| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
3. оваад̣̇аваг̇г̇о
3. Ovādavaggo
1. оваад̣̇асигкаабад̣̇аван̣н̣анаа
1. Ovādasikkhāpadavaṇṇanā
оваад̣̇аваг̇г̇асса батамз асаммад̇од̇и яаа адтан̇г̇асаманнааг̇ад̇асса бхигкуно бхаг̇авад̇аа н̃ад̇д̇ижад̇уд̇т̇зна гаммзна (баажи. 146) бхигкуноваад̣̇агасаммуд̇и анун̃н̃аад̇аа, д̇ааяа асаммад̇о. овад̣̇зяяаад̇и бхигкунисан̇гхам̣ ваа самб̣ахулаа ваа згам̣ бхигкуним̣ ваа ‘‘вассасад̇уубасамбаннааяа бхигкунияаа д̇ад̣̇ахубасамбаннасса бхигкуно абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гаад̇аб̣б̣а’’нд̇и аад̣̇игз (жуул̣ава. 403) адта г̇аруд̇хаммз оваад̣̇авасзна осаарзнд̇о овад̣̇зяяа. баажид̇д̇ияанд̇и оваад̣̇абарияосаанз баажид̇д̇ияам̣.
Ovādavaggassa paṭhame asammatoti yā aṭṭhaṅgasamannāgatassa bhikkhuno bhagavatā ñatticatutthena kammena (pāci. 146) bhikkhunovādakasammuti anuññātā, tāya asammato. Ovadeyyāti bhikkhunisaṅghaṃ vā sambahulā vā ekaṃ bhikkhuniṃ vā ‘‘vassasatūpasampannāya bhikkhuniyā tadahupasampannassa bhikkhuno abhivādanaṃ paccuṭṭhānaṃ añjalikammaṃ sāmīcikammaṃ kātabba’’nti ādike (cūḷava. 403) aṭṭha garudhamme ovādavasena osārento ovadeyya. Pācittiyanti ovādapariyosāne pācittiyaṃ.
саавад̇т̇ияам̣ чаб̣б̣аг̇г̇ияз бхигкуу аараб̣бха овад̣̇анавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, ан̃н̃зна ваа д̇хаммзна бхигкунийсу убасамбаннамад̇д̇ам̣ ваа овад̣̇ад̇о д̣̇уггадам̣. саммад̇ассааби д̇ан̃жз саммуд̇игаммам̣ ад̇хаммагаммам̣ ход̇и, д̇асмим̣ ад̇хаммагаммз ад̇хаммагаммасан̃н̃ино ваг̇г̇з бхигкунисан̇гхз овад̣̇ад̇о д̇игабаажид̇д̇ияам̣, д̇ат̇аа взмад̇игасса д̇хаммагаммасан̃н̃ино жаад̇и нава баажид̇д̇ияаани, самаг̇г̇зби бхигкунисан̇гхзна ваад̇и ад̇хаммагаммавасзна адтаараса. сажз бана д̇ам̣ д̇хаммагаммам̣ ход̇и, ‘‘д̇хаммагаммз д̇хаммагаммасан̃н̃ий самаг̇г̇ам̣ бхигкунисан̇гхам̣ самаг̇г̇асан̃н̃ий овад̣̇ад̇ий’’д̇и (баажи. 151) ид̣̇ам̣ авасаанабад̣̇ам̣ табзд̇ваа д̇знзва наязна сад̇д̇араса д̣̇уггадаани, ‘‘самаг̇г̇амхааяяаа’’д̇и жа вуд̇д̇з ан̃н̃ам̣ д̇хаммам̣, ‘‘ваг̇г̇амхааяяаа’’д̇и жа вуд̇д̇з адта г̇аруд̇хаммз бхан̣анд̇асса, оваад̣̇ан̃жа анияяаад̇зд̇ваа ан̃н̃ам̣ д̇хаммам̣ бхан̣анд̇асса д̣̇уггадамзва. яо бана д̇хаммагаммз д̇хаммагаммасан̃н̃ий самаг̇г̇ам̣ бхигкунисан̇гхам̣ самаг̇г̇асан̃н̃ий овад̣̇ад̇и, г̇аруд̇хаммабаал̣им̣ уд̣̇д̣̇зсам̣ д̣̇зд̇и, барибужчам̣ д̣̇зд̇и, ‘‘осаарзхи аяяаа’’д̇и вужжамаано осаарзд̇и, бан̃хам̣ будто гат̇зд̇и, бхигкунийнам̣ сун̣амаанаанам̣ ан̃н̃ассад̇т̇ааяа бхан̣ад̇и, сигкамаанааяа ваа сааман̣зрияаа ваа бхан̣ад̇и, д̇асса, уммад̇д̇агаад̣̇ийнан̃жа анаабад̇д̇и. асаммад̇ад̇аа, бхигкунияаа барибун̣н̣уубасамбаннад̇аа, оваад̣̇авасзна адтаг̇аруд̇хаммабхан̣ананд̇и имаанзд̇т̇а д̇ийн̣и ан̇г̇аани. самудтаанаад̣̇ийни бад̣̇асод̇хаммасад̣̇исаанзваад̇и.
