Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
32. ниссаяанид̣̇д̣̇зсаван̣н̣анаа
32. Nissayaniddesavaṇṇanā
230. б̣яад̇д̇ассаад̇и ‘‘гаарияа’’нд̇и гид̇агаяог̇з гад̇д̇ари чадтий. б̣яад̇д̇о жа наама ‘‘бан̃жахи, бхигкавз, ан̇г̇зхи саманнааг̇ад̇зна бхигкунаа аниссид̇зна вад̇т̇аб̣б̣ам̣, аабад̇д̇им̣ ж̇аанаад̇и, анаабад̇д̇им̣ ж̇аанаад̇и, лахугам̣ аабад̇д̇им̣ ж̇аанаад̇и, г̇аругам̣ аабад̇д̇им̣ ж̇аанаад̇и, убхаяаани ко банасса баад̇имогкаани вид̇т̇аарзна свааг̇ад̇аани хонд̇и сувибхад̇д̇аани суббавад̇д̇ийни сувинижчид̇аани суд̇д̇асо ануб̣яан̃ж̇анасо. имзхи ко, бхигкавз, бан̃жахи ан̇г̇зхи саманнааг̇ад̇зна бхигкунаа аниссид̇зна вад̇т̇аб̣б̣а’’нд̇и (махаава. 103) звам̣ вуд̇д̇аб̣яад̇д̇о жа б̣ахуссуд̇аб̣яад̇д̇о жа взд̣̇ид̇аб̣б̣о.
230.Byattassāti ‘‘kāriya’’nti kitakayoge kattari chaṭṭhī. Byatto ca nāma ‘‘pañcahi, bhikkhave, aṅgehi samannāgatena bhikkhunā anissitena vatthabbaṃ, āpattiṃ jānāti, anāpattiṃ jānāti, lahukaṃ āpattiṃ jānāti, garukaṃ āpattiṃ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso. Imehi kho, bhikkhave, pañcahi aṅgehi samannāgatena bhikkhunā anissitena vatthabba’’nti (mahāva. 103) evaṃ vuttabyatto ca bahussutabyatto ca veditabbo.
д̇ад̇т̇а сувибхад̇д̇аанийд̇и судту вибхад̇д̇аани бад̣̇абажжаабхадтасан̇гарад̣̇осавирахид̇аани. суббавад̇д̇ийнийд̇и баг̇ун̣аани ваажуг̇г̇ад̇аани. сувинижчид̇аани суд̇д̇асод̇и канд̇хагабариваарад̇о аахарид̇аб̣б̣асуд̇д̇авасзна судту винижчид̇аани. ануб̣яан̃ж̇анасод̇и агкарабад̣̇абаарибуурияаа сувинижчид̇аани агкан̣д̣аани авибарийд̇агкараани. зд̇зна адтагат̇аа д̣̇ийбид̇аа. адтагат̇аад̇о хи зса винижчаяо ход̇ийд̇и. б̣ахуссуд̇аб̣яад̇д̇о бана язна саб̣б̣анд̇имзна барижчзд̣̇зна д̣̇вз маад̇игаа баг̇ун̣аа ваажуг̇г̇ад̇аа, багкад̣̇ивасзсу д̇хаммасаванад̇т̇ааяа суд̇д̇анд̇ад̇о жад̇д̇ааро бхаан̣аваараа, самбад̇д̇аанам̣ барисаанам̣ баригат̇анад̇т̇ааяа анд̇хагавинд̣̇амахаараахуловаад̣̇аамб̣адтасад̣̇исо зго гат̇аамаг̇г̇о, сан̇гхабхад̇д̇аман̇г̇алааман̇г̇алзсу анумод̣̇анад̇т̇ааяа д̇иссо анумод̣̇анаа, убосат̇аббавааран̣аад̣̇иж̇аананад̇т̇ам̣ гаммаагаммавинижчаяо, саман̣ад̇хаммагаран̣ад̇т̇ам̣ самаад̇хивасзна вибассанаавасзна ваа арахад̇д̇амаг̇г̇абарияосаанамзгам̣ гаммадтаанам̣ зд̇д̇агам̣ уг̇г̇ахид̇ам̣, свааяам̣ вужжад̇и. над̇т̇и ниссааяа гаарияанд̇и аажарияаад̣̇им̣ ниссааяа ваасзна гад̇д̇аб̣б̣ам̣ над̇т̇и. ‘‘ниссаяагаарияа’’нд̇и ваа баато, ниссаязна гаарияанд̇и самаасо. ж̇ийвасса яад̇д̇аго барижчзд̣̇о яааваж̇ийвам̣.
