| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૬. ઓપમ્મકથાપઞ્હો
6. Opammakathāpañho
માતિકા
Mātikā
ભન્તે નાગસેન, કતિહઙ્ગેહિ સમન્નાગતો ભિક્ખુ અરહત્તં સચ્છિકરોતીતિ?
Bhante nāgasena, katihaṅgehi samannāgato bhikkhu arahattaṃ sacchikarotīti?
ઇધ, મહારાજ, અરહત્તં સચ્છિકાતુકામેન ભિક્ખુના –
Idha, mahārāja, arahattaṃ sacchikātukāmena bhikkhunā –
કુક્કુટસ્સ પઞ્ચ અઙ્ગાનિ ગહેતબ્બાનિ.
Kukkuṭassa pañca aṅgāni gahetabbāni.
કલન્દકસ્સ એકં અઙ્ગં ગહેતબ્બં.
Kalandakassa ekaṃ aṅgaṃ gahetabbaṃ.
દીપિનિયા એકં અઙ્ગં ગહેતબ્બં.
Dīpiniyā ekaṃ aṅgaṃ gahetabbaṃ.
દીપિકસ્સ દ્વે અઙ્ગાનિ ગહેતબ્બાનિ.
Dīpikassa dve aṅgāni gahetabbāni.
કુમ્મસ્સ પઞ્ચ અઙ્ગાનિ ગહેતબ્બાનિ.
Kummassa pañca aṅgāni gahetabbāni.
વંસસ્સ એકં અઙ્ગં ગહેતબ્બં.
Vaṃsassa ekaṃ aṅgaṃ gahetabbaṃ.
ચાપસ્સ એકં અઙ્ગં ગહેતબ્બં.
Cāpassa ekaṃ aṅgaṃ gahetabbaṃ.
વાયસસ્સ દ્વે અઙ્ગાનિ ગહેતબ્બાનિ.
Vāyasassa dve aṅgāni gahetabbāni.
મક્કટસ્સ દ્વે અઙ્ગાનિ ગહેતબ્બાનિ.
Makkaṭassa dve aṅgāni gahetabbāni.
ગદ્રભવગ્ગો પઠમો.
Gadrabhavaggo paṭhamo.
લાબુલતાય એકં અઙ્ગં ગહેતબ્બં.
Lābulatāya ekaṃ aṅgaṃ gahetabbaṃ.
પદુમસ્સ તીણિ અઙ્ગાનિ ગહેતબ્બાનિ.
Padumassa tīṇi aṅgāni gahetabbāni.
બીજસ્સ દ્વે અઙ્ગાનિ ગહેતબ્બાનિ.
Bījassa dve aṅgāni gahetabbāni.
સાલકલ્યાણિકાય એકં અઙ્ગં ગહેતબ્બં.
Sālakalyāṇikāya ekaṃ aṅgaṃ gahetabbaṃ.
નાવાય તીણિ અઙ્ગાનિ ગહેતબ્બાનિ.
Nāvāya tīṇi aṅgāni gahetabbāni.
નિયામકસ્સ તીણિ અઙ્ગાનિ ગહેતબ્બાનિ.
Niyāmakassa tīṇi aṅgāni gahetabbāni.
કમ્મકારસ્સ એકં અઙ્ગં ગહેતબ્બં.
Kammakārassa ekaṃ aṅgaṃ gahetabbaṃ.
સમુદ્દસ્સ પઞ્ચ અઙ્ગાનિ ગહેતબ્બાનિ.
Samuddassa pañca aṅgāni gahetabbāni.
સમુદ્દવગ્ગો દુતિયો.
Samuddavaggo dutiyo.
પથવિયા પઞ્ચ અઙ્ગાનિ ગહેતબ્બાનિ.
Pathaviyā pañca aṅgāni gahetabbāni.
આપસ્સ પઞ્ચ અઙ્ગાનિ ગહેતબ્બાનિ.
Āpassa pañca aṅgāni gahetabbāni.
તેજસ્સ પઞ્ચ અઙ્ગાનિ ગહેતબ્બાનિ.
Tejassa pañca aṅgāni gahetabbāni.
વાયુસ્સ પઞ્ચ અઙ્ગાનિ ગહેતબ્બાનિ.
Vāyussa pañca aṅgāni gahetabbāni.
પબ્બતસ્સ પઞ્ચ અઙ્ગાનિ ગહેતબ્બાનિ.
Pabbatassa pañca aṅgāni gahetabbāni.
