A World of Knowledge
    Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā

    3. ниссаг̇г̇ияанид̣̇д̣̇зсаван̣н̣анаа

    3. Nissaggiyaniddesavaṇṇanā

    17. ид̣̇аани жийваравид̇хим̣ д̣̇ассзд̇ум̣ ‘‘вигаббана’’нд̇яаад̣̇имуд̣̇д̇хадам̣. яо бхигку агаалажийварам̣ вигаббанан̃жа ад̇хидтаанан̃жа агад̇ваа д̣̇асаахам̣ ад̇иггаамзд̇и, д̇асса бхигкуно ниссаг̇г̇ияам̣ сияаад̇и бин̣д̣ад̇т̇о. д̇ад̇т̇а агаалажийваранд̇и агаалз жийварам̣, комам̣ габбаасигам̣ госзяяам̣ гамб̣алам̣ саан̣ам̣ бхан̇г̇анд̇и ж̇аад̇ид̇о ча жийвараани, д̣̇угуулам̣ баддун̣н̣ам̣ сомаарабаддам̣ жийнабаддам̣ ид̣̇д̇хиж̇ам̣ д̣̇звад̣̇иннанд̇и имаани бана ча ануломажийвараани. д̇зсу д̣̇угуулам̣ саан̣асса ануломам̣ ваагамаяад̇д̇аа. баддун̣н̣аад̣̇ийни д̇ийн̣и госзяяасса ануломаани баан̣агзхи гад̇асуд̇д̇амаяад̇д̇аа. ид̣̇д̇хиж̇аад̣̇ийни д̣̇ваяаани комаад̣̇ийнам̣ ануломаани д̇зсаман̃н̃ад̇арабхаавад̇о . имзсам̣ чаннам̣ жийвараанам̣ ан̃н̃ад̇арам̣ агаалажийварам̣.

    17. Idāni cīvaravidhiṃ dassetuṃ ‘‘vikappana’’ntyādimuddhaṭaṃ. Yo bhikkhu akālacīvaraṃ vikappanañca adhiṭṭhānañca akatvā dasāhaṃ atikkāmeti, tassa bhikkhuno nissaggiyaṃ siyāti piṇḍattho. Tattha akālacīvaranti akāle cīvaraṃ, khomaṃ kappāsikaṃ koseyyaṃ kambalaṃ sāṇaṃ bhaṅganti jātito cha cīvarāni, dukūlaṃ paṭṭuṇṇaṃ somārapaṭṭaṃ cīnapaṭṭaṃ iddhijaṃ devadinnanti imāni pana cha anulomacīvarāni. Tesu dukūlaṃ sāṇassa anulomaṃ vākamayattā. Paṭṭuṇṇādīni tīṇi koseyyassa anulomāni pāṇakehi katasuttamayattā. Iddhijādīni dvayāni khomādīnaṃ anulomāni tesamaññatarabhāvato . Imesaṃ channaṃ cīvarānaṃ aññataraṃ akālacīvaraṃ.

    вигаббанамад̇хидтаананд̇и зд̇т̇а бана вигаббануубаг̇ам̣ ад̇хидтаануубаг̇ан̃жа звам̣ взд̣̇ид̇аб̣б̣ам̣. д̇ад̇рааяам̣ баал̣и – ‘‘ануж̇аанаами, бхигкавз, ааяаамзна адтан̇г̇улам̣ суг̇ад̇ан̇г̇улзна жад̇уран̇г̇улавид̇т̇ад̇ам̣ бажчимажийварам̣ вигаббзд̇у’’нд̇и (махаава. 358). маж̇жхимасса бурисасса д̣̇ийгхасо д̣̇вз вид̣̇ад̇т̇ияо, д̇ирияам̣ вид̣̇ад̇т̇и. д̣̇вз вигаббанаа саммукаавигаббанаа жа бараммукаавигаббанаа жа. гат̇ам̣? ‘‘имам̣ жийварам̣ д̇уяхам̣ вигаббзмий’’д̇и вад̇д̇аб̣б̣ам̣, аяам̣ саммукаавигаббанаа. ‘‘маяхам̣ санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и, згасса санд̇игз ‘‘имам̣ жийварам̣ д̇иссасса бхигкуно вигаббзмий’’д̇и вад̇д̇аб̣б̣ам̣, аяам̣ абарааби саммукаавигаббанаа. д̇зна бхигкунаа ‘‘д̇иссасса бхигкуно санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и, ‘‘имам̣ жийварам̣ д̇уяхам̣ вигаббанад̇т̇ааяа д̣̇аммий’’д̇и вад̇д̇аб̣б̣ам̣, д̇зна вад̇д̇аб̣б̣о ‘‘го д̇з мид̇д̇о ваа санд̣̇идто ваа самбхад̇д̇о ваа’’д̇и, д̇ад̇о ид̇арзна ‘‘д̇иссо бхигкуу’’д̇и вад̇д̇аб̣б̣ам̣, буна д̇зна ‘‘ахам̣ д̇иссасса бхигкуно д̣̇аммий’’д̇и вад̇д̇аб̣б̣ам̣, аяам̣ бараммукаавигаббанаа. ‘‘д̇иссасса бхигкуно санд̇агам̣ барибхун̃ж̇а ваа виссаж̇ж̇зхи ваа яат̇аабажжаяам̣ ваа гарохий’’д̇и вуд̇д̇з бажжуд̣̇д̇хааро наама ход̇и. б̣ахугз ‘‘имааний’’д̇и, ахад̇т̇абаасз ‘‘зд̇ам̣, зд̇ааний’’д̇и ваа. звам̣ вигаббанан̃жа агад̇ваад̇и ад̇т̇о.

    Vikappanamadhiṭṭhānanti ettha pana vikappanūpagaṃ adhiṭṭhānūpagañca evaṃ veditabbaṃ. Tatrāyaṃ pāḷi – ‘‘anujānāmi, bhikkhave, āyāmena aṭṭhaṅgulaṃ sugataṅgulena caturaṅgulavitthataṃ pacchimacīvaraṃ vikappetu’’nti (mahāva. 358). Majjhimassa purisassa dīghaso dve vidatthiyo, tiriyaṃ vidatthi. Dve vikappanā sammukhāvikappanā ca parammukhāvikappanā ca. Kathaṃ? ‘‘Imaṃ cīvaraṃ tuyhaṃ vikappemī’’ti vattabbaṃ, ayaṃ sammukhāvikappanā. ‘‘Mayhaṃ santakaṃ paribhuñja vā vissajjehi vā yathāpaccayaṃ vā karohī’’ti, ekassa santike ‘‘imaṃ cīvaraṃ tissassa bhikkhuno vikappemī’’ti vattabbaṃ, ayaṃ aparāpi sammukhāvikappanā. Tena bhikkhunā ‘‘tissassa bhikkhuno santakaṃ paribhuñja vā vissajjehi vā yathāpaccayaṃ vā karohī’’ti, ‘‘imaṃ cīvaraṃ tuyhaṃ vikappanatthāya dammī’’ti vattabbaṃ, tena vattabbo ‘‘ko te mitto vā sandiṭṭho vā sambhatto vā’’ti, tato itarena ‘‘tisso bhikkhū’’ti vattabbaṃ, puna tena ‘‘ahaṃ tissassa bhikkhuno dammī’’ti vattabbaṃ, ayaṃ parammukhāvikappanā. ‘‘Tissassa bhikkhuno santakaṃ paribhuñja vā vissajjehi vā yathāpaccayaṃ vā karohī’’ti vutte paccuddhāro nāma hoti. Bahuke ‘‘imānī’’ti, ahatthapāse ‘‘etaṃ, etānī’’ti vā. Evaṃ vikappanañca akatvāti attho.

    д̇ижийварасса бана бамаан̣ам̣ уггадтабарижчзд̣̇зна суг̇ад̇ажийварад̇о уунагам̣ ваддад̇и, лаамагабарижчзд̣̇зна сан̇гхаадияаа, уд̇д̇араасан̇г̇асса жа д̣̇ийгхад̇о мудтибан̃жагам̣, д̇ирияам̣ мудтид̇д̇игам̣, анд̇араваасаго д̣̇ийгхад̇о мудтибан̃жаго, д̇ирияам̣ д̣̇вихад̇т̇оби ад̣дхад̇зяяо ваа ваддад̇и. вуд̇д̇аббамаан̣ад̇о ад̇хиган̃жа уунаган̃жа ‘‘баригкааражол̣а’’нд̇и ад̇хидтаад̇аб̣б̣ам̣. д̣̇вз жийварасса ад̇хидтаанаа гааязна ваа ад̇хидтзд̇и, ваажааяа ваа ад̇хидтзд̇и. д̇ижийварам̣ ад̇хидтаханд̇зна раж̇ид̇ваа габбаб̣инд̣̇ум̣ д̣̇ад̇ваа бураан̣асан̇гхаадим̣ ‘‘имам̣ сан̇гхаадим̣ бажжуд̣̇д̇хараамий’’д̇и бажжуд̣̇д̇харид̇ваа навам̣ сан̇гхаадим̣ хад̇т̇зна г̇ахзд̇ваа ‘‘имам̣ сан̇гхаадим̣ ад̇хидтаамий’’д̇и жид̇д̇зна аабхог̇ам̣ гад̇ваа гааяавигаарам̣ гаронд̇зна гааязна ад̇хидтаад̇аб̣б̣аа, ид̣̇ам̣ гааязна ад̇хидтаанам̣. д̇ам̣ язна гзнажи сарийрааваяавзна апусанд̇асса на ваддад̇и. ваажааяа ад̇хидтаанам̣ бана важийбхзд̣̇ам̣ гад̇ваа ваажааяа ад̇хидтаад̇аб̣б̣ам̣, сажз хад̇т̇абаасз ‘‘имам̣ сан̇гхаадим̣ ад̇хидтаамий’’д̇и, сажз ахад̇т̇абаасз табид̇адтаанам̣ саллагкзд̇ваа ‘‘зд̇ам̣ сан̇гхаадим̣ ад̇хидтаамий’’д̇и ваажаа бхинд̣̇ид̇аб̣б̣аа . зса наяо уд̇д̇араасан̇г̇з, анд̇араваасагз жа. д̇ижийвараад̣̇ийни саб̣б̣аани згад̇о гад̇ваа ‘‘имаани жийвараани баригкааражол̣аани ад̇хидтаамий’’д̇и ад̇хидтаад̇умби ваддад̇ийд̇и. звам̣ ад̇хидтаанан̃жа агад̇ваад̇и ад̇т̇о.