Tattha suvibhattānīti suṭṭhu vibhattāni padapaccābhaṭṭhasaṅkaradosavirahitāni. Suppavattīnīti paguṇāni vācuggatāni. Suvinicchitānisuttasoti khandhakaparivārato āharitabbasuttavasena suṭṭhu vinicchitāni. Anubyañjanasoti akkharapadapāripūriyā suvinicchitāni akkhaṇḍāni aviparītakkharāni. Etena aṭṭhakathā dīpitā. Aṭṭhakathāto hi esa vinicchayo hotīti. Bahussutabyatto pana yena sabbantimena paricchedena dve mātikā paguṇā vācuggatā, pakkhadivasesu dhammasavanatthāya suttantato cattāro bhāṇavārā, sampattānaṃ parisānaṃ parikathanatthāya andhakavindamahārāhulovādaambaṭṭhasadiso eko kathāmaggo, saṅghabhattamaṅgalāmaṅgalesu anumodanatthāya tisso anumodanā, uposathappavāraṇādijānanatthaṃ kammākammavinicchayo, samaṇadhammakaraṇatthaṃ samādhivasena vipassanāvasena vā arahattamaggapariyosānamekaṃ kammaṭṭhānaṃ ettakaṃ uggahitaṃ, svāyaṃ vuccati. Natthi nissāya kāriyanti ācariyādiṃ nissāya vāsena kattabbaṃ natthi. ‘‘Nissayakāriya’’nti vā pāṭho, nissayena kāriyanti samāso. Jīvassa yattako paricchedo yāvajīvaṃ.
231. д̇зна ниссааяа васанд̇зна звам̣ ниссаяо г̇ахзд̇аб̣б̣од̇и д̣̇ассзд̇ум̣ ‘‘згам̣са’’нд̇иаад̣̇и вуд̇д̇ам̣. згам̣санд̇и зго ам̣со асса жийварассаад̇и виг̇г̇ахо. гирияаависзсанам̣ ваа бхуммад̇т̇з ваа убаяог̇аважанам̣, згасмим̣ ам̣сзд̇и ад̇т̇о. ан̃ж̇али гарабудо. яаавад̇ад̇ияагам̣ вад̣̇зд̇и убасамбад̣̇ааяа садтивассзна сад̇д̇ад̇ивассзна вааби б̣яад̇д̇асса навагасса санд̇игз яаавад̇ад̇ияагам̣ важанам̣ гарзяяа. яаавад̇ад̇ияо вааро ассаад̇и гирияаависзсанасамаасо. ааяасмад̇од̇и ааяасманд̇ам̣. важчаамийд̇и васаами. убаж̇жхам̣ г̇ан̣ханд̇знааби ‘‘убаж̇жхааяо мз, бханд̇з, хохий’’д̇и г̇ахзд̇аб̣б̣ам̣. д̇ам̣ бана ‘‘аажарияо’’д̇и зд̇т̇а ‘‘убаж̇жхааяо’’д̇и важанам̣ висзсод̇и зд̇т̇а ваажаабхзд̣̇ад̇о на висум̣ вуд̇д̇ам̣. на гзваламзд̇т̇а ниссаяубаж̇жхааяаг̇ахан̣з, г̇аамаббавзсанаад̣̇ийсуби звамзва гад̇ваа ‘‘ахам̣ аавусо’’д̇и ваа ‘‘бханд̇з’’д̇и ваа вад̇ваа ‘‘г̇аамаббавзсанам̣ аабужчаамий’’д̇иаад̣̇инаа вад̇д̇аб̣б̣ам̣.
