| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
3. бажжаяаваараван̣н̣анаа
3. Paccayavāravaṇṇanā
243. бад̇и-сад̣̇д̣̇о бад̇идтад̇т̇ам̣ д̣̇ийбзд̇и ‘‘саарз бад̇идтид̇о’’д̇иаад̣̇ийсу, аяа-сад̣̇д̣̇о г̇ад̇им̣ д̣̇ийбзд̇и ‘‘зд̇и зд̇т̇аад̇и аяо’’д̇и.
243. Pati-saddo patiṭṭhatthaṃ dīpeti ‘‘sāre patiṭṭhito’’tiādīsu, aya-saddo gatiṃ dīpeti ‘‘eti etthāti ayo’’ti.
бхууд̇убаад̣̇ааруубаани саха сан̇г̇ан̣хид̇ваа вуд̇д̇ам̣ убаад̣̇ааруубаанам̣ вияа бхууд̇аруубаани ниссаяо ход̇ийд̇и гад̇ваа. яад̣̇и звам̣ гасмаа адтагат̇ааяам̣ ‘‘махаабхууд̇з ниссааяа жид̇д̇асамудтаанам̣ убаад̣̇аарууба’’нд̇и убаад̣̇ааруубам̣язва д̣̇ассид̇анд̇и ааха ‘‘адтагат̇ааяам̣ банаа’’д̇иаад̣̇и.
Bhūtupādārūpāni saha saṅgaṇhitvā vuttaṃ upādārūpānaṃ viya bhūtarūpāni nissayo hotīti katvā. Yadi evaṃ kasmā aṭṭhakathāyaṃ ‘‘mahābhūte nissāya cittasamuṭṭhānaṃ upādārūpa’’nti upādārūpaṃyeva dassitanti āha ‘‘aṭṭhakathāyaṃ panā’’tiādi.
255. бадижжаваарз сахаж̇аад̇зд̇и бадижжаваарз сахаж̇аад̇абажжаяаван̣н̣анааяам̣, гаммауд̇уж̇аананд̇и гаммаж̇аанам̣ уд̇уж̇аанан̃жа васзна ад̇т̇о вуд̇д̇од̇и яож̇анаа. д̇ат̇аа хи д̇ад̇т̇а вуд̇д̇ам̣ ‘‘д̣̇висанд̇ад̇исамудтаанабхууд̇авасзна вуд̇д̇а’’нд̇и (бадтаа. адта. 1.57). гаммз жаад̇и гаммз ж̇анагагаммабажжаяз г̇ахид̇з. зганд̇аанзганд̇агаммаж̇аананд̇и зганд̇зна гаммаж̇аанам̣ на зганд̇агаммаж̇аанан̃жа. д̇ад̇т̇а асан̃н̃абхавз зганд̇агаммаж̇ам̣ наама ж̇ийвид̇инд̣̇рияам̣, ид̇арам̣ убаад̣̇ааруубам̣ бхууд̇аруубан̃жа на зганд̇агаммаж̇ам̣, д̇ад̣̇убхаяамби д̇ад̇т̇а згаж̇жхам̣ гад̇ваа вуд̇д̇ам̣, ‘‘махаабхууд̇з бадижжа гадад̇д̇аарууба’’нд̇и ид̣̇ам̣ бана гаммасамудтаанавасзнзва вуд̇д̇анд̇и. со наад̇хиббзд̇од̇и яо яат̇аад̣̇ассид̇о бадижжаваарз сахаж̇аад̇абажжаяз ад̇т̇о вуд̇д̇о, со ид̇ха на ад̇хиббзд̇о. гасмаад̇и жз, ааха ‘‘гадад̇д̇аа…бз… г̇ахид̇ад̇д̇аа’’д̇и. д̇ам̣ бахааяаад̇и д̇ам̣ бадижжаваарз вуд̇д̇амад̇т̇ам̣ бахааяа аг̇г̇ахзд̇ваа. яат̇ааг̇ахид̇ассаад̇и ‘‘асан̃н̃а…бз… гадад̇д̇ааруубам̣ убаад̣̇аарууба’’нд̇и баал̣ияам̣ зва г̇ахид̇асса. бадижжа бажжаяаад̇и ид̣̇ам̣ д̣̇виннам̣ ваараанам̣ убалагкан̣ам̣. бадижжаваарз ааг̇ад̇анаязна махаабхууд̇з бадижжа, бажжаяаваарз ааг̇ад̇анаязна махаабхууд̇з бажжаяаа махаабхууд̇аанам̣ уббад̇д̇и на ниваарзд̇аб̣б̣аа, д̇асмаа ‘‘убаад̣̇ааруубасан̇каад̇ам̣ гадад̇д̇аарууба’’нд̇и звам̣ убаад̣̇ааруубаг̇г̇ахан̣зна гадад̇д̇ааруубам̣ ависзсзд̇ваа убаад̣̇ааруубаанам̣ нивад̇д̇зд̇аб̣б̣аанам̣ уд̇ужид̇д̇аахаарасамудтаанаанам̣ ад̇т̇ид̇ааяа гадад̇д̇аа…бз… висзсанам̣ д̣̇адтаб̣б̣анд̇и звамзд̇т̇а яож̇анаа взд̣̇ид̇аб̣б̣аа.
255. Paṭiccavāre sahajāteti paṭiccavāre sahajātapaccayavaṇṇanāyaṃ, kammautujānanti kammajānaṃ utujānañca vasena attho vuttoti yojanā. Tathā hi tattha vuttaṃ ‘‘dvisantatisamuṭṭhānabhūtavasena vutta’’nti (paṭṭhā. aṭṭha. 1.57). Kamme cāti kamme janakakammapaccaye gahite. Ekantānekantakammajānanti ekantena kammajānaṃ na ekantakammajānañca. Tattha asaññabhave ekantakammajaṃ nāma jīvitindriyaṃ, itaraṃ upādārūpaṃ bhūtarūpañca na ekantakammajaṃ, tadubhayampi tattha ekajjhaṃ katvā vuttaṃ, ‘‘mahābhūte paṭicca kaṭattārūpa’’nti idaṃ pana kammasamuṭṭhānavaseneva vuttanti. So nādhippetoti yo yathādassito paṭiccavāre sahajātapaccaye attho vutto, so idha na adhippeto. Kasmāti ce, āha ‘‘kaṭattā…pe… gahitattā’’ti. Taṃ pahāyāti taṃ paṭiccavāre vuttamatthaṃ pahāya aggahetvā. Yathāgahitassāti ‘‘asañña…pe… kaṭattārūpaṃ upādārūpa’’nti pāḷiyaṃ eva gahitassa. Paṭicca paccayāti idaṃ dvinnaṃ vārānaṃ upalakkhaṇaṃ. Paṭiccavāre āgatanayena mahābhūte paṭicca, paccayavāre āgatanayena mahābhūte paccayā mahābhūtānaṃ uppatti na nivāretabbā, tasmā ‘‘upādārūpasaṅkhātaṃ kaṭattārūpa’’nti evaṃ upādārūpaggahaṇena kaṭattārūpaṃ avisesetvā upādārūpānaṃ nivattetabbānaṃ utucittāhārasamuṭṭhānānaṃ atthitāya kaṭattā…pe… visesanaṃ daṭṭhabbanti evamettha yojanā veditabbā.
286-287. згажжасса руубассаад̇и ахзд̇угажид̇д̇асамудтаанасса. ид̇о барзсуби згажжаруубаг̇г̇ахан̣з зсзва наяо. жагкаад̣̇ид̇хаммавасзнаад̇и жагкааяад̇анаад̣̇ируубад̇хаммавасзна. жид̇д̇асамудтаанаад̣̇игодтаасавасзнаад̇и жид̇д̇аж̇аад̣̇ируубад̇хаммабхааг̇авасзна. саб̣б̣ам̣ лаб̣бхад̇ийд̇и сад̇иби имасса наяасса нахзд̇умуулагад̇д̇з нонад̇т̇иновиг̇ад̇зсу зганд̇и г̇ан̣анам̣ саб̣б̣ам̣ руубам̣ саб̣б̣асса руубасса васзна г̇ан̣анаа лаб̣бхад̇и жад̇усанд̇ад̇ивасзна вад̇д̇амаанзсу бан̃жавийсад̇ияаа руубад̇хаммзсу важ̇ж̇ид̇аб̣б̣асса абхааваа.
286-287. Ekaccassa rūpassāti ahetukacittasamuṭṭhānassa. Ito paresupi ekaccarūpaggahaṇe eseva nayo. Cakkhādidhammavasenāti cakkhāyatanādirūpadhammavasena. Cittasamuṭṭhānādikoṭṭhāsavasenāti cittajādirūpadhammabhāgavasena. Sabbaṃ labbhatīti satipi imassa nayassa nahetumūlakatte nonatthinovigatesu ekanti gaṇanaṃ sabbaṃ rūpaṃ sabbassa rūpassa vasena gaṇanā labbhati catusantativasena vattamānesu pañcavīsatiyā rūpadhammesu vajjitabbassa abhāvā.
бажжаяаваараван̣н̣анаа нидтид̇аа.
Paccayavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / 1. гусалад̇д̇игам̣ • 1. Kusalattikaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. бажжаяаваараван̣н̣анаа • 3. Paccayavāravaṇṇanā
