| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
бажжаяуд̣̇д̣̇зсаван̣н̣анаа
Paccayuddesavaṇṇanā
‘‘гз бана д̇з наяаа, гин̃жа д̇ам̣ бадтаанам̣ наамаа’’д̇и наяид̣̇ам̣ бужчид̇аб̣б̣ам̣. гасмаа? нид̣̇аанагат̇ааяам̣ бадтаанасамаананз ануломаад̣̇ийнам̣ наяаанам̣ бадтаанасса жа д̣̇ассид̇ад̇д̇аад̇и имамад̇т̇ам̣ вибхаавзнд̇о ‘‘саммаасамб̣уд̣̇д̇хзна хи…бз… наамаад̇и хи вуд̇д̇а’’нд̇и д̇ад̇т̇а вуд̇д̇ам̣ адтагат̇аабаал̣им̣ аахари. д̇ад̇т̇а г̇аат̇аад̇т̇ам̣ адтагат̇аад̇хиббааяан̃жа барад̇о ван̣н̣аяиссаамаад̇и.
‘‘Ke pana te nayā, kiñca taṃ paṭṭhānaṃ nāmā’’ti nayidaṃ pucchitabbaṃ. Kasmā? Nidānakathāyaṃ paṭṭhānasamānane anulomādīnaṃ nayānaṃ paṭṭhānassa ca dassitattāti imamatthaṃ vibhāvento ‘‘sammāsambuddhena hi…pe… nāmāti hi vutta’’nti tattha vuttaṃ aṭṭhakathāpāḷiṃ āhari. Tattha gāthātthaṃ aṭṭhakathādhippāyañca parato vaṇṇayissāmāti.
бадтаананаамад̇т̇о бана д̇игабадтаанаад̣̇ийнам̣ д̇игабадтаанаад̣̇инаамад̇т̇о, имасса багаран̣асса жад̇увийсад̇исаманд̇абадтаанасамод̇хаанад̇аа жзд̇т̇а вад̇д̇аб̣б̣аа. зван̃хи сан̇кзбад̇о бадтаанз н̃аад̇з вид̇т̇ааро сукавин̃н̃зяяо ход̇ийд̇и. д̇ад̇т̇а жа наамад̇т̇о батамам̣ вад̇д̇аб̣б̣од̇и ‘‘д̇ад̇т̇а язсам̣…бз… наамад̇т̇о д̇аава звам̣ взд̣̇ид̇аб̣б̣о’’д̇и вад̇ваа саб̣б̣асаад̇хааран̣асса бадтаананаамассзва д̇аава ад̇т̇ам̣ д̣̇ассзнд̇о ‘‘гзнадтзна бадтаана’’нд̇иаад̣̇имааха . ба-гааро хийд̇и убасаг̇г̇абад̣̇ам̣ д̣̇ассзд̇и. со ‘‘бавибхад̇д̇зсу д̇хаммзсу, яам̣ сздтам̣ д̇ад̣̇убааг̇амунд̇иаад̣̇ийсу вияа наанаббагаарад̇т̇ам̣ д̣̇ийбзд̇и. нану багаарзхи вибхад̇д̇аа бавибхад̇д̇аад̇и ба-ид̇и убасаг̇г̇о багаарад̇т̇амзва д̣̇ийбзд̇и, на наанаббагаарад̇т̇анд̇и? на, д̇зсам̣ багаараанам̣ наанаавид̇хабхаавад̇о. ад̇т̇ад̇о хи аабаннам̣ наанаавид̇хабхаавам̣ д̣̇ассзд̇ум̣ наанаа-сад̣̇д̣̇о вуд̇д̇од̇и. д̇ад̇т̇а згассаби д̇хаммасса хзд̇уаад̣̇ийхи анзгабажжаяабхаавад̇о жа згзгасса бажжаяасса анзгад̇хаммабхаавад̇о жа наанаббагаарабажжаяад̇аа взд̣̇ид̇аб̣б̣аа.
Paṭṭhānanāmattho pana tikapaṭṭhānādīnaṃ tikapaṭṭhānādināmattho, imassa pakaraṇassa catuvīsatisamantapaṭṭhānasamodhānatā cettha vattabbā. Evañhi saṅkhepato paṭṭhāne ñāte vitthāro sukhaviññeyyo hotīti. Tattha ca nāmattho paṭhamaṃ vattabboti ‘‘tattha yesaṃ…pe… nāmattho tāva evaṃ veditabbo’’ti vatvā sabbasādhāraṇassa paṭṭhānanāmasseva tāva atthaṃ dassento ‘‘kenaṭṭhena paṭṭhāna’’ntiādimāha . Pa-kāro hīti upasaggapadaṃ dasseti. So ‘‘pavibhattesu dhammesu, yaṃ seṭṭhaṃ tadupāgamuntiādīsu viya nānappakāratthaṃ dīpeti. Nanu pakārehi vibhattā pavibhattāti pa-iti upasaggo pakāratthameva dīpeti, na nānappakāratthanti? Na, tesaṃ pakārānaṃ nānāvidhabhāvato. Atthato hi āpannaṃ nānāvidhabhāvaṃ dassetuṃ nānā-saddo vuttoti. Tattha ekassapi dhammassa hetuādīhi anekapaccayabhāvato ca ekekassa paccayassa anekadhammabhāvato ca nānappakārapaccayatā veditabbā.
хзд̇убажжаяаад̣̇ивасзна вибхад̇д̇ад̇д̇аад̇и зд̇зна д̇хаммасан̇г̇ахаад̣̇ийсу вуд̇д̇ад̇о гусалаад̣̇ивибхааг̇ад̇о саад̇исаяавибхааг̇ад̇ам̣ бадтаананаамалаабхасса гааран̣ам̣ д̣̇ассзд̇и. г̇одтаад̇и важ̇аа. бадтид̇аг̇аавод̇и г̇ад̇аг̇ааво. ааг̇ад̇адтаанасминд̇и махаасийханаад̣̇асуд̇д̇ам̣ вад̣̇ад̇и. бавад̇д̇аг̇аманад̇д̇аа зд̇т̇аад̇и важанасзсо. ат̇а ваа г̇ажчад̇и зд̇т̇аад̇и г̇аманам̣, саб̣б̣ан̃н̃уд̇ан̃н̃аан̣асса ниссан̇г̇авасзна бавад̇д̇асса г̇аманад̇д̇аа г̇аманад̣̇зсабхаавад̇о згзгам̣ бадтаанам̣ наамаад̇и ад̇т̇о. д̇ад̇т̇а ан̃н̃зхи г̇ад̇иманд̇зхи ад̇исаяаяуд̇д̇асса г̇ад̇имад̇о г̇аманадтаанабхаавад̣̇ассанад̇т̇ам̣ ‘‘саб̣б̣ан̃н̃уд̇ан̃н̃аан̣ассаа’’д̇и вуд̇д̇ам̣. д̇асса махаавзг̇асса бурисасса бабаад̇адтаанам̣ вияа д̇хаммасан̇г̇ан̣ийаад̣̇ийнам̣ саасан̇г̇аг̇аманадтаанабхаавам̣ имасса жа махаабат̇о вияа нираасан̇г̇аг̇аманадтаанабхаавам̣ д̣̇ассзнд̇о ад̇исаяаяуд̇д̇аг̇аманадтаанабхааво бадтаананаамалаабхасса гааран̣анд̇и д̣̇ассзд̇и.