Sāvatthiyaṃ chabbaggiye bhikkhū ārabbha ovadanavatthusmiṃ paññattaṃ, asādhāraṇapaññatti, anāṇattikaṃ, aññena vā dhammena bhikkhunīsu upasampannamattaṃ vā ovadato dukkaṭaṃ. Sammatassāpi tañce sammutikammaṃ adhammakammaṃ hoti, tasmiṃ adhammakamme adhammakammasaññino vagge bhikkhunisaṅghe ovadato tikapācittiyaṃ, tathā vematikassa dhammakammasaññino cāti nava pācittiyāni, samaggepi bhikkhunisaṅghena vāti adhammakammavasena aṭṭhārasa. Sace pana taṃ dhammakammaṃ hoti, ‘‘dhammakamme dhammakammasaññī samaggaṃ bhikkhunisaṅghaṃ samaggasaññī ovadatī’’ti (pāci. 151) idaṃ avasānapadaṃ ṭhapetvā teneva nayena sattarasa dukkaṭāni, ‘‘samaggamhāyyā’’ti ca vutte aññaṃ dhammaṃ, ‘‘vaggamhāyyā’’ti ca vutte aṭṭha garudhamme bhaṇantassa, ovādañca aniyyātetvā aññaṃ dhammaṃ bhaṇantassa dukkaṭameva. Yo pana dhammakamme dhammakammasaññī samaggaṃ bhikkhunisaṅghaṃ samaggasaññī ovadati, garudhammapāḷiṃ uddesaṃ deti, paripucchaṃ deti, ‘‘osārehi ayyā’’ti vuccamāno osāreti, pañhaṃ puṭṭho katheti, bhikkhunīnaṃ suṇamānānaṃ aññassatthāya bhaṇati, sikkhamānāya vā sāmaṇeriyā vā bhaṇati, tassa, ummattakādīnañca anāpatti. Asammatatā, bhikkhuniyā paripuṇṇūpasampannatā, ovādavasena aṭṭhagarudhammabhaṇananti imānettha tīṇi aṅgāni. Samuṭṭhānādīni padasodhammasadisānevāti.
оваад̣̇асигкаабад̣̇аван̣н̣анаа нидтид̇аа.
Ovādasikkhāpadavaṇṇanā niṭṭhitā.
2. ад̇т̇ан̇г̇ад̇асигкаабад̣̇аван̣н̣анаа
2. Atthaṅgatasikkhāpadavaṇṇanā
д̣̇уд̇ияз овад̣̇зяяаад̇и адтаг̇аруд̇хаммзхи ваа ан̃н̃зна ваа д̇хаммзна овад̣̇анд̇асса саммад̇ассааби баажид̇д̇ияамзва.
Dutiye ovadeyyāti aṭṭhagarudhammehi vā aññena vā dhammena ovadantassa sammatassāpi pācittiyameva.
саавад̇т̇ияам̣ ааяасманд̇ам̣ жуул̣абант̇агам̣ аараб̣бха ад̇т̇ан̇г̇ад̇з суурияз овад̣̇анавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, суурияз ад̇т̇ан̇г̇ад̇з ад̇т̇ан̇г̇ад̇асан̃н̃ино взмад̇игасса ваа, згад̇оубасамбаннам̣ овад̣̇анд̇асса жа д̣̇уггадам̣. буримасигкаабад̣̇з вияа уд̣̇д̣̇зсаад̣̇инаязна анаабад̇д̇и. ад̇т̇ан̇г̇ад̇асуурияад̇аа, барибун̣н̣уубасамбаннад̇аа, овад̣̇ананд̇и имаанзд̇т̇а д̇ийн̣и ан̇г̇аани. самудтаанаад̣̇ийни бад̣̇асод̇хаммасад̣̇исаанзваад̇и.
Sāvatthiyaṃ āyasmantaṃ cūḷapanthakaṃ ārabbha atthaṅgate sūriye ovadanavatthusmiṃ paññattaṃ, asādhāraṇapaññatti, anāṇattikaṃ, tikapācittiyaṃ, sūriye atthaṅgate atthaṅgatasaññino vematikassa vā, ekatoupasampannaṃ ovadantassa ca dukkaṭaṃ. Purimasikkhāpade viya uddesādinayena anāpatti. Atthaṅgatasūriyatā, paripuṇṇūpasampannatā, ovadananti imānettha tīṇi aṅgāni. Samuṭṭhānādīni padasodhammasadisānevāti.
ад̇т̇ан̇г̇ад̇асигкаабад̣̇аван̣н̣анаа нидтид̇аа.
Atthaṅgatasikkhāpadavaṇṇanā niṭṭhitā.
