| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
бажжаяанид̣̇д̣̇зсабагин̣н̣агавинижчаяагат̇ааван̣н̣анаа
Paccayaniddesapakiṇṇakavinicchayakathāvaṇṇanā
аад̣̇имабаатод̇и буримабаато. д̇ат̇аа жа сад̇ийд̇и д̣̇осассаби сад̇д̇арасахи бажжаязхи бажжаяабхаавз сад̇и. ад̇хибад̇ибажжаяабхаавобисса анун̃н̃аад̇о ход̇ийд̇и ааха ‘‘д̣̇осассаби г̇аругаран̣ам̣ баал̣ияам̣ вад̇д̇аб̣б̣ам̣ сияаа’’д̇и. ‘‘сзсаана’’нд̇и важанзнзва ниваарид̇од̇и гад̣̇аажи аасан̇гзяяаад̇и д̇ам̣нивад̇д̇анад̇т̇амааха ‘‘на жа сзсаана’’нд̇иаад̣̇и. бурзж̇аад̇аад̣̇ийхийд̇и бурзж̇аад̇агаммаахааражхаанинд̣̇рияамаг̇г̇авибаагабажжаязхи. д̇аннивааран̣ад̇т̇анд̇и д̇асса яат̇аавуд̇д̇ад̣̇осасса нивааран̣ад̇т̇ам̣. висун̃жа аг̇г̇ахзд̇ваад̇и лобхамохаа вибаагабажжаяааби на хонд̇и, д̇ат̇аа д̣̇осод̇и звам̣ висун̃жа аг̇г̇ахзд̇ваа. подтаб̣б̣ааяад̇анам̣ гааяавин̃н̃аан̣ад̇хаад̇уяаа аарамман̣аад̣̇ибажжаяо хонд̇ам̣язва бат̇авийаад̣̇исабхаавад̇д̇аа ад̇д̇анаа сахаж̇аад̇аанам̣ сахаж̇аад̇аад̣̇ибажжаяаа хонд̇иязваад̇и вуд̇д̇ам̣ ‘‘подтаб̣б̣ааяад̇анасса сахаж̇аад̇аад̣̇ибажжаяабхаавам̣ д̣̇ассзд̇ий’’д̇и. ‘‘саб̣б̣ад̇хаммаана’’нд̇и ‘‘саб̣б̣з д̇хаммаа мановин̃н̃аан̣ад̇хаад̇уяаа д̇ам̣самбаяуд̇д̇агаанан̃жа д̇хаммаанам̣ аарамман̣абажжаязна бажжаяо’’д̇и зд̇т̇а вуд̇д̇з саб̣б̣ад̇хаммз санд̇хааяааха ‘‘саб̣б̣ад̇хаммаанам̣ яат̇ааяог̇ам̣ хзд̇аад̣̇ибажжаяабхаавам̣ д̣̇ассзд̇ий’’д̇и. на хи зд̇ам̣…бз… бхаавад̣̇ассанам̣, ат̇а ко згад̇хаммасса анзгабажжаяабхаавад̣̇ассанам̣, д̇асмаа ‘‘зд̇зна подтаб̣б̣ааяад̇анассаа’’д̇иаад̣̇и вуд̇д̇анд̇и ад̇хиббааяо. руубаад̣̇ийнанд̇и руубааяад̇анаад̣̇ийнам̣.
Ādimapāṭhoti purimapāṭho. Tathā ca satīti dosassapi sattarasahi paccayehi paccayabhāve sati. Adhipatipaccayabhāvopissa anuññāto hotīti āha ‘‘dosassapi garukaraṇaṃ pāḷiyaṃ vattabbaṃ siyā’’ti. ‘‘Sesāna’’nti vacaneneva nivāritoti kadāci āsaṅkeyyāti taṃnivattanatthamāha ‘‘na ca sesāna’’ntiādi. Purejātādīhīti purejātakammāhārajhānindriyamaggavipākapaccayehi. Tannivāraṇatthanti tassa yathāvuttadosassa nivāraṇatthaṃ. Visuñca aggahetvāti lobhamohā vipākapaccayāpi na honti, tathā dosoti evaṃ visuñca aggahetvā. Phoṭṭhabbāyatanaṃ kāyaviññāṇadhātuyā ārammaṇādipaccayo hontaṃyeva pathavīādisabhāvattā attanā sahajātānaṃ sahajātādipaccayā hontiyevāti vuttaṃ ‘‘phoṭṭhabbāyatanassa sahajātādipaccayabhāvaṃ dassetī’’ti. ‘‘Sabbadhammāna’’nti ‘‘sabbe dhammā manoviññāṇadhātuyā taṃsampayuttakānañca dhammānaṃ ārammaṇapaccayena paccayo’’ti ettha vutte sabbadhamme sandhāyāha ‘‘sabbadhammānaṃ yathāyogaṃ hetādipaccayabhāvaṃ dassetī’’ti. Na hi etaṃ…pe… bhāvadassanaṃ, atha kho ekadhammassa anekapaccayabhāvadassanaṃ, tasmā ‘‘etena phoṭṭhabbāyatanassā’’tiādi vuttanti adhippāyo. Rūpādīnanti rūpāyatanādīnaṃ.
