| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. бажжаяасуд̇д̇ам̣
10. Paccayasuttaṃ
20. саавад̇т̇ияам̣ вихарад̇и…бз… ‘‘бадижжасамуббаад̣̇ан̃жа во, бхигкавз, д̣̇зсзссаами бадижжасамуббаннз жа д̇хаммз. д̇ам̣ сун̣аат̇а, саад̇хугам̣ манаси гарот̇а, бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
20. Sāvatthiyaṃ viharati…pe… ‘‘paṭiccasamuppādañca vo, bhikkhave, desessāmi paṭiccasamuppanne ca dhamme. Taṃ suṇātha, sādhukaṃ manasi karotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амо жа, бхигкавз, бадижжасамуббаад̣̇о? ж̇аад̇ибажжаяаа, бхигкавз, ж̇араамаран̣ам̣. уббаад̣̇аа ваа д̇ат̇ааг̇ад̇аанам̣ ануббаад̣̇аа ваа д̇ат̇ааг̇ад̇аанам̣, тид̇аава саа д̇хаад̇у д̇хаммадтид̇ад̇аа д̇хамманияаамад̇аа ид̣̇аббажжаяад̇аа. д̇ам̣ д̇ат̇ааг̇ад̇о абхисамб̣уж̇жхад̇и абхисамзд̇и. абхисамб̣уж̇жхид̇ваа абхисамзд̇ваа аажигкад̇и д̣̇зсзд̇и бан̃н̃аабзд̇и бадтабзд̇и виварад̇и вибхаж̇ад̇и уд̇д̇аанийгарод̇и. ‘бассат̇аа’д̇и жааха – ‘ж̇аад̇ибажжаяаа, бхигкавз, ж̇араамаран̣ам̣’’’.
‘‘Katamo ca, bhikkhave, paṭiccasamuppādo? Jātipaccayā, bhikkhave, jarāmaraṇaṃ. Uppādā vā tathāgatānaṃ anuppādā vā tathāgatānaṃ, ṭhitāva sā dhātu dhammaṭṭhitatā dhammaniyāmatā idappaccayatā. Taṃ tathāgato abhisambujjhati abhisameti. Abhisambujjhitvā abhisametvā ācikkhati deseti paññāpeti paṭṭhapeti vivarati vibhajati uttānīkaroti. ‘Passathā’ti cāha – ‘jātipaccayā, bhikkhave, jarāmaraṇaṃ’’’.
‘‘бхавабажжаяаа, бхигкавз, ж̇аад̇и…бз… убаад̣̇аанабажжаяаа, бхигкавз, бхаво… д̇ан̣хаабажжаяаа, бхигкавз, убаад̣̇аанам̣… взд̣̇анаабажжаяаа, бхигкавз, д̇ан̣хаа… пассабажжаяаа, бхигкавз, взд̣̇анаа… сал̣ааяад̇анабажжаяаа, бхигкавз, пассо… наамаруубабажжаяаа, бхигкавз, сал̣ааяад̇анам̣… вин̃н̃аан̣абажжаяаа, бхигкавз, наамаруубам̣… сан̇каарабажжаяаа, бхигкавз, вин̃н̃аан̣ам̣… авиж̇ж̇аабажжаяаа, бхигкавз, сан̇каараа уббаад̣̇аа ваа д̇ат̇ааг̇ад̇аанам̣ ануббаад̣̇аа ваа д̇ат̇ааг̇ад̇аанам̣, тид̇аава саа д̇хаад̇у д̇хаммадтид̇ад̇аа д̇хамманияаамад̇аа ид̣̇аббажжаяад̇аа. д̇ам̣ д̇ат̇ааг̇ад̇о абхисамб̣уж̇жхад̇и абхисамзд̇и . абхисамб̣уж̇жхид̇ваа абхисамзд̇ваа аажигкад̇и д̣̇зсзд̇и бан̃н̃аабзд̇и бадтабзд̇и виварад̇и вибхаж̇ад̇и уд̇д̇аанийгарод̇и. ‘бассат̇аа’д̇и жааха ‘авиж̇ж̇аабажжаяаа, бхигкавз, сан̇каараа’. ид̇и ко, бхигкавз, яаа д̇ад̇ра д̇ат̇ад̇аа авид̇ат̇ад̇аа анан̃н̃ат̇ад̇аа ид̣̇аббажжаяад̇аа – аяам̣ вужжад̇и, бхигкавз, бадижжасамуббаад̣̇о.