3. бхигкунубассаяасигкаабад̣̇аван̣н̣анаа
3. Bhikkhunupassayasikkhāpadavaṇṇanā
д̇ад̇ияз бхигкунубассаяанд̇и бхигкунияаа згарад̇д̇ам̣ васанадтаанамби. овад̣̇зяяаад̇и ид̇ха г̇аруд̇хаммзхи овад̣̇анд̇ассзва баажид̇д̇ияам̣. сажз бана асаммад̇о ход̇и, д̣̇вз баажид̇д̇ияаани. сажз бана сууриязби ад̇т̇ан̇г̇ад̇з овад̣̇ад̇и, д̇ийн̣и хонд̇и. саммад̇асса бана рад̇д̇им̣ овад̣̇анд̇ассаби д̣̇вз зва хонд̇и. саммад̇ад̇д̇аа хи бхигкусса г̇аруд̇хаммоваад̣̇амуулагам̣ баажид̇д̇ияам̣ над̇т̇и. г̇илаанаад̇и на саггод̇и оваад̣̇ааяа ваа сам̣ваасааяа ваа г̇анд̇ум̣.
Tatiye bhikkhunupassayanti bhikkhuniyā ekarattaṃ vasanaṭṭhānampi. Ovadeyyāti idha garudhammehi ovadantasseva pācittiyaṃ. Sace pana asammato hoti, dve pācittiyāni. Sace pana sūriyepi atthaṅgate ovadati, tīṇi honti. Sammatassa pana rattiṃ ovadantassapi dve eva honti. Sammatattā hi bhikkhussa garudhammovādamūlakaṃ pācittiyaṃ natthi. Gilānāti na sakkoti ovādāya vā saṃvāsāya vā gantuṃ.
саггзсу чаб̣б̣аг̇г̇ияз бхигкуу аараб̣бха бхигкунубассаяам̣ убасан̇гамид̇ваа овад̣̇анавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра самаяаа’’д̇и аяамзд̇т̇а анубан̃н̃ад̇д̇и, асаад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, анубасамбаннааяа убасамбаннасан̃н̃ино взмад̇игасса ваа, згад̇оубасамбаннам̣ язна гзнажи, ид̇арам̣ ан̃н̃зна д̇хаммзна овад̣̇анд̇асса жа д̣̇уггадам̣. самаяз, анубасамбаннааяа, буримасигкаабад̣̇з вияа уд̣̇д̣̇зсаад̣̇инаязна жа анаабад̇д̇и. убассаяуубаг̇аманам̣, барибун̣н̣уубасамбаннад̇аа, самаяаабхааво, г̇аруд̇хаммзхи овад̣̇ананд̇и имаанзд̇т̇а жад̇д̇аари ан̇г̇аани. самудтаанаад̣̇ийни батамагат̇инасад̣̇исаани, ид̣̇ам̣ бана гирияам̣ ход̇ийд̇и.
Sakkesu chabbaggiye bhikkhū ārabbha bhikkhunupassayaṃ upasaṅkamitvā ovadanavatthusmiṃ paññattaṃ, ‘‘aññatra samayā’’ti ayamettha anupaññatti, asādhāraṇapaññatti, anāṇattikaṃ, tikapācittiyaṃ, anupasampannāya upasampannasaññino vematikassa vā, ekatoupasampannaṃ yena kenaci, itaraṃ aññena dhammena ovadantassa ca dukkaṭaṃ. Samaye, anupasampannāya, purimasikkhāpade viya uddesādinayena ca anāpatti. Upassayūpagamanaṃ, paripuṇṇūpasampannatā, samayābhāvo, garudhammehi ovadananti imānettha cattāri aṅgāni. Samuṭṭhānādīni paṭhamakathinasadisāni, idaṃ pana kiriyaṃ hotīti.
бхигкунубассаяасигкаабад̣̇аван̣н̣анаа нидтид̇аа.
Bhikkhunupassayasikkhāpadavaṇṇanā niṭṭhitā.
4. аамисасигкаабад̣̇аван̣н̣анаа
4. Āmisasikkhāpadavaṇṇanā
жад̇уд̇т̇з аамисахзд̇ууд̇и жийвараад̣̇ийнам̣ ан̃н̃ад̇арахзд̇у. бхигкууд̇и саммад̇аа бхигкуу ид̇хаад̇хиббзд̇аа. баажид̇д̇ияанд̇и зваруубз бхигкуу аван̣н̣агаамад̇ааяа звам̣ бхан̣анд̇асса баажид̇д̇ияам̣.
Catutthe āmisahetūti cīvarādīnaṃ aññatarahetu. Bhikkhūti sammatā bhikkhū idhādhippetā. Pācittiyanti evarūpe bhikkhū avaṇṇakāmatāya evaṃ bhaṇantassa pācittiyaṃ.
саавад̇т̇ияам̣ чаб̣б̣аг̇г̇ияз бхигкуу аараб̣бха ‘‘аамисахзд̇у овад̣̇анд̇ий’’д̇и бхан̣анавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, д̇хаммагаммз д̇игабаажид̇д̇ияам̣, ад̇хаммагаммз д̇игад̣̇уггадам̣, асаммад̇ам̣ убасамбаннан̃жа, анубасамбаннан̃жа саммад̇ам̣ ваа асаммад̇ам̣ ваа звам̣ бхан̣анд̇асса д̣̇уггадамзва. д̇ад̇т̇а яо бхигку гаалз саммуд̇им̣ лабхид̇ваа сааман̣зрабхуумияам̣ сан̣тид̇о, аяам̣ саммад̇о наама анубасамбанно. багад̇ияаа жийвараад̣̇ихзд̇у овад̣̇анд̇ам̣ бана звам̣ бхан̣анд̇асса , уммад̇д̇агаад̣̇ийнан̃жа анаабад̇д̇и. убасамбаннад̇аа, д̇хаммзна лад̣̇д̇хасаммуд̇ид̇аа, анаамисанд̇арад̇аа, аван̣н̣агаамад̇ааяа звам̣ бхан̣ананд̇и имаанзд̇т̇а жад̇д̇аари ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана д̣̇угкавзд̣̇анамзваад̇и.
