| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
14. பச்சவெக்க²ணஞாணனித்³தே³ஸோ
14. Paccavekkhaṇañāṇaniddeso
65. கத²ங் ததா³ ஸமுதா³க³தே த⁴ம்மே பஸ்ஸனே பஞ்ஞா பச்சவெக்க²ணே ஞாணங்? ஸோதாபத்திமக்³க³க்க²ணே த³ஸ்ஸனட்டே²ன ஸம்மாதி³ட்டி² ததா³ ஸமுதா³க³தா. அபி⁴னிரோபனட்டே²ன ஸம்மாஸங்கப்போ ததா³ ஸமுதா³க³தோ. பரிக்³க³ஹட்டே²ன ஸம்மாவாசா ததா³ ஸமுதா³க³தா. ஸமுட்டா²னட்டே²ன ஸம்மாகம்மந்தோ ததா³ ஸமுதா³க³தோ. வோதா³னட்டே²ன ஸம்மாஆஜீவோ ததா³ ஸமுதா³க³தோ. பக்³க³ஹட்டே²ன ஸம்மாவாயாமோ ததா³ ஸமுதா³க³தோ. உபட்டா²னட்டே²ன ஸம்மாஸதி ததா³ ஸமுதா³க³தா. அவிக்கே²பட்டே²ன ஸம்மாஸமாதி⁴ ததா³ ஸமுதா³க³தோ.
65. Kathaṃ tadā samudāgate dhamme passane paññā paccavekkhaṇe ñāṇaṃ? Sotāpattimaggakkhaṇe dassanaṭṭhena sammādiṭṭhi tadā samudāgatā. Abhiniropanaṭṭhena sammāsaṅkappo tadā samudāgato. Pariggahaṭṭhena sammāvācā tadā samudāgatā. Samuṭṭhānaṭṭhena sammākammanto tadā samudāgato. Vodānaṭṭhena sammāājīvo tadā samudāgato. Paggahaṭṭhena sammāvāyāmo tadā samudāgato. Upaṭṭhānaṭṭhena sammāsati tadā samudāgatā. Avikkhepaṭṭhena sammāsamādhi tadā samudāgato.
உபட்டா²னட்டே²ன ஸதிஸம்பொ³ஜ்ஜ²ங்கோ³ ததா³ ஸமுதா³க³தோ. பவிசயட்டே²ன த⁴ம்மவிசயஸம்பொ³ஜ்ஜ²ங்கோ³ ததா³ ஸமுதா³க³தோ. பக்³க³ஹட்டே²ன வீரியஸம்பொ³ஜ்ஜ²ங்கோ³ ததா³ ஸமுதா³க³தோ. ப²ரணட்டே²ன பீதிஸம்பொ³ஜ்ஜ²ங்கோ³ ததா³ ஸமுதா³க³தோ. உபஸமட்டே²ன பஸ்ஸத்³தி⁴ஸம்பொ³ஜ்ஜ²ங்கோ³ ததா³ ஸமுதா³க³தோ. அவிக்கே²பட்டே²ன ஸமாதி⁴ஸம்பொ³ஜ்ஜ²ங்கோ³ ததா³ ஸமுதா³க³தோ. படிஸங்கா²னட்டே²ன உபெக்கா²ஸம்பொ³ஜ்ஜ²ங்கோ³ ததா³ ஸமுதா³க³தோ.
Upaṭṭhānaṭṭhena satisambojjhaṅgo tadā samudāgato. Pavicayaṭṭhena dhammavicayasambojjhaṅgo tadā samudāgato. Paggahaṭṭhena vīriyasambojjhaṅgo tadā samudāgato. Pharaṇaṭṭhena pītisambojjhaṅgo tadā samudāgato. Upasamaṭṭhena passaddhisambojjhaṅgo tadā samudāgato. Avikkhepaṭṭhena samādhisambojjhaṅgo tadā samudāgato. Paṭisaṅkhānaṭṭhena upekkhāsambojjhaṅgo tadā samudāgato.
அஸ்ஸத்³தி⁴யே அகம்பியட்டே²ன ஸத்³தா⁴ப³லங் ததா³ ஸமுதா³க³தங். கோஸஜ்ஜே அகம்பியட்டே²ன வீரியப³லங் ததா³ ஸமுதா³க³தங். பமாதே³ அகம்பியட்டே²ன ஸதிப³லங் ததா³ ஸமுதா³க³தங். உத்³த⁴ச்சே அகம்பியட்டே²ன ஸமாதி⁴ப³லங் ததா³ ஸமுதா³க³தங். அவிஜ்ஜாய அகம்பியட்டே²ன பஞ்ஞாப³லங் ததா³ ஸமுதா³க³தங்.