‘‘Bhavapaccayā, bhikkhave, jāti…pe… upādānapaccayā, bhikkhave, bhavo… taṇhāpaccayā, bhikkhave, upādānaṃ… vedanāpaccayā, bhikkhave, taṇhā… phassapaccayā, bhikkhave, vedanā… saḷāyatanapaccayā, bhikkhave, phasso… nāmarūpapaccayā, bhikkhave, saḷāyatanaṃ… viññāṇapaccayā, bhikkhave, nāmarūpaṃ… saṅkhārapaccayā, bhikkhave, viññāṇaṃ… avijjāpaccayā, bhikkhave, saṅkhārā uppādā vā tathāgatānaṃ anuppādā vā tathāgatānaṃ, ṭhitāva sā dhātu dhammaṭṭhitatā dhammaniyāmatā idappaccayatā. Taṃ tathāgato abhisambujjhati abhisameti . Abhisambujjhitvā abhisametvā ācikkhati deseti paññāpeti paṭṭhapeti vivarati vibhajati uttānīkaroti. ‘Passathā’ti cāha ‘avijjāpaccayā, bhikkhave, saṅkhārā’. Iti kho, bhikkhave, yā tatra tathatā avitathatā anaññathatā idappaccayatā – ayaṃ vuccati, bhikkhave, paṭiccasamuppādo.
‘‘гад̇амз жа, бхигкавз, бадижжасамуббаннаа д̇хаммаа? ж̇араамаран̣ам̣, бхигкавз, анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хаммам̣. ж̇аад̇и, бхигкавз, анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа. бхаво, бхигкавз, анижжо сан̇кад̇о бадижжасамуббанно каяад̇хаммо ваяад̇хаммо вирааг̇ад̇хаммо нирод̇хад̇хаммо. убаад̣̇аанам̣ бхигкавз…бз… д̇ан̣хаа, бхигкавз… взд̣̇анаа, бхигкавз… пассо, бхигкавз… сал̣ааяад̇анам̣, бхигкавз… наамаруубам̣, бхигкавз… вин̃н̃аан̣ам̣ , бхигкавз… сан̇каараа, бхигкавз… авиж̇ж̇аа, бхигкавз, анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаа. имз вужжанд̇и, бхигкавз, бадижжасамуббаннаа д̇хаммаа.
‘‘Katame ca, bhikkhave, paṭiccasamuppannā dhammā? Jarāmaraṇaṃ, bhikkhave, aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ. Jāti, bhikkhave, aniccā saṅkhatā paṭiccasamuppannā khayadhammā vayadhammā virāgadhammā nirodhadhammā. Bhavo, bhikkhave, anicco saṅkhato paṭiccasamuppanno khayadhammo vayadhammo virāgadhammo nirodhadhammo. Upādānaṃ bhikkhave…pe… taṇhā, bhikkhave… vedanā, bhikkhave… phasso, bhikkhave… saḷāyatanaṃ, bhikkhave… nāmarūpaṃ, bhikkhave… viññāṇaṃ , bhikkhave… saṅkhārā, bhikkhave… avijjā, bhikkhave, aniccā saṅkhatā paṭiccasamuppannā khayadhammā vayadhammā virāgadhammā nirodhadhammā. Ime vuccanti, bhikkhave, paṭiccasamuppannā dhammā.