Sāvatthiyaṃ chabbaggiye bhikkhū ārabbha ‘‘āmisahetu ovadantī’’ti bhaṇanavatthusmiṃ paññattaṃ, asādhāraṇapaññatti, anāṇattikaṃ, dhammakamme tikapācittiyaṃ, adhammakamme tikadukkaṭaṃ, asammataṃ upasampannañca, anupasampannañca sammataṃ vā asammataṃ vā evaṃ bhaṇantassa dukkaṭameva. Tattha yo bhikkhu kāle sammutiṃ labhitvā sāmaṇerabhūmiyaṃ saṇṭhito, ayaṃ sammato nāma anupasampanno. Pakatiyā cīvarādihetu ovadantaṃ pana evaṃ bhaṇantassa , ummattakādīnañca anāpatti. Upasampannatā, dhammena laddhasammutitā, anāmisantaratā, avaṇṇakāmatāya evaṃ bhaṇananti imānettha cattāri aṅgāni. Samuṭṭhānādīni adinnādānasadisāni, idaṃ pana dukkhavedanamevāti.
аамисасигкаабад̣̇аван̣н̣анаа нидтид̇аа.
Āmisasikkhāpadavaṇṇanā niṭṭhitā.
5. жийварад̣̇аанасигкаабад̣̇аван̣н̣анаа
5. Cīvaradānasikkhāpadavaṇṇanā
бан̃жамз саавад̇т̇ияам̣ ан̃н̃ад̇арам̣ бхигкум̣ аараб̣бха жийварад̣̇аанавад̇т̇усмим̣ бан̃н̃ад̇д̇ам̣, сзсагат̇аамаг̇г̇о банзд̇т̇а жийвараббадиг̇г̇ахан̣асигкаабад̣̇з вуд̇д̇анаязнзва взд̣̇ид̇аб̣б̣о. д̇ад̇ра хи бхигку бадиг̇г̇аахаго, ид̇ха бхигкуний, аяам̣ висзсо, сзсам̣ д̇аад̣̇исамзваад̇и.
Pañcame sāvatthiyaṃ aññataraṃ bhikkhuṃ ārabbha cīvaradānavatthusmiṃ paññattaṃ, sesakathāmaggo panettha cīvarappaṭiggahaṇasikkhāpade vuttanayeneva veditabbo. Tatra hi bhikkhu paṭiggāhako, idha bhikkhunī, ayaṃ viseso, sesaṃ tādisamevāti.
жийварад̣̇аанасигкаабад̣̇аван̣н̣анаа нидтид̇аа.
Cīvaradānasikkhāpadavaṇṇanā niṭṭhitā.
6. жийварасиб̣б̣анасигкаабад̣̇аван̣н̣анаа
6. Cīvarasibbanasikkhāpadavaṇṇanā
чадтз жийваранд̇и ниваасанабаарубанубаг̇ам̣. сиб̣б̣зяяа ваа сиб̣б̣аабзяяаа ваад̇и зд̇т̇а саяам̣ сиб̣б̣анд̇асса суужим̣ бавзсзд̇ваа бавзсзд̇ваа нийхаран̣з баажид̇д̇ияам̣, сад̇агкад̇д̇умби виж̇жхид̇ваа сагим̣ нийхаранд̇асса згамзва баажид̇д̇ияам̣. ‘сиб̣б̣аа’д̇и вуд̇д̇о бана сажзби саб̣б̣ам̣ суужигаммам̣ нидтаабзд̇и, аан̣аабагасса згамзва баажид̇д̇ияам̣. ат̇а ‘‘яам̣ зд̇т̇а жийварз гад̇д̇аб̣б̣ам̣, саб̣б̣ам̣ д̇ам̣ д̇ава бхааро’’д̇и вуд̇д̇о нидтаабзд̇и, д̇асса аараабат̇з аараабат̇з баажид̇д̇ияам̣. аан̣аабагасса згаваажааяа самб̣ахулааниби, бунаббунам̣ аан̣ад̇д̇ияам̣ бана вад̇д̇аб̣б̣амзва над̇т̇и.