આકાસસ્સ પઞ્ચ અઙ્ગાનિ ગહેતબ્બાનિ.
Ākāsassa pañca aṅgāni gahetabbāni.
ચન્દસ્સ પઞ્ચ અઙ્ગાનિ ગહેતબ્બાનિ.
Candassa pañca aṅgāni gahetabbāni.
સૂરિયસ્સ સત્ત અઙ્ગાનિ ગહેતબ્બાનિ.
Sūriyassa satta aṅgāni gahetabbāni.
સક્કસ્સ તીણિ અઙ્ગાનિ ગહેતબ્બાનિ.
Sakkassa tīṇi aṅgāni gahetabbāni.
ચક્કવત્તિસ્સ ચત્તારિ અઙ્ગાનિ ગહેતબ્બાનિ.
Cakkavattissa cattāri aṅgāni gahetabbāni.
પથવીવગ્ગો તતિયો.
Pathavīvaggo tatiyo.
ઉપચિકાય એકં અઙ્ગં ગહેતબ્બં.
Upacikāya ekaṃ aṅgaṃ gahetabbaṃ.
બિળારસ્સ દ્વે અઙ્ગાનિ ગહેતબ્બાનિ.
Biḷārassa dve aṅgāni gahetabbāni.
ઉન્દૂરસ્સ એકં અઙ્ગં ગહેતબ્બં.
Undūrassa ekaṃ aṅgaṃ gahetabbaṃ.
વિચ્છિકસ્સ એકં અઙ્ગં ગહેતબ્બં.
Vicchikassa ekaṃ aṅgaṃ gahetabbaṃ.
નકુલસ્સ એકં અઙ્ગં ગહેતબ્બં.
Nakulassa ekaṃ aṅgaṃ gahetabbaṃ.
જરસિઙ્ગાલસ્સ દ્વે અઙ્ગાનિ ગહેતબ્બાનિ.
Jarasiṅgālassa dve aṅgāni gahetabbāni.
મિગસ્સ તીણિ અઙ્ગાનિ ગહેતબ્બાનિ.
Migassa tīṇi aṅgāni gahetabbāni.
ગોરૂપસ્સ ચત્તારિ અઙ્ગાનિ ગહેતબ્બાનિ.
Gorūpassa cattāri aṅgāni gahetabbāni.
વરાહસ્સ દ્વે અઙ્ગાનિ ગહેતબ્બાનિ.
Varāhassa dve aṅgāni gahetabbāni.
હત્થિસ્સ પઞ્ચ અઙ્ગાનિ ગહેતબ્બાનિ.
Hatthissa pañca aṅgāni gahetabbāni.
ઉપચિકાવગ્ગો ચતુત્થો.
Upacikāvaggo catuttho.
સીહસ્સ સત્ત અઙ્ગાનિ ગહેતબ્બાનિ.
Sīhassa satta aṅgāni gahetabbāni.
ચક્કવાકસ્સ તીણિ અઙ્ગાનિ ગહેતબ્બાનિ.
Cakkavākassa tīṇi aṅgāni gahetabbāni.
પેણાહિકાય દ્વે અઙ્ગાનિ ગહેતબ્બાનિ.
Peṇāhikāya dve aṅgāni gahetabbāni.
ઘરકપોતસ્સ એકં અઙ્ગં ગહેતબ્બં.
Gharakapotassa ekaṃ aṅgaṃ gahetabbaṃ.
ઉલૂકસ્સ દ્વે અઙ્ગાનિ ગહેતબ્બાનિ.
Ulūkassa dve aṅgāni gahetabbāni.
સતપત્તસ્સ એકં અઙ્ગં ગહેતબ્બં.
Satapattassa ekaṃ aṅgaṃ gahetabbaṃ.
વગ્ગુલિસ્સ દ્વે અઙ્ગાનિ ગહેતબ્બાનિ.
Vaggulissa dve aṅgāni gahetabbāni.
જલૂકાય એકં અઙ્ગં ગહેતબ્બં.
Jalūkāya ekaṃ aṅgaṃ gahetabbaṃ.
સપ્પસ્સ તીણિ અઙ્ગાનિ ગહેતબ્બાનિ.
Sappassa tīṇi aṅgāni gahetabbāni.
અજગરસ્સ એકં અઙ્ગં ગહેતબ્બં.
Ajagarassa ekaṃ aṅgaṃ gahetabbaṃ.
સીહવગ્ગો પઞ્ચમો.
Sīhavaggo pañcamo.
પન્થમક્કટકસ્સ એકં અઙ્ગં ગહેતબ્બં.
Panthamakkaṭakassa ekaṃ aṅgaṃ gahetabbaṃ.
પવનસ્સ પઞ્ચ અઙ્ગાનિ ગહેતબ્બાનિ.
Pavanassa pañca aṅgāni gahetabbāni.
રુક્ખસ્સ તીણિ અઙ્ગાનિ ગહેતબ્બાનિ.
Rukkhassa tīṇi aṅgāni gahetabbāni.
મેઘસ્સ પઞ્ચ અઙ્ગાનિ ગહેતબ્બાનિ.
Meghassa pañca aṅgāni gahetabbāni.
મણિરતનસ્સ તીણિ અઙ્ગાનિ ગહેતબ્બાનિ.
Maṇiratanassa tīṇi aṅgāni gahetabbāni.
માગવિકસ્સ ચત્તારિ અઙ્ગાનિ ગહેતબ્બાનિ.
Māgavikassa cattāri aṅgāni gahetabbāni.
બાળિસિકસ્સ દ્વે અઙ્ગાનિ ગહેતબ્બાનિ.
Bāḷisikassa dve aṅgāni gahetabbāni.
તચ્છકસ્સ દ્વે અઙ્ગાનિ ગહેતબ્બાનિ.
Tacchakassa dve aṅgāni gahetabbāni.
મક્કટવગ્ગો છટ્ઠો.
Makkaṭavaggo chaṭṭho.
કુમ્ભસ્સ એકં અઙ્ગં ગહેતબ્બં.
Kumbhassa ekaṃ aṅgaṃ gahetabbaṃ.
છત્તસ્સ તીણિ અઙ્ગાનિ ગહેતબ્બાનિ.
Chattassa tīṇi aṅgāni gahetabbāni.
ખેત્તસ્સ તીણિ અઙ્ગાનિ ગહેતબ્બાનિ.
Khettassa tīṇi aṅgāni gahetabbāni.
અગદસ્સ દ્વે અઙ્ગાનિ ગહેતબ્બાનિ.
Agadassa dve aṅgāni gahetabbāni.
ભોજનસ્સ તીણિ અઙ્ગાનિ ગહેતબ્બાનિ.
Bhojanassa tīṇi aṅgāni gahetabbāni.
ઇસ્સાસસ્સ ચત્તારિ અઙ્ગાનિ ગહેતબ્બાનિ.
Issāsassa cattāri aṅgāni gahetabbāni.
કુમ્ભવગ્ગો સત્તમો.
Kumbhavaggo sattamo.
રઞ્ઞો ચત્તારિ અઙ્ગાનિ ગહેતબ્બાનિ.
Rañño cattāri aṅgāni gahetabbāni.
દોવારિકસ્સ દ્વે અઙ્ગાનિ ગહેતબ્બાનિ.
Dovārikassa dve aṅgāni gahetabbāni.
નિસદાય એકં અઙ્ગં ગહેતબ્બં.
Nisadāya ekaṃ aṅgaṃ gahetabbaṃ.
પદીપસ્સ દ્વે અઙ્ગાનિ ગહેતબ્બાનિ.
Padīpassa dve aṅgāni gahetabbāni.
મયૂરસ્સ દ્વે અઙ્ગાનિ ગહેતબ્બાનિ.
Mayūrassa dve aṅgāni gahetabbāni.
તુરઙ્ગસ્સ દ્વે અઙ્ગાનિ ગહેતબ્બાનિ.
Turaṅgassa dve aṅgāni gahetabbāni.
સોણ્ડિકસ્સ દ્વે અઙ્ગાનિ ગહેતબ્બાનિ.
Soṇḍikassa dve aṅgāni gahetabbāni.
ઇન્દખીલસ્સ દ્વે અઙ્ગાનિ ગહેતબ્બાનિ.
Indakhīlassa dve aṅgāni gahetabbāni.
તુલાય એકં અઙ્ગં ગહેતબ્બં.
Tulāya ekaṃ aṅgaṃ gahetabbaṃ.
ખગ્ગસ્સ દ્વે અઙ્ગાનિ ગહેતબ્બાનિ.
Khaggassa dve aṅgāni gahetabbāni.
મચ્છસ્સ દ્વે અઙ્ગાનિ ગહેતબ્બાનિ.
Macchassa dve aṅgāni gahetabbāni.
ઇણગ્ગાહકસ્સ એકં અઙ્ગં ગહેતબ્બં.
Iṇaggāhakassa ekaṃ aṅgaṃ gahetabbaṃ.
બ્યાધિતસ્સ દ્વે અઙ્ગાનિ ગહેતબ્બાનિ.
Byādhitassa dve aṅgāni gahetabbāni.
મતસ્સ દ્વે અઙ્ગાનિ ગહેતબ્બાનિ.
Matassa dve aṅgāni gahetabbāni.
નદિયા દ્વે અઙ્ગાનિ ગહેતબ્બાનિ.
Nadiyā dve aṅgāni gahetabbāni.
ઉસભસ્સ એકં અઙ્ગં ગહેતબ્બં.
Usabhassa ekaṃ aṅgaṃ gahetabbaṃ.
મગ્ગસ્સ દ્વે અઙ્ગાનિ ગહેતબ્બાનિ.
Maggassa dve aṅgāni gahetabbāni.
સુઙ્કસાયિકસ્સ એકં અઙ્ગં ગહેતબ્બં.
Suṅkasāyikassa ekaṃ aṅgaṃ gahetabbaṃ.
ચોરસ્સ તીણિ અઙ્ગાનિ ગહેતબ્બાનિ.
Corassa tīṇi aṅgāni gahetabbāni.
સકુણગ્ઘિયા એકં અઙ્ગં ગહેતબ્બં.
Sakuṇagghiyā ekaṃ aṅgaṃ gahetabbaṃ.
સુનખસ્સ એકં અઙ્ગં ગહેતબ્બં.
Sunakhassa ekaṃ aṅgaṃ gahetabbaṃ.
તિકિચ્છકસ્સ તીણિ અઙ્ગાનિ ગહેતબ્બાનિ.
Tikicchakassa tīṇi aṅgāni gahetabbāni.
ગબ્ભિનિયા દ્વે અઙ્ગાનિ ગહેતબ્બાનિ.
Gabbhiniyā dve aṅgāni gahetabbāni.
ચમરિયા એકં અઙ્ગં ગહેતબ્બં.
Camariyā ekaṃ aṅgaṃ gahetabbaṃ.
કિકિયા દ્વે અઙ્ગાનિ ગહેતબ્બાનિ.
Kikiyā dve aṅgāni gahetabbāni.
કપોતિકાય તીણિ અઙ્ગાનિ ગહેતબ્બાનિ.
Kapotikāya tīṇi aṅgāni gahetabbāni.
એકનયનસ્સ દ્વે અઙ્ગાનિ ગહેતબ્બાનિ.
Ekanayanassa dve aṅgāni gahetabbāni.
કસ્સકસ્સ તીણિ અઙ્ગાનિ ગહેતબ્બાનિ.
Kassakassa tīṇi aṅgāni gahetabbāni.
જમ્બુકસિઙ્ગાલિયા એકં અઙ્ગં ગહેતબ્બં.
Jambukasiṅgāliyā ekaṃ aṅgaṃ gahetabbaṃ.
ચઙ્ગવારકસ્સ દ્વે અઙ્ગાનિ ગહેતબ્બાનિ.
Caṅgavārakassa dve aṅgāni gahetabbāni.
દબ્બિયા એકં અઙ્ગં ગહેતબ્બં.
Dabbiyā ekaṃ aṅgaṃ gahetabbaṃ.
ઇણસાધકસ્સ તીણિ અઙ્ગાનિ ગહેતબ્બાનિ.
Iṇasādhakassa tīṇi aṅgāni gahetabbāni.
અનુવિચિનકસ્સ એકં અઙ્ગં ગહેતબ્બં.
Anuvicinakassa ekaṃ aṅgaṃ gahetabbaṃ.
સારથિસ્સ દ્વે અઙ્ગાનિ ગહેતબ્બાનિ.
Sārathissa dve aṅgāni gahetabbāni.
ભોજકસ્સ દ્વે અઙ્ગાનિ ગહેતબ્બાનિ.
Bhojakassa dve aṅgāni gahetabbāni.
તુન્નવાયસ્સ એકં અઙ્ગં ગહેતબ્બં.
Tunnavāyassa ekaṃ aṅgaṃ gahetabbaṃ.
નાવિકસ્સ એકં અઙ્ગં ગહેતબ્બં.
Nāvikassa ekaṃ aṅgaṃ gahetabbaṃ.
ભમરસ્સ દ્વે અઙ્ગાનિ ગહેતબ્બાનીતિ.
Bhamarassa dve aṅgāni gahetabbānīti.
માતિકા નિટ્ઠિતા.
Mātikā niṭṭhitā.
Footnotes:
