагзна д̣̇иннам̣, д̇ат̇аа убанзд̇аб̣б̣ам̣, агаалажийварабагкзязва табзд̇аб̣б̣анд̇и вуд̇д̇ам̣ ход̇и.
2100.Attanā paṭiladdhanti tato yaṃ cīvaraṃ attanā vassaggena paṭiladdhaṃ. Nissajjitvā paṭiladdhakāle kattabbavidhiṃ dassetumāha ‘‘labhitvā…pe… niyojaye’’ti. Yathādāne niyojayeti yathā dāyakena dinnaṃ, tathā upanetabbaṃ, akālacīvarapakkheyeva ṭhapetabbanti vuttaṃ hoti.
2101. д̇ассаад̇и ‘‘яат̇аад̣̇аанз нияож̇аяз’’д̇и важанасса. винаяагаммам̣ гад̇ваа бадилад̣̇д̇хамби д̇ам̣ буна сзвид̇ум̣ на жа ваддад̇ийд̇и аяамад̇хиббааяод̇и яож̇анаа.
2101.Tassāti ‘‘yathādāne niyojaye’’ti vacanassa. Vinayakammaṃ katvā paṭiladdhampi taṃ puna sevituṃ na ca vaṭṭatīti ayamadhippāyoti yojanā.
2102. гаалажийварз агаалавад̇т̇асан̃н̃ааяа д̣̇уггаданд̇и яож̇анаа. убхаяад̇т̇абийд̇и агаалажийварзби гаалажийварзби. взмад̇игааяа д̇ат̇аа д̣̇уггаданд̇и яож̇анаа.
2102. Kālacīvare akālavatthasaññāya dukkaṭanti yojanā. Ubhayatthapīti akālacīvarepi kālacīvarepi. Vematikāya tathā dukkaṭanti yojanā.
2103. убхаяад̇т̇аби жийварз гаалажийварз жа агаалажийварз жаад̇и убхаяажийварзби гаалажийварасан̃н̃ааяа бхааж̇аабзнд̇ияаа над̣̇осод̇и яож̇анаа. сажид̇д̇агасамудтаанад̇д̇аяам̣ санд̇хааяааха ‘‘д̇исамудтаанад̇аа’’д̇и.
2103.Ubhayatthapicīvare kālacīvare ca akālacīvare cāti ubhayacīvarepi kālacīvarasaññāya bhājāpentiyā nadosoti yojanā. Sacittakasamuṭṭhānattayaṃ sandhāyāha ‘‘tisamuṭṭhānatā’’ti.
д̣̇уд̇ияам̣.
Dutiyaṃ.
2104. сажз саяам̣ ажчинд̣̇ад̇и ан̃н̃ааяа бхигкунияаа сад̣̇д̇хим̣ жийварам̣ баривад̇д̇зд̇ваа бажчаа ‘‘д̇уяхам̣ жийварам̣ д̇вамзва г̇ан̣ха, маяхам̣ жийварам̣ д̣̇зхий’’д̇и звам̣ яад̣̇и саяам̣ ажчинд̣̇ад̇и. зд̇т̇а ‘‘сагасан̃н̃ааяаа’’д̇и сзсо. сагасан̃н̃ааяа г̇ахид̇ад̇д̇аа баажид̇д̇ияам̣, д̣̇уггадан̃жа вуд̇д̇ам̣, ид̇арат̇аа бхан̣д̣аг̇гхзна гаарзд̇аб̣б̣о.
2104.Sace sayaṃ acchindati aññāya bhikkhuniyā saddhiṃ cīvaraṃ parivattetvā pacchā ‘‘tuyhaṃ cīvaraṃ tvameva gaṇha, mayhaṃ cīvaraṃ dehī’’ti evaṃ yadi sayaṃ acchindati. Ettha ‘‘sakasaññāyā’’ti seso. Sakasaññāya gahitattā pācittiyaṃ, dukkaṭañca vuttaṃ, itarathā bhaṇḍagghena kāretabbo.
2105. ид̇арзсууд̇и аб̣анд̇ханан̃жа аан̣ад̇д̇иб̣ахуд̇д̇ан̃жа сан̇г̇ан̣хаад̇и. д̇знааха ‘‘вад̇т̇уунам̣ баяог̇асса васаа сияаа’’д̇и.
2105.Itaresūti abandhanañca āṇattibahuttañca saṅgaṇhāti. Tenāha ‘‘vatthūnaṃ payogassa vasā siyā’’ti.
2106. ‘‘д̇игабаажид̇д̇ий’’д̇и ид̣̇амабзгкид̇ваа ‘‘уд̣̇д̣̇идтаа’’д̇и самб̣анд̇ханийяам̣, убасамбаннааяа убасамбаннасан̃н̃аа, взмад̇игаа, анубасамбаннасан̃н̃аад̇и зд̇аасам̣ васзна д̇игабаажид̇д̇и вуд̇д̇аад̇и ад̇т̇о. ан̃н̃асмим̣ баригкаарзд̇и убасамбаннаанубасамбаннаанам̣ ан̃н̃асмим̣ баригкаарз. ид̇ариссаад̇и анубасамбаннааяа. д̇игад̣̇уггаданд̇и анубасамбаннааяа убасамбаннасан̃н̃аавзмад̇игааанубасамбаннасан̃н̃аанам̣ васзна д̇игад̣̇уггадам̣ уд̣̇д̣̇идтам̣.
