| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
ноубаад̣̇аабхааж̇анийяагат̇ааван̣н̣анаа
Noupādābhājanīyakathāvaṇṇanā
646. ‘‘згам̣ махаабхууд̇ам̣ бадижжа д̇аяо махаабхууд̇аа д̇аяо махаабхууд̇з бадижжа згам̣ махаабхууд̇а’’нд̇иаад̣̇иважанад̇о (бадтаа. 1.1.53) згам̣ махаабхууд̇ам̣ авасзсамахаабхууд̇з ниссаяад̇и, д̇зхи убаад̣̇ааруубзна жа ниссийяад̇ийд̇и ааха ‘‘ниссаяад̇и жа ниссийяад̇и жаа’’д̇и.
646. ‘‘Ekaṃ mahābhūtaṃ paṭicca tayo mahābhūtā tayo mahābhūte paṭicca ekaṃ mahābhūta’’ntiādivacanato (paṭṭhā. 1.1.53) ekaṃ mahābhūtaṃ avasesamahābhūte nissayati, tehi upādārūpena ca nissīyatīti āha ‘‘nissayati ca nissīyati cā’’ti.
647. махаабхууд̇аанам̣ ан̃н̃аман̃н̃аавиж̇аханад̇о згасмимби галаабз анзгам̣ подтаб̣б̣ам̣ ад̇т̇ийд̇и подтаб̣б̣асабхаавзсуязва анзгзсуби аарамман̣зсу аабаат̇аг̇ад̇зсу аабхог̇аад̣̇ивасзна згам̣язва вин̃н̃аан̣уббад̇д̇ихзд̇у ход̇ийд̇и аяам̣ вижааро д̣̇ассид̇о. ид̇арзсуби бана яат̇ааяог̇ам̣ д̣̇ассзд̇аб̣б̣о. д̇ад̇т̇а расаарамман̣ам̣ д̇аава инд̣̇рияаниссаяам̣ аллийяид̇ваа вин̃н̃аан̣уббад̇д̇ихзд̇убхаавад̇о сад̇иби анзгзсам̣ расаанам̣ аабаат̇аг̇аманз згасмим̣ кан̣з згаббагаарам̣язва яат̇аавуд̇д̇анаязна ж̇ивхаавин̃н̃аан̣уббад̇д̇ихзд̇у ход̇и, д̇ат̇аа г̇анд̇хаарамман̣ам̣. руубасад̣̇д̣̇аарамман̣аани бана инд̣̇рияаниссаяам̣ асамбад̇ваава вин̃н̃аан̣уббад̇д̇ихзд̇убхаавад̇о яог̇яад̣̇зсз авадтид̇аани яад̇д̇агаани сахагаарийбажжаяанд̇араг̇ад̇ам̣ убагаарам̣ лабханд̇и, д̇ад̇д̇агаани згасмим̣ кан̣з згаж̇жхам̣ аарамман̣ам̣ на хонд̇ийд̇и на вад̇д̇аб̣б̣аани. д̇ат̇аа хи сад̣̇д̣̇о ниг̇гхосаад̣̇иго анзгагалаабаг̇ад̇о д̇ат̇аа ван̣н̣оби сивигуб̣б̣ахананияаамзна згаж̇жхам̣ аарамман̣ам̣ ход̇ийд̇и. зд̇т̇ааби жа аабхуж̇ид̇авасзна аарамман̣аад̇химад̇д̇ад̇аавасзна анзгагалаабасаннибаад̇зби гад̇т̇ажи вин̃н̃аан̣уббад̇д̇и ход̇иязва. басаад̣̇аад̇химад̇д̇ад̇аа бид̇д̇аад̣̇ивиб̣анд̇хаабхаавзна басаад̣̇асса д̇игкад̇аа. гат̇ам̣ бана жид̇д̇ассаад̇и жид̇д̇асааман̃н̃ад̇о згад̇д̇анаяавасзна бужчад̇и.