‘‘яад̇о ко, бхигкавз, арияасаавагасса ‘аяан̃жа бадижжасамуббаад̣̇о, имз жа бадижжасамуббаннаа д̇хаммаа’ яат̇аабхууд̇ам̣ саммаббан̃н̃ааяа суд̣̇идтаа хонд̇и, со вад̇а буб̣б̣анд̇ам̣ ваа бадид̇хаависсад̇и – ‘ахосим̣ ну ко ахам̣ 1 ад̇ийд̇амад̣̇д̇хаанам̣, нану ко ахосим̣ ад̇ийд̇амад̣̇д̇хаанам̣, гим̣ ну ко ахосим̣ ад̇ийд̇амад̣̇д̇хаанам̣, гат̇ам̣ ну ко ахосим̣ ад̇ийд̇амад̣̇д̇хаанам̣, гим̣ худ̇ваа гим̣ ахосим̣ ну ко ахам̣ ад̇ийд̇амад̣̇д̇хаана’нд̇и; абаранд̇ам̣ ваа убад̇хаависсад̇и 2 – ‘бхависсаами ну ко ахам̣ анааг̇ад̇амад̣̇д̇хаанам̣, нану ко бхависсаами анааг̇ад̇амад̣̇д̇хаанам̣ , гим̣ ну ко бхависсаами анааг̇ад̇амад̣̇д̇хаанам̣, гат̇ам̣ ну ко бхависсаами анааг̇ад̇амад̣̇д̇хаанам̣, гим̣ худ̇ваа гим̣ бхависсаами ну ко ахам̣ анааг̇ад̇амад̣̇д̇хаана’нд̇и; зд̇арахи ваа бажжуббаннам̣ ад̣̇д̇хаанам̣ аж̇жхад̇д̇ам̣ гат̇ам̣гат̇ий бхависсад̇и – ‘ахам̣ ну косми, но ну косми, гим̣ ну косми, гат̇ам̣ ну косми, аяам̣ ну ко сад̇д̇о гуд̇о ааг̇ад̇о, со гухим̣ г̇амиссад̇ий’д̇и – нзд̇ам̣ таанам̣ виж̇ж̇ад̇и. д̇ам̣ гисса хзд̇у? д̇ат̇аахи, бхигкавз, арияасаавагасса аяан̃жа бадижжасамуббаад̣̇о имз жа бадижжасамуббаннаа д̇хаммаа яат̇аабхууд̇ам̣ саммаббан̃н̃ааяа суд̣̇идтаа’’д̇и. д̣̇асамам̣.
‘‘Yato kho, bhikkhave, ariyasāvakassa ‘ayañca paṭiccasamuppādo, ime ca paṭiccasamuppannā dhammā’ yathābhūtaṃ sammappaññāya sudiṭṭhā honti, so vata pubbantaṃ vā paṭidhāvissati – ‘ahosiṃ nu kho ahaṃ 3 atītamaddhānaṃ, nanu kho ahosiṃ atītamaddhānaṃ, kiṃ nu kho ahosiṃ atītamaddhānaṃ, kathaṃ nu kho ahosiṃ atītamaddhānaṃ, kiṃ hutvā kiṃ ahosiṃ nu kho ahaṃ atītamaddhāna’nti; aparantaṃ vā upadhāvissati 4 – ‘bhavissāmi nu kho ahaṃ anāgatamaddhānaṃ, nanu kho bhavissāmi anāgatamaddhānaṃ , kiṃ nu kho bhavissāmi anāgatamaddhānaṃ, kathaṃ nu kho bhavissāmi anāgatamaddhānaṃ, kiṃ hutvā kiṃ bhavissāmi nu kho ahaṃ anāgatamaddhāna’nti; etarahi vā paccuppannaṃ addhānaṃ ajjhattaṃ kathaṃkathī bhavissati – ‘ahaṃ nu khosmi, no nu khosmi, kiṃ nu khosmi, kathaṃ nu khosmi, ayaṃ nu kho satto kuto āgato, so kuhiṃ gamissatī’ti – netaṃ ṭhānaṃ vijjati. Taṃ kissa hetu? Tathāhi, bhikkhave, ariyasāvakassa ayañca paṭiccasamuppādo ime ca paṭiccasamuppannā dhammā yathābhūtaṃ sammappaññāya sudiṭṭhā’’ti. Dasamaṃ.
аахаараваг̇г̇о д̣̇уд̇ияо.
Āhāravaggo dutiyo.
д̇ассуд̣̇д̣̇аанам̣ –
Tassuddānaṃ –
аахаарам̣ паг̇г̇уно жзва, д̣̇вз жа саман̣аб̣раахман̣аа;
Āhāraṃ phagguno ceva, dve ca samaṇabrāhmaṇā;
гажжаанаг̇од̇д̇о д̇хаммагат̇игам̣, ажзлам̣ д̇имб̣аругзна жа;
Kaccānagotto dhammakathikaṃ, acelaṃ timbarukena ca;
б̣аалабан̣д̣ид̇ад̇о жзва, д̣̇асамо бажжаязна жаад̇и.
Bālapaṇḍitato ceva, dasamo paccayena cāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. бажжаяасуд̇д̇аван̣н̣анаа • 10. Paccayasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. бажжаяасуд̇д̇аван̣н̣анаа • 10. Paccayasuttavaṇṇanā