Hetupaccayādivasena vibhattattāti etena dhammasaṅgahādīsu vuttato kusalādivibhāgato sātisayavibhāgataṃ paṭṭhānanāmalābhassa kāraṇaṃ dasseti. Goṭṭhāti vajā. Paṭṭhitagāvoti gatagāvo. Āgataṭṭhānasminti mahāsīhanādasuttaṃ vadati. Pavattagamanattā etthāti vacanaseso. Atha vā gacchati etthāti gamanaṃ, sabbaññutaññāṇassa nissaṅgavasena pavattassa gamanattā gamanadesabhāvato ekekaṃ paṭṭhānaṃ nāmāti attho. Tattha aññehi gatimantehi atisayayuttassa gatimato gamanaṭṭhānabhāvadassanatthaṃ ‘‘sabbaññutaññāṇassā’’ti vuttaṃ. Tassa mahāvegassa purisassa papātaṭṭhānaṃ viya dhammasaṅgaṇīādīnaṃ sāsaṅgagamanaṭṭhānabhāvaṃ imassa ca mahāpatho viya nirāsaṅgagamanaṭṭhānabhāvaṃ dassento atisayayuttagamanaṭṭhānabhāvo paṭṭhānanāmalābhassa kāraṇanti dasseti.
д̇игаананд̇и д̇игавасзна вуд̇д̇ад̇хаммаанам̣. саманд̇аад̇и ануломаад̣̇ийхи саб̣б̣аагаарзхиби г̇ад̇аани жад̇увийсад̇и хонд̇ийд̇и ад̇т̇о. зд̇асмим̣ ад̇т̇з жад̇увийсад̇исаманд̇абадтаанаанийд̇и ‘‘саманд̇ажад̇увийсад̇ибадтаанааний’’д̇и вад̇д̇аб̣б̣з саманд̇асад̣̇д̣̇асса бараяог̇ам̣ гад̇ваа вуд̇д̇анд̇и д̣̇адтаб̣б̣ам̣. ат̇а ваа саманд̇аа ча ча худ̇ваад̇и зд̇зна ануломаад̣̇исаб̣б̣агодтаасад̇о д̇игаад̣̇ичачабхаавам̣ д̣̇ассзд̇и. д̇зна саманд̇асад̣̇д̣̇о д̇игаад̣̇ичачабадтаанависзсанам̣ ход̇и, на жад̇увийсад̇ивисзсанам̣, д̇асмаа саманд̇ад̇о бадтаанаани д̇аани жад̇увийсад̇ийд̇и гад̇ваа ‘‘жад̇увийсад̇исаманд̇абадтаанааний’’д̇и вуд̇д̇ам̣. саманд̇ад̇о ваа д̇хаммаануломаад̣̇ид̇игаад̣̇ибадижжаваараад̣̇ибажжаяаануломаад̣̇ихзд̇умуулагаад̣̇иббагаарзхи бавад̇д̇аани бадтаанаани саманд̇абадтаанаани, ануунзхи наязхи бавад̇д̇аанийд̇и вуд̇д̇ам̣ ход̇и. д̇аани бана жад̇увийсад̇и хонд̇и. д̇знзвааха ‘‘имзсам̣ жад̇увийсад̇ияаа куд̣̇д̣̇агабадтаанасан̇каад̇аанам̣ саманд̇абадтаанаанам̣ самод̇хаанавасзнаа’’д̇и.
Tikānanti tikavasena vuttadhammānaṃ. Samantāti anulomādīhi sabbākārehipi gatāni catuvīsati hontīti attho. Etasmiṃ atthe catuvīsatisamantapaṭṭhānānīti ‘‘samantacatuvīsatipaṭṭhānānī’’ti vattabbe samantasaddassa parayogaṃ katvā vuttanti daṭṭhabbaṃ. Atha vā samantā cha cha hutvāti etena anulomādisabbakoṭṭhāsato tikādichachabhāvaṃ dasseti. Tena samantasaddo tikādichachapaṭṭhānavisesanaṃ hoti, na catuvīsativisesanaṃ, tasmā samantato paṭṭhānāni tāni catuvīsatīti katvā ‘‘catuvīsatisamantapaṭṭhānānī’’ti vuttaṃ. Samantato vā dhammānulomāditikādipaṭiccavārādipaccayānulomādihetumūlakādippakārehi pavattāni paṭṭhānāni samantapaṭṭhānāni, anūnehi nayehi pavattānīti vuttaṃ hoti. Tāni pana catuvīsati honti. Tenevāha ‘‘imesaṃ catuvīsatiyā khuddakapaṭṭhānasaṅkhātānaṃ samantapaṭṭhānānaṃ samodhānavasenā’’ti.
хзд̇у жа со бажжаяо жаад̇и иминаа важанзна хзд̇уно ад̇хибад̇ибажжаяаад̣̇ибхууд̇асса жа г̇ахан̣ам̣ сияаад̇и д̇ам̣ ниваарзнд̇о ааха ‘‘хзд̇у худ̇ваа бажжаяо’’д̇и. зд̇знаби со зва д̣̇осо аабаж̇ж̇ад̇ийд̇и бунааха ‘‘хзд̇убхаавзна бажжаяод̇и вуд̇д̇ам̣ ход̇ий’’д̇и. д̇зна ид̇ха хзд̇у-сад̣̇д̣̇зна д̇хаммаг̇г̇ахан̣ам̣ на гад̇ам̣, ат̇а ко д̇хаммасад̇д̇ивисзсо г̇ахид̇од̇и д̣̇ассзд̇и. д̇асса хи бажжаяасад̣̇д̣̇асса жа самаанаад̇хигаран̣ад̇ам̣ санд̇хааяа ‘‘хзд̇у жа со бажжаяо жаа’’д̇и, ‘‘хзд̇у худ̇ваа бажжаяо’’д̇и жа вуд̇д̇ам̣. зван̃жа гад̇ваа барад̇о баал̣ияам̣ ‘‘хзд̇уу хзд̇усамбаяуд̇д̇а…бз… хзд̇убажжаязна бажжаяо’’д̇иаад̣̇инаа (бадтаа. 1.1.1) д̇зна д̇зна хзд̇убхааваад̣̇иубагаарзна д̇асса д̇асса д̇хаммасса убагаарад̇д̇ам̣ вуд̇д̇ам̣. адтагат̇ааяам̣ бана ‘‘яо хи д̇хаммо яам̣ д̇хаммам̣ аббажжагкааяа д̇идтад̇и ваа уббаж̇ж̇ад̇и ваа, со д̇асса бажжаяо’’д̇и ‘‘мууладтзна убагаараго д̇хаммо хзд̇убажжаяо’’д̇ижжзвамаад̣̇инаа д̇хаммаббад̇хаананид̣̇д̣̇зсзна д̇хаммад̇о ан̃н̃аа д̇хаммасад̇д̇и наама над̇т̇ийд̇и д̇хаммзхзва д̇хаммасад̇д̇ивибхааванам̣ гад̇анд̇и д̣̇адтаб̣б̣ам̣. ид̇хааби ваа хзд̇у жа со бажжаяо жаад̇и д̇хаммзнзва д̇хаммасад̇д̇им̣ д̣̇ассзд̇и. на хи хзд̇убажжаяод̇иаад̣̇иго уд̣̇д̣̇зсо гусалаад̣̇иуд̣̇д̣̇зсо вияа д̇хаммаббад̇хаано, ат̇а ко д̇хаммаанам̣ убагаараббад̇хаанод̇и. зд̇ийд̇и зд̇асса ад̇т̇о вад̇д̇ад̇ийд̇и, д̇ан̃жа уббад̇д̇идтид̇ийнам̣ саад̇хааран̣аважанам̣. д̇знзвааха – ‘‘д̇идтад̇и ваа уббаж̇ж̇ад̇и ваа’’д̇и. гожи хи бажжаяо тид̇ияаа зва ход̇и яат̇аа бажчааж̇аад̇абажжаяо, гожи уббад̇д̇ияааязва яат̇аа ананд̇араад̣̇аяо, гожи убхаяасса яат̇аа хзд̇уаад̣̇аяод̇и.
