| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೬. ಓವಾದಸುತ್ತವಣ್ಣನಾ
6. Ovādasuttavaṇṇanā
೧೪೯. ಅತ್ತನೋ ಠಾನೇತಿ ಸಬ್ರಹ್ಮಚಾರೀನಂ ಓವಾದಕವಿಞ್ಞಾಪಕಭಾವೇನ ಅತ್ತನೋ ಮಹಾಸಾವಕಟ್ಠಾನೇ ಠಪನತ್ಥಂ। ಅಥ ವಾ ಯಸ್ಮಾ ‘‘ಅಹಂ ದಾನಿ ನ ಚಿರಂ ಠಸ್ಸಾಮಿ, ತಥಾ ಸಾರಿಪುತ್ತಮೋಗ್ಗಲ್ಲಾನಾ, ಅಯಂ ಪನ ವೀಸಂವಸ್ಸತಾಯುಕೋ, ಓವದನ್ತೋ ಅನುಸಾಸನ್ತೋ ಮಮಚ್ಚಯೇನ ಭಿಕ್ಖೂನಂ ಮಯಾ ಕಾತಬ್ಬಕಿಚ್ಚಂ ಕರಿಸ್ಸತೀ’’ತಿ ಅಧಿಪ್ಪಾಯೇನ ಭಗವಾ ಇಮಂ ದೇಸನಂ ಆರಭಿ। ತಸ್ಮಾ ಅತ್ತನೋ ಠಾನೇತಿ ಸತ್ಥಾರಾ ಕಾತಬ್ಬಓವಾದದಾಯಕಟ್ಠಾನೇ। ತೇನಾಹ ‘‘ಏವಂ ಪನಸ್ಸಾ’’ತಿಆದಿ। ಯಥಾಹ ಭಗವಾ ‘‘ಓವದ, ಕಸ್ಸಪ…ಪೇ॰… ತ್ವಂ ವಾ’’ತಿ। ದುಕ್ಖೇನ ವತ್ತಬ್ಬಾ ಅಪ್ಪದಕ್ಖಿಣಗ್ಗಾಹಿಭಾವತೋ। ದುಬ್ಬಚಭಾವಕರಣೇಹೀತಿ ಕೋಧೂಪನಾಹಾದೀಹಿ। ಅನುಸಾಸನಿಯಾ ಪದಕ್ಖಿಣಗ್ಗಹಣಂ ನಾಮ ಅನುಧಮ್ಮಚರಣಂ, ಛಿನ್ನಪಟಿಪತ್ತಿ ಕತಾ ವಾಮಗ್ಗಾಹೋ ನಾಮಾತಿ ಆಹ ‘‘ಅನುಸಾಸನಿ’’ನ್ತಿಆದಿ। ಅತಿಕ್ಕಮ್ಮ ವದನ್ತೇತಿ ಅಞ್ಞಮಞ್ಞಂ ಅತಿಕ್ಕಮಿತ್ವಾ ಅತಿಮಞ್ಞಿತ್ವಾ ವದನ್ತೇ। ಬಹುಂ ಭಾಸಿಸ್ಸತೀತಿ ಧಮ್ಮಂ ಕಥೇನ್ತೋ ಕೋ ವಿಪುಲಂ ಕತ್ವಾ ಕಥೇಸ್ಸತಿ। ಅಸಹಿತನ್ತಿ ಪುಬ್ಬೇನಾಪರಂ ನಸಹಿತಂ ಹೇತುಪಮಾವಿರಹಿತಂ। ಅಮಧುರನ್ತಿ ನ ಮಧುರಂ ನ ಕಣ್ಣಸುಖಂ ನ ಪೇಮನೀಯಂ। ಲಹುಞ್ಞೇವ ಉಟ್ಠಾತಿ ಅಪ್ಪವತ್ತನೇನ ಕೂಲಟ್ಠಾನಂ ವಿಯ ತಸ್ಸ ಕಥನಂ।
149.Attano ṭhāneti sabrahmacārīnaṃ ovādakaviññāpakabhāvena attano mahāsāvakaṭṭhāne ṭhapanatthaṃ. Atha vā yasmā ‘‘ahaṃ dāni na ciraṃ ṭhassāmi, tathā sāriputtamoggallānā, ayaṃ pana vīsaṃvassatāyuko, ovadanto anusāsanto mamaccayena bhikkhūnaṃ mayā kātabbakiccaṃ karissatī’’ti adhippāyena bhagavā imaṃ desanaṃ ārabhi. Tasmā attano ṭhāneti satthārā kātabbaovādadāyakaṭṭhāne. Tenāha ‘‘evaṃ panassā’’tiādi. Yathāha bhagavā ‘‘ovada, kassapa…pe… tvaṃ vā’’ti. Dukkhena vattabbā appadakkhiṇaggāhibhāvato. Dubbacabhāvakaraṇehīti kodhūpanāhādīhi. Anusāsaniyā padakkhiṇaggahaṇaṃ nāma anudhammacaraṇaṃ, chinnapaṭipatti katā vāmaggāho nāmāti āha ‘‘anusāsani’’ntiādi. Atikkamma vadanteti aññamaññaṃ atikkamitvā atimaññitvā vadante. Bahuṃ bhāsissatīti dhammaṃ kathento ko vipulaṃ katvā kathessati. Asahitanti pubbenāparaṃ nasahitaṃ hetupamāvirahitaṃ. Amadhuranti na madhuraṃ na kaṇṇasukhaṃ na pemanīyaṃ. Lahuññeva uṭṭhāti appavattanena kūlaṭṭhānaṃ viya tassa kathanaṃ.
ಓವಾದಸುತ್ತವಣ್ಣನಾ ನಿಟ್ಠಿತಾ।
Ovādasuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೬. ಓವಾದಸುತ್ತಂ • 6. Ovādasuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೬. ಓವಾದಸುತ್ತವಣ್ಣನಾ • 6. Ovādasuttavaṇṇanā
