| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. нивуд̇агат̇ааван̣н̣анаа
5. Nivutakathāvaṇṇanā
665-667. ид̣̇аани нивуд̇агат̇аа наама ход̇и. д̇ад̇т̇а суд̣̇д̇хасса суд̣̇д̇хагижжаабхаавад̇о нийваран̣зхи нивуд̇о опудо барияонад̣̇д̇хо жа нийваран̣ам̣ ж̇ахад̇ийд̇и язсам̣ лад̣̇д̇хи, сзяяат̇ааби уд̇д̇араабат̇агаанам̣; д̇з санд̇хааяа нивуд̇од̇ибужчаа сагаваад̣̇исса, бадин̃н̃аа ид̇арасса. рад̇д̇о рааг̇анд̇иаад̣̇и нивуд̇асса нийваран̣аж̇аханз д̣̇осад̣̇ассанад̇т̇ам̣ вуд̇д̇ам̣. барисуд̣̇д̇хз барияод̣̇аад̇зд̇иаад̣̇и вигкамбханависуд̣̇д̇хияаа висуд̣̇д̇хасса самужчзд̣̇ависуд̣̇д̇хид̣̇ассанад̇т̇ам̣ вуд̇д̇ам̣. д̇асса звам̣ ж̇аанад̇од̇иаад̣̇и ж̇аанад̇о бассад̇о аасавагкаяам̣ д̣̇ийбзд̇и, на нивуд̇асса нийваран̣аж̇аханам̣, д̇асмаа асаад̇хаганд̇и.
665-667. Idāni nivutakathā nāma hoti. Tattha suddhassa suddhakiccābhāvato nīvaraṇehi nivuto ophuṭo pariyonaddho ca nīvaraṇaṃ jahatīti yesaṃ laddhi, seyyathāpi uttarāpathakānaṃ; te sandhāya nivutotipucchā sakavādissa, paṭiññā itarassa. Ratto rāgantiādi nivutassa nīvaraṇajahane dosadassanatthaṃ vuttaṃ. Parisuddhe pariyodātetiādi vikkhambhanavisuddhiyā visuddhassa samucchedavisuddhidassanatthaṃ vuttaṃ. Tassa evaṃ jānatotiādi jānato passato āsavakkhayaṃ dīpeti, na nivutassa nīvaraṇajahanaṃ, tasmā asādhakanti.
нивуд̇агат̇ааван̣н̣анаа.
Nivutakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (130) 5. нивуд̇агат̇аа • (130) 5. Nivutakathā