231. Tena nissāya vasantena evaṃ nissayo gahetabboti dassetuṃ ‘‘ekaṃsa’’ntiādi vuttaṃ. Ekaṃsanti eko aṃso assa cīvarassāti viggaho. Kiriyāvisesanaṃ vā bhummatthe vā upayogavacanaṃ, ekasmiṃ aṃseti attho. Añjali karapuṭo. Yāvatatiyakaṃ vadeti upasampadāya saṭṭhivassena sattativassena vāpi byattassa navakassa santike yāvatatiyakaṃ vacanaṃ kareyya. Yāvatatiyo vāro assāti kiriyāvisesanasamāso. Āyasmatoti āyasmantaṃ. Vacchāmīti vasāmi. Upajjhaṃ gaṇhantenāpi ‘‘upajjhāyo me, bhante, hohī’’ti gahetabbaṃ. Taṃ pana ‘‘ācariyo’’ti ettha ‘‘upajjhāyo’’ti vacanaṃ visesoti ettha vācābhedato na visuṃ vuttaṃ. Na kevalamettha nissayupajjhāyagahaṇe, gāmappavesanādīsupi evameva katvā ‘‘ahaṃ āvuso’’ti vā ‘‘bhante’’ti vā vatvā ‘‘gāmappavesanaṃ āpucchāmī’’tiādinā vattabbaṃ.
232. ниссаяабадиббассад̣̇д̇хим̣ д̣̇ассзд̇и ‘‘багганд̇з’’д̇иаад̣̇инаа. багганд̇зд̇и убаж̇жхааяз аажарияз сад̣̇д̇хивихааригз анд̇зваасигз жа г̇аамаад̣̇ийсу яад̇т̇а гад̇т̇ажи аабужчид̇ваа ваа анаабужчид̇ваа ваа г̇ад̇з. д̇зсу язна гзнажи ‘‘асугам̣ наама г̇аамам̣ г̇ажчаамий’’д̇и вуд̇д̇з д̇зсуязва язна гзнажи ‘‘саад̇хуу’’д̇и самбадижчид̇зби д̇ам̣ д̇ам̣ нияамам̣ ад̇иггамид̇ваа багганд̇зби анаабужчаа бана убажаарасиймаад̇иггамзна багганд̇зби ниссаяо саммад̇и бадиббассамбхад̇и. багкасан̇ганд̇зд̇и д̇ид̇т̇ияабагкасан̇ганд̇з жааби виб̣бханд̇з жааби маран̣зна жа д̇ан̇кан̣ан̃н̃зва бадиббассамбхад̇и. аан̣ад̇д̇и наама ‘‘бан̣аамзми д̇а’’нд̇и ваа ‘‘маа ид̇ха бависаа’’д̇иаад̣̇игаа ниссаяаббан̣ааманаа. д̇ааяа бан̣аамид̇зна аажарияубаж̇жхааяаа камаабзд̇аб̣б̣аа. акаманд̇зсу д̣̇ан̣д̣агаммам̣ гад̇ваа д̇асмим̣ вихаарз махаат̇зрз г̇ахзд̇вааби сааманд̇авихаарз бхигкуу г̇ахзд̇вааби камаабзд̇аб̣б̣аа. на каманд̇и жз, аажарияубаж̇жхааяаанам̣ сабхааг̇аанам̣ санд̇игз васид̇аб̣б̣ам̣. язна гзнажи гааран̣зна на саггаа ход̇и д̇ад̇ра аажарияубаж̇жхааяаанам̣ сабхааг̇аанам̣ санд̇игз васид̇ум̣, д̇ам̣язва вихаарам̣ ааг̇анд̇ваа ан̃н̃асса санд̇игз ниссаяам̣ г̇ахзд̇ваа васид̇аб̣б̣ам̣. д̇ад̇т̇а ‘‘бан̃жахи, бхигкавз, ан̇г̇зхи саманнааг̇ад̇ам̣ сад̣̇д̇хивихааригам̣ аббан̣аамзнд̇о убаж̇жхааяо саад̇исааро ход̇и, бан̣аамзнд̇о анад̇исааро ход̇и. убаж̇жхааяамхи наад̇химад̇д̇ам̣ бзмам̣ ход̇и, наад̇химад̇д̇о басаад̣̇о ход̇и, наад̇химад̇д̇аа хирий ход̇и, наад̇химад̇д̇о г̇аараво ход̇и, наад̇химад̇д̇аа бхааванаа ход̇и. имзхи ко, бхигкавз, бан̃жахан̇г̇зхи…бз… ход̇и (махаава. 68). бан̃жахи, бхигкавз , ан̇г̇зхи саманнааг̇ад̇ам̣ анд̇зваасигам̣ аббан̣аамзнд̇о аажарияо…бз… ход̇ий’’д̇и (махаава. 81) вуд̇д̇ад̇д̇аа бана асаммаавад̇д̇анд̇з анд̇зваасигасад̣̇д̇хивихааригз аббан̣аамзнд̇аа аажарияубаж̇жхааяаа д̣̇уггадам̣ аабаж̇ж̇анд̇ийд̇и взд̣̇ид̇аб̣б̣ам̣. бхааванаад̇и мзд̇д̇аабхааванаа. убаж̇жхааяасамод̇хаанам̣ бана д̇асса д̣̇ассанасаванавасзна взд̣̇ид̇аб̣б̣ам̣.