2106.‘‘Tikapācittī’’ti idamapekkhitvā ‘‘uddiṭṭhā’’ti sambandhanīyaṃ, upasampannāya upasampannasaññā, vematikā, anupasampannasaññāti etāsaṃ vasena tikapācitti vuttāti attho. Aññasmiṃ parikkhāreti upasampannānupasampannānaṃ aññasmiṃ parikkhāre. Itarissāti anupasampannāya. Tikadukkaṭanti anupasampannāya upasampannasaññāvematikāanupasampannasaññānaṃ vasena tikadukkaṭaṃ uddiṭṭhaṃ.
2107. д̇ааяа ваа д̣̇ийяамаанам̣ д̇ааяа ан̃н̃ааяа бхигкунияаа д̣̇удтааяа ваа д̇удтааяа ваа д̣̇ийяамаанам̣ г̇ан̣ханд̇ияаа, д̇ассаа виссаасамзва ваа г̇ан̣ханд̇ияаа анаабад̇д̇ийд̇и яож̇анаа. ‘‘д̇исамудтаанад̇аа мад̇аа’’д̇и ид̣̇ам̣ вуд̇д̇ад̇т̇амзва.
2107.Tāya vā dīyamānaṃ tāya aññāya bhikkhuniyā duṭṭhāya vā tuṭṭhāya vā dīyamānaṃ gaṇhantiyā, tassā vissāsameva vā gaṇhantiyā anāpattīti yojanā. ‘‘Tisamuṭṭhānatā matā’’ti idaṃ vuttatthameva.
д̇ад̇ияам̣.
Tatiyaṃ.
2108. яаа бана бхигкуний ‘‘гим̣ д̇з, аяяз, апаасу, гим̣ аахарийяад̇уу’’д̇и вуд̇д̇аа ан̃н̃ам̣ вин̃н̃аабзд̇ваа д̇ам̣ аахадам̣ бадигкибид̇ваа д̇ан̃жа ан̃н̃ан̃жа г̇ан̣хид̇угаамаа сажз ан̃н̃ам̣ вин̃н̃аабзд̇и, д̇ассаа вин̃н̃ад̇д̇ид̣̇уггадам̣, лаабхаа ниссаг̇г̇ияам̣ сияаад̇и саад̇хиббааяаяож̇анаа. вин̃н̃ад̇д̇ияаа д̣̇уггадам̣ вин̃н̃ад̇д̇ид̣̇уггадам̣.
2108. Yā pana bhikkhunī ‘‘kiṃ te, ayye, aphāsu, kiṃ āharīyatū’’ti vuttā aññaṃ viññāpetvā taṃ āhaṭaṃ paṭikkhipitvā tañca aññañca gaṇhitukāmā sace aññaṃ viññāpeti, tassā viññattidukkaṭaṃ, lābhā nissaggiyaṃ siyāti sādhippāyayojanā. Viññattiyā dukkaṭaṃ viññattidukkaṭaṃ.
2109-11. д̇игабаажид̇д̇ияам̣ вуд̇д̇анд̇и ‘‘ан̃н̃з ан̃н̃асан̃н̃аа, ан̃н̃з взмад̇игаа, ан̃н̃з анан̃н̃асан̃н̃аа ан̃н̃ам̣ вин̃н̃аабзд̇ваа ан̃н̃ам̣ вин̃н̃аабзд̇и, ниссаг̇г̇ияам̣ баажид̇д̇ияа’’нд̇и (баажи. 751) д̇игабаажид̇д̇ияам̣ вуд̇д̇ам̣. анан̃н̃з д̣̇вигад̣̇уггаданд̇и анан̃н̃з ан̃н̃асан̃н̃ааяа, взмад̇игааяа жа васзна д̣̇вигад̣̇уггадам̣. ‘‘анан̃н̃знан̃н̃асан̃н̃ааяаа’’д̇иаад̣̇инаа анаабад̇д̇ивисаяо д̣̇ассид̇о. ‘‘анан̃н̃з анан̃н̃асан̃н̃ааяаа’’д̇и бад̣̇ажчзд̣̇о. анан̃н̃з анан̃н̃асан̃н̃ааяа вин̃н̃аабзнд̇ияаа анаабад̇д̇и. д̇асмим̣ батамавин̃н̃аабид̇з аббахонд̇з ваа д̇ан̃н̃зва ваа вин̃н̃аабзнд̇ияаа анаабад̇д̇и. ан̃н̃знаби ад̇т̇з сад̇и д̇зна сад̣̇д̇хим̣ ан̃н̃ам̣ вин̃н̃аабзнд̇ияаа анаабад̇д̇и. ид̣̇ам̣ вуд̇д̇ам̣ ход̇и – сажз батамам̣ сабби вин̃н̃ад̇д̇ам̣, ‘‘аамагамам̣сам̣ бажид̇аб̣б̣а’’нд̇и жа взж̇ж̇зна вуд̇д̇ад̇д̇аа д̇злзна ад̇т̇о ход̇и, д̇ад̇о ‘‘д̇злзнааби мз ад̇т̇о’’д̇и звам̣ ан̃н̃ан̃жа вин̃н̃аабзд̇ийд̇и. аанисам̣сан̃жа д̣̇ассзд̇ваа д̇ад̇о ан̃н̃ам̣ вин̃н̃аабзнд̇ияааби анаабад̇д̇ийд̇и н̃аад̇аб̣б̣анд̇и яож̇анаа. ид̣̇ам̣ вуд̇д̇ам̣ ход̇и – сажз гахаабан̣асса сабби аабхад̇ам̣ ход̇и, иминаа муулзна д̣̇иг̇ун̣ам̣ д̇злам̣ лаб̣бхад̇и, д̇злзнааби жа ид̣̇ам̣ гижжам̣ ниббаж̇ж̇ад̇и, д̇асмаа д̇зламаахараад̇и звам̣ аанисам̣сам̣ д̣̇ассзд̇ваа вин̃н̃аабзд̇ийд̇и.