Assaddhiye akampiyaṭṭhena saddhābalaṃ tadā samudāgataṃ. Kosajje akampiyaṭṭhena vīriyabalaṃ tadā samudāgataṃ. Pamāde akampiyaṭṭhena satibalaṃ tadā samudāgataṃ. Uddhacce akampiyaṭṭhena samādhibalaṃ tadā samudāgataṃ. Avijjāya akampiyaṭṭhena paññābalaṃ tadā samudāgataṃ.
அதி⁴மொக்க²ட்டே²ன ஸத்³தி⁴ந்த்³ரியங் ததா³ ஸமுதா³க³தங். பக்³க³ஹட்டே²ன வீரியிந்த்³ரியங் ததா³ ஸமுதா³க³தங். உபட்டா²னட்டே²ன ஸதிந்த்³ரியங் ததா³ ஸமுதா³க³தங். அவிக்கே²பட்டே²ன ஸமாதி⁴ந்த்³ரியங் ததா³ ஸமுதா³க³தங். த³ஸ்ஸனட்டே²ன பஞ்ஞிந்த்³ரியங் ததா³ ஸமுதா³க³தங்.
Adhimokkhaṭṭhena saddhindriyaṃ tadā samudāgataṃ. Paggahaṭṭhena vīriyindriyaṃ tadā samudāgataṃ. Upaṭṭhānaṭṭhena satindriyaṃ tadā samudāgataṃ. Avikkhepaṭṭhena samādhindriyaṃ tadā samudāgataṃ. Dassanaṭṭhena paññindriyaṃ tadā samudāgataṃ.
ஆதி⁴பதெய்யட்டே²ன இந்த்³ரியா ததா³ ஸமுதா³க³தா. அகம்பியட்டே²ன ப³லா ததா³ ஸமுதா³க³தா. நிய்யானட்டே²ன ஸம்பொ³ஜ்ஜ²ங்கா³ ததா³ ஸமுதா³க³தா. ஹேதுட்டே²ன மக்³கோ³ ததா³ ஸமுதா³க³தோ. உபட்டா²னட்டே²ன ஸதிபட்டா²னா ததா³ ஸமுதா³க³தா. பத³ஹனட்டே²ன ஸம்மப்பதா⁴னா ததா³ ஸமுதா³க³தா. இஜ்ஜ²னட்டே²ன இத்³தி⁴பாதா³ ததா³ ஸமுதா³க³தா. தத²ட்டே²ன ஸச்சா ததா³ ஸமுதா³க³தா. அவிக்கே²பட்டே²ன ஸமதோ² ததா³ ஸமுதா³க³தோ. அனுபஸ்ஸனட்டே²ன விபஸ்ஸனா ததா³ ஸமுதா³க³தா. ஏகரஸட்டே²ன ஸமத²விபஸ்ஸனா ததா³ ஸமுதா³க³தா. அனதிவத்தனட்டே²ன யுக³னத்³த⁴ங் ததா³ ஸமுதா³க³தங். ஸங்வரட்டே²ன ஸீலவிஸுத்³தி⁴ ததா³ ஸமுதா³க³தா. அவிக்கே²பட்டே²ன சித்தவிஸுத்³தி⁴ ததா³ ஸமுதா³க³தா. த³ஸ்ஸனட்டே²ன தி³ட்டி²விஸுத்³தி⁴ ததா³ ஸமுதா³க³தா. விமுத்தட்டே²ன விமொக்கோ² ததா³ ஸமுதா³க³தோ. படிவேத⁴ட்டே²ன விஜ்ஜா ததா³ ஸமுதா³க³தா. பரிச்சாக³ட்டே²ன விமுத்தி ததா³ ஸமுதா³க³தா. ஸமுச்சே²த³ட்டே²ன க²யே ஞாணங் ததா³ ஸமுதா³க³தங்.