232. Nissayapaṭippassaddhiṃ dasseti ‘‘pakkante’’tiādinā. Pakkanteti upajjhāye ācariye saddhivihārike antevāsike ca gāmādīsu yattha katthaci āpucchitvā vā anāpucchitvā vā gate. Tesu yena kenaci ‘‘asukaṃ nāma gāmaṃ gacchāmī’’ti vutte tesuyeva yena kenaci ‘‘sādhū’’ti sampaṭicchitepi taṃ taṃ niyamaṃ atikkamitvā pakkantepi anāpucchā pana upacārasīmātikkamena pakkantepi nissayo sammati paṭippassambhati. Pakkhasaṅkanteti titthiyapakkhasaṅkante cāpi vibbhante cāpi maraṇena ca taṅkhaṇaññeva paṭippassambhati. Āṇatti nāma ‘‘paṇāmemi ta’’nti vā ‘‘mā idha pavisā’’tiādikā nissayappaṇāmanā. Tāya paṇāmitena ācariyupajjhāyā khamāpetabbā. Akhamantesu daṇḍakammaṃ katvā tasmiṃ vihāre mahāthere gahetvāpi sāmantavihāre bhikkhū gahetvāpi khamāpetabbā. Na khamanti ce, ācariyupajjhāyānaṃ sabhāgānaṃ santike vasitabbaṃ. Yena kenaci kāraṇena na sakkā hoti tatra ācariyupajjhāyānaṃ sabhāgānaṃ santike vasituṃ, taṃyeva vihāraṃ āgantvā aññassa santike nissayaṃ gahetvā vasitabbaṃ. Tattha ‘‘pañcahi, bhikkhave, aṅgehi samannāgataṃ saddhivihārikaṃ appaṇāmento upajjhāyo sātisāro hoti, paṇāmento anatisāro hoti. Upajjhāyamhi nādhimattaṃ pemaṃ hoti, nādhimatto pasādo hoti, nādhimattā hirī hoti, nādhimatto gāravo hoti, nādhimattā bhāvanā hoti. Imehi kho, bhikkhave, pañcahaṅgehi…pe… hoti (mahāva. 68). Pañcahi, bhikkhave , aṅgehi samannāgataṃ antevāsikaṃ appaṇāmento ācariyo…pe… hotī’’ti (mahāva. 81) vuttattā pana asammāvattante antevāsikasaddhivihārike appaṇāmentā ācariyupajjhāyā dukkaṭaṃ āpajjantīti veditabbaṃ. Bhāvanāti mettābhāvanā. Upajjhāyasamodhānaṃ pana tassa dassanasavanavasena veditabbaṃ.
233. алаж̇ж̇инд̇и –
233.Alajjinti –
‘‘сан̃жижжа аабад̇д̇им̣ аабаж̇ж̇ад̇и;
‘‘Sañcicca āpattiṃ āpajjati;
аабад̇д̇им̣ бариг̇уухад̇и;
Āpattiṃ parigūhati;
аг̇ад̇иг̇аманан̃жа г̇ажчад̇и;
Agatigamanañca gacchati;
зд̣̇исо вужжад̇и алаж̇ж̇ибуг̇г̇ало’’д̇и. (бари. 359) –
Ediso vuccati alajjipuggalo’’ti. (pari. 359) –