Hetu ca so paccayo cāti iminā vacanena hetuno adhipatipaccayādibhūtassa ca gahaṇaṃ siyāti taṃ nivārento āha ‘‘hetu hutvā paccayo’’ti. Etenapi so eva doso āpajjatīti punāha ‘‘hetubhāvena paccayoti vuttaṃ hotī’’ti. Tena idha hetu-saddena dhammaggahaṇaṃ na kataṃ, atha kho dhammasattiviseso gahitoti dasseti. Tassa hi paccayasaddassa ca samānādhikaraṇataṃ sandhāya ‘‘hetu ca so paccayo cā’’ti, ‘‘hetu hutvā paccayo’’ti ca vuttaṃ. Evañca katvā parato pāḷiyaṃ ‘‘hetū hetusampayutta…pe… hetupaccayena paccayo’’tiādinā (paṭṭhā. 1.1.1) tena tena hetubhāvādiupakārena tassa tassa dhammassa upakārattaṃ vuttaṃ. Aṭṭhakathāyaṃ pana ‘‘yo hi dhammo yaṃ dhammaṃ appaccakkhāya tiṭṭhati vā uppajjati vā, so tassa paccayo’’ti ‘‘mūlaṭṭhena upakārako dhammo hetupaccayo’’ticcevamādinā dhammappadhānaniddesena dhammato aññā dhammasatti nāma natthīti dhammeheva dhammasattivibhāvanaṃ katanti daṭṭhabbaṃ. Idhāpi vā hetu ca so paccayo cāti dhammeneva dhammasattiṃ dasseti. Na hi hetupaccayotiādiko uddeso kusalādiuddeso viya dhammappadhāno, atha kho dhammānaṃ upakārappadhānoti. Etīti etassa attho vattatīti, tañca uppattiṭṭhitīnaṃ sādhāraṇavacanaṃ. Tenevāha – ‘‘tiṭṭhati vā uppajjati vā’’ti. Koci hi paccayo ṭhitiyā eva hoti yathā pacchājātapaccayo, koci uppattiyāyeva yathā anantarādayo, koci ubhayassa yathā hetuādayoti.
убагаарагалагкан̣од̇и жа д̇хаммзна д̇хаммасад̇д̇иубагаарам̣ д̣̇ассзд̇ийд̇и д̣̇адтаб̣б̣ам̣. хинод̇и бад̇идтаад̇и зд̇т̇аад̇и хзд̇у. анзгад̇т̇ад̇д̇аа д̇хаад̇усад̣̇д̣̇аанам̣ хи-сад̣̇д̣̇о муула-сад̣̇д̣̇о вияа бад̇идтад̇т̇од̇и д̣̇адтаб̣б̣од̇и. хинод̇и ваа зд̇зна гамманид̣̇аанабхууд̇зна уд̣̇д̇хам̣ ож̇ам̣ абхихаранд̇зна муулзна вияа баад̣̇або д̇аббажжаяам̣ палам̣ г̇ажчад̇и бавад̇д̇ад̇и вуд̣дхим̣ вируул̣хим̣ аабаж̇ж̇ад̇ийд̇и хзд̇у. аажарияаананд̇и рзвад̇ад̇т̇зрам̣ вад̣̇ад̇и.
Upakārakalakkhaṇoti ca dhammena dhammasattiupakāraṃ dassetīti daṭṭhabbaṃ. Hinoti patiṭṭhāti etthāti hetu. Anekatthattā dhātusaddānaṃ hi-saddo mūla-saddo viya patiṭṭhatthoti daṭṭhabboti. Hinoti vā etena kammanidānabhūtena uddhaṃ ojaṃ abhiharantena mūlena viya pādapo tappaccayaṃ phalaṃ gacchati pavattati vuḍḍhiṃ virūḷhiṃ āpajjatīti hetu. Ācariyānanti revatattheraṃ vadati.
‘‘яонисо, бхигкавз, манасигарод̇о ануббаннаа жзва гусалаа д̇хаммаа уббаж̇ж̇анд̇и, уббаннаа жа гусалаа д̇хаммаа абхивад̣дханд̇ий’’д̇иаад̣̇ийхи (а. ни. 1.66-67) гусалабхаавасса яонисоманасигаарабадиб̣ад̣̇д̇хад̇аа сид̣̇д̇хаа ход̇ийд̇и ааха ‘‘яонисоманасигаарабадиб̣ад̣̇д̇хо гусалабхааво’’д̇и. зд̇знзва агусалааб̣яаагад̇абхааваа гусалабхааво вияа на хзд̇убадиб̣ад̣̇д̇хаад̇и д̣̇ассид̇ам̣ ход̇и. яам̣ банзгз ман̃н̃зяяум̣ ‘‘ахзд̇угахзд̇усса агусалабхааво вияа сахзд̇угахзд̇уунам̣ сабхаавад̇ова гусалаад̣̇ибхааво ан̃н̃зсам̣ д̇ам̣самбаяуд̇д̇аанам̣ хзд̇убадиб̣ад̣̇д̇хо’’д̇и, д̇асса уд̇д̇арам̣ вад̇д̇ум̣ ‘‘яад̣̇и жаа’’д̇иаад̣̇имааха. алобхо гусало ваа сияаа аб̣яаагад̇о ваа, яад̣̇и алобхо сабхаавад̇о гусало, гусалад̇д̇аа аб̣яаагад̇о на сияаа. ат̇а аб̣яаагад̇о, д̇ам̣сабхаавад̇д̇аа гусало на сияаа алобхасабхаавасса ад̣̇осад̇д̇аабхааво вияа. яасмаа бана убхаяат̇ааби со ход̇и, д̇асмаа яат̇аа убхаяат̇аа хонд̇зсу пассаад̣̇ийсу самбаяуд̇д̇зсу хзд̇убадиб̣ад̣̇д̇хагусалаад̣̇ибхаавам̣ бариязсат̇а, на сабхаавад̇о, звам̣ хзд̇уусуби гусалаад̣̇ид̇аа ан̃н̃абадиб̣ад̣̇д̇хаа бариязсид̇аб̣б̣аа, на сабхаавад̇од̇и. яам̣ вуд̇д̇ам̣ ‘‘самбаяуд̇д̇ахзд̇уусу сабхаавад̇ова гусалаад̣̇ибхааво’’д̇и, д̇ам̣ на яуж̇ж̇ад̇и, саа бана бариязсияамаанаа яонисоманасигаараад̣̇ибадиб̣ад̣̇д̇хаа ход̇ийд̇и хзд̇уусу вияа самбаяуд̇д̇зсуби яонисоманасигаараад̣̇ибадиб̣ад̣̇д̇хо гусалаад̣̇ибхааво, на хзд̇убадиб̣ад̣̇д̇ход̇и сид̣̇д̇хам̣ ход̇ийд̇и ад̇хиббааяо.