647. Mahābhūtānaṃ aññamaññāvijahanato ekasmimpi kalāpe anekaṃ phoṭṭhabbaṃ atthīti phoṭṭhabbasabhāvesuyeva anekesupi ārammaṇesu āpāthagatesu ābhogādivasena ekaṃyeva viññāṇuppattihetu hotīti ayaṃ vicāro dassito. Itaresupi pana yathāyogaṃ dassetabbo. Tattha rasārammaṇaṃ tāva indriyanissayaṃ allīyitvā viññāṇuppattihetubhāvato satipi anekesaṃ rasānaṃ āpāthagamane ekasmiṃ khaṇe ekappakāraṃyeva yathāvuttanayena jivhāviññāṇuppattihetu hoti, tathā gandhārammaṇaṃ. Rūpasaddārammaṇāni pana indriyanissayaṃ asampatvāva viññāṇuppattihetubhāvato yogyadese avaṭṭhitāni yattakāni sahakārīpaccayantaragataṃ upakāraṃ labhanti, tattakāni ekasmiṃ khaṇe ekajjhaṃ ārammaṇaṃ na hontīti na vattabbāni. Tathā hi saddo nigghosādiko anekakalāpagato tathā vaṇṇopi sivikubbahananiyāmena ekajjhaṃ ārammaṇaṃ hotīti. Etthāpi ca ābhujitavasena ārammaṇādhimattatāvasena anekakalāpasannipātepi katthaci viññāṇuppatti hotiyeva. Pasādādhimattatā pittādivibandhābhāvena pasādassa tikkhatā. Kathaṃ pana cittassāti cittasāmaññato ekattanayavasena pucchati.
651. д̇аад̣̇исааяаад̇и яаа бажураж̇анасса ад̇т̇ийд̇иби на г̇ахид̇аа. санд̇ий самаанаа. званд̇и яат̇аасасамбхааруд̣̇агам̣ сасамбхаарабат̇авияаа ааб̣анд̇хагам̣, звам̣ барамад̇т̇уд̣̇агам̣ барамад̇т̇абат̇авияаад̇и д̣̇ассзд̇и. д̇ад̣̇ануруубабажжаязхийд̇и ад̇д̇ано ааб̣анд̇ханаануг̇ун̣зхи ааб̣анд̇хияамаанзхи санд̇хааран̣аад̣̇игижжзхи буримзхи жа бат̇авийаад̣̇ийхи. апусид̇ваа бад̇идтаа ход̇и, апусид̇ваа ааб̣анд̇хад̇ийд̇и иминаа пусид̇аб̣б̣апусанагабхааво аабод̇хаад̇уяам̣ над̇т̇ийд̇и подтаб̣б̣авасзна убхаяад̇хаммад̇ам̣ ааха. ан̃н̃аман̃н̃ам̣ ниссаяад̇аа ан̃н̃аман̃н̃аниссаяад̇аа. ат̇а ваа ан̃н̃аман̃н̃ад̇аа жа ниссаяад̇аа жа ан̃н̃аман̃н̃аниссаяад̇аа. яад̣̇и подтаб̣б̣ааподтаб̣б̣ад̇хаад̇уунам̣ подтаб̣б̣абхаавзна винаа ан̃н̃аман̃н̃аниссаяад̇аа, бат̇авийаад̣̇ийнам̣ гагкал̣аад̣̇исабхааво зва подтаб̣б̣абхаавод̇и д̇аб̣б̣ирахзна гат̇ам̣ д̇зсам̣ аабод̇хаад̇уяаа ниссаяаад̣̇ибхаавод̇и ааха ‘‘авиниб̣бхог̇авуд̇д̇ийсуу’’д̇иаад̣̇и. ан̃н̃аман̃н̃абажжаяабхууд̇зсууд̇и зд̇зна убаад̣̇ааруубам̣ нивад̇д̇зд̇и. ат̇а ваа буб̣б̣з адтагат̇аад̇хиббааяз тад̇ваа подтаб̣б̣ааподтаб̣б̣ад̇хаад̇уунам̣ висидтам̣ ан̃н̃аман̃н̃аниссаяад̇ам̣ вад̇ваа ид̣̇аани ад̇д̇ано ад̇хиббааяз тад̇ваа ависзсзна д̇ам̣ д̣̇ассзнд̇о ааха ‘‘авиниб̣бхог̇авуд̇д̇ийсуу’’д̇иаад̣̇и. д̇ам̣язва ависидтам̣ ан̃н̃аман̃н̃аниссаяад̇ам̣ д̣̇ал̣хам̣ гад̇ваа д̣̇ассзнд̇о ‘‘нааби сахаж̇аад̇зсуу’’д̇иаад̣̇имааха. д̇ад̇т̇а апусанам̣ д̇аава згагалаабаг̇ад̇ад̇д̇аа на вижаарзд̇аб̣б̣ам̣, пусанам̣ бана гат̇анд̇и? згагалаабаг̇ад̇ад̇д̇аа зва. висум̣ сид̣̇д̇хаанам̣язва хи висаяамахаабхууд̇аанам̣ гааяаббасаад̣̇аниссаяабхууд̇зсу пусанам̣ д̣̇иссад̇и.