    Ticīvarassa pana pamāṇaṃ ukkaṭṭhaparicchedena sugatacīvarato ūnakaṃ vaṭṭati, lāmakaparicchedena saṅghāṭiyā, uttarāsaṅgassa ca dīghato muṭṭhipañcakaṃ, tiriyaṃ muṭṭhittikaṃ, antaravāsako dīghato muṭṭhipañcako, tiriyaṃ dvihatthopi aḍḍhateyyo vā vaṭṭati. Vuttappamāṇato adhikañca ūnakañca ‘‘parikkhāracoḷa’’nti adhiṭṭhātabbaṃ. Dve cīvarassa adhiṭṭhānā kāyena vā adhiṭṭheti, vācāya vā adhiṭṭheti. Ticīvaraṃ adhiṭṭhahantena rajitvā kappabinduṃ datvā purāṇasaṅghāṭiṃ ‘‘imaṃ saṅghāṭiṃ paccuddharāmī’’ti paccuddharitvā navaṃ saṅghāṭiṃ hatthena gahetvā ‘‘imaṃ saṅghāṭiṃ adhiṭṭhāmī’’ti cittena ābhogaṃ katvā kāyavikāraṃ karontena kāyena adhiṭṭhātabbā, idaṃ kāyena adhiṭṭhānaṃ. Taṃ yena kenaci sarīrāvayavena aphusantassa na vaṭṭati. Vācāya adhiṭṭhānaṃ pana vacībhedaṃ katvā vācāya adhiṭṭhātabbaṃ, sace hatthapāse ‘‘imaṃ saṅghāṭiṃ adhiṭṭhāmī’’ti, sace ahatthapāse ṭhapitaṭṭhānaṃ sallakkhetvā ‘‘etaṃ saṅghāṭiṃ adhiṭṭhāmī’’ti vācā bhinditabbā . Esa nayo uttarāsaṅge, antaravāsake ca. Ticīvarādīni sabbāni ekato katvā ‘‘imāni cīvarāni parikkhāracoḷāni adhiṭṭhāmī’’ti adhiṭṭhātumpi vaṭṭatīti. Evaṃ adhiṭṭhānañca akatvāti attho.

    д̣̇аса ахаани д̣̇асаахам̣. ад̇имаабзд̇ийд̇и ад̇иггаамзд̇и. д̇ассаад̇и д̇асса бхигкуно. ниссаг̇г̇ияанд̇и ниссаж̇ж̇анам̣ ниссаг̇г̇ияам̣, буб̣б̣абхааг̇з гад̇д̇аб̣б̣асса винаяагаммассзд̇ам̣ наамам̣, ниссаг̇г̇ияамасса ад̇т̇ийд̇и ниссаг̇г̇ияам̣, гим̣ д̇ам̣? баажид̇д̇ияам̣, д̇ам̣ ад̇иггаамаяад̇о саханиссаг̇г̇ияавинаяагаммам̣ баажид̇д̇ияам̣ сияаа, аяамзд̇т̇а ад̇т̇о. д̇ам̣ банзд̇ам̣ жийварам̣ яам̣ д̣̇ивасам̣ уббаннам̣, д̇асса яо арун̣о, со уббаннад̣̇ивасаниссид̇о, д̇асмаа жийваруббаад̣̇ад̣̇ивасзна сад̣̇д̇хим̣ згаад̣̇асз арун̣уг̇г̇аманз д̣̇асаахаад̇иггамид̇ам̣ ход̇ийд̇и. жийварасса ад̇д̇ано санд̇агад̇аа, ж̇аад̇иббамаан̣аяуд̇д̇ад̇аа, чиннабалиб̣од̇хабхааво, ад̇ирзгажийварад̇аа, д̣̇асаахаад̇иггамод̇и имаанзд̇т̇а бан̃жа ан̇г̇аани. батамагат̇инасигкаабад̣̇ам̣.

    Dasa ahāni dasāhaṃ. Atimāpetīti atikkāmeti. Tassāti tassa bhikkhuno. Nissaggiyanti nissajjanaṃ nissaggiyaṃ, pubbabhāge kattabbassa vinayakammassetaṃ nāmaṃ, nissaggiyamassa atthīti nissaggiyaṃ, kiṃ taṃ? Pācittiyaṃ, taṃ atikkāmayato sahanissaggiyavinayakammaṃ pācittiyaṃ siyā, ayamettha attho. Taṃ panetaṃ cīvaraṃ yaṃ divasaṃ uppannaṃ, tassa yo aruṇo, so uppannadivasanissito, tasmā cīvaruppādadivasena saddhiṃ ekādase aruṇuggamane dasāhātikkamitaṃ hotīti. Cīvarassa attano santakatā, jātippamāṇayuttatā, chinnapalibodhabhāvo, atirekacīvaratā, dasāhātikkamoti imānettha pañca aṅgāni. Paṭhamakathinasikkhāpadaṃ.

    18. ид̣̇аани д̣̇уд̇ияам̣ д̣̇ассзд̇ум̣ ‘‘бхигкусаммуд̇ияаа’’д̇яаад̣̇имаарад̣̇д̇хам̣. яо бхигкусаммуд̇им̣ важ̇ж̇зд̇ваа гаалан̃жа винаа ад̇хидтид̇ам̣ д̇ижийварам̣ згаахам̣ ад̇иггамаабзд̇и, д̇асса ниссаг̇г̇ияам̣ сияаад̇и самб̣анд̇хо. д̇ад̇т̇а бхигкусаммуд̇ияаан̃н̃ад̇раад̇и яам̣ сан̇гхо г̇илаанасса бхигкуно д̇ижийварзна виббаваасасаммуд̇им̣ д̣̇зд̇и , д̇ам̣ табзд̇ваа. д̇ижийварамад̇хидтид̇анд̇и гаран̣ад̇т̇з убаяог̇аважанам̣, д̇зна д̇ижийвараад̇хидтаананаязна ад̇хидтид̇зсу сан̇гхаадиаад̣̇ийсу язна гзнажи жийварзна. згааханд̇и згарад̇д̇ам̣. ад̇имаабзд̇ийд̇и виббавасад̇и, вияуд̇д̇о васад̇ийд̇и ад̇т̇о. д̇асса алад̣̇д̇хасаммуд̇игасса бхигкуно згарад̇д̇амби жийварзна виббаваасад̇о ниссаг̇г̇ияам̣ баажид̇д̇ияам̣ сияаад̇и ад̇т̇о. самаяам̣ винаад̇и жийварагаалам̣ важ̇ж̇зд̇ваа. ад̇хидтид̇ажийварад̇аа, анад̇т̇ад̇агат̇инад̇аа, алад̣̇д̇хасаммуд̇ид̇аа, рад̇д̇ивиббаваасод̇и имаанзд̇т̇а жад̇д̇аари ан̇г̇аани. д̣̇уд̇ияагат̇инасигкаабад̣̇ам̣.