‘‘Yoniso, bhikkhave, manasikaroto anuppannā ceva kusalā dhammā uppajjanti, uppannā ca kusalā dhammā abhivaḍḍhantī’’tiādīhi (a. ni. 1.66-67) kusalabhāvassa yonisomanasikārapaṭibaddhatā siddhā hotīti āha ‘‘yonisomanasikārapaṭibaddho kusalabhāvo’’ti. Eteneva akusalābyākatabhāvā kusalabhāvo viya na hetupaṭibaddhāti dassitaṃ hoti. Yaṃ paneke maññeyyuṃ ‘‘ahetukahetussa akusalabhāvo viya sahetukahetūnaṃ sabhāvatova kusalādibhāvo aññesaṃ taṃsampayuttānaṃ hetupaṭibaddho’’ti, tassa uttaraṃ vattuṃ ‘‘yadi cā’’tiādimāha. Alobho kusalo vā siyā abyākato vā, yadi alobho sabhāvato kusalo, kusalattā abyākato na siyā. Atha abyākato, taṃsabhāvattā kusalo na siyā alobhasabhāvassa adosattābhāvo viya. Yasmā pana ubhayathāpi so hoti, tasmā yathā ubhayathā hontesu phassādīsu sampayuttesu hetupaṭibaddhakusalādibhāvaṃ pariyesatha, na sabhāvato, evaṃ hetūsupi kusalāditā aññapaṭibaddhā pariyesitabbā, na sabhāvatoti. Yaṃ vuttaṃ ‘‘sampayuttahetūsu sabhāvatova kusalādibhāvo’’ti, taṃ na yujjati, sā pana pariyesiyamānā yonisomanasikārādipaṭibaddhā hotīti hetūsu viya sampayuttesupi yonisomanasikārādipaṭibaddho kusalādibhāvo, na hetupaṭibaddhoti siddhaṃ hotīti adhippāyo.
аарабхид̇ваабийд̇и зд̇т̇а би-сад̣̇д̣̇зна имамад̇т̇ам̣ д̣̇ассзд̇и – руубааяад̇анаад̣̇имад̇д̇з яасмим̣ гисмин̃жи згасмим̣ адтад̇ваа ‘‘яам̣ яам̣ д̇хаммам̣ аараб̣бхаа’’д̇и анияамзна саб̣б̣аруубааяад̇ана…бз… д̇хаммааяад̇анаанан̃жа аарамман̣абажжаяабхаавасса вуд̇д̇ад̇д̇аа на гожи д̇хаммо на ход̇ийд̇и.
Ārabhitvāpīti ettha pi-saddena imamatthaṃ dasseti – rūpāyatanādimatte yasmiṃ kismiñci ekasmiṃ aṭṭhatvā ‘‘yaṃ yaṃ dhammaṃ ārabbhā’’ti aniyamena sabbarūpāyatana…pe… dhammāyatanānañca ārammaṇapaccayabhāvassa vuttattā na koci dhammo na hotīti.
‘‘чанд̣̇авад̇о гим̣ наама на сиж̇жхад̇ий’’д̇иаад̣̇игам̣ буримаабхисан̇кааруубаниссаяам̣ лабхид̇ваа уббаж̇ж̇амаанз жид̇д̇з чанд̣̇аад̣̇аяо д̇хурабхууд̇аа ж̇здтагабхууд̇аа саяам̣ самбаяуд̇д̇ад̇хаммз саад̇хаяамаанаа худ̇ваа бавад̇д̇анд̇и, д̇ам̣самбаяуд̇д̇ад̇хаммаа жа д̇зсам̣ васз вад̇д̇анд̇и хийнаад̣̇ибхаавзна д̇ад̣̇анувад̇д̇анад̇о, д̇зна д̇з ад̇хибад̇ибажжаяаа хонд̇и. г̇аругаад̇аб̣б̣амби аарамман̣ам̣ д̇анниннабон̣абаб̣бхаараанам̣ бажжавзгкан̣аассаад̣̇амаг̇г̇апалаанам̣ ад̇д̇ано васз вад̇д̇аяамаанам̣ вияа бажжаяо ход̇и, д̇асмааяам̣ ад̇д̇аад̇хийнаанам̣ бад̇ибхаавзна убагаарагад̇аа ад̇хибад̇ибажжаяад̇аад̇и д̣̇адтаб̣б̣аа.
‘‘Chandavato kiṃ nāma na sijjhatī’’tiādikaṃ purimābhisaṅkhārūpanissayaṃ labhitvā uppajjamāne citte chandādayo dhurabhūtā jeṭṭhakabhūtā sayaṃ sampayuttadhamme sādhayamānā hutvā pavattanti, taṃsampayuttadhammā ca tesaṃ vase vattanti hīnādibhāvena tadanuvattanato, tena te adhipatipaccayā honti. Garukātabbampi ārammaṇaṃ tanninnapoṇapabbhārānaṃ paccavekkhaṇaassādamaggaphalānaṃ attano vase vattayamānaṃ viya paccayo hoti, tasmāyaṃ attādhīnānaṃ patibhāvena upakārakatā adhipatipaccayatāti daṭṭhabbā.
мановин̃н̃аан̣ад̇хаад̇ууд̇иаад̣̇и жид̇д̇анияамод̇и зд̇т̇а аад̣̇и-сад̣̇д̣̇зна санд̇ийран̣аананд̇арам̣ водтаб̣б̣анам̣, жуд̇иананд̇араа бадисанд̇хийд̇и яасса яасса жид̇д̇асса ананд̇араа яам̣ яам̣ жид̇д̇ам̣ уббаж̇ж̇ад̇и, д̇асса д̇асса д̇ад̣̇ананд̇аруббаад̣̇анияамо д̇ам̣д̇ам̣сахагаарийбажжаяависидтасса буримабуримажид̇д̇ассзва васзна иж̇жхад̇ийд̇и д̣̇ассзд̇и. бхааванааб̣алзна бана ваарид̇ад̇д̇аад̇и зд̇т̇а яат̇аа ругкасса взкз д̣̇иннз бубпид̇ум̣ самад̇т̇ассзва бубпанам̣ на ход̇и, аг̇ад̣̇авзкз бана абанийд̇з д̇ааяаязва самад̇т̇ад̇ааяа бубпанам̣ ход̇и, звамид̇хааби бхааванааб̣алзна ваарид̇ад̇д̇аа самудтаабанасамад̇т̇ассзва асамудтаабанам̣, д̇асмин̃жа абаг̇ад̇з д̇ааяаязва самад̇т̇ад̇ааяа самудтаабанам̣ ход̇ийд̇и ад̇хиббааяо.
Manoviññāṇadhātūtiādi cittaniyamoti ettha ādi-saddena santīraṇānantaraṃ voṭṭhabbanaṃ, cutianantarā paṭisandhīti yassa yassa cittassa anantarā yaṃ yaṃ cittaṃ uppajjati, tassa tassa tadanantaruppādaniyamo taṃtaṃsahakārīpaccayavisiṭṭhassa purimapurimacittasseva vasena ijjhatīti dasseti. Bhāvanābalena pana vāritattāti ettha yathā rukkhassa vekhe dinne pupphituṃ samatthasseva pupphanaṃ na hoti, agadavekhe pana apanīte tāyayeva samatthatāya pupphanaṃ hoti, evamidhāpi bhāvanābalena vāritattā samuṭṭhāpanasamatthasseva asamuṭṭhāpanaṃ, tasmiñca apagate tāyayeva samatthatāya samuṭṭhāpanaṃ hotīti adhippāyo.
б̣яан̃ж̇анамад̇д̇ад̇овзд̇т̇а наанаагаран̣ам̣ бажжзд̇аб̣б̣ам̣, на ад̇т̇ад̇од̇и убажаяасанд̇ад̇иад̇хиважананируд̇д̇ибад̣̇аанам̣ вияа сад̣̇д̣̇ад̇т̇амад̇д̇ад̇о наанаагаран̣ам̣, на важанийяад̇т̇ад̇од̇и ад̇хиббааяо. д̇знзва сад̣̇д̣̇ад̇т̇ависзсам̣ д̣̇ассзд̇ум̣ ‘‘гат̇а’’нд̇иаад̣̇имааха. д̇ад̇т̇а буримабажчимаанам̣ нирод̇хуббаад̣̇анд̇араабхаавад̇о ниранд̇аруббаад̣̇анасамад̇т̇ад̇аа ананд̇арабажжаяабхааво. руубад̇хаммаанам̣ вияа сан̣таанаабхаавад̇о бажжаяабажжаяуббаннаанам̣ сахаавадтаанаабхаавад̇о жа ‘‘ид̣̇амид̇о хздтаа уд̣̇д̇хам̣ д̇ирияа’’нд̇и вибхааг̇аабхааваа ад̇д̇анаа згад̇д̇амива убанзд̇ваа судту ананд̇арабхаавзна уббаад̣̇анасамад̇т̇ад̇аа самананд̇арабажжаяад̇аа.