Chaṭṭhe cīvaranti nivāsanapārupanupagaṃ. Sibbeyya vā sibbāpeyyā vāti ettha sayaṃ sibbantassa sūciṃ pavesetvā pavesetvā nīharaṇe pācittiyaṃ, satakkhattumpi vijjhitvā sakiṃ nīharantassa ekameva pācittiyaṃ. ‘Sibbā’ti vutto pana sacepi sabbaṃ sūcikammaṃ niṭṭhāpeti, āṇāpakassa ekameva pācittiyaṃ. Atha ‘‘yaṃ ettha cīvare kattabbaṃ, sabbaṃ taṃ tava bhāro’’ti vutto niṭṭhāpeti, tassa ārāpathe ārāpathe pācittiyaṃ. Āṇāpakassa ekavācāya sambahulānipi, punappunaṃ āṇattiyaṃ pana vattabbameva natthi.
саавад̇т̇ияам̣ уд̣̇ааяид̇т̇зрам̣ аараб̣бха жийварасиб̣б̣анавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, саан̣ад̇д̇игам̣, д̇игабаажид̇д̇ияам̣, н̃аад̇игааяа ан̃н̃аад̇игасан̃н̃ино ваа взмад̇игасса ваа, згад̇оубасамбаннааяа сиб̣б̣анд̇асса жа д̣̇уггадам̣. ан̃н̃ам̣ т̇авигаад̣̇ибаригкаарам̣ сиб̣б̣анд̇асса, н̃аад̇игааяа, сигкамаанасааман̣зрийнан̃жа жийварамби сиб̣б̣анд̇асса, уммад̇д̇агаад̣̇ийнан̃жа анаабад̇д̇и. ан̃н̃аад̇игааяа бхигкунияаа санд̇агад̇аа , ниваасанабаарубанубаг̇ад̇аа, вуд̇д̇алагкан̣ам̣ сиб̣б̣анам̣ ваа сиб̣б̣аабанам̣ ваад̇и имаанзд̇т̇а д̇ийн̣и ан̇г̇аани. самудтаанаад̣̇ийни сан̃жарид̇д̇асад̣̇исаанзваад̇и.
Sāvatthiyaṃ udāyittheraṃ ārabbha cīvarasibbanavatthusmiṃ paññattaṃ, asādhāraṇapaññatti, sāṇattikaṃ, tikapācittiyaṃ, ñātikāya aññātikasaññino vā vematikassa vā, ekatoupasampannāya sibbantassa ca dukkaṭaṃ. Aññaṃ thavikādiparikkhāraṃ sibbantassa, ñātikāya, sikkhamānasāmaṇerīnañca cīvarampi sibbantassa, ummattakādīnañca anāpatti. Aññātikāya bhikkhuniyā santakatā , nivāsanapārupanupagatā, vuttalakkhaṇaṃ sibbanaṃ vā sibbāpanaṃ vāti imānettha tīṇi aṅgāni. Samuṭṭhānādīni sañcarittasadisānevāti.
жийварасиб̣б̣анасигкаабад̣̇аван̣н̣анаа нидтид̇аа.
Cīvarasibbanasikkhāpadavaṇṇanā niṭṭhitā.
7. сам̣вид̇хаанасигкаабад̣̇аван̣н̣анаа
7. Saṃvidhānasikkhāpadavaṇṇanā
сад̇д̇амз сам̣вид̇хааяаад̇и сам̣вид̣̇ахид̇ваа, г̇аманагаалз сан̇гзд̇ам̣ гад̇ваад̇и ад̇т̇о. згад̣̇д̇хаанамаг̇г̇анд̇и згам̣ ад̣̇д̇хаанасан̇каад̇ам̣ маг̇г̇ам̣, згад̇о ваа ад̣̇д̇хаанамаг̇г̇ам̣. сад̇т̇аг̇аманийяод̇и сад̇т̇зна сад̣̇д̇хим̣ г̇анд̇аб̣б̣о, сзсам̣ уд̇д̇аанабад̣̇ад̇т̇амзва. аяам̣ банзд̇т̇а винижчаяо – агаббияабхуумияам̣ сам̣вид̣̇аханд̇асса сам̣вид̣̇аханабажжаяаа д̇аава д̣̇уггадам̣. д̇ад̇т̇а табзд̇ваа бхигкунубассаяам̣ анд̇араараамам̣ аасанасаалам̣ д̇ид̇т̇ияасзяяан̃жа сзсаа агаббияабхууми, д̇ад̇т̇а тад̇ваа сам̣вид̣̇аханд̇ассаад̇и ад̇т̇о. сам̣вид̣̇ахид̇ваа бана ‘‘аж̇ж̇а ваа свз ваа’’д̇и нияамид̇ам̣ гаалам̣ висан̇гзд̇ам̣ агад̇ваа, д̣̇ваарависан̇гзд̇ам̣ бана маг̇г̇ависан̇гзд̇ам̣ ваа гад̇вааби бхигкунияаа сад̣̇д̇хим̣ г̇ажчанд̇асса яаава аасаннассааби ан̃н̃асса г̇аамасса ‘‘аяам̣ имасса убажааро’’д̇и мануссзхи табид̇ам̣ убажаарам̣ на оггамад̇и, д̇аава анаабад̇д̇и. д̇ам̣ оггаманд̇асса бана батамабаад̣̇з д̣̇уггадам̣, д̣̇уд̇ияабаад̣̇з баажид̇д̇ияам̣, ид̇и г̇аамуубажаароггаманаг̇ан̣анааяа баажид̇д̇ияаани. ад̣̇д̇хаяож̇анаад̇иггамз бана г̇аамз асад̇и ад̣̇д̇хаяож̇анаг̇ан̣анааяа баажид̇д̇ияам̣.