Ādhipateyyaṭṭhena indriyā tadā samudāgatā. Akampiyaṭṭhena balā tadā samudāgatā. Niyyānaṭṭhena sambojjhaṅgā tadā samudāgatā. Hetuṭṭhena maggo tadā samudāgato. Upaṭṭhānaṭṭhena satipaṭṭhānā tadā samudāgatā. Padahanaṭṭhena sammappadhānā tadā samudāgatā. Ijjhanaṭṭhena iddhipādā tadā samudāgatā. Tathaṭṭhena saccā tadā samudāgatā. Avikkhepaṭṭhena samatho tadā samudāgato. Anupassanaṭṭhena vipassanā tadā samudāgatā. Ekarasaṭṭhena samathavipassanā tadā samudāgatā. Anativattanaṭṭhena yuganaddhaṃ tadā samudāgataṃ. Saṃvaraṭṭhena sīlavisuddhi tadā samudāgatā. Avikkhepaṭṭhena cittavisuddhi tadā samudāgatā. Dassanaṭṭhena diṭṭhivisuddhi tadā samudāgatā. Vimuttaṭṭhena vimokkho tadā samudāgato. Paṭivedhaṭṭhena vijjā tadā samudāgatā. Pariccāgaṭṭhena vimutti tadā samudāgatā. Samucchedaṭṭhena khaye ñāṇaṃ tadā samudāgataṃ.
ச²ந்தோ³ மூலட்டே²ன ததா³ ஸமுதா³க³தோ. மனஸிகாரோ ஸமுட்டா²னட்டே²ன ததா³ ஸமுதா³க³தோ. ப²ஸ்ஸோ ஸமோதா⁴னட்டே²ன ததா³ ஸமுதா³க³தோ. வேத³னா ஸமோஸரணட்டே²ன ததா³ ஸமுதா³க³தா. ஸமாதி⁴ பமுக²ட்டே²ன ததா³ ஸமுதா³க³தோ. ஸதி ஆதி⁴பதெய்யட்டே²ன ததா³ ஸமுதா³க³தா. பஞ்ஞா தது³த்தரட்டே²ன ததா³ ஸமுதா³க³தா . விமுத்தி ஸாரட்டே²ன ததா³ ஸமுதா³க³தா. அமதோக³த⁴ங் நிப்³பா³னங் பரியோஸானட்டே²ன ததா³ ஸமுதா³க³தங். வுட்ட²ஹித்வா பச்சவெக்க²தி, இமே த⁴ம்மா ததா³ ஸமுதா³க³தா.
Chando mūlaṭṭhena tadā samudāgato. Manasikāro samuṭṭhānaṭṭhena tadā samudāgato. Phasso samodhānaṭṭhena tadā samudāgato. Vedanā samosaraṇaṭṭhena tadā samudāgatā. Samādhi pamukhaṭṭhena tadā samudāgato. Sati ādhipateyyaṭṭhena tadā samudāgatā. Paññā taduttaraṭṭhena tadā samudāgatā . Vimutti sāraṭṭhena tadā samudāgatā. Amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā.
ஸோதாபத்திப²லக்க²ணே த³ஸ்ஸனட்டே²ன ஸம்மாதி³ட்டி² ததா³ ஸமுதா³க³தா. அபி⁴னிரோபனட்டே²ன ஸம்மாஸங்கப்போ ததா³ ஸமுதா³க³தோ…பே॰… படிப்பஸ்ஸத்³த⁴ட்டே²ன அனுப்பாதே³ ஞாணங் ததா³ ஸமுதா³க³தங். ச²ந்தோ³ மூலட்டே²ன ததா³ ஸமுதா³க³தோ. மனஸிகாரோ ஸமுட்டா²னட்டே²ன ததா³ ஸமுதா³க³தோ. ப²ஸ்ஸோ ஸமோதா⁴னட்டே²ன ததா³ ஸமுதா³க³தோ. வேத³னா ஸமோஸரணட்டே²ன ததா³ ஸமுதா³க³தா. ஸமாதி⁴ பமுக²ட்டே²ன ததா³ ஸமுதா³க³தோ. ஸதி ஆதி⁴பதெய்யட்டே²ன ததா³ ஸமுதா³க³தா. பஞ்ஞா தது³த்தரட்டே²ன ததா³ ஸமுதா³க³தா. விமுத்தி ஸாரட்டே²ன ததா³ ஸமுதா³க³தா. அமதோக³த⁴ங் நிப்³பா³னங் பரியோஸானட்டே²ன ததா³ ஸமுதா³க³தங். வுட்ட²ஹித்வா பச்சவெக்க²தி, இமே த⁴ம்மா ததா³ ஸமுதா³க³தா.