Byañjanamattatovettha nānākaraṇaṃ paccetabbaṃ, na atthatoti upacayasantatiadhivacananiruttipadānaṃ viya saddatthamattato nānākaraṇaṃ, na vacanīyatthatoti adhippāyo. Teneva saddatthavisesaṃ dassetuṃ ‘‘katha’’ntiādimāha. Tattha purimapacchimānaṃ nirodhuppādantarābhāvato nirantaruppādanasamatthatā anantarapaccayabhāvo. Rūpadhammānaṃ viya saṇṭhānābhāvato paccayapaccayuppannānaṃ sahāvaṭṭhānābhāvato ca ‘‘idamito heṭṭhā uddhaṃ tiriya’’nti vibhāgābhāvā attanā ekattamiva upanetvā suṭṭhu anantarabhāvena uppādanasamatthatā samanantarapaccayatā.
уббаад̣̇анасамад̇т̇ад̇аад̇и жа аб̣яаабаарад̇д̇аа д̇хаммаанам̣ яасмим̣ яад̣̇аагаарз нируд̣̇д̇хз вад̇д̇амаанз ваа сад̇и д̇ам̣д̇ам̣висзсаванд̇аа д̇хаммаа хонд̇и, д̇асса сова аагааро вужжад̇ийд̇и д̣̇адтаб̣б̣о. д̇хаммаанам̣ бавад̇д̇имзва жа убаад̣̇ааяа гаалавохаарод̇и нирод̇хаа вудтаханд̇асса нзвасан̃н̃аанаасан̃н̃ааяад̇анапаласамаабад̇д̇ийнам̣ асан̃н̃асад̇д̇аа жаванд̇асса буримажуд̇ибажчимабадисанд̇хийнан̃жа нирод̇хуббаад̣̇аниранд̇арад̇ааяа гааланд̇арад̇аа над̇т̇ийд̇и д̣̇адтаб̣б̣аа. на хи д̇зсам̣ анд̇араа аруубад̇хаммаанам̣ бавад̇д̇и ад̇т̇и, яам̣ убаад̣̇ааяа гааланд̇арад̇аа вужжзяяа, на жа руубад̇хаммаббавад̇д̇и аруубад̇хаммаббавад̇д̇ияаа анд̇арам̣ гарод̇и ан̃н̃асанд̇аанад̇д̇аа. руубааруубад̇хаммасанд̇ад̇ияо хи д̣̇вз ан̃н̃аман̃н̃ам̣ висад̣̇исасабхаавад̇д̇аа ан̃н̃аман̃н̃обагаарабхаавзна вад̇д̇амаанааби висум̣язва хонд̇и. згасанд̇ад̇ияан̃жа буримабажчимаанам̣ маж̇жхз вад̇д̇амаанам̣ д̇ам̣санд̇ад̇ибарияаабаннад̇ааяа анд̇арагаарагам̣ ход̇и. д̇аад̣̇исан̃жа ган̃жи нзвасан̃н̃аанаасан̃н̃ааяад̇анапаласамаабад̇д̇ийнам̣ маж̇жхз над̇т̇и, на жа абхааво анд̇арагаараго ход̇и абхаавад̇д̇ааязва, д̇асмаа ж̇аванаананд̇арасса ж̇аванасса вияа, бхаван̇г̇аананд̇арасса бхаван̇г̇асса вияа жа ниранд̇арад̇аа судту жа ананд̇арад̇аа ход̇ийд̇и д̇ат̇аа уббаад̣̇анасамад̇т̇ад̇аа нзвасан̃н̃аанаасан̃н̃ааяад̇анажуд̇ийнамби д̣̇адтаб̣б̣аа. уббад̇д̇ияаа бажжаяабхааво жзд̇т̇а ананд̇арабажжаяаад̣̇ийнам̣ баагадод̇и уббаад̣̇анасамад̇т̇ад̇аава вуд̇д̇аа. бажжуббаннаанам̣ бана д̇хаммаанам̣ буб̣б̣анд̇аабаранд̇абарижчзд̣̇зна г̇ахид̇аанам̣ ‘‘уббаж̇ж̇ад̇ий’’д̇и важанам̣ алабханд̇аанам̣ ‘‘ад̇ийд̇о д̇хаммо бажжуббаннасса д̇хаммасса ананд̇арабажжаязна бажжаяо’’д̇иаад̣̇инаа (бадтаа. 2.18.5) ананд̇араад̣̇ибажжаяабхааво вуд̇д̇од̇и на со уббад̇д̇ияам̣язваад̇и вин̃н̃ааяад̇и. на хи гусалаад̣̇иг̇г̇ахан̣ам̣ вияа бажжуббаннаг̇г̇ахан̣ам̣ абарижчзд̣̇ам̣, яад̇о уббад̇д̇имад̇д̇асаман̇г̇иноязва жа г̇ахан̣ам̣ сияаа, д̇знзва жа ад̇ийд̇ад̇д̇игз бадижжаваараад̣̇аяо на санд̇ийд̇и.
Uppādanasamatthatāti ca abyāpārattā dhammānaṃ yasmiṃ yadākāre niruddhe vattamāne vā sati taṃtaṃvisesavantā dhammā honti, tassa sova ākāro vuccatīti daṭṭhabbo. Dhammānaṃ pavattimeva ca upādāya kālavohāroti nirodhā vuṭṭhahantassa nevasaññānāsaññāyatanaphalasamāpattīnaṃ asaññasattā cavantassa purimacutipacchimapaṭisandhīnañca nirodhuppādanirantaratāya kālantaratā natthīti daṭṭhabbā. Na hi tesaṃ antarā arūpadhammānaṃ pavatti atthi, yaṃ upādāya kālantaratā vucceyya, na ca rūpadhammappavatti arūpadhammappavattiyā antaraṃ karoti aññasantānattā. Rūpārūpadhammasantatiyo hi dve aññamaññaṃ visadisasabhāvattā aññamaññopakārabhāvena vattamānāpi visuṃyeva honti. Ekasantatiyañca purimapacchimānaṃ majjhe vattamānaṃ taṃsantatipariyāpannatāya antarakārakaṃ hoti. Tādisañca kañci nevasaññānāsaññāyatanaphalasamāpattīnaṃ majjhe natthi, na ca abhāvo antarakārako hoti abhāvattāyeva, tasmā javanānantarassa javanassa viya, bhavaṅgānantarassa bhavaṅgassa viya ca nirantaratā suṭṭhu ca anantaratā hotīti tathā uppādanasamatthatā nevasaññānāsaññāyatanacutīnampi daṭṭhabbā. Uppattiyā paccayabhāvo cettha anantarapaccayādīnaṃ pākaṭoti uppādanasamatthatāva vuttā. Paccuppannānaṃ pana dhammānaṃ pubbantāparantaparicchedena gahitānaṃ ‘‘uppajjatī’’ti vacanaṃ alabhantānaṃ ‘‘atīto dhammo paccuppannassa dhammassa anantarapaccayena paccayo’’tiādinā (paṭṭhā. 2.18.5) anantarādipaccayabhāvo vuttoti na so uppattiyaṃyevāti viññāyati. Na hi kusalādiggahaṇaṃ viya paccuppannaggahaṇaṃ aparicchedaṃ, yato uppattimattasamaṅginoyeva ca gahaṇaṃ siyā, teneva ca atītattike paṭiccavārādayo na santīti.