    18. Idāni dutiyaṃ dassetuṃ ‘‘bhikkhusammutiyā’’tyādimāraddhaṃ. Yo bhikkhusammutiṃ vajjetvā kālañca vinā adhiṭṭhitaṃ ticīvaraṃ ekāhaṃ atikkamāpeti, tassa nissaggiyaṃ siyāti sambandho. Tattha bhikkhusammutiyāññatrāti yaṃ saṅgho gilānassa bhikkhuno ticīvarena vippavāsasammutiṃ deti , taṃ ṭhapetvā. Ticīvaramadhiṭṭhitanti karaṇatthe upayogavacanaṃ, tena ticīvarādhiṭṭhānanayena adhiṭṭhitesu saṅghāṭiādīsu yena kenaci cīvarena. Ekāhanti ekarattaṃ. Atimāpetīti vippavasati, viyutto vasatīti attho. Tassa aladdhasammutikassa bhikkhuno ekarattampi cīvarena vippavāsato nissaggiyaṃ pācittiyaṃ siyāti attho. Samayaṃ vināti cīvarakālaṃ vajjetvā. Adhiṭṭhitacīvaratā, anatthatakathinatā, aladdhasammutitā, rattivippavāsoti imānettha cattāri aṅgāni. Dutiyakathinasikkhāpadaṃ.

    19. ид̣̇аани бураан̣ажийварам̣ д̣̇ассзд̇ум̣ ‘‘ан̃н̃аад̇игаа’’д̇яаад̣̇и аарад̣̇д̇хам̣. д̇ад̇т̇а ан̃н̃аад̇игаад̇и ан̃н̃аад̇игааяа ‘‘бадисан̇каа яонисо’’д̇иаад̣̇ийсу вияа, ан̃н̃аад̇игааяа нзва маад̇усамб̣анд̇хзна на бид̇усамб̣анд̇хзна самб̣ад̣̇д̇хааяаад̇и вуд̇д̇ам̣ ход̇и. бхигкунияаад̇и адтаваажигагаммзна убасамбаннааяа. аагодаабзд̇ийд̇и бахараабзд̇и. д̇анд̇и ниссаг̇г̇ияам̣ баажид̇д̇ияам̣ бхавзяяаад̇и ад̇т̇о. бураан̣ажийварад̇аа, убажаарз тад̇ваа ан̃н̃аад̇игааяа бхигкунияаа аан̣аабанам̣, д̇ассаа д̇хованаад̣̇ийни жаад̇и имаанзд̇т̇а д̇ийн̣и ан̇г̇аани. бураан̣ажийварасигкаабад̣̇ам̣.

    19. Idāni purāṇacīvaraṃ dassetuṃ ‘‘aññātikā’’tyādi āraddhaṃ. Tattha aññātikāti aññātikāya ‘‘paṭisaṅkhā yoniso’’tiādīsu viya, aññātikāya neva mātusambandhena na pitusambandhena sambaddhāyāti vuttaṃ hoti. Bhikkhuniyāti aṭṭhavācikakammena upasampannāya. Ākoṭāpetīti paharāpeti. Tanti nissaggiyaṃ pācittiyaṃ bhaveyyāti attho. Purāṇacīvaratā, upacāre ṭhatvā aññātikāya bhikkhuniyā āṇāpanaṃ, tassā dhovanādīni cāti imānettha tīṇi aṅgāni. Purāṇacīvarasikkhāpadaṃ.

    20. гин̃жи муулаганд̇и гин̃жи баабхад̇ам̣. жийвараад̣̇аанзд̇и жийварасса аад̣̇аанз жийвараббадиг̇г̇ахан̣з. вигаббануубаг̇ажийварад̇аа, бааривад̇д̇агаабхааво, ан̃н̃аад̇игааяа хад̇т̇ад̇о г̇ахан̣анд̇и имаанзд̇т̇а д̇ийн̣и ан̇г̇аани. жийвараббадиг̇г̇ахан̣асигкаабад̣̇ам̣.

    20.Kiñci mūlakanti kiñci pābhataṃ. Cīvarādāneti cīvarassa ādāne cīvarappaṭiggahaṇe. Vikappanūpagacīvaratā, pārivattakābhāvo, aññātikāya hatthato gahaṇanti imānettha tīṇi aṅgāni. Cīvarappaṭiggahaṇasikkhāpadaṃ.