звам̣ вуд̇д̇алагкан̣ам̣ алаж̇ж̇им̣. ниссаяам̣ д̣̇знд̇знааби лаж̇ж̇иноязва д̣̇аад̇аб̣б̣ам̣. ‘‘на бхигкавз алаж̇ж̇ийнам̣ ниссаяо д̣̇аад̇аб̣б̣о. яо д̣̇ад̣̇зяяа, аабад̇д̇и д̣̇уггадассаа’’д̇и (махаава. 120) хи вуд̇д̇ам̣. ад̣̇идтабуб̣б̣асса гад̇ибаахам̣ аажаарам̣ убабаригкид̇ваа д̣̇аад̇аб̣б̣ам̣. абуб̣б̣анд̇и зд̇т̇а самб̣анд̇хисад̣̇д̣̇ад̇д̇аа буб̣б̣а-сад̣̇д̣̇зна буб̣б̣аваасо г̇ахид̇о, над̇т̇и буб̣б̣о ассаад̇и абуб̣б̣ам̣, наванд̇и вуд̇д̇ам̣ ход̇и. жад̇д̇аари бан̃жа ваа баримаан̣амзд̇зсанд̇и виг̇г̇ахо. зд̇т̇а бана баримаан̣а-сад̣̇д̣̇асаннид̇хаанзна сан̇кязяяаваажинобид̇з сан̇кяаамад̇д̇аваажино хонд̇ийд̇и жад̇убан̃жасан̇кяаабаримаан̣амзва сан̇кязяяамааха, д̇асмаа виг̇г̇ахабад̣̇ад̇т̇зхи бхинно ан̃н̃абад̣̇ад̇т̇о самбхавад̇ийд̇и самаасо. ваа-сад̣̇д̣̇асса яо вигаббад̇т̇о, д̇ад̇т̇а жааяам̣ самаасо, жад̇д̇аари ваа бан̃жа ваа, жад̇убан̃жа ахаани, д̇зсам̣ ахаанам̣ самаахааро жад̇убан̃жаахам̣. бхигкусабхааг̇ад̇анд̇и самаано бхааг̇о лаж̇ж̇ид̇аасан̇каад̇о годтаасо язсам̣, бхигкуухи сабхааг̇аа, д̇зсам̣ бхааво бхигкусабхааг̇ад̇аа, д̇ам̣, бзсалабхааванд̇и ад̇т̇о. ‘‘т̇зро лаж̇ж̇ий’’д̇и ж̇аананд̇зна бана багад̇ияаа ниссаяад̣̇аанадтаанам̣ г̇ад̇зна жа д̇ад̣̇ахзва г̇ахзд̇аб̣б̣о, згад̣̇ивасамби барихааро над̇т̇и. сажз ‘‘огаасз алабханд̇з бажжуусасамаяз г̇ахзссаамий’’д̇и саяад̇и, арун̣ам̣ уг̇г̇ад̇амби на ж̇аанаад̇и, анаабад̇д̇и. лад̣̇д̇хабарихаарзнааби васид̇ум̣ ваддад̇ийд̇и.
Evaṃ vuttalakkhaṇaṃ alajjiṃ. Nissayaṃ dentenāpi lajjinoyeva dātabbaṃ. ‘‘Na bhikkhave alajjīnaṃ nissayo dātabbo. Yo dadeyya, āpatti dukkaṭassā’’ti (mahāva. 120) hi vuttaṃ. Adiṭṭhapubbassa katipāhaṃ ācāraṃ upaparikkhitvā dātabbaṃ. Apubbanti ettha sambandhisaddattā pubba-saddena pubbavāso gahito, natthi pubbo assāti apubbaṃ, navanti vuttaṃ hoti. Cattāri pañca vā parimāṇametesanti viggaho. Ettha pana parimāṇa-saddasannidhānena saṅkhyeyyavācinopite saṅkhyāmattavācino hontīti catupañcasaṅkhyāparimāṇameva saṅkhyeyyamāha, tasmā viggahapadatthehi bhinno aññapadattho sambhavatīti samāso. Vā-saddassa yo vikappattho, tattha cāyaṃ samāso, cattāri vā pañca vā, catupañca ahāni, tesaṃ ahānaṃ samāhāro catupañcāhaṃ. Bhikkhusabhāgatanti samāno bhāgo lajjitāsaṅkhāto koṭṭhāso yesaṃ, bhikkhūhi sabhāgā, tesaṃ bhāvo bhikkhusabhāgatā, taṃ, pesalabhāvanti attho. ‘‘Thero lajjī’’ti jānantena pana pakatiyā nissayadānaṭṭhānaṃ gatena ca tadaheva gahetabbo, ekadivasampi parihāro natthi. Sace ‘‘okāse alabhante paccūsasamaye gahessāmī’’ti sayati, aruṇaṃ uggatampi na jānāti, anāpatti. Laddhaparihārenāpi vasituṃ vaṭṭatīti.