уббаж̇ж̇амаанова сахуббаад̣̇абхаавзнаад̇и зд̇т̇ааби уббад̇д̇ияаа бажжаяабхаавзна баагадзна тид̇ияааби бажжаяабхаавам̣ нид̣̇ассзд̇ийд̇и д̣̇адтаб̣б̣ам̣, бажжаяуббаннаанам̣ бана сахаж̇аад̇абхаавзна убагаарагад̇аа сахаж̇аад̇абажжаяад̇аад̇и.
Uppajjamānovasahuppādabhāvenāti etthāpi uppattiyā paccayabhāvena pākaṭena ṭhitiyāpi paccayabhāvaṃ nidassetīti daṭṭhabbaṃ, paccayuppannānaṃ pana sahajātabhāvena upakārakatā sahajātapaccayatāti.
ад̇д̇ано убагаарагасса убагаарагад̇аа ан̃н̃аман̃н̃абажжаяад̇аа, убагаарагад̇аа жа ан̃н̃аман̃н̃ад̇аавасзнзва д̣̇адтаб̣б̣аа, на сахаж̇аад̇аад̣̇ивасзна. сахаж̇аад̇аад̣̇ибажжаяо хонд̇оязва хи гожи ан̃н̃аман̃н̃абажжаяо на ход̇и, на жа бурзж̇аад̇абажчааж̇аад̇абхаавзхи убагаарагасса убагаарагаа вад̇т̇уканд̇хаа ан̃н̃аман̃н̃абажжаяаа хонд̇ийд̇и.
Attano upakārakassa upakārakatā aññamaññapaccayatā, upakārakatā ca aññamaññatāvaseneva daṭṭhabbā, na sahajātādivasena. Sahajātādipaccayo hontoyeva hi koci aññamaññapaccayo na hoti, na ca purejātapacchājātabhāvehi upakārakassa upakārakā vatthukhandhā aññamaññapaccayā hontīti.
д̇аруаад̣̇ийнам̣ бат̇авий вияа ад̇хидтаанаагаарзна бат̇авийд̇хаад̇у сзсад̇хаад̇уунам̣, жагкаад̣̇аяо жа жагкувин̃н̃аан̣аад̣̇ийнам̣ убагаарагаа жид̇д̇агаммасса бадаад̣̇аяо вияа ниссаяаагаарзна канд̇хаад̣̇аяо д̇ам̣д̇ам̣ниссаяаанам̣ канд̇хаад̣̇ийнам̣.
Taruādīnaṃ pathavī viya adhiṭṭhānākārena pathavīdhātu sesadhātūnaṃ, cakkhādayo ca cakkhuviññāṇādīnaṃ upakārakā cittakammassa paṭādayo viya nissayākārena khandhādayo taṃtaṃnissayānaṃ khandhādīnaṃ.
д̇ад̣̇ад̇хийнавуд̇д̇ид̇ааяа ад̇д̇ано палзна ниссид̇од̇и яам̣ гин̃жи гааран̣ам̣ ниссаяод̇и вад̣̇ад̇и. д̇ад̇т̇а яо бхусо, д̇ам̣ убаниссаяод̇и нид̣̇д̇хаарзд̇и.
Tadadhīnavuttitāya attano phalena nissitoti yaṃ kiñci kāraṇaṃ nissayoti vadati. Tattha yo bhuso, taṃ upanissayoti niddhāreti.
багад̇од̇и зд̇т̇а ба-гааро убасаг̇г̇о, со ад̇д̇ано паласса уббаад̣̇анз самад̇т̇абхаавзна судтугад̇ад̇ам̣ д̣̇ийбзд̇и. д̇ат̇аа жа гад̇ам̣ ад̇д̇ано санд̇аанз гад̇ам̣ ход̇ийд̇и ааха ‘‘ад̇д̇ано санд̇аанз’’д̇и. гаран̣ан̃жа д̣̇увид̇хам̣ нибпаад̣̇анам̣ убасзванан̃жаад̇и д̣̇ассзд̇ум̣ ‘‘нибпаад̣̇ид̇о ваа’’д̇иаад̣̇имааха. д̇ад̇т̇а убасзвид̇о ваад̇и зд̇зна гааяааллийяаабанавасзна убабхог̇уубасзванам̣ виж̇аананаад̣̇ивасзна аарамман̣уубасзванан̃жа д̣̇ассзд̇ийд̇и д̣̇адтаб̣б̣ам̣. д̇зна анааг̇ад̇аанамби жагкусамбад̣̇аад̣̇ийнам̣ аарамман̣уубасзванзна яат̇аабадисзвид̇аанам̣ багад̇уубаниссаяад̇аа вуд̇д̇аа ход̇и.
Pakatoti ettha pa-kāro upasaggo, so attano phalassa uppādane samatthabhāvena suṭṭhukatataṃ dīpeti. Tathā ca kataṃ attano santāne kataṃ hotīti āha ‘‘attano santāne’’ti. Karaṇañca duvidhaṃ nipphādanaṃ upasevanañcāti dassetuṃ ‘‘nipphādito vā’’tiādimāha. Tattha upasevito vāti etena kāyaallīyāpanavasena upabhogūpasevanaṃ vijānanādivasena ārammaṇūpasevanañca dassetīti daṭṭhabbaṃ. Tena anāgatānampi cakkhusampadādīnaṃ ārammaṇūpasevanena yathāpaṭisevitānaṃ pakatūpanissayatā vuttā hoti.
яат̇аа бажчааж̇аад̇зна винаа санд̇аанаавижчзд̣̇ахзд̇убхаавам̣ аг̇ажчанд̇аанам̣ д̇хаммаанам̣ яз бажчааж̇аад̇аагаарзна убагаарагаа, д̇зсам̣ саа виббаяуд̇д̇аагаараад̣̇ийхи висидтаа убагаарагад̇аа бажчааж̇аад̇абажжаяад̇аа, д̇ат̇аа ниссаяаарамман̣аагаараад̣̇ийхи висидтаа бурзж̇аад̇абхаавзна винаа убагаарагабхаавам̣ аг̇ажчанд̇аанам̣ вад̇т̇аарамман̣аанам̣ бурзж̇аад̇аагаарзна убагаарагад̇аа бурзж̇аад̇абажжаяад̇аа, звам̣ саб̣б̣ад̇т̇а бажжаяаанам̣ бажжаяанд̇араагаарависидтаа убагаарагад̇аа яож̇зд̇аб̣б̣аа.
Yathā pacchājātena vinā santānāvicchedahetubhāvaṃ agacchantānaṃ dhammānaṃ ye pacchājātākārena upakārakā, tesaṃ sā vippayuttākārādīhi visiṭṭhā upakārakatā pacchājātapaccayatā, tathā nissayārammaṇākārādīhi visiṭṭhā purejātabhāvena vinā upakārakabhāvaṃ agacchantānaṃ vatthārammaṇānaṃ purejātākārena upakārakatā purejātapaccayatā, evaṃ sabbattha paccayānaṃ paccayantarākāravisiṭṭhā upakārakatā yojetabbā.
г̇иж̇жхабод̇агасарийраанам̣ аахаараасаажзд̇анаа вияаад̇и зд̇зна маносан̃жзд̇анаахааравасзна бавад̇д̇амаанзхи аруубад̇хаммзхи руубагааяасса убад̇т̇амбхид̇абхаавам̣ д̣̇ассзд̇и. д̇знзва ‘‘аахаараасаа вияаа’’д̇и авад̇ваа жзд̇анааг̇ахан̣ам̣ гарод̇и.
