| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
2. бажжаяабажжанийяаван̣н̣анаа
2. Paccayapaccanīyavaṇṇanā
42-44. д̇звийсад̇имуулаганд̇и ид̣̇ан̃жзд̇т̇а д̣̇умуулагам̣язва санд̇хааяа вуд̇д̇анд̇и ид̣̇ам̣ д̣̇угамуулагз бужчаанам̣ муулабхууд̇аа д̇звийсад̇и д̣̇угаа самбхаванд̇ийд̇и д̇асса ‘‘д̇звийсад̇имуулага’’нд̇и наамам̣ гад̇ваа яаава яад̇д̇аго бабхзд̣̇о ад̇т̇и, д̇аава д̇ад̇д̇агам̣ д̇звийсад̇имуулагам̣ яат̇аануломз вид̇т̇аарид̇ам̣. звам̣ бажжанийязби вид̇т̇аарзд̇аб̣б̣анд̇и д̣̇угамуулагзна д̇игамуулагаад̣̇ийсу наяам̣ д̣̇ассзд̇ийд̇и иминаа ад̇хиббааязна вуд̇д̇ам̣ сияаа. яад̣̇и бана яаава д̇звийсад̇имам̣ муулам̣ яат̇аа вид̇т̇аарид̇анд̇и аяамад̇т̇о ад̇хиббзд̇о, ‘‘яаава д̇звийсад̇имам̣ муула’’нд̇взва баатзна бхавид̇аб̣б̣ам̣ сияаа. на хи ‘‘д̇звийсад̇имуулага’’нд̇и зд̇асса б̣яан̃ж̇анасса д̇звийсад̇имам̣ муулаганд̇и аяамад̇т̇о самбхавад̇и. яат̇аа ануломз ‘‘згзгабад̣̇ассаа’’д̇иаад̣̇инаа бана згамуулаад̣̇исаб̣б̣амуулагабарияосаанам̣ д̇ад̇т̇а наяад̣̇ассанавасзна д̣̇ассид̇ам̣ згзгасса бад̣̇асса вид̇т̇аарам̣ д̣̇ассзд̇ийд̇и саб̣б̣амуулагамзва жзд̇т̇а ‘‘д̇звийсад̇имуулага’’нд̇и вуд̇д̇анд̇и взд̣̇ид̇аб̣б̣ам̣. д̇ан̃хи д̇звийсад̇ияаа бажжаяаанам̣ авасзсасса бажжаяасса муулабхаавад̇о ‘‘д̇звийсад̇имуулага’’нд̇и жа д̇ад̇о барам̣ мууласса ан̃н̃асса абхаавад̇о ‘‘саб̣б̣амуулага’’нд̇и жа вужжад̇и.
42-44. Tevīsatimūlakanti idañcettha dumūlakaṃyeva sandhāya vuttanti idaṃ dukamūlake pucchānaṃ mūlabhūtā tevīsati dukā sambhavantīti tassa ‘‘tevīsatimūlaka’’nti nāmaṃ katvā yāva yattako pabhedo atthi, tāva tattakaṃ tevīsatimūlakaṃ yathānulome vitthāritaṃ. Evaṃ paccanīyepi vitthāretabbanti dukamūlakena tikamūlakādīsu nayaṃ dassetīti iminā adhippāyena vuttaṃ siyā. Yadi pana yāva tevīsatimaṃ mūlaṃ yathā vitthāritanti ayamattho adhippeto, ‘‘yāva tevīsatimaṃ mūla’’ntveva pāṭhena bhavitabbaṃ siyā. Na hi ‘‘tevīsatimūlaka’’nti etassa byañjanassa tevīsatimaṃ mūlakanti ayamattho sambhavati. Yathā anulome ‘‘ekekapadassā’’tiādinā pana ekamūlādisabbamūlakapariyosānaṃ tattha nayadassanavasena dassitaṃ ekekassa padassa vitthāraṃ dassetīti sabbamūlakameva cettha ‘‘tevīsatimūlaka’’nti vuttanti veditabbaṃ. Tañhi tevīsatiyā paccayānaṃ avasesassa paccayassa mūlabhāvato ‘‘tevīsatimūlaka’’nti ca tato paraṃ mūlassa aññassa abhāvato ‘‘sabbamūlaka’’nti ca vuccati.
бажжаяабажжанийяаван̣н̣анаа нидтид̇аа.
Paccayapaccanīyavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 3. бужчаавааро • 3. Pucchāvāro
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 2. бажжаяабажжанийяаван̣н̣анаа • 2. Paccayapaccanīyavaṇṇanā