234. ‘‘лаб̣бхад̇ий’’д̇и гаммани нибпаннад̇д̇аа авуд̇д̇агад̇д̇аад̇и ‘‘ад̣̇д̇хигассаа’’д̇иаад̣̇ийсу гад̇д̇ари саамиважанам̣, ‘‘ад̣̇д̇хигзнаа’’ д̇иаад̣̇и вуд̇д̇ам̣ ход̇и. ‘‘саллагкзнд̇знаа’’д̇и бана саруубзнзва нид̣̇д̣̇идтам̣. васид̇унд̇и вуд̇д̇агаммам̣. бхаавз хи д̇ум̣-бажжаяо, ваасод̇и ад̇т̇о. яаажид̇ассаад̇и ‘‘г̇илаанубадтаагасса жаа’’д̇и зд̇т̇а висзсанам̣. сажз бана ‘‘яаажаахи ма’’нд̇и вужжамааноби г̇илаано маанзна на яаажад̇и, г̇анд̇аб̣б̣ам̣. аран̃н̃з ваа саллагкзнд̇зна паасуганд̇и яад̇т̇а васанд̇асса бадилад̣̇д̇хад̇арун̣асамат̇авибассанаависзсабхааг̇ид̇аавасзна паасу ход̇и, д̇асмим̣ аран̃н̃з д̇аад̣̇исам̣ паасувихаарам̣ саллагкзнд̇зна ааран̃н̃агзна. д̣̇ааяагз асанд̇зд̇и бад̣̇ажчзд̣̇о. д̇ааваад̇и авад̇химхи, ад̣̇д̇хигаад̣̇ийхи яаава ниссаяад̣̇ааяаго лаб̣бхад̇и, д̇аава, ааран̃н̃агзна бана ‘‘бадируубз ниссаяад̣̇ааяагз сад̇и ниссааяа васиссаамий’’д̇и аабхог̇ам̣ гад̇ваа яаава аасаал̣хибун̣н̣амаа, д̇ааваад̇и ад̇т̇о. ‘‘сажз бана аасаал̣химаасз аажарияо нааг̇ажчад̇и, яад̇т̇а ниссаяо лаб̣бхад̇и, д̇ад̇т̇а г̇анд̇аб̣б̣ам̣ (махаава. адта. 121). анд̇овассз бана ниб̣ад̣̇д̇хаваасам̣ васид̇аб̣б̣ам̣, ниссаяо жа г̇ахзд̇аб̣б̣о’’д̇и (махаава. адта. 121) хи адтагат̇ааяам̣ вуд̇д̇ам̣.
234. ‘‘Labbhatī’’ti kammani nipphannattā avuttakattāti ‘‘addhikassā’’tiādīsu kattari sāmivacanaṃ, ‘‘addhikenā’’ tiādi vuttaṃ hoti. ‘‘Sallakkhentenā’’ti pana sarūpeneva niddiṭṭhaṃ. Vasitunti vuttakammaṃ. Bhāve hi tuṃ-paccayo, vāsoti attho. Yācitassāti ‘‘gilānupaṭṭhākassa cā’’ti ettha visesanaṃ. Sace pana ‘‘yācāhi ma’’nti vuccamānopi gilāno mānena na yācati, gantabbaṃ. Araññe vā sallakkhentena phāsukanti yattha vasantassa paṭiladdhataruṇasamathavipassanāvisesabhāgitāvasena phāsu hoti, tasmiṃ araññe tādisaṃ phāsuvihāraṃ sallakkhentena āraññakena. Dāyake asanteti padacchedo. Tāvāti avadhimhi, addhikādīhi yāva nissayadāyako labbhati, tāva, āraññakena pana ‘‘paṭirūpe nissayadāyake sati nissāya vasissāmī’’ti ābhogaṃ katvā yāva āsāḷhipuṇṇamā, tāvāti attho. ‘‘Sace pana āsāḷhimāse ācariyo nāgacchati, yattha nissayo labbhati, tattha gantabbaṃ (mahāva. aṭṭha. 121). Antovasse pana nibaddhavāsaṃ vasitabbaṃ, nissayo ca gahetabbo’’ti (mahāva. aṭṭha. 121) hi aṭṭhakathāyaṃ vuttaṃ.