2109-11.Tikapācittiyaṃ vuttanti ‘‘aññe aññasaññā, aññe vematikā, aññe anaññasaññā aññaṃ viññāpetvā aññaṃ viññāpeti, nissaggiyaṃ pācittiya’’nti (pāci. 751) tikapācittiyaṃ vuttaṃ. Anaññe dvikadukkaṭanti anaññe aññasaññāya, vematikāya ca vasena dvikadukkaṭaṃ. ‘‘Anaññenaññasaññāyā’’tiādinā anāpattivisayo dassito. ‘‘Anaññe anaññasaññāyā’’ti padacchedo. Anaññe anaññasaññāya viññāpentiyā anāpatti. Tasmiṃ paṭhamaviññāpite appahonte vā taññeva vā viññāpentiyā anāpatti. Aññenapi atthe sati tena saddhiṃ aññaṃ viññāpentiyā anāpatti. Idaṃ vuttaṃ hoti – sace paṭhamaṃ sappi viññattaṃ, ‘‘āmakamaṃsaṃ pacitabba’’nti ca vejjena vuttattā telena attho hoti, tato ‘‘telenāpi me attho’’ti evaṃ aññañca viññāpetīti. Ānisaṃsañca dassetvā tato aññaṃ viññāpentiyāpi anāpattīti ñātabbanti yojanā. Idaṃ vuttaṃ hoti – sace kahāpaṇassa sappi ābhataṃ hoti, iminā mūlena diguṇaṃ telaṃ labbhati, telenāpi ca idaṃ kiccaṃ nippajjati, tasmā telamāharāti evaṃ ānisaṃsaṃ dassetvā viññāpetīti.
жад̇уд̇т̇ам̣.
Catutthaṃ.
2112-3. буб̣б̣ам̣ ан̃н̃ам̣ жзд̇аабзд̇ваад̇и яож̇анаа, ад̇д̇ано габбияабхан̣д̣зна ‘‘ид̣̇ам̣ наама аахараа’’д̇и буб̣б̣ам̣ ан̃н̃ам̣ баривад̇д̇аабзд̇ваад̇и ад̇т̇о. званд̇и зд̇т̇а ‘‘вуд̇д̇з’’д̇и сзсо. д̇ханзна ниб̣б̣ад̇д̇ам̣ д̇хан̃н̃ам̣, ад̇д̇ано д̇ханзна нибпаад̣̇ид̇ад̇д̇аа д̇злаад̣̇и ид̇ха ‘‘д̇хан̃н̃а’’нд̇и ад̇хиббзд̇ам̣, на вийхаад̣̇и. звам̣ вуд̇д̇з маяхам̣ ан̃н̃ам̣ д̇хан̃н̃ам̣ аанзд̇ваа д̣̇зд̇и ид̇и сан̃н̃ааяа бажчаа ан̃н̃ам̣ жзд̇аабзяяаад̇и яож̇анаа, на мз иминаа ад̇т̇о, ан̃н̃ам̣ аахараад̇и вуд̇д̇з ид̣̇ан̃жа д̣̇ад̇ваа ан̃н̃ан̃жа аахарид̇ваа д̣̇зд̇ийд̇и сан̃н̃ааяа ‘‘на мз ид̣̇ам̣ ружжад̇и, ан̃н̃ам̣ аахараа’’д̇и бажчаа ан̃н̃ам̣ баривад̇д̇аабзяяаад̇и ад̇т̇о. жзд̇аабанабаяог̇знаад̇и аан̣ад̇д̇ааяа жзд̇аабанавасзна. мууладтааяаад̇и аан̣аабигааяа. д̇зна жа ан̃н̃зна ваа муулзна аабхад̇ам̣ ход̇у, д̇асса лаабхз ниссаг̇г̇ияам̣ ход̇ийд̇и яож̇анаа.