Gijjhapotakasarīrānaṃāhārāsācetanā viyāti etena manosañcetanāhāravasena pavattamānehi arūpadhammehi rūpakāyassa upatthambhitabhāvaṃ dasseti. Teneva ‘‘āhārāsā viyā’’ti avatvā cetanāgahaṇaṃ karoti.
гусалаад̣̇ибхаавзна ад̇д̇анаа сад̣̇исасса баяог̇зна гаран̣ийяасса бунаббунам̣ гаран̣ам̣ бавад̇д̇анам̣ аасзванадто, ад̇д̇асад̣̇исасабхаавад̇аабаад̣̇анам̣ ваасанам̣ ваа. г̇ант̇аад̣̇ийсу буримаабуримаабхияог̇о вияаад̇и буримаа буримаа аасзванаа вияаад̇и ад̇хиббааяо.
Kusalādibhāvena attanā sadisassa payogena karaṇīyassa punappunaṃ karaṇaṃ pavattanaṃ āsevanaṭṭho, attasadisasabhāvatāpādanaṃ vāsanaṃ vā. Ganthādīsu purimāpurimābhiyogo viyāti purimā purimā āsevanā viyāti adhippāyo.
жид̇д̇аббаяог̇о жид̇д̇агирияаа, ааяуухананд̇и ад̇т̇о. яат̇аа хи гааяаважийбаяог̇о вин̃н̃ад̇д̇и, звам̣ жид̇д̇аббаяог̇о жзд̇анаа. саа д̇ааяа уббаннагирияад̇аависидтз санд̇аанз сзсабажжаяасамааг̇амз бавад̇д̇амаанаанам̣ вибаагагадад̇д̇ааруубаанамби д̇знзва гирияабхаавзна убагааригаа ход̇и. д̇асса хи гирияабхаавасса бавад̇д̇ад̇д̇аа д̇зсам̣ бавад̇д̇и, на ан̃н̃ат̇аад̇и. сахаж̇аад̇аанам̣ бана д̇зна убагааригаад̇и гим̣ вад̇д̇аб̣б̣анд̇и.
Cittappayogo cittakiriyā, āyūhananti attho. Yathā hi kāyavacīpayogo viññatti, evaṃ cittappayogo cetanā. Sā tāya uppannakiriyatāvisiṭṭhe santāne sesapaccayasamāgame pavattamānānaṃ vipākakaṭattārūpānampi teneva kiriyabhāvena upakārikā hoti. Tassa hi kiriyabhāvassa pavattattā tesaṃ pavatti, na aññathāti. Sahajātānaṃ pana tena upakārikāti kiṃ vattabbanti.
нируссаахасанд̇абхаавзнаад̇и зд̇зна сауссаахзхи вибаагад̇хаммад̇хаммзхи гусалаагусалзхи саарамман̣аад̣̇ибхаавзна сад̣̇исавибаагабхаавам̣ д̣̇ассзд̇и. со хи вибаагаанам̣ баяог̇зна асаад̇хзд̇аб̣б̣ад̇ааяа баяог̇зна ан̃н̃ат̇аа ваа сзсабажжаязсу сид̣̇д̇хзсу гаммасса гадад̇д̇ааязва сид̣̇д̇хид̇о нируссаахо санд̇абхааво ход̇и, на гилзсавуубасамасанд̇абхааво, д̇ат̇аасанд̇асабхаавад̇оязва бхаван̇г̇аад̣̇аяо д̣̇увин̃н̃зяяаа. бан̃жад̣̇ваарзби хи ж̇аванаббавад̇д̇ияаа руубаад̣̇ийнам̣ г̇ахид̇ад̇аа вин̃н̃ааяад̇и, абхинибаад̇асамбадижчанасанд̇ийран̣амад̇д̇аа бана вибаагаа д̣̇увин̃н̃зяяааязва. нируссаахасанд̇абхаавааяаад̇и нируссаахасанд̇абхаавад̇т̇ааяа. зд̇зна д̇аббажжаяавад̇ам̣ авибаагаанамби вибаагаанугулам̣ бавад̇д̇им̣ д̣̇ассзд̇и.
Nirussāhasantabhāvenāti etena saussāhehi vipākadhammadhammehi kusalākusalehi sārammaṇādibhāvena sadisavipākabhāvaṃ dasseti. So hi vipākānaṃ payogena asādhetabbatāya payogena aññathā vā sesapaccayesu siddhesu kammassa kaṭattāyeva siddhito nirussāho santabhāvo hoti, na kilesavūpasamasantabhāvo, tathāsantasabhāvatoyeva bhavaṅgādayo duviññeyyā. Pañcadvārepi hi javanappavattiyā rūpādīnaṃ gahitatā viññāyati, abhinipātasampaṭicchanasantīraṇamattā pana vipākā duviññeyyāyeva. Nirussāhasantabhāvāyāti nirussāhasantabhāvatthāya. Etena tappaccayavataṃ avipākānampi vipākānukulaṃ pavattiṃ dasseti.
сад̇иби ж̇анагад̇д̇з убад̇т̇амбхагад̇д̇ам̣ аахаараанам̣ бад̇хаанагижжанд̇и ааха ‘‘руубааруубаанам̣ убад̇т̇амбхагад̇д̇знаа’’д̇и. убад̇т̇амбхагад̇д̇ан̃хи сад̇иби ж̇анагад̇д̇з аруубийнам̣ аахаараанам̣ аахаараж̇аруубасамудтаабагаруубаахаарасса жа ход̇и, асад̇иби жад̇усамудтаанигаруубуубад̇т̇амбхагаруубаахаарасса, асад̇и бана убад̇т̇амбхагад̇д̇з аахаараанам̣ ж̇анагад̇д̇ам̣ над̇т̇ийд̇и убад̇т̇амбхагад̇д̇ам̣ бад̇хаанам̣. ж̇анаяамааноби хи аахааро авижчзд̣̇авасзна убад̇т̇амбхаяамааноязва ж̇анзд̇ийд̇и убад̇т̇амбханабхааво аахаарабхаавод̇и.
Satipi janakatte upatthambhakattaṃ āhārānaṃ padhānakiccanti āha ‘‘rūpārūpānaṃ upatthambhakattenā’’ti. Upatthambhakattañhi satipi janakatte arūpīnaṃ āhārānaṃ āhārajarūpasamuṭṭhāpakarūpāhārassa ca hoti, asatipi catusamuṭṭhānikarūpūpatthambhakarūpāhārassa, asati pana upatthambhakatte āhārānaṃ janakattaṃ natthīti upatthambhakattaṃ padhānaṃ. Janayamānopi hi āhāro avicchedavasena upatthambhayamānoyeva janetīti upatthambhanabhāvo āhārabhāvoti.
