| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൪. നിയതസ്സനിയാമകഥാവണ്ണനാ
4. Niyatassaniyāmakathāvaṇṇanā
൬൬൩-൬൬൪. അപ്പത്തനിയാമാനന്തി യേ അനുപ്പന്നമിച്ഛത്തസമ്മത്തനിയതധമ്മാ പുഗ്ഗലാ, തേസം ധമ്മേ. കേ പന തേ? യഥാവുത്തപുഗ്ഗലസന്താനപരിയാപന്നാ ധമ്മാ. തേ ഹി ഭൂമിത്തയപരിയാപന്നതായ ‘‘തേഭൂമകാ’’തി വുത്താ. യേ പന പത്തനിയാമാനം സന്താനേ പവത്താ അനിയതധമ്മാ, ന തേസമേത്ഥ സങ്ഗഹോ കതോ. ന ഹി തേഹി സമന്നാഗമേന അനിയതതാ അത്ഥി. തേനേവാഹ ‘‘തേഹി സമന്നാഗതോപി അനിയതോയേവാ’’തി. ഇമം വോഹാരമത്തന്തി ഇമിനാ നിയാമോ നാമ കോചി ധമ്മോ നത്ഥി, ഉപചിതസമ്ഭാരതായ അഭിസമ്ബുജ്ഝിതും ഭബ്ബതാവ തഥാ വുച്ചതീതി ദസ്സേതി. നിയതോതി വചനസ്സ കാരണഭാവേന വുത്തോതി യോജനാ. ഉഭയസ്സപീതി നിയതോ നിയാമം ഓക്കമതീതി വചനദ്വയസ്സ.
663-664. Appattaniyāmānanti ye anuppannamicchattasammattaniyatadhammā puggalā, tesaṃ dhamme. Ke pana te? Yathāvuttapuggalasantānapariyāpannā dhammā. Te hi bhūmittayapariyāpannatāya ‘‘tebhūmakā’’ti vuttā. Ye pana pattaniyāmānaṃ santāne pavattā aniyatadhammā, na tesamettha saṅgaho kato. Na hi tehi samannāgamena aniyatatā atthi. Tenevāha ‘‘tehi samannāgatopi aniyatoyevā’’ti. Imaṃ vohāramattanti iminā niyāmo nāma koci dhammo natthi, upacitasambhāratāya abhisambujjhituṃ bhabbatāva tathā vuccatīti dasseti. Niyatoti vacanassa kāraṇabhāvena vuttoti yojanā. Ubhayassapīti niyato niyāmaṃ okkamatīti vacanadvayassa.
നിയതസ്സനിയാമകഥാവണ്ണനാ നിട്ഠിതാ.
Niyatassaniyāmakathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൨൯) ൪. നിയതസ്സ നിയാമകഥാ • (129) 4. Niyatassa niyāmakathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. നിയതസ്സ നിയാമകഥാവണ്ണനാ • 4. Niyatassa niyāmakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൪. നിയതസ്സനിയാമകഥാവണ്ണനാ • 4. Niyatassaniyāmakathāvaṇṇanā