амхаагам̣ бана гзжи анд̇зваасигад̇т̇зраа ‘‘на бхигкавз вассам̣ на убаг̇анд̇аб̣б̣ам̣. яо на убаг̇ажчзяяа, аабад̇д̇и д̣̇уггадассаа’д̇и (махаава. 186) жа ‘на бхигкавз д̇ад̣̇аху вассуубанааяигааяа вассам̣ анубаг̇анд̇угаамзна сан̃жижжа ааваасо ад̇иггамид̇аб̣б̣о. яо ад̇иггамзяяа, аабад̇д̇и д̣̇уггадассаа’д̇и (махаава. 186) баал̣иважанад̇о гзнажи гааран̣зна ниссаяам̣ алабхамаанзнаби на саггаа анд̇овассз вассам̣ анубаг̇анд̇ум̣. ‘анд̇овассз банаа’д̇иаад̣̇ийсу бана жа-сад̣̇д̣̇о анваажаяад̇т̇о, д̇асмаа д̇знааби вассам̣ убаг̇анд̇аб̣б̣амзваа’’д̇и вад̣̇им̣су.
Amhākaṃ pana keci antevāsikattherā ‘‘na bhikkhave vassaṃ na upagantabbaṃ. Yo na upagaccheyya, āpatti dukkaṭassā’ti (mahāva. 186) ca ‘na bhikkhave tadahu vassūpanāyikāya vassaṃ anupagantukāmena sañcicca āvāso atikkamitabbo. Yo atikkameyya, āpatti dukkaṭassā’ti (mahāva. 186) pāḷivacanato kenaci kāraṇena nissayaṃ alabhamānenapi na sakkā antovasse vassaṃ anupagantuṃ. ‘Antovasse panā’tiādīsu pana ca-saddo anvācayattho, tasmā tenāpi vassaṃ upagantabbamevā’’ti vadiṃsu.
маяам̣ банзд̇т̇а звамавожумха ‘‘бхаг̇авад̇аа анубаг̇аманз д̣̇уггадам̣ ананд̇арааяигассзва вуд̇д̇ам̣, д̇знзва ‘гзнажи анд̇арааязна буримигам̣ анубаг̇ад̇зна бажчимигаа убаг̇анд̇аб̣б̣аа’д̇и адтагат̇ааяам̣ (махаава. адта. 185) вуд̇д̇ам̣. анд̇арааяо жа наама анд̇араа взмаж̇жхз зд̇ийд̇и анд̇арааяо, яо гожи б̣аад̇хагаббажжаяад̇ааяа ад̇хиббзд̇о вужжад̇и ‘на лабханд̇и бад̇ируубам̣ убадтаагам̣, зсзва анд̇арааяод̇и баггамид̇аб̣б̣а’нд̇иаад̣̇ийсу (махаава. 201) вияа, д̇асмаа б̣аад̇хагаббажжаяад̇аа ад̇хиббзд̇аа . ниссаяаалаабхоби анд̇арааяод̇взва вин̃н̃ааяад̇и. саггаа хи вад̇д̇ум̣ ‘анд̇арааяо вассуубаг̇амо санниссаяад̇д̇аа д̇арун̣асамат̇авибассанаалаабхийнам̣ гад̇огаасо вияаа’д̇и. д̇арун̣асамат̇авибассанаалаабхийнамби хи гад̇огаасзби ‘сажз бана аасаал̣химаасз аажарияо нааг̇ажчад̇и, яад̇т̇а ниссаяо лаб̣бхад̇и, д̇ад̇т̇а г̇анд̇аб̣б̣а’нд̇и д̣̇ал̣хам̣ гад̇ваа адтагат̇ааяам̣ (махаава. адта. 121) вуд̇д̇ам̣. амхаагам̣ г̇аруухи жа саарад̇т̇ад̣̇ийбанияам̣ (саарад̇т̇а. дий. махааваг̇г̇а 3.121) ‘аажарияам̣ ааг̇амзнд̇ассзва жз вассуубанааяигад̣̇ивасо ход̇и, ход̇у, г̇анд̇аб̣б̣ам̣ д̇ад̇т̇а, яад̇т̇а ниссаяад̣̇ааяагам̣ лабхад̇ий’д̇и вассуубанааяигад̣̇ивасзби ниссаяад̇т̇ааяа г̇аманамзва вуд̇д̇ам̣. ат̇а жа бана махаагаарун̣игоби бхаг̇аваа ‘ануж̇аанаами, бхигкавз, г̇илаанубадтаагзна бхигкунаа ниссаяам̣ алабхамаанзна яаажияамаанзна аниссид̇агзна вад̇т̇у’нд̇и (махаава. 