    21. аббаваарид̇анд̇и ‘‘вад̣̇зяяаат̇а, бханд̇з, язна ад̇т̇о’’д̇и ижчаабид̇ам̣ ижчам̣ ружим̣ уббаад̣̇ид̇ам̣, на баваарид̇анд̇и аббаваарид̇ам̣. вин̃н̃аабзнд̇ассаад̇и яаажанд̇асса. ан̃н̃ад̇ра самаяаад̇и надтажийварагаалам̣ табзд̇ваа. вигаббануубаг̇ажийварад̇аа, самаяаабхааво, ан̃н̃аад̇агавин̃н̃ад̇д̇и, д̇ааяа жа бадилаабход̇и имаанзд̇т̇а жад̇д̇аари ан̇г̇аани. ан̃н̃аад̇агавин̃н̃ад̇д̇исигкаабад̣̇ам̣.

    21.Appavāritanti ‘‘vadeyyātha, bhante, yena attho’’ti icchāpitaṃ icchaṃ ruciṃ uppāditaṃ, na pavāritanti appavāritaṃ. Viññāpentassāti yācantassa. Aññatra samayāti naṭṭhacīvarakālaṃ ṭhapetvā. Vikappanūpagacīvaratā, samayābhāvo, aññātakaviññatti, tāya ca paṭilābhoti imānettha cattāri aṅgāni. Aññātakaviññattisikkhāpadaṃ.

    22. раж̇ад̇анд̇и руубияам̣. ж̇аад̇аруубанд̇и суван̣н̣ам̣. маасаганд̇и д̇аяо маасагаа лохамаасаго д̣̇аарумаасаго ж̇ад̇умаасагод̇и. д̇ад̇т̇а лохамаасагод̇и д̇амб̣алохаад̣̇ийхи гад̇амаасаго. д̣̇аарумаасагод̇и саарад̣̇аарунаа ваа взл̣убзсигааяа ваа анд̇амасо д̇аалабан̣н̣знаби руубам̣ чинд̣̇ид̇ваа гад̇амаасаго. ж̇ад̇умаасагод̇и лаакааяа ваа нияяаасзна ваа руубам̣ самудтаабзд̇ваа гад̇амаасаго. гахаабан̣анд̇и суван̣н̣амаяам̣ ваа руубияамаяам̣ ваа баагад̇игам̣ ваа. г̇ан̣хзяяаад̇и ад̇д̇ано ад̇т̇ааяа д̣̇ийяамаанам̣ ваа гад̇т̇ажи тид̇ам̣ ваа ниббариг̇г̇ахам̣ д̣̇исваа саяам̣ г̇ан̣хзяяа. г̇ан̣хаабзяяаад̇и д̇ад̣̇зва ан̃н̃зна г̇аахаабзяяа. ниссаг̇г̇ийд̇и г̇ахан̣аад̣̇ийсу яам̣ гин̃жи гаронд̇асса агханаб̣ад̣̇д̇хзсу вад̇т̇уг̇ан̣анааяа ниссаг̇г̇и сияаад̇и ад̇т̇о. саад̣̇иязяяа ваад̇и гааяаваажаахи аббадигкибид̇ваа жид̇д̇зна ад̇хиваасзяяа. ж̇аад̇аруубараж̇ад̇абхааво, ад̇д̇уд̣̇д̣̇зсигад̇аа, г̇ахан̣аад̣̇ийсу ан̃н̃ад̇арабхаавод̇и имаанзд̇т̇а д̇ийн̣и ан̇г̇аани. руубияаббадиг̇г̇ахан̣асигкаабад̣̇ам̣.

    22.Rajatanti rūpiyaṃ. Jātarūpanti suvaṇṇaṃ. Māsakanti tayo māsakā lohamāsako dārumāsako jatumāsakoti. Tattha lohamāsakoti tambalohādīhi katamāsako. Dārumāsakoti sāradārunā vā veḷupesikāya vā antamaso tālapaṇṇenapi rūpaṃ chinditvā katamāsako. Jatumāsakoti lākhāya vā niyyāsena vā rūpaṃ samuṭṭhāpetvā katamāsako. Kahāpaṇanti suvaṇṇamayaṃ vā rūpiyamayaṃ vā pākatikaṃ vā. Gaṇheyyāti attano atthāya dīyamānaṃ vā katthaci ṭhitaṃ vā nippariggahaṃ disvā sayaṃ gaṇheyya. Gaṇhāpeyyāti tadeva aññena gāhāpeyya. Nissaggīti gahaṇādīsu yaṃ kiñci karontassa aghanabaddhesu vatthugaṇanāya nissaggi siyāti attho. Sādiyeyya vāti kāyavācāhi appaṭikkhipitvā cittena adhivāseyya. Jātarūparajatabhāvo, attuddesikatā, gahaṇādīsu aññatarabhāvoti imānettha tīṇi aṅgāni. Rūpiyappaṭiggahaṇasikkhāpadaṃ.

    23. раж̇ад̇аад̣̇ижад̇уб̣б̣ид̇хам̣ агаббияам̣ габбиязнааби баривад̇д̇зяяа сахад̇хаммигз табзд̇ваа, ниссаг̇г̇ияам̣ сияаад̇и самб̣анд̇хо. д̇ад̇т̇а агаббияанд̇и агаббияавад̇т̇ум̣. габбиязнаад̇и габбияавад̇т̇унаа. сахад̇хаммигзд̇и бхигкубхигкунисааман̣зрасааман̣зрисигкамаанасан̇каад̇з бан̃жа сахад̇хаммигз. руубияабхааво, баривад̇д̇анан̃жаад̇и имаанзд̇т̇а д̣̇вз ан̇г̇аани. руубияабаривад̇д̇анасигкаабад̣̇ам̣.