бхзд̣̇аад̇и висзсаа. бхзд̣̇ам̣ анаамасид̇ваад̇и жагкувин̃н̃аан̣ад̇хаад̇уаад̣̇ивисзсам̣ аг̇г̇ахзд̇ваа. д̇з зваад̇и яат̇аавуд̇д̇ависзсаанам̣ сааман̃н̃абхууд̇з канд̇хз зва. яам̣ санд̇хааяа ‘‘звам̣ на саггаа вад̇д̇у’’нд̇и вуд̇д̇ам̣, д̇ам̣ вибхаавзд̇ум̣ ‘‘на хий’’д̇иаад̣̇и вуд̇д̇ам̣. бадтаанасам̣ван̣н̣анаа хзсаад̇и зд̇зна суд̇д̇з вуд̇д̇абарияааяамаг̇г̇абхаавзнзд̇т̇а на саггаа мижчааваажаад̣̇ийнам̣ маг̇г̇абажжаяам̣ вад̇д̇унд̇и д̣̇ассзд̇и. сзсабажжаяабхаавод̇и маг̇г̇абажжаяам̣ табзд̇ваа яат̇аавуд̇д̇зхи сзсзхи адтаарасахи бажжаязхи бажжаяабхааво. ад̇хибад̇ибажжаяо на ход̇ийд̇и аарамман̣аад̇хибад̇ибажжаяо на ход̇и. д̇анд̇и вижигижчам̣. д̇ад̇т̇аад̇и яат̇аавуд̇д̇зсу ахиригаад̣̇ийсу.
Bhedāti visesā. Bhedaṃ anāmasitvāti cakkhuviññāṇadhātuādivisesaṃ aggahetvā. Te evāti yathāvuttavisesānaṃ sāmaññabhūte khandhe eva. Yaṃ sandhāya ‘‘evaṃ na sakkā vattu’’nti vuttaṃ, taṃ vibhāvetuṃ ‘‘na hī’’tiādi vuttaṃ. Paṭṭhānasaṃvaṇṇanā hesāti etena sutte vuttapariyāyamaggabhāvenettha na sakkā micchāvācādīnaṃ maggapaccayaṃ vattunti dasseti. Sesapaccayabhāvoti maggapaccayaṃ ṭhapetvā yathāvuttehi sesehi aṭṭhārasahi paccayehi paccayabhāvo. Adhipatipaccayo na hotīti ārammaṇādhipatipaccayo na hoti. Tanti vicikicchaṃ. Tatthāti yathāvuttesu ahirikādīsu.
д̣̇асад̇хаа бажжаяаа хонд̇и, буна д̇ат̇аа хад̣̇аяавад̇т̇унд̇и ид̣̇ам̣ ад̇т̇амад̇д̇аважанам̣. баато бана ‘‘хад̣̇аяавад̇т̇у д̇зсан̃жзва виббаяуд̇д̇асса жа васзна д̣̇асад̇хаа бажжаяо ход̇ий’’д̇и взд̣̇ид̇аб̣б̣о. руубасад̣̇д̣̇аг̇анд̇харасааяад̇анамад̇д̇амзваад̇и ид̣̇ам̣ руубаад̣̇ийнам̣ сахаж̇аад̇абажжаяад̇ааяа вияа ниссаяабажжаяад̇ааяа жа абхаавад̇о, бурзж̇аад̇абажжаяад̇ааяа жа бхаавад̇о вуд̇д̇ам̣. зд̇аанийд̇и яат̇аавуд̇д̇аани руубасад̣̇д̣̇аг̇анд̇харасаарамман̣аани. саб̣б̣аад̇игганд̇абажжаяаабзгкаад̇и ‘‘згад̇хаммасса анзгабажжаяабхаавад̇о’’д̇и зд̇асмим̣ вижаарз хзд̇уаад̣̇иад̇игганд̇абажжаяаабзгкаа зд̇зсам̣ руубаад̣̇ийнам̣ абуб̣б̣ад̇аа над̇т̇и, ат̇а ко аарамман̣ааарамман̣аад̇хибад̇иаарамман̣уубаниссаяабажжаяаабзгкаа. на хи руубаад̣̇ийни хзд̇усахаж̇аад̇аад̇хибад̇иаад̣̇ивасзна бажжаяаа хонд̇ийд̇и. д̇ассаад̇и руубаж̇ийвид̇инд̣̇рияасса бурзж̇аад̇абажжаяабхаавад̇о абуб̣б̣ад̇аа, д̇асмаа д̇ам̣ згуунавийсад̇ивид̇хо бажжаяо ход̇ийд̇и вуд̇д̇ам̣ ход̇и. сад̇д̇ад̇хаа бажжаяабхааво яож̇зд̇аб̣б̣о, на хи ож̇аа бурзж̇аад̇абажжаяо на ход̇ийд̇и.