651. Tādisāyāti yā pacurajanassa atthītipi na gahitā. Santī samānā. Evanti yathāsasambhārudakaṃ sasambhārapathaviyā ābandhakaṃ, evaṃ paramatthudakaṃ paramatthapathaviyāti dasseti. Tadanurūpapaccayehīti attano ābandhanānuguṇehi ābandhiyamānehi sandhāraṇādikiccehi purimehi ca pathavīādīhi. Aphusitvā patiṭṭhā hoti, aphusitvā ābandhatīti iminā phusitabbaphusanakabhāvo āpodhātuyaṃ natthīti phoṭṭhabbavasena ubhayadhammataṃ āha. Aññamaññaṃ nissayatā aññamaññanissayatā. Atha vā aññamaññatā ca nissayatā ca aññamaññanissayatā. Yadi phoṭṭhabbāphoṭṭhabbadhātūnaṃ phoṭṭhabbabhāvena vinā aññamaññanissayatā, pathavīādīnaṃ kakkhaḷādisabhāvo eva phoṭṭhabbabhāvoti tabbirahena kathaṃ tesaṃ āpodhātuyā nissayādibhāvoti āha ‘‘avinibbhogavuttīsū’’tiādi. Aññamaññapaccayabhūtesūti etena upādārūpaṃ nivatteti. Atha vā pubbe aṭṭhakathādhippāye ṭhatvā phoṭṭhabbāphoṭṭhabbadhātūnaṃ visiṭṭhaṃ aññamaññanissayataṃ vatvā idāni attano adhippāye ṭhatvā avisesena taṃ dassento āha ‘‘avinibbhogavuttīsū’’tiādi. Taṃyeva avisiṭṭhaṃ aññamaññanissayataṃ daḷhaṃ katvā dassento ‘‘nāpi sahajātesū’’tiādimāha. Tattha aphusanaṃ tāva ekakalāpagatattā na vicāretabbaṃ, phusanaṃ pana kathanti? Ekakalāpagatattā eva. Visuṃ siddhānaṃyeva hi visayamahābhūtānaṃ kāyappasādanissayabhūtesu phusanaṃ dissati.