2112-3. Pubbaṃ aññaṃ cetāpetvāti yojanā, attano kappiyabhaṇḍena ‘‘idaṃ nāma āharā’’ti pubbaṃ aññaṃ parivattāpetvāti attho. Evanti ettha ‘‘vutte’’ti seso. Dhanena nibbattaṃ dhaññaṃ, attano dhanena nipphāditattā telādi idha ‘‘dhañña’’nti adhippetaṃ, na vīhādi. Evaṃ vutte mayhaṃ aññaṃ dhaññaṃ ānetvā deti iti saññāya pacchā aññaṃ cetāpeyyāti yojanā, na me iminā attho, aññaṃ āharāti vutte idañca datvā aññañca āharitvā detīti saññāya ‘‘na me idaṃ ruccati, aññaṃ āharā’’ti pacchā aññaṃ parivattāpeyyāti attho. Cetāpanapayogenāti āṇattāya cetāpanavasena. Mūlaṭṭhāyāti āṇāpikāya. Tena ca aññena vā mūlena ābhataṃ hotu, tassa lābhe nissaggiyaṃ hotīti yojanā.
2114. сзсанд̇и д̇игабаажид̇д̇ияаад̣̇игам̣ винижчаяависзсам̣.
2114.Sesanti tikapācittiyādikaṃ vinicchayavisesaṃ.
бан̃жамам̣.
Pañcamaṃ.
2115-6. ан̃н̃ад̣̇ад̇т̇ааяа д̣̇иннзнаад̇и убаасагзхи ‘‘зваруубам̣ г̇ахзд̇ваа бхааж̇зд̇ваа барибхун̃ж̇ат̇аа’’д̇и ан̃н̃ассад̇т̇ааяа д̣̇иннзна. ‘‘сан̇гхигзна баригкаарзнаа’’д̇и иминаа самб̣анд̇хо. баригкаарзнаад̇и габбияабхан̣д̣зна. сан̇гхигзнаад̇и сан̇гхасса барижжад̇д̇зна. ид̇хаад̇и имасмим̣ саасанз. д̇ассаад̇и яааяа жзд̇аабид̇ам̣. ниссаг̇г̇ияам̣ сияаад̇и зд̇т̇а ниссадтабадилад̣̇д̇хам̣ яат̇аад̣̇аанз убанзд̇аб̣б̣анд̇и вад̇д̇аб̣б̣ам̣. яат̇ааха ‘‘ниссадтам̣ бадилабхид̇ваа яат̇аад̣̇аанз убанзд̇аб̣б̣а’’нд̇и (баажи. 761). ид̣̇ам̣ хздтаа вуд̇д̇ад̇т̇аад̇хиббааяамзва. зд̇т̇аад̇и имасмим̣ сигкаабад̣̇з. ‘‘анан̃н̃ад̣̇ад̇т̇игз ан̃н̃ад̣̇ад̇т̇игасан̃н̃аа, аабад̇д̇и д̣̇уггадасса. анан̃н̃ад̣̇ад̇т̇игз взмад̇игаа, аабад̇д̇и д̣̇уггадассаа’’д̇и вуд̇д̇ад̇д̇аа ааха ‘‘анан̃н̃ад̣̇ад̇т̇игз нид̣̇д̣̇идтам̣ д̣̇вигад̣̇уггада’’нд̇и. иминаа жа ‘‘ан̃н̃ад̣̇ад̇т̇игз д̇игабаажид̇д̇ияа’’нд̇и ид̣̇ам̣ вуд̇д̇амзва. ‘‘ан̃н̃ад̣̇ад̇т̇игз ан̃н̃ад̣̇ад̇т̇игасан̃н̃аа, взмад̇игаа, анан̃н̃ад̣̇ад̇т̇игасан̃н̃аа ан̃н̃ам̣ жзд̇аабзд̇и, ниссаг̇г̇ияам̣ баажид̇д̇ияа’’нд̇и (баажи. 761) хи вуд̇д̇ам̣.
2115-6.Aññadatthāya dinnenāti upāsakehi ‘‘evarūpaṃ gahetvā bhājetvā paribhuñjathā’’ti aññassatthāya dinnena. ‘‘Saṅghikena parikkhārenā’’ti iminā sambandho. Parikkhārenāti kappiyabhaṇḍena. Saṅghikenāti saṅghassa pariccattena. Idhāti imasmiṃ sāsane. Tassāti yāya cetāpitaṃ. Nissaggiyaṃ siyāti ettha nissaṭṭhapaṭiladdhaṃ yathādāne upanetabbanti vattabbaṃ. Yathāha ‘‘nissaṭṭhaṃ paṭilabhitvā yathādāne upanetabba’’nti (pāci. 761). Idaṃ heṭṭhā vuttatthādhippāyameva. Etthāti imasmiṃ sikkhāpade. ‘‘Anaññadatthike aññadatthikasaññā, āpatti dukkaṭassa. Anaññadatthike vematikā, āpatti dukkaṭassā’’ti vuttattā āha ‘‘anaññadatthike niddiṭṭhaṃdvikadukkaṭa’’nti. Iminā ca ‘‘aññadatthike tikapācittiya’’nti idaṃ vuttameva. ‘‘Aññadatthike aññadatthikasaññā, vematikā, anaññadatthikasaññā aññaṃ cetāpeti, nissaggiyaṃ pācittiya’’nti (pāci. 761) hi vuttaṃ.
2117. сзсаганд̇и яад̣̇ад̇т̇ааяа д̣̇иннам̣, д̇ам̣ жзд̇аабзд̇ваа аахарид̇ваа ад̇ирид̇д̇ам̣ муулам̣ ан̃н̃ад̣̇ад̇т̇ааяа убанзнд̇ияаа анаабад̇д̇ийд̇и яож̇зд̇аб̣б̣ам̣. саамигз бужчид̇ваад̇и ‘‘д̇умхзхи жийварад̇т̇ааяа д̣̇иннам̣, амхааган̃жа жийварам̣ сам̣виж̇ж̇ад̇и, д̇злаад̣̇ийхи бана ад̇т̇о’’д̇и звам̣ саамигз бужчид̇ваа. д̇анд̇и д̇ам̣ жзд̇аабаннам̣. аабад̣̇аасууд̇и бхигкунийхи вихаарам̣ бахааяа г̇аманаарахамубад̣̇д̣̇аво г̇ахид̇о. яат̇ааха ‘‘аабад̣̇аасууд̇и д̇ат̇ааруубзсу убад̣̇д̣̇авзсу бхигкунияо вихаарам̣ чад̣д̣зд̇ваа баггаманд̇и, зваруубаасу аабад̣̇аасу яам̣ ваа д̇ам̣ ваа жзд̇аабзд̇ум̣ ваддад̇ий’’д̇и (баажи. адта. 762).
2117.Sesakanti yadatthāya dinnaṃ, taṃ cetāpetvā āharitvā atirittaṃ mūlaṃ aññadatthāya upanentiyā anāpattīti yojetabbaṃ. Sāmike pucchitvāti ‘‘tumhehi cīvaratthāya dinnaṃ, amhākañca cīvaraṃ saṃvijjati, telādīhi pana attho’’ti evaṃ sāmike pucchitvā. Tanti taṃ cetāpannaṃ. Āpadāsūti bhikkhunīhi vihāraṃ pahāya gamanārahamupaddavo gahito. Yathāha ‘‘āpadāsūti tathārūpesu upaddavesu bhikkhuniyo vihāraṃ chaḍḍetvā pakkamanti, evarūpāsu āpadāsu yaṃ vā taṃ vā cetāpetuṃ vaṭṭatī’’ti (pāci. aṭṭha. 762).
2118. саяам̣ яаажид̇агам̣ винаад̇и ‘‘сам̣яаажид̇ага’’нд̇и бад̣̇ам̣ винаа, зд̇д̇агамзва висад̣̇исанд̇и вуд̇д̇ам̣ ход̇и.
2118.Sayaṃ yācitakaṃ vināti ‘‘saṃyācitaka’’nti padaṃ vinā, ettakameva visadisanti vuttaṃ hoti.
чадтасад̇д̇амаани.
Chaṭṭhasattamāni.
2119. ад̇хигаважанам̣ д̣̇ассзд̇умааха ‘‘махааж̇анигасан̃н̃аажигзнаа’’д̇и. бад̣̇ад̇аад̇хигаад̇и бад̣̇амзва бад̣̇ад̇аа. махааж̇анигзнаад̇и г̇ан̣асса барижжад̇д̇зна. сан̃н̃аажигзнаад̇и саяам̣ яаажид̇агзна.
2119. Adhikavacanaṃ dassetumāha ‘‘mahājanikasaññācikenā’’ti. Padatādhikāti padameva padatā. Mahājanikenāti gaṇassa pariccattena. Saññācikenāti sayaṃ yācitakena.
2120. ананд̇арасамаа мад̇аад̇и ид̇ха ‘‘буг̇г̇алигзнаа’’д̇и бад̣̇ам̣ винаа самудтаанаад̣̇инаа сад̣̇д̇хим̣ саб̣б̣з винижчаяаа ананд̇арасигкаабад̣̇асад̣̇исаа мад̇аад̇и ад̇т̇о. ‘‘яаа бана бхигкуний ан̃н̃ад̣̇ад̇т̇игзна баригкаарзна ан̃н̃уд̣̇д̣̇исигзна буг̇г̇алигзнаа’’д̇и хи сигкаабад̣̇ам̣. буг̇г̇алигзнаад̇и згабхигкунияаа барижжад̇д̇зна. ‘‘гин̃жибий’’д̇и ликанд̇и. ‘‘гожибий’’д̇и баато сунд̣̇аро ‘‘висзсо’’д̇и иминаа д̇уляаад̇хигаран̣ад̇д̇аа.
2120.Anantarasamā matāti idha ‘‘puggalikenā’’ti padaṃ vinā samuṭṭhānādinā saddhiṃ sabbe vinicchayā anantarasikkhāpadasadisā matāti attho. ‘‘Yā pana bhikkhunī aññadatthikena parikkhārena aññuddisikena puggalikenā’’ti hi sikkhāpadaṃ. Puggalikenāti ekabhikkhuniyā pariccattena. ‘‘Kiñcipī’’ti likhanti. ‘‘Kocipī’’ti pāṭho sundaro ‘‘viseso’’ti iminā tulyādhikaraṇattā.
адтаманавамад̣̇асамаани.
Aṭṭhamanavamadasamāni.
батамо ваг̇г̇о.
Paṭhamo vaggo.
2121-2. жад̇д̇аари гам̣саани самаахадаани, жад̇уннам̣ гам̣саанам̣ самаахааро ваа жад̇уггам̣сам̣, жад̇уггам̣сад̇о ад̇ирзгам̣ ад̇ирзгажад̇уггам̣сам̣, д̇зна ад̇ирзгажад̇уггам̣саг̇гханагам̣ баавуран̣амааха, убажаарзна ‘‘ад̇ирзгажад̇уггам̣са’’нд̇и вуд̇д̇ам̣. гам̣сабаримаан̣ам̣ банзд̇т̇а саяамзва вагкад̇и ‘‘гахаабан̣ажад̇уггам̣ д̇у, гам̣со наама бавужжад̇ий’’д̇и. д̇асмаа ад̇ирзгасол̣асагахаабан̣аг̇гханаганд̇и ад̇т̇о. г̇арубаавуран̣анд̇и сийд̇агаалз баарубид̇аб̣б̣абаавуран̣ам̣. жзд̇аабзяяаад̇и вин̃н̃аабзяяа. жад̇д̇аари сажжаани самаахадаани, жад̇уннам̣ ваа сажжаанам̣ самаахааро жад̇усажжам̣, д̇ам̣ багаасзд̇и сийлзнаад̇и жад̇усажжаббагаасий, д̇зна, жад̇уннам̣ арияасажжаанам̣ нид̣̇д̣̇исагзна саммаасамб̣уд̣̇д̇хзна. баяог̇зд̇и ‘‘д̣̇зхий’’д̇и звам̣ вин̃н̃аабанабаяог̇з. лаабхзд̇и бадилаабхз.
2121-2. Cattāri kaṃsāni samāhaṭāni, catunnaṃ kaṃsānaṃ samāhāro vā catukkaṃsaṃ, catukkaṃsato atirekaṃ atirekacatukkaṃsaṃ, tena atirekacatukkaṃsagghanakaṃ pāvuraṇamāha, upacārena ‘‘atirekacatukkaṃsa’’nti vuttaṃ. Kaṃsaparimāṇaṃ panettha sayameva vakkhati ‘‘kahāpaṇacatukkaṃ tu, kaṃso nāma pavuccatī’’ti. Tasmā atirekasoḷasakahāpaṇagghanakanti attho. Garupāvuraṇanti sītakāle pārupitabbapāvuraṇaṃ. Cetāpeyyāti viññāpeyya. Cattāri saccāni samāhaṭāni, catunnaṃ vā saccānaṃ samāhāro catusaccaṃ, taṃ pakāseti sīlenāti catusaccappakāsī, tena, catunnaṃ ariyasaccānaṃ niddisakena sammāsambuddhena. Payogeti ‘‘dehī’’ti evaṃ viññāpanapayoge. Lābheti paṭilābhe.
жад̇уннам̣ самуухо жад̇уггам̣, гахаабан̣аанам̣ жад̇уггам̣ гахаабан̣ажад̇уггам̣. гахаабан̣о жзд̇т̇а д̇ам̣д̇ам̣гаалз, д̇ам̣д̇ам̣бад̣̇зсз жа вохааруубаг̇о г̇ахзд̇аб̣б̣о. имаа вуд̇д̇аббагаараа ниссаг̇г̇ияаавасаанаабад̇д̇ияо ‘‘н̃аад̇агаанан̃жа санд̇агз’’д̇и анаабад̇д̇ивисаяз вагкамаанад̇д̇аа ‘‘яад̣̇аа язна ад̇т̇о, д̇ад̣̇аа д̇ам̣ вад̣̇зяяаат̇аа’’д̇и звам̣ нижжабавааран̣ам̣ агад̇ваа д̇асмим̣ гаалз гисмин̃жи г̇ун̣з басийд̣̇ид̇ваа ‘‘вад̣̇зяяаат̇а язна ад̇т̇о’’д̇и звам̣ баваарид̇адтаанз самбхаванд̇ийд̇и д̣̇адтаб̣б̣аа.