    23. Rajatādicatubbidhaṃ akappiyaṃ kappiyenāpi parivatteyya sahadhammike ṭhapetvā, nissaggiyaṃ siyāti sambandho. Tattha akappiyanti akappiyavatthuṃ. Kappiyenāti kappiyavatthunā. Sahadhammiketi bhikkhubhikkhunisāmaṇerasāmaṇerisikkhamānasaṅkhāte pañca sahadhammike. Rūpiyabhāvo, parivattanañcāti imānettha dve aṅgāni. Rūpiyaparivattanasikkhāpadaṃ.

    24. ‘‘имам̣ бад̇д̇ам̣ д̇уяхам̣ вигаббзмий’’д̇иаад̣̇инаа вигаббанан̃жа ‘‘имам̣ бад̇д̇ам̣ ад̇хидтаамий’’д̇иаад̣̇инаа ад̇хидтаанан̃жа агад̇ваад̇и ад̇т̇о. бамаан̣иганд̇и зд̇т̇ааяам̣ винижчаяо – анубахад̇абураан̣асаалид̇ан̣д̣улаанам̣ сугоддид̇абарисуд̣̇д̇хаанам̣ д̣̇вз маг̇ад̇ханаал̣ияо г̇ахзд̇ваа д̇зхи д̇ан̣д̣улзхи ануд̇д̇ан̣д̣уламагилиннамабин̣д̣ид̇ам̣ сувисад̣̇ам̣ гунд̣̇амагул̣араасисад̣̇исам̣ авассаавид̇од̣̇анам̣ бажид̇ваа ниравасзсам̣ бад̇д̇з багкибид̇ваа д̇асса од̣̇анасса жад̇уд̇т̇абхааг̇аббамаан̣о наад̇игхано наад̇ид̇ануго хад̇т̇ахаарияо саб̣б̣асамбхаарасан̇кад̇о муг̇г̇асуубо багкибид̇аб̣б̣о, д̇ад̇о аалобасса ануруубам̣ яааважаримаалобаббахонагам̣ мажчамам̣саад̣̇иб̣яан̃ж̇анам̣ багкибид̇аб̣б̣ам̣. саббид̇злад̇аггарасаган̃ж̇игаад̣̇ийни бана аг̇ан̣ануубаг̇аани хонд̇и. д̇аани хи од̣̇анаг̇ад̇игаани нзва хаабзд̇ум̣, на вад̣дхзд̇ум̣ саггонд̇и. звамзд̇ам̣ саб̣б̣амби багкид̇д̇ам̣ сажз бана бад̇д̇асса мукаваддияаа хздтимарааж̇исамам̣ д̇идтад̇и, суд̇д̇зна ваа хийрзна ваа чинд̣̇анд̇асса суд̇д̇асса ваа хийрасса ваа хздтиманд̇ам̣ пусад̇и, аяам̣ уггадто наама бад̇д̇о. сажз д̇ам̣ рааж̇им̣ ад̇иггамма т̇уубийгад̇ам̣ д̇идтад̇и, аяам̣ уггадтомаго наама бад̇д̇о. сажз д̇ам̣ рааж̇им̣ на самбаабун̣аад̇и, анд̇ог̇ад̇амзва ход̇и, аяам̣ уггадтуггадто наама. уггадтад̇о убад̣дхаббамаан̣о маж̇жхимо. маж̇жхимад̇о убад̣дхаббамаан̣о омаго. д̇зсамби вуд̇д̇анаязнзва бабхзд̣̇о взд̣̇ид̇аб̣б̣о. ижжзд̇зсу уггадтуггадто жа омагомаго жаад̇и д̣̇вз абад̇д̇аа, сзсаа сад̇д̇а бад̇д̇аа бамаан̣аяуд̇д̇аа наамаад̇и звам̣ бамаан̣зна яуд̇д̇о бамаан̣иго, д̇ам̣ бамаан̣игам̣. бад̇д̇анд̇и сад̇д̇асу бад̇д̇зсу ан̃н̃ад̇арам̣ бад̇д̇ам̣. бад̇д̇асса ад̇д̇ано санд̇агад̇аа, бамаан̣аяуд̇д̇ад̇аа, ад̇хидтаануубаг̇ад̇аа, ад̇ирзгабад̇д̇ад̇аа, д̣̇асаахаад̇иггамод̇и имаанзд̇т̇а бан̃жа ан̇г̇аани. батамабад̇д̇асигкаабад̣̇ам̣.

