| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
4. நிஸ்ஸயவாரவண்ணனா
4. Nissayavāravaṇṇanā
329-337. நிஸ்ஸயவாரே குஸலங் த⁴ம்மங் நிஸ்ஸாயாதி குஸலங் த⁴ம்மங் பதிட்ட²ட்டே²ன நிஸ்ஸயங் கத்வாதி அத்தோ². ஸேஸமெத்த² பச்சயவாரே வுத்தனயேனேவ வேதி³தப்³ப³ங். அவஸானே பனஸ்ஸ ‘‘பச்சயத்தங் நாம நிஸ்ஸயத்தங், நிஸ்ஸயத்தங் நாம பச்சயத்த’’ந்தி இத³ங் உபி⁴ன்னம்பி ஏதேஸங் வாரானங் அத்த²தோ நின்னானாகரணபா⁴வத³ஸ்ஸனத்த²ங் வுத்தங். அத்த²தோ ஹி ஏதேபி படிச்சஸஹஜாதா விய நின்னானாகரணா. ஏவங் ஸந்தேபி அஞ்ஞமஞ்ஞஸ்ஸ அத்த²னியமனத்த²ங் வுத்தா. அவிஜ்ஜாபச்சயா ஸங்கா²ராதிஆதீ³ஸு ஹி அனிஸ்ஸாய வத்தமானங் நானாக்க²ணிகம்பி ‘‘பச்சயா உப்பஜ்ஜதீ’’தி வுத்தங். அஞ்ஞமஞ்ஞங் அல்லீயித்வா டி²தகட்டா²தீ³ஸு ச ஏகங் ஏகஸ்ஸ நிஸ்ஸயபச்சயோ ந ஹோதி, ததா² உபாதா³ரூபங் மஹாபூ⁴தஸ்ஸ நிஸ்ஸயபச்சயோ ந ஹோதியேவ. இதி பச்சயவாரேன நிஸ்ஸயபச்சயபா⁴வங் நிஸ்ஸயவாரேன ச பச்சயாதி வுத்தஸ்ஸ ஸஹஜாதபுரேஜாதபா⁴வங் நியமேதுங் உபோ⁴பேதே வுத்தா. அபிச ததா² பு³ஜ்ஜ²னகானங் அஜ்ஜா²ஸயவஸேன தே³ஸனாவிலாஸேன நிருத்திபடிஸம்பி⁴தா³பபே⁴த³ஜானநவஸேன சாபி ஏதே உபோ⁴பி வுத்தாதி.
329-337. Nissayavāre kusalaṃ dhammaṃ nissāyāti kusalaṃ dhammaṃ patiṭṭhaṭṭhena nissayaṃ katvāti attho. Sesamettha paccayavāre vuttanayeneva veditabbaṃ. Avasāne panassa ‘‘paccayattaṃ nāma nissayattaṃ, nissayattaṃ nāma paccayatta’’nti idaṃ ubhinnampi etesaṃ vārānaṃ atthato ninnānākaraṇabhāvadassanatthaṃ vuttaṃ. Atthato hi etepi paṭiccasahajātā viya ninnānākaraṇā. Evaṃ santepi aññamaññassa atthaniyamanatthaṃ vuttā. Avijjāpaccayā saṅkhārātiādīsu hi anissāya vattamānaṃ nānākkhaṇikampi ‘‘paccayā uppajjatī’’ti vuttaṃ. Aññamaññaṃ allīyitvā ṭhitakaṭṭhādīsu ca ekaṃ ekassa nissayapaccayo na hoti, tathā upādārūpaṃ mahābhūtassa nissayapaccayo na hotiyeva. Iti paccayavārena nissayapaccayabhāvaṃ nissayavārena ca paccayāti vuttassa sahajātapurejātabhāvaṃ niyametuṃ ubhopete vuttā. Apica tathā bujjhanakānaṃ ajjhāsayavasena desanāvilāsena niruttipaṭisambhidāpabhedajānanavasena cāpi ete ubhopi vuttāti.
நிஸ்ஸயவாரவண்ணனா.
Nissayavāravaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / பட்டா²னபாளி • Paṭṭhānapāḷi / 1. குஸலத்திகங் • 1. Kusalattikaṃ
