| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૭-૮. ઓક્ખિત્તચક્ખુસિક્ખાપદવણ્ણના
7-8. Okkhittacakkhusikkhāpadavaṇṇanā
કિત્તકેન પન ઓક્ખિત્તચક્ખુ હોતીતિ આહ ‘‘યુગમત્તં ભૂમિભાગં પેક્ખમાનો’’તિ. યુગયુત્તકો હિ દન્તો આજાનેય્યો યુગમત્તં પેક્ખતિ, પુરતો ચતુહત્થપ્પમાણં ભૂમિભાગં, ઇમિનાપિ એત્તકં પેક્ખન્તેન ગન્તબ્બં. યો અનાદરિયં પટિચ્ચ તં તં દિસાભાગં પાસાદં કૂટાગારં વીથિં ઓલોકેન્તો ગચ્છતિ, આપત્તિ દુક્કટસ્સ. હત્થિઅસ્સાદિપરિસ્સયાભાવન્તિ પરિસ્સયનટ્ઠેન, અભિભવનટ્ઠેન, વિહેઠનટ્ઠેન વા પરિસ્સયો, હત્થિઅસ્સાદિયેવ પરિસ્સયો હત્થિઅસ્સાદિપરિસ્સયો, તસ્સાભાવં, હત્થિઅસ્સાદિ ઉપદ્દવાભાવન્તિ અત્થો. ‘‘યથા ચ એકસ્મિં ઠાને ઠત્વા, એવં ગચ્છન્તોપિ પરિસ્સયાભાવં ઓલોકેતું લભતિયેવ, તથા ગામે પૂજ’’ન્તિ (સારત્થ॰ ટી॰ પાચિત્તિય ૩.૫૮૨) વદન્તિ.
Kittakena pana okkhittacakkhu hotīti āha ‘‘yugamattaṃ bhūmibhāgaṃ pekkhamāno’’ti. Yugayuttako hi danto ājāneyyo yugamattaṃ pekkhati, purato catuhatthappamāṇaṃ bhūmibhāgaṃ, imināpi ettakaṃ pekkhantena gantabbaṃ. Yo anādariyaṃ paṭicca taṃ taṃ disābhāgaṃ pāsādaṃ kūṭāgāraṃ vīthiṃ olokento gacchati, āpatti dukkaṭassa. Hatthiassādiparissayābhāvanti parissayanaṭṭhena, abhibhavanaṭṭhena, viheṭhanaṭṭhena vā parissayo, hatthiassādiyeva parissayo hatthiassādiparissayo, tassābhāvaṃ, hatthiassādi upaddavābhāvanti attho. ‘‘Yathā ca ekasmiṃ ṭhāne ṭhatvā, evaṃ gacchantopi parissayābhāvaṃ oloketuṃ labhatiyeva, tathā gāme pūja’’nti (sārattha. ṭī. pācittiya 3.582) vadanti.
ઓક્ખિત્તચક્ખુસિક્ખાપદવણ્ણના નિટ્ઠિતા.
Okkhittacakkhusikkhāpadavaṇṇanā niṭṭhitā.