    24. ‘‘Imaṃ pattaṃ tuyhaṃ vikappemī’’tiādinā vikappanañca ‘‘imaṃ pattaṃ adhiṭṭhāmī’’tiādinā adhiṭṭhānañca akatvāti attho. Pamāṇikanti etthāyaṃ vinicchayo – anupahatapurāṇasālitaṇḍulānaṃ sukoṭṭitaparisuddhānaṃ dve magadhanāḷiyo gahetvā tehi taṇḍulehi anuttaṇḍulamakilinnamapiṇḍitaṃ suvisadaṃ kundamakuḷarāsisadisaṃ avassāvitodanaṃ pacitvā niravasesaṃ patte pakkhipitvā tassa odanassa catutthabhāgappamāṇo nātighano nātitanuko hatthahāriyo sabbasambhārasaṅkhato muggasūpo pakkhipitabbo, tato ālopassa anurūpaṃ yāvacarimālopappahonakaṃ macchamaṃsādibyañjanaṃ pakkhipitabbaṃ. Sappitelatakkarasakañjikādīni pana agaṇanūpagāni honti. Tāni hi odanagatikāni neva hāpetuṃ, na vaḍḍhetuṃ sakkonti. Evametaṃ sabbampi pakkhittaṃ sace pana pattassa mukhavaṭṭiyā heṭṭhimarājisamaṃ tiṭṭhati, suttena vā hīrena vā chindantassa suttassa vā hīrassa vā heṭṭhimantaṃ phusati, ayaṃ ukkaṭṭho nāma patto. Sace taṃ rājiṃ atikkamma thūpīkataṃ tiṭṭhati, ayaṃ ukkaṭṭhomako nāma patto. Sace taṃ rājiṃ na sampāpuṇāti, antogatameva hoti, ayaṃ ukkaṭṭhukkaṭṭho nāma. Ukkaṭṭhato upaḍḍhappamāṇo majjhimo. Majjhimato upaḍḍhappamāṇo omako. Tesampi vuttanayeneva pabhedo veditabbo. Iccetesu ukkaṭṭhukkaṭṭho ca omakomako cāti dve apattā, sesā satta pattā pamāṇayuttā nāmāti evaṃ pamāṇena yutto pamāṇiko, taṃ pamāṇikaṃ. Pattanti sattasu pattesu aññataraṃ pattaṃ. Pattassa attano santakatā, pamāṇayuttatā, adhiṭṭhānūpagatā, atirekapattatā, dasāhātikkamoti imānettha pañca aṅgāni. Paṭhamapattasikkhāpadaṃ.

    25. яо бхигку бан̃жаб̣анд̇ханад̇о уунабад̇д̇з сад̇и барам̣ бана навам̣ бад̇д̇ам̣ вин̃н̃аабзд̇и, д̇ассаби бхигкуно ниссаг̇г̇ияам̣ сияаад̇и самб̣анд̇хо. д̇ад̇т̇а баранд̇и ан̃н̃ам̣, ‘‘навам̣ бад̇д̇а’’нд̇иминаа д̇уляаад̇хигаран̣ам̣. ад̇хидтаануубаг̇абад̇д̇асса уунабан̃жаб̣анд̇ханад̇аа, ад̇д̇уд̣̇д̣̇зсигад̇аа, гад̇авин̃н̃ад̇д̇и, д̇ааяа жа бадилаабход̇и имаанзд̇т̇а жад̇д̇аари ан̇г̇аани. уунабан̃жаб̣анд̇ханасигкаабад̣̇ам̣.

    25. Yo bhikkhu pañcabandhanato ūnapatte sati paraṃ pana navaṃ pattaṃ viññāpeti, tassapi bhikkhuno nissaggiyaṃ siyāti sambandho. Tattha paranti aññaṃ, ‘‘navaṃ patta’’ntiminā tulyādhikaraṇaṃ. Adhiṭṭhānūpagapattassa ūnapañcabandhanatā, attuddesikatā, kataviññatti, tāya ca paṭilābhoti imānettha cattāri aṅgāni. Ūnapañcabandhanasikkhāpadaṃ.

    26. яо саббид̇злаад̣̇игам̣ бана бхзсаж̇ж̇ам̣ бадиг̇г̇ахзд̇ваа сад̇д̇аахабарамам̣ саннид̇хигаарагам̣ бхун̃ж̇анд̇о сад̇д̇аахам̣ ад̇иггаамзд̇и , д̇асса ниссаг̇г̇ияам̣ сияаад̇и ад̇т̇о. д̇ад̇т̇а саббид̇злаад̣̇иганд̇и зд̇т̇а аад̣̇и-сад̣̇д̣̇о наванийд̇амад̇хупаан̣ид̇ам̣ сан̇г̇ан̣хаад̇и. д̇ад̇т̇а сабби наама г̇аваад̣̇ийнам̣ сабби, язсам̣ мам̣сам̣ габбад̇и, д̇зсам̣ сабби, д̇ат̇аа наванийд̇ам̣. д̇злам̣ наама д̇иласаасабамад̇хугазран̣д̣авасаад̣̇ийхи ниб̣б̣ад̇д̇ам̣. мад̇ху наама магкигаамад̇хумзва. ужчурасам̣ убаад̣̇ааяа бана абаггаа ваа авад̇т̇угабаггаа ваа саб̣б̣ааби ужчувигад̇и паан̣ид̇анд̇и взд̣̇ид̇аб̣б̣ам̣. бхзсаж̇ж̇авид̇хаанасигкаабад̣̇ам̣.

    26. Yo sappitelādikaṃ pana bhesajjaṃ paṭiggahetvā sattāhaparamaṃ sannidhikārakaṃ bhuñjanto sattāhaṃ atikkāmeti , tassa nissaggiyaṃ siyāti attho. Tattha sappitelādikanti ettha ādi-saddo navanītamadhuphāṇitaṃ saṅgaṇhāti. Tattha sappi nāma gavādīnaṃ sappi, yesaṃ maṃsaṃ kappati, tesaṃ sappi, tathā navanītaṃ. Telaṃ nāma tilasāsapamadhukaeraṇḍavasādīhi nibbattaṃ. Madhu nāma makkhikāmadhumeva. Ucchurasaṃ upādāya pana apakkā vā avatthukapakkā vā sabbāpi ucchuvikati phāṇitanti veditabbaṃ. Bhesajjavidhānasikkhāpadaṃ.