Sotāpattiphalakkhaṇe dassanaṭṭhena sammādiṭṭhi tadā samudāgatā. Abhiniropanaṭṭhena sammāsaṅkappo tadā samudāgato…pe… paṭippassaddhaṭṭhena anuppāde ñāṇaṃ tadā samudāgataṃ. Chando mūlaṭṭhena tadā samudāgato. Manasikāro samuṭṭhānaṭṭhena tadā samudāgato. Phasso samodhānaṭṭhena tadā samudāgato. Vedanā samosaraṇaṭṭhena tadā samudāgatā. Samādhi pamukhaṭṭhena tadā samudāgato. Sati ādhipateyyaṭṭhena tadā samudāgatā. Paññā taduttaraṭṭhena tadā samudāgatā. Vimutti sāraṭṭhena tadā samudāgatā. Amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā.
ஸகதா³கா³மிமக்³க³க்க²ணே…பே॰… ஸகதா³கா³மிப²லக்க²ணே…பே॰… அனாகா³மிமக்³க³க்க²ணே…பே॰… அனாகா³மிப²லக்க²ணே…பே॰… அரஹத்தமக்³க³க்க²ணே த³ஸ்ஸனட்டே²ன ஸம்மாதி³ட்டி² ததா³ ஸமுதா³க³தா…பே॰… ஸமுச்சே²த³ட்டே²ன க²யே ஞாணங் ததா³ ஸமுதா³க³தங். ச²ந்தோ³ மூலட்டே²ன ததா³ ஸமுதா³க³தோ…பே॰… அமதோக³த⁴ங் நிப்³பா³னங் பரியோஸானட்டே²ன ததா³ ஸமுதா³க³தங். வுட்ட²ஹித்வா பச்சவெக்க²தி, இமே த⁴ம்மா ததா³ ஸமுதா³க³தா.
Sakadāgāmimaggakkhaṇe…pe… sakadāgāmiphalakkhaṇe…pe… anāgāmimaggakkhaṇe…pe… anāgāmiphalakkhaṇe…pe… arahattamaggakkhaṇe dassanaṭṭhena sammādiṭṭhi tadā samudāgatā…pe… samucchedaṭṭhena khaye ñāṇaṃ tadā samudāgataṃ. Chando mūlaṭṭhena tadā samudāgato…pe… amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā.
அரஹத்தப²லக்க²ணே த³ஸ்ஸனட்டே²ன ஸம்மாதி³ட்டி² ததா³ ஸமுதா³க³தா …பே॰… படிப்பஸ்ஸத்³த⁴ட்டே²ன அனுப்பாதே³ ஞாணங் ததா³ ஸமுதா³க³தங். ச²ந்தோ³ மூலட்டே²ன ததா³ ஸமுதா³க³தோ …பே॰… அமதோக³த⁴ங் நிப்³பா³னங் பரியோஸானட்டே²ன ததா³ ஸமுதா³க³தங். வுட்ட²ஹித்வா பச்சவெக்க²தி, இமே த⁴ம்மா ததா³ ஸமுதா³க³தா. தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘ததா³ ஸமுதா³க³தே த⁴ம்மே பஸ்ஸனே பஞ்ஞா பச்சவெக்க²ணே ஞாணங்’’.
Arahattaphalakkhaṇe dassanaṭṭhena sammādiṭṭhi tadā samudāgatā …pe… paṭippassaddhaṭṭhena anuppāde ñāṇaṃ tadā samudāgataṃ. Chando mūlaṭṭhena tadā samudāgato …pe… amatogadhaṃ nibbānaṃ pariyosānaṭṭhena tadā samudāgataṃ. Vuṭṭhahitvā paccavekkhati, ime dhammā tadā samudāgatā. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘tadā samudāgate dhamme passane paññā paccavekkhaṇe ñāṇaṃ’’.
பச்சவெக்க²ணஞாணனித்³தே³ஸோ சுத்³த³ஸமோ.
Paccavekkhaṇañāṇaniddeso cuddasamo.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 14. பச்சவெக்க²ணஞாணனித்³தே³ஸவண்ணனா • 14. Paccavekkhaṇañāṇaniddesavaṇṇanā