Sattame saṃvidhāyāti saṃvidahitvā, gamanakāle saṅketaṃ katvāti attho. Ekaddhānamagganti ekaṃ addhānasaṅkhātaṃ maggaṃ, ekato vā addhānamaggaṃ. Satthagamanīyoti satthena saddhiṃ gantabbo, sesaṃ uttānapadatthameva. Ayaṃ panettha vinicchayo – akappiyabhūmiyaṃ saṃvidahantassa saṃvidahanapaccayā tāva dukkaṭaṃ. Tattha ṭhapetvā bhikkhunupassayaṃ antarārāmaṃ āsanasālaṃ titthiyaseyyañca sesā akappiyabhūmi, tattha ṭhatvā saṃvidahantassāti attho. Saṃvidahitvā pana ‘‘ajja vā sve vā’’ti niyamitaṃ kālaṃ visaṅketaṃ akatvā, dvāravisaṅketaṃ pana maggavisaṅketaṃ vā katvāpi bhikkhuniyā saddhiṃ gacchantassa yāva āsannassāpi aññassa gāmassa ‘‘ayaṃ imassa upacāro’’ti manussehi ṭhapitaṃ upacāraṃ na okkamati, tāva anāpatti. Taṃ okkamantassa pana paṭhamapāde dukkaṭaṃ, dutiyapāde pācittiyaṃ, iti gāmūpacārokkamanagaṇanāya pācittiyāni. Addhayojanātikkame pana gāme asati addhayojanagaṇanāya pācittiyaṃ.
саавад̇т̇ияам̣ чаб̣б̣аг̇г̇ияз бхигкуу аараб̣бха згад̣̇д̇хаанамаг̇г̇аббадибаж̇ж̇анавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра самаяаа’’д̇и аяамзд̇т̇а анубан̃н̃ад̇д̇и, асаад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, асам̣вид̣̇ахид̇з сам̣вид̣̇ахид̇асан̃н̃ино взмад̇игасса ваа, яо жа бхигкунияаа асам̣вид̣̇аханд̇ияаа гзвалам̣ ад̇д̇анаава сам̣вид̣̇ахад̇и, д̇асса д̣̇уггадам̣. самаяз сам̣вид̣̇ахид̇вааби г̇ажчанд̇асса, ад̇д̇анаа асам̣вид̣̇аханд̇асса, висан̇гзд̇зна ваа, аабад̣̇аасу г̇ажчанд̇асса, уммад̇д̇агаад̣̇ийнан̃жа анаабад̇д̇и. д̣̇виннамби сам̣вид̣̇ахид̇ваа маг̇г̇аббадибад̇д̇и, ависан̇гзд̇ад̇аа, самаяаабхааво, анаабад̣̇аа, г̇ааманд̇ароггаманам̣ ваа ад̣̇д̇хаяож̇анаад̇иггамо ваад̇и имаанзд̇т̇а бан̃жа ан̇г̇аани. згад̇оубасамбаннаад̣̇ийхи бана сад̣̇д̇хим̣ маад̇уг̇аамасигкаабад̣̇зна аабад̇д̇и, ад̣̇д̇хаанасамудтаанам̣, гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Sāvatthiyaṃ chabbaggiye bhikkhū ārabbha ekaddhānamaggappaṭipajjanavatthusmiṃ paññattaṃ, ‘‘aññatra samayā’’ti ayamettha anupaññatti, asādhāraṇapaññatti, anāṇattikaṃ, tikapācittiyaṃ, asaṃvidahite saṃvidahitasaññino vematikassa vā, yo ca bhikkhuniyā asaṃvidahantiyā kevalaṃ attanāva saṃvidahati, tassa dukkaṭaṃ. Samaye saṃvidahitvāpi gacchantassa, attanā asaṃvidahantassa, visaṅketena vā, āpadāsu gacchantassa, ummattakādīnañca anāpatti. Dvinnampi saṃvidahitvā maggappaṭipatti, avisaṅketatā, samayābhāvo, anāpadā, gāmantarokkamanaṃ vā addhayojanātikkamo vāti imānettha pañca aṅgāni. Ekatoupasampannādīhi pana saddhiṃ mātugāmasikkhāpadena āpatti, addhānasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
сам̣вид̇хаанасигкаабад̣̇аван̣н̣анаа нидтид̇аа.
Saṃvidhānasikkhāpadavaṇṇanā niṭṭhitā.