    27. бхигкусса жийварам̣ д̣̇ад̇ваа буна д̇ам̣ жийварам̣ сагасан̃н̃ааяа ажчинд̣̇анд̇асса ваа ажчинд̣̇аабаяад̇оби ваа ниссаг̇г̇ияам̣ сияаад̇и яож̇анаа. д̇ад̇т̇а д̣̇ад̇ваад̇и взяяааважжаад̣̇ийни бажжаасийсамаано д̣̇ад̇ваа. ажчинд̣̇анд̇ассаад̇и взяяааважжаад̣̇ийни агаронд̇ам̣ д̣̇исваа б̣алаггаарзна г̇ан̣ханд̇асса, д̇ат̇аа ажчинд̣̇аабаяад̇од̇и. вигаббануубаг̇ажийварад̇аа, саамам̣д̣̇иннад̇аа, сагасан̃н̃ид̇аа, убасамбаннад̇аа, год̇хавасзна ажчинд̣̇анам̣ ваа ажчинд̣̇аабанам̣ ваад̇и имаанзд̇т̇а бан̃жа ан̇г̇аани. ажчинд̣̇анасигкаабад̣̇ам̣.

    27. Bhikkhussa cīvaraṃ datvā puna taṃ cīvaraṃ sakasaññāya acchindantassa vā acchindāpayatopi vā nissaggiyaṃ siyāti yojanā. Tattha datvāti veyyāvaccādīni paccāsīsamāno datvā. Acchindantassāti veyyāvaccādīni akarontaṃ disvā balakkārena gaṇhantassa, tathā acchindāpayatoti. Vikappanūpagacīvaratā, sāmaṃdinnatā, sakasaññitā, upasampannatā, kodhavasena acchindanaṃ vā acchindāpanaṃ vāti imānettha pañca aṅgāni. Acchindanasikkhāpadaṃ.

    28. аббаваарид̇ам̣ ан̃н̃аад̇им̣ г̇ахабад̇им̣ суд̇д̇ам̣ яаажид̇ваа н̃аад̇иббаваарид̇з важ̇ж̇зд̇ваа д̇анд̇авааязхи жийварам̣ вааяаабзнд̇асса ниссаг̇г̇ияам̣ сияаад̇и бин̣д̣ад̇т̇о. д̇ад̇т̇а суд̇д̇анд̇и чаб̣б̣ид̇хам̣ комасуд̇д̇аад̣̇игам̣ ваа д̇зсам̣ ануломам̣ ваа. яаажияаад̇и жийварад̇т̇ааяа яаажид̇ваа. жийварад̇т̇ааяа вин̃н̃аабид̇асуд̇д̇ам̣, ад̇д̇уд̣̇д̣̇зсигад̇аа, агаббияад̇анд̇авааязна агаббияавин̃н̃ад̇д̇ияаа вааяаабананд̇и имаанзд̇т̇а д̇ийн̣и ан̇г̇аани. суд̇д̇авин̃н̃ад̇д̇исигкаабад̣̇ам̣.

    28. Appavāritaṃ aññātiṃ gahapatiṃ suttaṃ yācitvā ñātippavārite vajjetvā tantavāyehi cīvaraṃ vāyāpentassa nissaggiyaṃ siyāti piṇḍattho. Tattha suttanti chabbidhaṃ khomasuttādikaṃ vā tesaṃ anulomaṃ vā. Yāciyāti cīvaratthāya yācitvā. Cīvaratthāya viññāpitasuttaṃ, attuddesikatā, akappiyatantavāyena akappiyaviññattiyā vāyāpananti imānettha tīṇi aṅgāni. Suttaviññattisikkhāpadaṃ.

    29. яо бхигку сан̇гхасса барин̣ад̇ам̣ лаабхам̣ ж̇аананд̇о ад̇д̇ано барин̣аамзд̇и, д̇асса ниссаг̇г̇ияам̣ сияаад̇и ад̇т̇о. д̇ад̇т̇а ж̇аананд̇и ж̇аананд̇о. лаабханд̇и лабхид̇аб̣б̣ам̣ жийвараад̣̇ивад̇т̇ум̣. барин̣ад̇анд̇и сан̇гхасса ниннам̣ сан̇гхасса бон̣ам̣ сан̇гхасса баб̣бхаарам̣ худ̇ваа тид̇ам̣. ад̇д̇ано барин̣аамзд̇ийд̇и ‘‘маяхам̣ д̣̇зт̇аа’’д̇иаад̣̇ийни вад̣̇анд̇о ад̇д̇ани ниннам̣ гарод̇и. сан̇гхз барин̣ад̇абхааво, д̇ам̣ н̃ад̇ваа ад̇д̇ано барин̣ааманам̣, бадилаабход̇и имаанзд̇т̇а д̇ийн̣и ан̇г̇аани. барин̣ааманасигкаабад̣̇ам̣.

    29. Yo bhikkhu saṅghassa pariṇataṃ lābhaṃ jānanto attano pariṇāmeti, tassa nissaggiyaṃ siyāti attho. Tattha jānanti jānanto. Lābhanti labhitabbaṃ cīvarādivatthuṃ. Pariṇatanti saṅghassa ninnaṃ saṅghassa poṇaṃ saṅghassa pabbhāraṃ hutvā ṭhitaṃ. Attano pariṇāmetīti ‘‘mayhaṃ dethā’’tiādīni vadanto attani ninnaṃ karoti. Saṅghe pariṇatabhāvo, taṃ ñatvā attano pariṇāmanaṃ, paṭilābhoti imānettha tīṇi aṅgāni. Pariṇāmanasikkhāpadaṃ.

    ниссаг̇г̇ияанид̣̇д̣̇зсаван̣н̣анаа нидтид̇аа.

    Nissaggiyaniddesavaṇṇanā niṭṭhitā.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact