| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. оваад̣̇асуд̇д̇ам̣
2. Ovādasuttaṃ
52. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘гад̇ихи ну ко, бханд̇з, д̇хаммзхи саманнааг̇ад̇о бхигку бхигкуноваад̣̇аго самманнид̇аб̣б̣о’’д̇и?
52. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘katihi nu kho, bhante, dhammehi samannāgato bhikkhu bhikkhunovādako sammannitabbo’’ti?
1 ‘‘адтахи ко, аананд̣̇а, д̇хаммзхи саманнааг̇ад̇о бхигку бхигкуноваад̣̇аго самманнид̇аб̣б̣о. гад̇амзхи адтахи? ид̇хаананд̣̇а, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу; б̣ахуссуд̇о ход̇и…бз… д̣̇идтияаа суббадивид̣̇д̇хаа; убхаяаани ко банасса баад̇имогкаани вид̇т̇аарзна свааг̇ад̇аани хонд̇и сувибхад̇д̇аани суббавад̇д̇ийни сувинижчид̇аани суд̇д̇асо ануб̣яан̃ж̇анасо; галяаан̣аваажо ход̇и галяаан̣авааггаран̣о, борияаа ваажааяа саманнааг̇ад̇о виссадтааяа 2 анзлаг̇ал̣ааяа 3 ад̇т̇асса вин̃н̃аабанияаа; бадиб̣ало ход̇и бхигкунисан̇гхасса д̇хаммияаа гат̇ааяа санд̣̇ассзд̇ум̣ самаад̣̇абзд̇ум̣ самуд̇д̇зж̇зд̇ум̣ самбахам̣сзд̇ум̣; язбхуяязна бхигкунийнам̣ бияо ход̇и манаабо; на ко банзд̇ам̣ бхаг̇аванд̇ам̣ уд̣̇д̣̇исса баб̣б̣аж̇ид̇ааяа гаасааяавад̇т̇анивасанааяа г̇аруд̇хаммам̣ аж̇жхаабаннабуб̣б̣о ход̇и; вийсад̇ивассо ваа ход̇и ад̇ирзгавийсад̇ивассо ваа. имзхи ко, аананд̣̇а, адтахи д̇хаммзхи саманнааг̇ад̇о бхигку бхигкуноваад̣̇аго самманнид̇аб̣б̣о’’д̇и. д̣̇уд̇ияам̣.
4 ‘‘Aṭṭhahi kho, ānanda, dhammehi samannāgato bhikkhu bhikkhunovādako sammannitabbo. Katamehi aṭṭhahi? Idhānanda, bhikkhu sīlavā hoti…pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso; kalyāṇavāco hoti kalyāṇavākkaraṇo, poriyā vācāya samannāgato vissaṭṭhāya 5 anelagaḷāya 6 atthassa viññāpaniyā; paṭibalo hoti bhikkhunisaṅghassa dhammiyā kathāya sandassetuṃ samādapetuṃ samuttejetuṃ sampahaṃsetuṃ; yebhuyyena bhikkhunīnaṃ piyo hoti manāpo; na kho panetaṃ bhagavantaṃ uddissa pabbajitāya kāsāyavatthanivasanāya garudhammaṃ ajjhāpannapubbo hoti; vīsativasso vā hoti atirekavīsativasso vā. Imehi kho, ānanda, aṭṭhahi dhammehi samannāgato bhikkhu bhikkhunovādako sammannitabbo’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. оваад̣̇асуд̇д̇аван̣н̣анаа • 2. Ovādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-3. г̇од̇амийсуд̇д̇аад̣̇иван̣н̣анаа • 1-3. Gotamīsuttādivaṇṇanā
