| Library / Tipiṭaka / തിപിടക • Tipiṭaka / മഹാവഗ്ഗപാളി • Mahāvaggapāḷi |
൨൫൧. പബ്ബാജനീയകമ്മപടിപ്പസ്സദ്ധികഥാ
251. Pabbājanīyakammapaṭippassaddhikathā
൪൨൪. ഇധ പന, ഭിക്ഖവേ, ഭിക്ഖു സങ്ഘേന പബ്ബാജനീയകമ്മകതോ സമ്മാ വത്തതി, ലോമം പാതേതി , നേത്ഥാരം വത്തതി, പബ്ബാജനീയസ്സ കമ്മസ്സ പടിപ്പസ്സദ്ധിം യാചതി. തത്ര ചേ ഭിക്ഖൂനം ഏവം ഹോതി – ‘‘അയം ഖോ, ആവുസോ, ഭിക്ഖു സങ്ഘേന പബ്ബാജനീയകമ്മകതോ സമ്മാ വത്തതി, ലോമം പാതേതി, നേത്ഥാരം വത്തതി, പബ്ബാജനീയസ്സ കമ്മസ്സ പടിപ്പസ്സദ്ധിം യാചതി. ഹന്ദസ്സ മയം പബ്ബാജനീയകമ്മം പടിപ്പസ്സമ്ഭേമാ’’തി. തേ തസ്സ പബ്ബാജനീയകമ്മം പടിപ്പസ്സമ്ഭേന്തി – അധമ്മേന വഗ്ഗാ. സോ തമ്ഹാ ആവാസാ അഞ്ഞം ആവാസം ഗച്ഛതി. തത്ഥപി ഭിക്ഖൂനം ഏവം ഹോതി – ‘‘ഇമസ്സ ഖോ, ആവുസോ, ഭിക്ഖുനോ സങ്ഘേന പബ്ബാജനീയകമ്മം പടിപ്പസ്സദ്ധം അധമ്മേന വഗ്ഗേഹി. ഹന്ദസ്സ മയം പബ്ബാജനീയകമ്മം പടിപ്പസ്സമ്ഭേമാ’’തി. തേ തസ്സ പബ്ബാജനീയകമ്മം പടിപ്പസ്സമ്ഭേന്തി – അധമ്മേന സമഗ്ഗാ…പേ॰… ധമ്മേന വഗ്ഗാ… ധമ്മപതിരൂപകേന വഗ്ഗാ… ധമ്മപതിരൂപകേന സമഗ്ഗാ…പേ॰….
424. Idha pana, bhikkhave, bhikkhu saṅghena pabbājanīyakammakato sammā vattati, lomaṃ pāteti , netthāraṃ vattati, pabbājanīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pabbājanīyakammakato sammā vattati, lomaṃ pāteti, netthāraṃ vattati, pabbājanīyassa kammassa paṭippassaddhiṃ yācati. Handassa mayaṃ pabbājanīyakammaṃ paṭippassambhemā’’ti. Te tassa pabbājanīyakammaṃ paṭippassambhenti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘imassa kho, āvuso, bhikkhuno saṅghena pabbājanīyakammaṃ paṭippassaddhaṃ adhammena vaggehi. Handassa mayaṃ pabbājanīyakammaṃ paṭippassambhemā’’ti. Te tassa pabbājanīyakammaṃ paṭippassambhenti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ചക്കം കാതബ്ബം.
Cakkaṃ kātabbaṃ.
പബ്ബാജനീയകമ്മപടിപ്പസ്സദ്ധികഥാ നിട്ഠിതാ.
Pabbājanīyakammapaṭippassaddhikathā niṭṭhitā.