Catunnaṃ samūho catukkaṃ, kahāpaṇānaṃ catukkaṃ kahāpaṇacatukkaṃ. Kahāpaṇo cettha taṃtaṃkāle, taṃtaṃpadese ca vohārūpago gahetabbo. Imā vuttappakārā nissaggiyāvasānāpattiyo ‘‘ñātakānañca santake’’ti anāpattivisaye vakkhamānattā ‘‘yadā yena attho, tadā taṃ vadeyyāthā’’ti evaṃ niccapavāraṇaṃ akatvā tasmiṃ kāle kismiñci guṇe pasīditvā ‘‘vadeyyātha yena attho’’ti evaṃ pavāritaṭṭhāne sambhavantīti daṭṭhabbā.
2123-5. уунагажад̇уггам̣сз ад̇ирзгасан̃н̃аа, аабад̇д̇и д̣̇уггадасса. уунагажад̇уггам̣сз взмад̇игаа, аабад̇д̇и д̣̇уггадассаа’’д̇и вуд̇д̇ад̇д̇аа ааха ‘‘уунагз д̇у жад̇уггам̣сз, уд̣̇д̣̇идтам̣ д̣̇вигад̣̇уггада’’нд̇и. иминаа ‘‘ад̇ирзгажад̇уггам̣сз ад̇ирзгасан̃н̃аа, взмад̇игаа, уунагасан̃н̃аа жзд̇аабзд̇и, ниссаг̇г̇ияам̣ баажид̇д̇ияа’’нд̇и д̇игабаажид̇д̇ияан̃жа д̣̇ассид̇ам̣ ход̇и.
2123-5. Ūnakacatukkaṃse atirekasaññā, āpatti dukkaṭassa. Ūnakacatukkaṃse vematikā, āpatti dukkaṭassā’’ti vuttattā āha ‘‘ūnake tu catukkaṃse, uddiṭṭhaṃ dvikadukkaṭa’’nti. Iminā ‘‘atirekacatukkaṃse atirekasaññā, vematikā, ūnakasaññā cetāpeti, nissaggiyaṃ pācittiya’’nti tikapācittiyañca dassitaṃ hoti.
г̇аруганд̇и г̇арубаавуран̣ам̣. д̇ад̣̇уунам̣ ваад̇и жад̇уггам̣сад̇о уунагам̣ ваа. н̃аад̇агаанан̃жаад̇и зд̇т̇а жа-сад̣̇д̣̇зна баваарид̇аанам̣ сан̇г̇ахо. яат̇ааха анаабад̇д̇иваарз ‘‘н̃аад̇агаанам̣, баваарид̇аана’’нд̇и (баажи. 787). зд̇т̇а жа ‘‘ад̇ирзгажад̇уггам̣самбий’’д̇и вад̇д̇аб̣б̣ам̣ ‘‘д̇ад̣̇уунам̣ ваа’’д̇и иминаа жад̇уггам̣суунасса вуд̇д̇ад̇д̇аа. ‘‘аббамзва ваа’’д̇и иминаа ад̇ирзгажад̇уггам̣сзби махаг̇гхад̇арам̣ вуд̇д̇анд̇и взд̣̇ид̇аб̣б̣ам̣.
Garukanti garupāvuraṇaṃ. Tadūnaṃ vāti catukkaṃsato ūnakaṃ vā. Ñātakānañcāti ettha ca-saddena pavāritānaṃ saṅgaho. Yathāha anāpattivāre ‘‘ñātakānaṃ, pavāritāna’’nti (pāci. 787). Ettha ca ‘‘atirekacatukkaṃsampī’’ti vattabbaṃ ‘‘tadūnaṃ vā’’ti iminā catukkaṃsūnassa vuttattā. ‘‘Appameva vā’’ti iminā atirekacatukkaṃsepi mahagghataraṃ vuttanti veditabbaṃ.
згаад̣̇асамам̣.
Ekādasamaṃ.
2126-7. ‘‘лахубаавуран̣ам̣ бана бхигкунияаа жзд̇аабзнд̇ияаа ад̣дхад̇зяяагам̣сабарамам̣ жзд̇аабзд̇аб̣б̣а’’нд̇и (баажи. 789) важанад̇о лахубаавуран̣анд̇и зд̇т̇а ‘‘жзд̇аабзнд̇ияаа бхигкунияаа’’д̇и жа ад̣дхад̇зяяагам̣саг̇гхананд̇и зд̇т̇а ‘‘жзд̇аабзд̇аб̣б̣а’’нд̇и жа сзсо. лахубаавуран̣анд̇и ун̣хагаалз баавуран̣ам̣. д̇ин̣н̣ам̣ бууран̣о д̇зяяо, ад̣дхо д̇зяяо ассаад̇и ад̣дхад̇зяяо, ад̣дхад̇зяяо жа со гам̣со жаад̇и ад̣дхад̇зяяагам̣со, д̇ам̣ аг̇гхад̇ийд̇и ад̣дхад̇зяяагам̣саг̇гханам̣, д̣̇асагахаабан̣аг̇гханаганд̇и ад̇т̇о. д̇ад̇од̇и ад̣дхад̇зяяагам̣саг̇гханагад̇о. яам̣ бана баавуран̣ам̣ ад̣дхад̇зяяагам̣саг̇гханагам̣, д̇ам̣ лахубаавуран̣ам̣ . д̇ад̇о ад̣дхад̇зяяагам̣саг̇гханагад̇о лахубаавуран̣ад̇о. уд̇д̇аринд̇и ад̇ирзгам̣. ад̣дхад̇зяяагам̣саг̇гханагам̣ яам̣ баавуран̣ам̣ яаа бхигкуний жзд̇аабзд̇и , д̇асса баавуран̣асса бадилаабхз д̇ассаа бхигкунияаа ниссаг̇г̇ияабаажид̇д̇ияаа вуд̇д̇аад̇и яож̇анаа.