жхааяад̇ийд̇и барибажжад̇и. на ун̣хаа худ̇ваад̇и зд̇асса ун̣хасабхааваа худ̇ваад̇и аяамад̇т̇од̇и гад̇ваа ‘‘д̇зж̇осабхаавад̇ам̣язва бадигкибад̇ий’’д̇и вуд̇д̇ам̣. ун̣хабадибагкад̇д̇аа сийд̇асса ун̣хад̇ааяа бадигкзбз сийд̇ад̇аасан̇гаа сияаад̇и ааха ‘‘на сийд̇ад̇д̇ам̣ ануж̇аанаад̇ий’’д̇и. д̇зж̇осабхааг̇ад̇ам̣язва ваа сийд̇ад̇ааяаби д̣̇ассзд̇ум̣ ‘‘на сийд̇ад̇д̇ам̣ ануж̇аанаад̇ий’’д̇и вуд̇д̇ам̣. д̇знзвааха ‘‘д̇зж̇о зва хи сийд̇а’’нд̇и. манд̣̇з хи ун̣хабхаавз сийд̇аб̣уд̣̇д̇хийд̇и д̇зж̇о зва хи сийд̇ам̣. гат̇ам̣ банзд̇ам̣ вин̃н̃ааяад̇ийд̇и? сийд̇аб̣уд̣̇д̇хияаа ававад̇т̇ид̇абхаавад̇о баараабаарам̣ вияа. д̇ат̇аа хи аад̇абз тад̇ваа чааяам̣ бавидтаанам̣ сийд̇аб̣уд̣̇д̇хи ход̇и, д̇ад̇т̇зва бат̇авийг̇аб̣бхад̇о ниг̇г̇ад̇аанам̣ ун̣хаб̣уд̣̇д̇хийд̇и. яад̣̇и д̇зж̇оязва сийд̇ам̣, ун̣хабхаавзна сад̣̇д̇хим̣ сийд̇абхаавоби згасмим̣ галаабз убалаб̣бхзяяаад̇и ааха ‘‘сийд̇ун̣хаанан̃жаа’’д̇иаад̣̇и. ун̣хасийд̇агалаабзсу сийд̇ун̣хаанам̣ аббавад̇д̇и. д̣̇виннам̣…бз… яуж̇ж̇ад̇и, на аабод̇хаад̇увааяод̇хаад̇уунам̣ сийд̇абхаавзд̇и ад̇хиббааяо. аабод̇хаад̇уяаа хи вааяод̇хаад̇уяаа сийд̇абхаавз ун̣хабхаавзна сад̣̇д̇хим̣ згасмим̣ галаабз сийд̇абхааво лаб̣бхзяяа, на бана лаб̣бхад̇и. на жзд̇т̇а аабод̇хаад̇уад̇хигз вааяод̇хаад̇уад̇хигз ваа галаабз сийд̇абхаавод̇и саггаа вин̃н̃аад̇ум̣ д̇аад̣̇исзби гад̇т̇ажи галаабз алаб̣бхамаанад̇д̇аа сийд̇абхаавассаад̇и. карад̇аад̣̇исабхааваад̇хигасса бхууд̇асан̇гхаад̇асса д̣̇авад̇аад̣̇исабхааваад̇хигад̇аабад̇д̇и бхааван̃н̃ат̇ад̇д̇ам̣. д̇ам̣ бана яат̇аа ход̇и, д̇ам̣ д̣̇ассзд̇ум̣ ‘‘бажжа…бз… ббад̇д̇ий’’д̇и ааха.
Jhāyatīti paripaccati. Na uṇhā hutvāti etassa uṇhasabhāvā hutvāti ayamatthoti katvā ‘‘tejosabhāvataṃyeva paṭikkhipatī’’ti vuttaṃ. Uṇhapaṭipakkhattā sītassa uṇhatāya paṭikkhepe sītatāsaṅkā siyāti āha ‘‘na sītattaṃ anujānātī’’ti. Tejosabhāgataṃyeva vā sītatāyapi dassetuṃ ‘‘na sītattaṃ anujānātī’’ti vuttaṃ. Tenevāha ‘‘tejo eva hi sīta’’nti. Mande hi uṇhabhāve sītabuddhīti tejo eva hi sītaṃ. Kathaṃ panetaṃ viññāyatīti? Sītabuddhiyā avavatthitabhāvato pārāpāraṃ viya. Tathā hi ātape ṭhatvā chāyaṃ paviṭṭhānaṃ sītabuddhi hoti, tattheva pathavīgabbhato niggatānaṃ uṇhabuddhīti. Yadi tejoyeva sītaṃ, uṇhabhāvena saddhiṃ sītabhāvopi ekasmiṃ kalāpe upalabbheyyāti āha ‘‘sītuṇhānañcā’’tiādi. Uṇhasītakalāpesu sītuṇhānaṃ appavatti. Dvinnaṃ…pe… yujjati, na āpodhātuvāyodhātūnaṃ sītabhāveti adhippāyo. Āpodhātuyā hi vāyodhātuyā sītabhāve uṇhabhāvena saddhiṃ ekasmiṃ kalāpe sītabhāvo labbheyya, na pana labbhati. Na cettha āpodhātuadhike vāyodhātuadhike vā kalāpe sītabhāvoti sakkā viññātuṃ tādisepi katthaci kalāpe alabbhamānattā sītabhāvassāti. Kharatādisabhāvādhikassa bhūtasaṅghātassa davatādisabhāvādhikatāpatti bhāvaññathattaṃ. Taṃ pana yathā hoti, taṃ dassetuṃ ‘‘pacca…pe… ppattī’’ti āha.