Dasadhā paccayā honti, puna tathā hadayavatthunti idaṃ atthamattavacanaṃ. Pāṭho pana ‘‘hadayavatthu tesañceva vippayuttassa ca vasena dasadhā paccayo hotī’’ti veditabbo. Rūpasaddagandharasāyatanamattamevāti idaṃ rūpādīnaṃ sahajātapaccayatāya viya nissayapaccayatāya ca abhāvato, purejātapaccayatāya ca bhāvato vuttaṃ. Etānīti yathāvuttāni rūpasaddagandharasārammaṇāni. Sabbātikkantapaccayāpekkhāti ‘‘ekadhammassa anekapaccayabhāvato’’ti etasmiṃ vicāre hetuādiatikkantapaccayāpekkhā etesaṃ rūpādīnaṃ apubbatā natthi, atha kho ārammaṇaārammaṇādhipatiārammaṇūpanissayapaccayāpekkhā. Na hi rūpādīni hetusahajātādhipatiādivasena paccayā hontīti. Tassāti rūpajīvitindriyassa purejātapaccayabhāvato apubbatā, tasmā taṃ ekūnavīsatividho paccayo hotīti vuttaṃ hoti. Sattadhā paccayabhāvo yojetabbo, na hi ojā purejātapaccayo na hotīti.
ад̇т̇од̇и ваа хзд̇уаад̣̇ид̇хаммаанам̣ сабхааво взд̣̇ид̇аб̣б̣о. со хи ад̇д̇ано бажжаяуббаннзхи аран̣ийяад̇о убаг̇анд̇аб̣б̣ад̇о, н̃аан̣зна ваа н̃аад̇аб̣б̣ад̇о ‘‘ад̇т̇о’’д̇и вужжад̇и. аагаарод̇и д̇ассзва бавад̇д̇иаагааро, язна ад̇д̇ано бажжаяуббаннаанам̣ бажжаяабхаавам̣ убаг̇ажчад̇ийд̇и звамзд̇т̇а ад̇т̇о д̣̇адтаб̣б̣о. д̇ам̣ бана виббаяуд̇д̇ам̣. ‘‘сад̇д̇ахаагаарзхий’’д̇и батаанасса гааран̣амааха ‘‘уггадтабарижчзд̣̇о хий’’д̇иаад̣̇инаа.
Atthoti vā hetuādidhammānaṃ sabhāvo veditabbo. So hi attano paccayuppannehi araṇīyato upagantabbato, ñāṇena vā ñātabbato ‘‘attho’’ti vuccati. Ākāroti tasseva pavattiākāro, yena attano paccayuppannānaṃ paccayabhāvaṃ upagacchatīti evamettha attho daṭṭhabbo. Taṃ pana vippayuttaṃ. ‘‘Sattahākārehī’’ti paṭhānassa kāraṇamāha ‘‘ukkaṭṭhaparicchedo hī’’tiādinā.
