| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
3. баб̣б̣ааж̇анийяагаммагат̇аа
3. Pabbājanīyakammakathā
27. зд̇т̇аад̇и ассаж̇ибунаб̣б̣асугавад̇т̇умхи. гааяигод̇и зд̇т̇а гааязна гийл̣ад̇ийд̇и гааяигод̇и важанад̇т̇ам̣ д̣̇ассзнд̇о ааха ‘‘гааяагийл̣аа вужжад̇ий’’д̇и. ‘‘зсзва наяо’’д̇и иминаа ваажааяа гийл̣ад̇ийд̇и ваажасиго, гааяиго жа ваажасиго жа гааяигаваажасигод̇и важанад̇т̇ам̣ ад̇ид̣̇исад̇и. зд̇т̇а жа бажчимаважанад̇т̇о самаахаарад̣̇ванд̣̇о, самаахаарад̣̇ванд̣̇зби гад̇т̇ажи буллин̇г̇амижчанд̇и сад̣̇д̣̇авид̣̇уу ‘‘д̇хаммавинаяо’’д̇иаад̣̇ийсу (вибха. адта. 509) вияа. гааяад̣̇ваарабан̃н̃ад̇д̇асигкаабад̣̇ам̣ вийд̇иггамад̇ийд̇и гааяигод̇и важанад̇т̇ам̣ д̣̇ассзнд̇о ааха ‘‘гааяад̣̇ваарз бан̃н̃ад̇д̇асигкаабад̣̇авийд̇иггамо вужжад̇ий’’д̇и. гааязна бан̃н̃ад̇д̇асигкаабад̣̇ам̣ вийд̇иггамзд̇ийд̇и гааяигод̇и важанад̇т̇оби яуж̇ж̇ад̇зва. ‘‘убахананам̣ вужжад̇ий’’д̇и иминаа убахананам̣ убагхаад̇ам̣, д̇амзва убагхаад̇иганд̇и важанад̇т̇ам̣ д̣̇ассзд̇и. ‘‘наасана’’нд̇и иминаа ханад̇хаад̇уяаа хим̣санад̇т̇ам̣ д̣̇ассзд̇и. бадигкид̇д̇авзж̇ж̇агаммаад̣̇ивасзна д̇злабажанааридтабажанаад̣̇ийни гааяиго мижчааж̇ийво наамаад̇и яож̇анаа. иминаа мижчааж̇ийвасса саруубам̣ д̣̇ассзд̇и.
27.Etthāti assajipunabbasukavatthumhi. Kāyikoti ettha kāyena kīḷatīti kāyikoti vacanatthaṃ dassento āha ‘‘kāyakīḷā vuccatī’’ti. ‘‘Eseva nayo’’ti iminā vācāya kīḷatīti vācasiko, kāyiko ca vācasiko ca kāyikavācasikoti vacanatthaṃ atidisati. Ettha ca pacchimavacanattho samāhāradvando, samāhāradvandepi katthaci pulliṅgamicchanti saddavidū ‘‘dhammavinayo’’tiādīsu (vibha. aṭṭha. 509) viya. Kāyadvārapaññattasikkhāpadaṃ vītikkamatīti kāyikoti vacanatthaṃ dassento āha ‘‘kāyadvāre paññattasikkhāpadavītikkamo vuccatī’’ti. Kāyena paññattasikkhāpadaṃ vītikkametīti kāyikoti vacanatthopi yujjateva. ‘‘Upahananaṃ vuccatī’’ti iminā upahananaṃ upaghātaṃ, tameva upaghātikanti vacanatthaṃ dasseti. ‘‘Nāsana’’nti iminā hanadhātuyā hiṃsanatthaṃ dasseti. Paṭikkhittavejjakammādivasena telapacanaariṭṭhapacanādīni kāyiko micchājīvo nāmāti yojanā. Iminā micchājīvassa sarūpaṃ dasseti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / ааган̇камаанажуд̣̇д̣̇асагам̣ • Ākaṅkhamānacuddasakaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баб̣б̣ааж̇анийяагаммагат̇аа • Pabbājanīyakammakathā