8. нааваабхируханасигкаабад̣̇аван̣н̣анаа
8. Nāvābhiruhanasikkhāpadavaṇṇanā
адтамз сам̣вид̇хааяаад̇и гийл̣аабурзгкааро сам̣вид̣̇ахид̇ваа, абхируханагаалз сан̇гзд̇ам̣ гад̇ваад̇и ад̇т̇о. уд̣̇д̇хам̣г̇аамининд̇и гийл̣аавасзна уд̣̇д̇хам̣ над̣̇ияаа бадисод̇ам̣ г̇ажчанд̇им̣. ад̇хог̇аамининд̇и д̇ат̇зва ад̇хо анусод̇ам̣ г̇ажчанд̇им̣. яам̣ бана д̇ид̇т̇аббадибаад̣̇анад̇т̇ам̣ уд̣̇д̇хам̣ ваа ад̇хо ваа харанд̇и, зд̇т̇а анаабад̇д̇и. ан̃н̃ад̇ра д̇ирияам̣ д̇аран̣ааяаад̇и убаяог̇ад̇т̇з ниссаггаважанам̣, яаа д̇ирияам̣ д̇аран̣аа, д̇ам̣ табзд̇ваад̇и ад̇т̇о. баажид̇д̇ияанд̇и саг̇аамагад̇ийрабассзна г̇аманагаалз г̇ааманд̇араг̇ан̣анааяа, аг̇аамагад̇ийрабассзна ваа яож̇анавид̇т̇ад̇ааяа над̣̇ияаа маж̇жхзна ваа г̇аманагаалз ад̣̇д̇хаяож̇анаг̇ан̣анааяа баажид̇д̇ияам̣, самуд̣̇д̣̇з бана яат̇аасукам̣ г̇анд̇ум̣ ваддад̇и.
Aṭṭhame saṃvidhāyāti kīḷāpurekkhāro saṃvidahitvā, abhiruhanakāle saṅketaṃ katvāti attho. Uddhaṃgāmininti kīḷāvasena uddhaṃ nadiyā paṭisotaṃ gacchantiṃ. Adhogāmininti tatheva adho anusotaṃ gacchantiṃ. Yaṃ pana titthappaṭipādanatthaṃ uddhaṃ vā adho vā haranti, ettha anāpatti. Aññatra tiriyaṃ taraṇāyāti upayogatthe nissakkavacanaṃ, yā tiriyaṃ taraṇā, taṃ ṭhapetvāti attho. Pācittiyanti sagāmakatīrapassena gamanakāle gāmantaragaṇanāya, agāmakatīrapassena vā yojanavitthatāya nadiyā majjhena vā gamanakāle addhayojanagaṇanāya pācittiyaṃ, samudde pana yathāsukhaṃ gantuṃ vaṭṭati.
саавад̇т̇ияам̣ чаб̣б̣аг̇г̇ияз бхигкуу аараб̣бха нааваабхируханавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра д̇ирияам̣ д̇аран̣ааяаа’’д̇и аяамзд̇т̇а анубан̃н̃ад̇д̇и, сзсам̣ ананд̇арасигкаабад̣̇з вуд̇д̇анаязнзва взд̣̇ид̇аб̣б̣анд̇и.
Sāvatthiyaṃ chabbaggiye bhikkhū ārabbha nāvābhiruhanavatthusmiṃ paññattaṃ, ‘‘aññatra tiriyaṃ taraṇāyā’’ti ayamettha anupaññatti, sesaṃ anantarasikkhāpade vuttanayeneva veditabbanti.
нааваабхируханасигкаабад̣̇аван̣н̣анаа нидтид̇аа.
Nāvābhiruhanasikkhāpadavaṇṇanā niṭṭhitā.
9. барибаажид̇асигкаабад̣̇аван̣н̣анаа
9. Paripācitasikkhāpadavaṇṇanā
навамз бхигкунибарибаажид̇анд̇и бхигкунияаа барибаажид̇ам̣, нзва д̇асса наад̇д̇ано н̃аад̇агаббаваарид̇аанам̣ г̇ихийнам̣ санд̇игз бхигкусса г̇ун̣ам̣ багаасзд̇ваа ‘‘д̣̇зт̇а аяяасса, гарот̇а аяяассаа’’д̇и звам̣ нибпаад̣̇ид̇ам̣ лад̣̇д̇хаб̣б̣ам̣ гад̇анд̇и ад̇т̇о. буб̣б̣з г̇ихисамаарамбхаад̇и зд̇т̇а самаарамбход̇и самаарад̣̇д̇хам̣, бадияаад̣̇ид̇ассзд̇ам̣ наамам̣. г̇ихийнам̣ самаарамбхо г̇ихисамаарамбхо, бхигкунияаа барибаажанад̇о буб̣б̣з батамад̇арам̣язва яам̣ бхигкуунам̣ ад̇т̇ааяа г̇ихийнам̣ бадияаад̣̇ид̇абхад̇д̇ам̣, н̃аад̇агаббаваарид̇аанам̣ ваа санд̇агам̣, д̇ам̣ табзд̇ваа ан̃н̃ам̣ ж̇аанам̣ бхун̃ж̇анд̇асса баажид̇д̇ияанд̇и ад̇т̇о. д̇ан̃жа ко аж̇жхохаран̣аг̇ан̣анааяа, бадиг̇г̇ахан̣з банасса д̣̇уггадам̣.