яам̣ гаммабажжаяо…бз… д̣̇адтаб̣б̣ам̣ аасзванагаммабажжаяаанам̣ бажжаяуббаннасса ананд̇арадтаанад̇ааяа. сахаж̇аад̇амби хи ананд̇арамзваад̇и. гожи банзд̇т̇аад̇и зд̇т̇а зд̇асмим̣ багад̇уубаниссаяасамуд̣̇ааяз гожи д̇ад̣̇згад̣̇зсабхууд̇о гаммасабхааво багад̇уубаниссаяод̇и ад̇т̇о. д̇ад̇т̇аад̇и ‘‘яад̣̇ид̣̇ам̣ аарамман̣абурзж̇аад̇з банзд̇т̇а инд̣̇рияавиббаяуд̇д̇абажжаяад̇аа на лаб̣бхад̇ий’’д̇и вуд̇д̇ам̣, д̇асмим̣, д̇асмим̣ ваа аарамман̣абурзж̇аад̇аг̇г̇ахан̣з. вад̇т̇усса виббаяуд̇д̇абажжаяад̇аа лаб̣бхад̇ийд̇и на вад̇д̇аб̣б̣аа. на хи аарамман̣абхууд̇ам̣ вад̇т̇у виббаяуд̇д̇абажжаяо ход̇и, ат̇а ко ниссаяабхууд̇амзваад̇и. ид̇о уд̇д̇арийд̇и зд̇т̇а ‘‘ид̇о’’д̇и ид̣̇ам̣ бажжаамасанам̣ бурзж̇аад̇ам̣ ваа санд̇хааяа аарамман̣абурзж̇аад̇ам̣ ваа. д̇ад̇т̇а батаманаяам̣ абзгкид̇ваа вуд̇д̇ам̣ ‘‘бурзж̇аад̇ад̇о барад̇обий’’д̇и. д̇зна гаммаад̣̇ибажжаязсуби вагкамаанзсу лаб̣бхамаанаалаб̣бхамаанам̣ взд̣̇ид̇аб̣б̣анд̇и вуд̇д̇ам̣ ход̇и. д̣̇уд̇ияам̣ бана наяам̣ анабзгкид̇ваа адтагат̇ааяам̣ ааг̇ад̇авасзна вуд̇д̇ам̣ ‘‘ид̇о ваа инд̣̇рияавиббаяуд̇д̇ад̇о’’д̇и, ад̇д̇анаа вуд̇д̇анаязна бана ‘‘ниссаяинд̣̇рияавиббаяуд̇д̇ад̇о ваа’’д̇и. д̇ад̇т̇а вад̇д̇аб̣б̣ам̣ саяамзвааха ‘‘аарамман̣аад̇хибад̇ий’’д̇иаад̣̇и. гаммаад̣̇ийсу лаб̣бхамаанаалаб̣бхамаанам̣ на вагкад̇и ‘‘ид̇о уд̇д̇арий’’д̇иаад̣̇инаа баг̇зва ад̇ид̣̇зсасса гад̇ад̇д̇аа, д̇асмаа буримоязва бурзж̇аад̇ад̇обийд̇и вуд̇д̇аад̇т̇оязва ад̇хиббзд̇о.
Yaṃ kammapaccayo…pe… daṭṭhabbaṃ āsevanakammapaccayānaṃ paccayuppannassa anantaraṭṭhānatāya. Sahajātampi hi anantaramevāti. Koci panetthāti ettha etasmiṃ pakatūpanissayasamudāye koci tadekadesabhūto kammasabhāvo pakatūpanissayoti attho. Tatthāti ‘‘yadidaṃ ārammaṇapurejāte panettha indriyavippayuttapaccayatā na labbhatī’’ti vuttaṃ, tasmiṃ, tasmiṃ vā ārammaṇapurejātaggahaṇe. Vatthussa vippayuttapaccayatā labbhatīti na vattabbā. Na hi ārammaṇabhūtaṃ vatthu vippayuttapaccayo hoti, atha kho nissayabhūtamevāti. Ito uttarīti ettha ‘‘ito’’ti idaṃ paccāmasanaṃ purejātaṃ vā sandhāya ārammaṇapurejātaṃ vā. Tattha paṭhamanayaṃ apekkhitvā vuttaṃ ‘‘purejātato paratopī’’ti. Tena kammādipaccayesupi vakkhamānesu labbhamānālabbhamānaṃ veditabbanti vuttaṃ hoti. Dutiyaṃ pana nayaṃ anapekkhitvā aṭṭhakathāyaṃ āgatavasena vuttaṃ ‘‘ito vā indriyavippayuttato’’ti, attanā vuttanayena pana ‘‘nissayindriyavippayuttato vā’’ti. Tattha vattabbaṃ sayamevāha ‘‘ārammaṇādhipatī’’tiādi. Kammādīsu labbhamānālabbhamānaṃ na vakkhati ‘‘ito uttarī’’tiādinā pageva atidesassa katattā, tasmā purimoyeva purejātatopīti vuttaatthoyeva adhippeto.
