| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౨. నిస్సయసుత్తవణ్ణనా
2. Nissayasuttavaṇṇanā
౨. దుతియే నిస్సయసమ్పన్నోతి పతిట్ఠాసమ్పన్నో. సద్ధన్తి ఓకప్పనసద్ధం. వీరియన్తి కాయికచేతసికవీరియం. యంసాతి యం అస్స. అరియాయ పఞ్ఞాయాతి సహవిపస్సనాయ మగ్గపఞ్ఞాయ. సఙ్ఖాయాతి జానిత్వా. ఏకం పటిసేవతీతి సేవితబ్బయుత్తకం సేవతి. అధివాసేతీతి అధివాసేతబ్బయుత్తకం అధివాసేతి. పరివజ్జేతీతి పరివజ్జేతబ్బయుత్తకం పరివజ్జేతి. వినోదేతీతి నీహరితబ్బయుత్తకం నీహరతి. ఏవం ఖో భిక్ఖూతి ఏవం ఖో భిక్ఖు ఉగ్గహపరిపుచ్ఛావసేన చేవ ధమ్మవవత్థానవసేన చ పటిసేవితబ్బాదీని సుప్పటివిద్ధాని సుపచ్చక్ఖాని కత్వా పటిసేవన్తో అధివాసేన్తో పరివజ్జేన్తో వినోదేన్తో చ భిక్ఖు నిస్సయసమ్పన్నో నామ హోతీతి.
2. Dutiye nissayasampannoti patiṭṭhāsampanno. Saddhanti okappanasaddhaṃ. Vīriyanti kāyikacetasikavīriyaṃ. Yaṃsāti yaṃ assa. Ariyāyapaññāyāti sahavipassanāya maggapaññāya. Saṅkhāyāti jānitvā. Ekaṃ paṭisevatīti sevitabbayuttakaṃ sevati. Adhivāsetīti adhivāsetabbayuttakaṃ adhivāseti. Parivajjetīti parivajjetabbayuttakaṃ parivajjeti. Vinodetīti nīharitabbayuttakaṃ nīharati. Evaṃ kho bhikkhūti evaṃ kho bhikkhu uggahaparipucchāvasena ceva dhammavavatthānavasena ca paṭisevitabbādīni suppaṭividdhāni supaccakkhāni katvā paṭisevanto adhivāsento parivajjento vinodento ca bhikkhu nissayasampanno nāma hotīti.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౨. నిస్సయసుత్తం • 2. Nissayasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౨. సమ్బోధిసుత్తాదివణ్ణనా • 1-2. Sambodhisuttādivaṇṇanā