121) г̇илаанависаязби ниссаяам̣ г̇аругам̣ гад̇ваа бадтабзси. яам̣ бана аниссаяам̣, д̇ам̣ ананд̇арааяам̣ ниссаяамуд̇д̇агасса вассуубаг̇аманам̣ вияа. абижа наавааяа г̇ажчанд̇асса бана вассаанз ааг̇ад̇зби ниссаяам̣ алабханд̇асса анаабад̇д̇ийд̇и наавааяа г̇ажчад̇оязва аавзн̣игаа анаабад̇д̇игад̇аа вуд̇д̇аа. д̇асмаа ниссаяаалаабхо б̣аад̇хагаббажжаяо вассуубаг̇аманасса, на вассуубаг̇аманам̣ ниссаяассаад̇и анд̇арааяоязва ниссаяаалаабхо. д̇ад̇оязва дийгааяам̣ ‘анд̇овассз бана аниссид̇зна вад̇т̇ум̣ на ваддад̇ий’д̇и вуд̇д̇ам̣. д̇асмааязва жа ‘анд̇овассз банаа’д̇иаад̣̇ийсу ниссаяад̣̇ааяагз сад̇и ниб̣ад̣̇д̇хаваасам̣ васид̇аб̣б̣ан̃жа ниссаяо г̇ахзд̇аб̣б̣о жа ход̇ийд̇и г̇аманагирияааяа кийяамаанад̇аавасзна жа-сад̣̇д̣̇о самужжаяо г̇ахзд̇аб̣б̣о’’д̇и.
Mayaṃ panettha evamavocumha ‘‘bhagavatā anupagamane dukkaṭaṃ anantarāyikasseva vuttaṃ, teneva ‘kenaci antarāyena purimikaṃ anupagatena pacchimikā upagantabbā’ti aṭṭhakathāyaṃ (mahāva. aṭṭha. 185) vuttaṃ. Antarāyo ca nāma antarā vemajjhe etīti antarāyo, yo koci bādhakappaccayatāya adhippeto vuccati ‘na labhanti patirūpaṃ upaṭṭhākaṃ, eseva antarāyoti pakkamitabba’ntiādīsu (mahāva. 201) viya, tasmā bādhakappaccayatā adhippetā . Nissayālābhopi antarāyotveva viññāyati. Sakkā hi vattuṃ ‘antarāyo vassūpagamo sannissayattā taruṇasamathavipassanālābhīnaṃ katokāso viyā’ti. Taruṇasamathavipassanālābhīnampi hi katokāsepi ‘sace pana āsāḷhimāse ācariyo nāgacchati, yattha nissayo labbhati, tattha gantabba’nti daḷhaṃ katvā aṭṭhakathāyaṃ (mahāva. aṭṭha. 121) vuttaṃ. Amhākaṃ garūhi ca sāratthadīpaniyaṃ (sārattha. ṭī. mahāvagga 3.121) ‘ācariyaṃ āgamentasseva ce vassūpanāyikadivaso hoti, hotu, gantabbaṃ tattha, yattha nissayadāyakaṃ labhatī’ti vassūpanāyikadivasepi nissayatthāya gamanameva vuttaṃ. Atha ca pana mahākāruṇikopi bhagavā ‘anujānāmi, bhikkhave, gilānupaṭṭhākena bhikkhunā nissayaṃ alabhamānena yāciyamānena anissitakena vatthu’nti (mahāva. 121) gilānavisayepi nissayaṃ garukaṃ katvā paṭṭhapesi. Yaṃ pana anissayaṃ, taṃ anantarāyaṃ nissayamuttakassa vassūpagamanaṃ viya. Apica nāvāya gacchantassa pana vassāne āgatepi nissayaṃ alabhantassa anāpattīti nāvāya gacchatoyeva āveṇikā anāpattikatā vuttā. Tasmā nissayālābho bādhakappaccayo vassūpagamanassa, na vassūpagamanaṃ nissayassāti antarāyoyeva nissayālābho. Tatoyeva ṭīkāyaṃ ‘antovasse pana anissitena vatthuṃ na vaṭṭatī’ti vuttaṃ. Tasmāyeva ca ‘antovasse panā’tiādīsu nissayadāyake sati nibaddhavāsaṃ vasitabbañca nissayo gahetabbo ca hotīti gamanakiriyāya khīyamānatāvasena ca-saddo samuccayo gahetabbo’’ti.
ниссаяанид̣̇д̣̇зсаван̣н̣анаа нидтид̇аа.
Nissayaniddesavaṇṇanā niṭṭhitā.