Navame bhikkhuniparipācitanti bhikkhuniyā paripācitaṃ, neva tassa nāttano ñātakappavāritānaṃ gihīnaṃ santike bhikkhussa guṇaṃ pakāsetvā ‘‘detha ayyassa, karotha ayyassā’’ti evaṃ nipphāditaṃ laddhabbaṃ katanti attho. Pubbe gihisamārambhāti ettha samārambhoti samāraddhaṃ, paṭiyāditassetaṃ nāmaṃ. Gihīnaṃ samārambho gihisamārambho, bhikkhuniyā paripācanato pubbe paṭhamataraṃyeva yaṃ bhikkhūnaṃ atthāya gihīnaṃ paṭiyāditabhattaṃ, ñātakappavāritānaṃ vā santakaṃ, taṃ ṭhapetvā aññaṃ jānaṃ bhuñjantassa pācittiyanti attho. Tañca kho ajjhoharaṇagaṇanāya, paṭiggahaṇe panassa dukkaṭaṃ.
рааж̇аг̇ахз д̣̇звад̣̇ад̇д̇ам̣ аараб̣бха бхигкунибарибаажид̇абин̣д̣абаад̇абхун̃ж̇анавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра буб̣б̣з г̇ихисамаарамбхаа’’д̇и аяамзд̇т̇а анубан̃н̃ад̇д̇и, асаад̇хааран̣абан̃н̃ад̇д̇и, анаан̣ад̇д̇игам̣, згад̇оубасамбаннааяа барибаажид̇ам̣ бхун̃ж̇анд̇асса , абарибаажид̇з барибаажид̇асан̃н̃ино, убхаяад̇т̇а взмад̇игасса жа д̣̇уггадам̣. убхаяад̇т̇а абарибаажид̇асан̃н̃ино, г̇ихисамаарамбхз, сигкамаанасааман̣зраад̣̇ийхи барибаажид̇з, бан̃жа бхож̇анаани табзд̇ваа авасзсз, уммад̇д̇агаад̣̇ийнан̃жа анаабад̇д̇и. бхигкунияаа барибаажид̇ад̇аа, барибаажид̇абхааваж̇аананам̣, г̇ихисамаарамбхаабхааво, од̣̇анаад̣̇ийнам̣ ан̃н̃ад̇арад̇аа, д̇асса аж̇жхохаран̣анд̇и имаанзд̇т̇а бан̃жа ан̇г̇аани. самудтаанаад̣̇ийни батамабаарааж̇игасаасаани, ид̣̇ам̣ бана бан̣н̣ад̇д̇иваж̇ж̇ам̣, д̇ижид̇д̇ам̣, д̇ивзд̣̇ананд̇и.
Rājagahe devadattaṃ ārabbha bhikkhuniparipācitapiṇḍapātabhuñjanavatthusmiṃ paññattaṃ, ‘‘aññatra pubbe gihisamārambhā’’ti ayamettha anupaññatti, asādhāraṇapaññatti, anāṇattikaṃ, ekatoupasampannāya paripācitaṃ bhuñjantassa , aparipācite paripācitasaññino, ubhayattha vematikassa ca dukkaṭaṃ. Ubhayattha aparipācitasaññino, gihisamārambhe, sikkhamānasāmaṇerādīhi paripācite, pañca bhojanāni ṭhapetvā avasese, ummattakādīnañca anāpatti. Bhikkhuniyā paripācitatā, paripācitabhāvajānanaṃ, gihisamārambhābhāvo, odanādīnaṃ aññataratā, tassa ajjhoharaṇanti imānettha pañca aṅgāni. Samuṭṭhānādīni paṭhamapārājikasaasāni, idaṃ pana paṇṇattivajjaṃ, ticittaṃ, tivedananti.
барибаажид̇асигкаабад̣̇аван̣н̣анаа нидтид̇аа.
Paripācitasikkhāpadavaṇṇanā niṭṭhitā.
10. рахонисаж̇ж̇асигкаабад̣̇аван̣н̣анаа
10. Rahonisajjasikkhāpadavaṇṇanā
д̣̇асамз саб̣б̣оби гат̇аамаг̇г̇о д̣̇уд̇ияаанияад̇з вуд̇д̇анаязнзва взд̣̇ид̇аб̣б̣о. ид̣̇ан̃хи сигкаабад̣̇ам̣ д̣̇уд̇ияаанияад̇зна жа убари убананд̣̇асса жад̇уд̇т̇асигкаабад̣̇зна жа згабарижчзд̣̇ам̣, адтуббад̇д̇ивасзна бана висум̣ бан̃н̃ад̇д̇анд̇и.
Dasame sabbopi kathāmaggo dutiyaaniyate vuttanayeneva veditabbo. Idañhi sikkhāpadaṃ dutiyaaniyatena ca upari upanandassa catutthasikkhāpadena ca ekaparicchedaṃ, aṭṭhuppattivasena pana visuṃ paññattanti.
рахонисаж̇ж̇асигкаабад̣̇аван̣н̣анаа нидтид̇аа.
Rahonisajjasikkhāpadavaṇṇanā niṭṭhitā.
оваад̣̇аваг̇г̇о д̇ад̇ияо.
Ovādavaggo tatiyo.