‘‘маг̇г̇абажжаяад̇ам̣ авиж̇аханд̇оваа’’д̇и иминаа жа маг̇г̇абажжаяо вуд̇д̇од̇и ‘‘маг̇г̇аваж̇ж̇аанам̣ наванна’’нд̇и вуд̇д̇ам̣ бажчимабаатз, буримабаатз бана ‘‘маг̇г̇абажжаяад̇ам̣ авиж̇аханд̇оваа’’д̇и вуд̇д̇ад̇д̇аа зва маг̇г̇абажжаязна сад̣̇д̇хим̣ сахаж̇аад̇аад̣̇ибажжаяаа г̇ахзд̇аб̣б̣аад̇и ‘‘д̣̇асанна’’нд̇и вуд̇д̇ам̣. д̇ад̇т̇а бажчимабаатз ‘‘згаад̣̇асахаагаарзхий’’д̇и вад̇д̇аб̣б̣ам̣, буримабаатз ‘‘д̣̇ваад̣̇асахий’’д̇и.
‘‘Maggapaccayataṃ avijahantovā’’ti iminā ca maggapaccayo vuttoti ‘‘maggavajjānaṃ navanna’’nti vuttaṃ pacchimapāṭhe, purimapāṭhe pana ‘‘maggapaccayataṃ avijahantovā’’ti vuttattā eva maggapaccayena saddhiṃ sahajātādipaccayā gahetabbāti ‘‘dasanna’’nti vuttaṃ. Tattha pacchimapāṭhe ‘‘ekādasahākārehī’’ti vattabbaṃ, purimapāṭhe ‘‘dvādasahī’’ti.
самананд̇аранируд̣̇д̇хад̇ааяа аарамман̣абхаавзна жаад̇и виж̇ж̇амаанамби висзсаманаамасид̇ваа гзвалам̣ самананд̇аранируд̣̇д̇хад̇ааяа аарамман̣абхаавзна, на жа самананд̇аранируд̣̇д̇хад̇аааарамман̣абхаавасааман̃н̃знаад̇и ад̇т̇о. ‘‘иминаа убааязнаа’’д̇и бажжаяасабхааг̇ад̇аад̣̇ассанзна бажжаяависабхааг̇ад̇аад̣̇ассанзна жа вуд̇д̇ам̣ бад̣̇ад̣̇ваяам̣ згаж̇жхам̣ гад̇ваа бад̣̇уд̣̇д̇хааро гад̇од̇и д̣̇ассзнд̇о ‘‘хзд̇уаад̣̇ийнам̣ сахаж̇аад̇аанам̣…бз… яож̇зд̇аб̣б̣аа’’д̇и ааха. хзд̇уаарамман̣аад̣̇ийнам̣ сахаж̇аад̇аасахаж̇аад̇абхаавзна ан̃н̃аман̃н̃ависабхааг̇ад̇аад̇и яож̇анаа. звамаад̣̇инаад̇и аад̣̇и-сад̣̇д̣̇зна бурзж̇аад̇аанам̣ жагкаад̣̇ийнам̣ руубаад̣̇ийнан̃жа бурзж̇аад̇абхаавзна сабхааг̇ад̇аа, бавад̇д̇ияам̣ вад̇т̇уканд̇хаад̣̇ийнам̣ бурзж̇аад̇абажчааж̇аад̇аанам̣ бурзж̇аад̇абажчааж̇аад̇абхаавзна висабхааг̇ад̇аад̇и звамаад̣̇ийнамби сан̇г̇ахо д̣̇адтаб̣б̣о. хзд̇унахзд̇уаад̣̇ибхаавад̇оби жзд̇т̇а яуг̇ал̣агад̇о вин̃н̃аад̇аб̣б̣о винижчаяо. хзд̇убажжаяо хи хзд̇убхаавзна бажжаяо, ид̇арз д̇ад̣̇ан̃н̃абхаавзна. звамид̇арзсуби яат̇аарахам̣ яуг̇ал̣агад̇о взд̣̇ид̇аб̣б̣о.
Samanantaraniruddhatāya ārammaṇabhāvena cāti vijjamānampi visesamanāmasitvā kevalaṃ samanantaraniruddhatāya ārammaṇabhāvena, na ca samanantaraniruddhatāārammaṇabhāvasāmaññenāti attho. ‘‘Iminā upāyenā’’ti paccayasabhāgatādassanena paccayavisabhāgatādassanena ca vuttaṃ padadvayaṃ ekajjhaṃ katvā paduddhāro katoti dassento ‘‘hetuādīnaṃ sahajātānaṃ…pe… yojetabbā’’ti āha. Hetuārammaṇādīnaṃ sahajātāsahajātabhāvena aññamaññavisabhāgatāti yojanā. Evamādināti ādi-saddena purejātānaṃ cakkhādīnaṃ rūpādīnañca purejātabhāvena sabhāgatā, pavattiyaṃ vatthukhandhādīnaṃ purejātapacchājātānaṃ purejātapacchājātabhāvena visabhāgatāti evamādīnampi saṅgaho daṭṭhabbo. Hetunahetuādibhāvatopi cettha yugaḷakato viññātabbo vinicchayo. Hetupaccayo hi hetubhāvena paccayo, itare tadaññabhāvena. Evamitaresupi yathārahaṃ yugaḷakato veditabbo.
убхаяаббад̇хаанад̇аад̇и ж̇ананобад̇т̇амбханаббад̇хаанад̇аа. таананд̇и бад̣̇асса ад̇т̇аважанам̣ гааран̣абхаавод̇и винааби бхаавабажжаяам̣ бхаавабажжаяасса ад̇т̇о н̃ааяад̇ийд̇и. убаниссаяам̣ бхинд̣̇анд̇знаад̇и ананд̇аруубаниссаяабагад̇уубаниссаяавибхааг̇зна вибхаж̇анд̇зна. д̇аяоби убаниссаяаа вад̇д̇аб̣б̣аа убаниссаяавибхааг̇абхаавад̇о. убаниссаяаг̇г̇ахан̣амзва гаад̇аб̣б̣ам̣ сааман̃н̃аруубзна. д̇ад̇т̇аад̇и звамавадтид̇з ананд̇аруубаниссаяабагад̇уубаниссаяод̇и бхинд̣̇анам̣ вибхааг̇агаран̣ам̣ яад̣̇и багад̇уубаниссаяасса руубаанам̣ бажжаяад̇д̇аабхаавад̣̇ассанад̇т̇ам̣, нану аарамман̣уубаниссаяаананд̇аруубаниссаяааби руубаанам̣ бажжаяаа на хонд̇иязваад̇и? сажжам̣ на хонд̇и, д̇з бана д̣̇ассид̇анаяаад̇и д̇ад̣̇згад̣̇зсзна ид̇арамби д̣̇ассид̇амзва ход̇ийд̇и имамад̇т̇ам̣ д̣̇ассзнд̇о ‘‘аарамман̣ам̣…бз… д̣̇адтаб̣б̣а’’нд̇и ааха. д̇ам̣самаанаг̇ад̇игад̇д̇аад̇и д̇зхи ананд̇араад̣̇ийхи самаанаг̇ад̇игад̇д̇аа аруубаанам̣язва бажжаяабхаавад̇о. д̇анд̇и бурзж̇аад̇абажжаяам̣. д̇ад̇т̇аад̇и ананд̇араад̣̇ийсу батид̇ваа.
Ubhayappadhānatāti jananopatthambhanappadhānatā. Ṭhānanti padassa atthavacanaṃ kāraṇabhāvoti vināpi bhāvapaccayaṃ bhāvapaccayassa attho ñāyatīti. Upanissayaṃ bhindantenāti anantarūpanissayapakatūpanissayavibhāgena vibhajantena. Tayopi upanissayā vattabbā upanissayavibhāgabhāvato. Upanissayaggahaṇameva kātabbaṃ sāmaññarūpena. Tatthāti evamavaṭṭhite anantarūpanissayapakatūpanissayoti bhindanaṃ vibhāgakaraṇaṃ yadi pakatūpanissayassa rūpānaṃ paccayattābhāvadassanatthaṃ, nanu ārammaṇūpanissayaanantarūpanissayāpi rūpānaṃ paccayā na hontiyevāti? Saccaṃ na honti, te pana dassitanayāti tadekadesena itarampi dassitameva hotīti imamatthaṃ dassento ‘‘ārammaṇaṃ…pe… daṭṭhabba’’nti āha. Taṃsamānagatikattāti tehi anantarādīhi samānagatikattā arūpānaṃyeva paccayabhāvato. Tanti purejātapaccayaṃ. Tatthāti anantarādīsu paṭhitvā.
бажжаяанид̣̇д̣̇зсабагин̣н̣агавинижчаяагат̇ааван̣н̣анаа нидтид̇аа.
Paccayaniddesapakiṇṇakavinicchayakathāvaṇṇanā niṭṭhitā.
