| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൭. പച്ചയസുത്തവണ്ണനാ
7. Paccayasuttavaṇṇanā
൨൭. പടിപാടിയാതി പടിപാടിയാ ഠപനേന. ചതുസച്ചയോജനം ദസ്സേതും പരിയോസാന…പേ॰… ആദി വുത്തം. ദുക്ഖസച്ചവസേനാതി പരിഞ്ഞേയ്യഭാവവസേന. ജരാമരണാപദേസേന ഹി പഞ്ചുപാദാനക്ഖന്ധാ വുത്താ, തേ ചസ്സ അത്തനോ ഫലസ്സ പച്ചയാ ന ഹോന്തി. തം സന്ധായ വുത്തം ‘‘പച്ചയം ജാനാതീ’’തി. വിനേയ്യജ്ഝാസയവസേന ഹേത്ഥ ദേസനാ പവത്താ. സമ്പന്നോതി സമന്നാഗതോ. ആഗതോതി ഉപഗതോ, അധിഗതോതി അത്ഥോ. പസ്സതീതി പച്ചവേക്ഖണഞാണേന പച്ചക്ഖതോ പസ്സതി, മഗ്ഗപഞ്ഞായ ഏവം അസമ്മോഹപടിവേധവസേന പസ്സതി. മഗ്ഗഞാണേനേവ, ന ഫലഞാണേന. ധമ്മസോതം സമാപന്നോതി അരിയധമ്മസോതം സമ്മദേവ ആപന്നോ പത്തോ. അനയേ നഇരിയനതോ, അയേ ച ഇരിയനതോ, സദേവകേന ച ലോകേന ‘‘സരണ’’ന്തി അകരണീയതോ അരിയപക്ഖം ഭജന്തോ പുഥുജ്ജനഭൂമിം അതിക്കന്തോ. നിബ്ബേധികപഞ്ഞായാതി ചതുന്നം അരിയസച്ചാനം നിബ്ബിജ്ഝനകപഞ്ഞായ. ആഹച്ച തിട്ഠതി മഗ്ഗക്ഖണേ, ഫലക്ഖണേ പന ആഹച്ച ഠിതോ നാമ.
27.Paṭipāṭiyāti paṭipāṭiyā ṭhapanena. Catusaccayojanaṃ dassetuṃ pariyosāna…pe… ādi vuttaṃ. Dukkhasaccavasenāti pariññeyyabhāvavasena. Jarāmaraṇāpadesena hi pañcupādānakkhandhā vuttā, te cassa attano phalassa paccayā na honti. Taṃ sandhāya vuttaṃ ‘‘paccayaṃ jānātī’’ti. Vineyyajjhāsayavasena hettha desanā pavattā. Sampannoti samannāgato. Āgatoti upagato, adhigatoti attho. Passatīti paccavekkhaṇañāṇena paccakkhato passati, maggapaññāya evaṃ asammohapaṭivedhavasena passati. Maggañāṇeneva, na phalañāṇena. Dhammasotaṃ samāpannoti ariyadhammasotaṃ sammadeva āpanno patto. Anaye nairiyanato, aye ca iriyanato, sadevakena ca lokena ‘‘saraṇa’’nti akaraṇīyato ariyapakkhaṃ bhajanto puthujjanabhūmiṃ atikkanto. Nibbedhikapaññāyāti catunnaṃ ariyasaccānaṃ nibbijjhanakapaññāya. Āhacca tiṭṭhati maggakkhaṇe, phalakkhaṇe pana āhacca ṭhito nāma.
പച്ചയസുത്തവണ്ണനാ നിട്ഠിതാ.
Paccayasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. പച്ചയസുത്തം • 7. Paccayasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൭. പച്ചയസുത്തവണ്ണനാ • 7. Paccayasuttavaṇṇanā