2126-7. ‘‘Lahupāvuraṇaṃ pana bhikkhuniyā cetāpentiyā aḍḍhateyyakaṃsaparamaṃ cetāpetabba’’nti (pāci. 789) vacanato lahupāvuraṇanti ettha ‘‘cetāpentiyā bhikkhuniyā’’ti ca aḍḍhateyyakaṃsagghananti ettha ‘‘cetāpetabba’’nti ca seso. Lahupāvuraṇanti uṇhakāle pāvuraṇaṃ. Tiṇṇaṃ pūraṇo teyyo, aḍḍho teyyo assāti aḍḍhateyyo, aḍḍhateyyo ca so kaṃso cāti aḍḍhateyyakaṃso, taṃ agghatīti aḍḍhateyyakaṃsagghanaṃ, dasakahāpaṇagghanakanti attho. Tatoti aḍḍhateyyakaṃsagghanakato. Yaṃ pana pāvuraṇaṃ aḍḍhateyyakaṃsagghanakaṃ, taṃ lahupāvuraṇaṃ . Tato aḍḍhateyyakaṃsagghanakato lahupāvuraṇato. Uttarinti atirekaṃ. Aḍḍhateyyakaṃsagghanakaṃ yaṃ pāvuraṇaṃ yā bhikkhunī cetāpeti , tassa pāvuraṇassa paṭilābhe tassā bhikkhuniyā nissaggiyapācittiyā vuttāti yojanā.
‘‘ананд̇арасамам̣ сзса’’нд̇и ид̣̇ам̣ самад̇т̇зд̇умааха ‘‘над̇т̇и гаажи висзсад̇аа’’д̇и. висзсоязва висзсад̇аа.
‘‘Anantarasamaṃ sesa’’nti idaṃ samatthetumāha ‘‘natthi kāci visesatā’’ti. Visesoyeva visesatā.
д̣̇ваад̣̇асамам̣.
Dvādasamaṃ.
2128. ид̣̇аани баад̇имогкуд̣̇д̣̇зсз ааг̇ад̇зсу самад̇им̣саниссаг̇г̇иязсу гзсан̃жи ад̇д̇ано аважанз гааран̣ан̃жа авуд̇д̇зхи сад̣̇д̇хим̣ вуд̇д̇аанам̣ г̇ахан̣ан̃жа д̣̇ассзд̇умааха ‘‘саад̇хааран̣ааний’’д̇иаад̣̇и. хи яасмаа бхигкунийнам̣ бхигкуухи саад̇хааран̣аани яаани сигкаабад̣̇аани сзсаани ид̇ха вуд̇д̇зхи ан̃н̃аани, д̇аани адтаараса сигкаабад̣̇аани жзва ид̇ха вуд̇д̇асаруубаани д̣̇ваад̣̇аса сигкаабад̣̇аани жзд̇и ижжзвам̣ ниссаг̇г̇ияабаажид̇д̇ияасигкаабад̣̇аани самад̇им̣сзва хонд̇ийд̇и яож̇анаа.
2128. Idāni pātimokkhuddese āgatesu samatiṃsanissaggiyesu kesañci attano avacane kāraṇañca avuttehi saddhiṃ vuttānaṃ gahaṇañca dassetumāha ‘‘sādhāraṇānī’’tiādi. Hi yasmā bhikkhunīnaṃ bhikkhūhi sādhāraṇāni yāni sikkhāpadāni sesāni idha vuttehi aññāni, tāni aṭṭhārasa sikkhāpadāni ceva idha vuttasarūpāni dvādasa sikkhāpadāni ceti iccevaṃ nissaggiyapācittiyasikkhāpadāni samatiṃseva hontīti yojanā.
ид̇и винаяад̇т̇асаарасанд̣̇ийбанияаа винаяавинижчаяаван̣н̣анааяа
Iti vinayatthasārasandīpaniyā vinayavinicchayavaṇṇanāya
ниссаг̇г̇ияагат̇ааван̣н̣анаа нидтид̇аа.
Nissaggiyakathāvaṇṇanā niṭṭhitā.