652. зганд̇анажид̇д̇асамудтаанаад̣̇ийд̇и аад̣̇и-сад̣̇д̣̇зна зганд̇аанубаад̣̇иннубаад̣̇аанияаад̣̇им̣ сан̇г̇ан̣хаад̇и. буримаанамбийд̇и ‘‘яам̣ ваа банан̃н̃амбий’’д̇и зд̇асмаа важанад̇о буримаанам̣ анубаад̣̇иннаанам̣ сад̣̇д̣̇ааяад̇анагааяавин̃н̃ад̇д̇иаад̣̇ийнам̣ нажид̇д̇асамудтаанаанан̃жа жагкааяад̇анасод̇ааяад̇анаад̣̇ийнам̣. нагаммассагад̇ад̇д̇аабхааваад̣̇иганд̇и нагаммассагад̇ад̇д̇аабхаавам̣ нажид̇д̇асамудтаанабхааванд̇и звамаад̣̇игам̣. зганд̇аагаммаж̇аад̣̇ийсууд̇и аад̣̇и-сад̣̇д̣̇зна зганд̇аажид̇д̇аж̇ам̣ г̇аяхад̇и. д̇аа ж̇арад̇ааанижжад̇аа. анзганд̇зсу на г̇ахид̇аад̇и зганд̇ад̇о агаммаж̇зсу сад̣̇д̣̇ааяад̇анаад̣̇ийсу ажид̇д̇аж̇зсу жа жагкааяад̇анаад̣̇ийсу г̇ахзд̇ваа жад̇усамудтаанигад̇д̇аа анзганд̇зсу руубааяад̇анаад̣̇ийсу на г̇ахид̇аад̇и ад̇т̇о.
652. Ekantanacittasamuṭṭhānādīti ādi-saddena ekantaanupādinnupādāniyādiṃ saṅgaṇhāti. Purimānampīti ‘‘yaṃ vā panaññampī’’ti etasmā vacanato purimānaṃ anupādinnānaṃ saddāyatanakāyaviññattiādīnaṃ nacittasamuṭṭhānānañca cakkhāyatanasotāyatanādīnaṃ. Nakammassakatattābhāvādikanti nakammassakatattābhāvaṃ nacittasamuṭṭhānabhāvanti evamādikaṃ. Ekantākammajādīsūti ādi-saddena ekantācittajaṃ gayhati. Tā jaratāaniccatā. Anekantesu na gahitāti ekantato akammajesu saddāyatanādīsu acittajesu ca cakkhāyatanādīsu gahetvā catusamuṭṭhānikattā anekantesu rūpāyatanādīsu na gahitāti attho.
666. анибпаннад̇д̇аад̇и ан̃н̃ам̣ анабзгкид̇ваа сабхаавад̇о асид̣̇д̇хад̇д̇ам̣. д̇ассаад̇и вин̃н̃ад̇д̇ид̣̇ваяасса.
666. Anipphannattāti aññaṃ anapekkhitvā sabhāvato asiddhattaṃ. Tassāti viññattidvayassa.
ноубаад̣̇аабхааж̇анийяагат̇ааван̣н̣анаа нидтид̇аа.
Noupādābhājanīyakathāvaṇṇanā niṭṭhitā.
д̣̇уганид̣̇д̣̇зсаван̣н̣анаа нидтид̇аа.
Dukaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубавибхад̇д̇и • Rūpavibhatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / убаад̣̇аабхааж̇анийяагат̇аа • Upādābhājanīyakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / ноубаад̣̇аабхааж̇анийяагат̇ааван̣н̣анаа • Noupādābhājanīyakathāvaṇṇanā