ад̇хибад̇ияадтзнаад̇и зд̇т̇а на ад̇хибад̇ибажжаяад̇хаммаанам̣ вияа бавад̇д̇иниваарагз абхибхавид̇ваа бавад̇д̇анзна г̇арубхааво ад̇хибад̇ияадто, ат̇а ко д̣̇ассанаад̣̇игижжзсу жагкувин̃н̃аан̣аад̣̇ийхи ж̇ийванз ж̇ийванд̇зхи сукид̇аад̣̇ибхаавз сукид̇аад̣̇ийхи ад̇химогкабаг̇г̇ахубадтаанаавигкзбаж̇аананзсу анан̃н̃аад̇ан̃н̃ассаамийд̇и бавад̇д̇ияам̣ ааж̇аананз ан̃н̃аад̇аавийбхаавз жа сад̣̇д̇хаад̣̇исахаж̇аад̇зхийд̇и звам̣ д̇ам̣д̇ам̣гижжзсу жагкаад̣̇ибажжаязхи жагкаад̣̇ийнам̣ анувад̇д̇анийяад̇аа. д̇зсу д̇зсу хи гижжзсу жагкаад̣̇ийнам̣ иссарияам̣ д̇аббажжаяаанан̃жа д̇ад̣̇анувад̇д̇анзна д̇ад̇т̇а бавад̇д̇ийд̇и. ид̇т̇ибурисинд̣̇рияаанам̣ бана яад̣̇иби лин̇г̇аад̣̇ийхи анувад̇д̇анийяад̇аа ад̇т̇и, саа бана на бажжаяабхаавад̇о. яат̇аа хи ж̇ийвид̇аахаараа язсам̣ бажжаяаа хонд̇и, д̇з д̇зсам̣ анубаалагаубад̇т̇амбхагаа ад̇т̇и, авиг̇ад̇абажжаяабхууд̇аа жа хонд̇и, на звам̣ ид̇т̇ибурисабхааваа лин̇г̇аад̣̇ийнам̣ гзнажи багаарзна убагаарагаа хонд̇и, гзвалам̣ бана яат̇аасагзхзва бажжаязхи бавад̇д̇амаанаанам̣ лин̇г̇аад̣̇ийнам̣ яат̇аа ид̇т̇аад̣̇иг̇г̇ахан̣асса бажжаяабхааво ход̇и, д̇ад̇о ан̃н̃знаагаарзна д̇ам̣сахид̇асанд̇аанз аббавад̇д̇ид̇о лин̇г̇аад̣̇ийхи анувад̇д̇анийяад̇аа инд̣̇рияад̇аа жа д̇зсам̣ вужжад̇и, д̇асмаа на д̇зсам̣ инд̣̇рияабажжаяабхааво вуд̇д̇о. жагкаад̣̇аяо аруубад̇хаммаанам̣язваад̇и зд̇т̇а сукад̣̇угкинд̣̇рияааниби жагкаад̣̇иг̇г̇ахан̣зна г̇ахид̇аанийд̇и д̣̇адтаб̣б̣аани.
Adhipatiyaṭṭhenāti ettha na adhipatipaccayadhammānaṃ viya pavattinivārake abhibhavitvā pavattanena garubhāvo adhipatiyaṭṭho, atha kho dassanādikiccesu cakkhuviññāṇādīhi jīvane jīvantehi sukhitādibhāve sukhitādīhi adhimokkhapaggahupaṭṭhānāvikkhepajānanesu anaññātaññassāmīti pavattiyaṃ ājānane aññātāvībhāve ca saddhādisahajātehīti evaṃ taṃtaṃkiccesu cakkhādipaccayehi cakkhādīnaṃ anuvattanīyatā. Tesu tesu hi kiccesu cakkhādīnaṃ issariyaṃ tappaccayānañca tadanuvattanena tattha pavattīti. Itthipurisindriyānaṃ pana yadipi liṅgādīhi anuvattanīyatā atthi, sā pana na paccayabhāvato. Yathā hi jīvitāhārā yesaṃ paccayā honti, te tesaṃ anupālakaupatthambhakā atthi, avigatapaccayabhūtā ca honti, na evaṃ itthipurisabhāvā liṅgādīnaṃ kenaci pakārena upakārakā honti, kevalaṃ pana yathāsakeheva paccayehi pavattamānānaṃ liṅgādīnaṃ yathā itthādiggahaṇassa paccayabhāvo hoti, tato aññenākārena taṃsahitasantāne appavattito liṅgādīhi anuvattanīyatā indriyatā ca tesaṃ vuccati, tasmā na tesaṃ indriyapaccayabhāvo vutto. Cakkhādayo arūpadhammānaṃyevāti ettha sukhadukkhindriyānipi cakkhādiggahaṇena gahitānīti daṭṭhabbāni.
лагкан̣аарамман̣уубаниж̇жхаанабхууд̇аанам̣ вид̇аггаад̣̇ийнам̣ вид̇агганаад̣̇ивасзна аарамман̣ам̣ убаг̇анд̇ваа ниж̇жхаанам̣ бзгканам̣, жинд̇анам̣ ваа вид̇аггаад̣̇ийнам̣язва саад̇хааран̣о б̣яаабааро убаниж̇жхааяанадто. табзд̇ваа сукад̣̇угкавзд̣̇анаад̣̇ваяанд̇и сукинд̣̇рияад̣̇угкинд̣̇рияад̣̇ваяам̣ табзд̇ваад̇и ад̇хиббааяо. ‘‘саб̣б̣аанибий’’д̇и вад̇ваа ‘‘сад̇д̇ажхаанан̇г̇ааний’’д̇и важанзна ажхаанан̇г̇аанам̣ убзгкаажид̇д̇згаг̇г̇ад̇аанам̣ нивад̇д̇анам̣ гад̇анд̇и д̣̇адтаб̣б̣ам̣. яад̣̇и звам̣ ‘‘сад̇д̇а жхаанан̇г̇ааний’’д̇и зд̇знзва сид̣̇д̇хз ‘‘табзд̇ваа сукад̣̇угкавзд̣̇анаад̣̇ваяа’’нд̇и гасмаа вуд̇д̇ам̣? взд̣̇анаабхзд̣̇зсу бан̃жасу сукад̣̇угкад̣̇ваяасса зганд̇зна ажхаанан̇г̇ад̇д̇ад̣̇ассанад̇т̇ам̣ жхаанан̇г̇адтаанз нид̣̇д̣̇идтад̇д̇аа. сад̇иби ваа жхаанан̇г̇авохаарз взд̣̇анаабхзд̣̇ад̣̇ваяасса зганд̇зна жхаанабажжаяад̇д̇аабхаавад̣̇ассанад̇т̇ам̣. убзгкаажид̇д̇згаг̇г̇ад̇аанам̣ бана яад̣̇иби жхаанабажжаяад̇д̇аабхааво ад̇т̇и, жхаанабажжаяабхааво бана на над̇т̇ийд̇и ‘‘саб̣б̣ааниби сад̇д̇а жхаанан̇г̇ааний’’д̇и зд̇т̇а г̇ахан̣ам̣ гад̇ам̣. д̇ад̇т̇а ‘‘саб̣б̣аанибий’’д̇и важанам̣ саб̣б̣агусалаад̣̇ибхзд̣̇асан̇г̇ан̣ханад̇т̇ам̣, на бана саб̣б̣ажид̇д̇уббаад̣̇аг̇ад̇асан̇г̇ан̣ханад̇т̇анд̇и д̣̇адтаб̣б̣ам̣.
Lakkhaṇārammaṇūpanijjhānabhūtānaṃ vitakkādīnaṃ vitakkanādivasena ārammaṇaṃ upagantvā nijjhānaṃ pekkhanaṃ, cintanaṃ vā vitakkādīnaṃyeva sādhāraṇo byāpāro upanijjhāyanaṭṭho. Ṭhapetvā sukhadukkhavedanādvayanti sukhindriyadukkhindriyadvayaṃ ṭhapetvāti adhippāyo. ‘‘Sabbānipī’’ti vatvā ‘‘sattajhānaṅgānī’’ti vacanena ajhānaṅgānaṃ upekkhācittekaggatānaṃ nivattanaṃ katanti daṭṭhabbaṃ. Yadi evaṃ ‘‘satta jhānaṅgānī’’ti eteneva siddhe ‘‘ṭhapetvā sukhadukkhavedanādvaya’’nti kasmā vuttaṃ? Vedanābhedesu pañcasu sukhadukkhadvayassa ekantena ajhānaṅgattadassanatthaṃ jhānaṅgaṭṭhāne niddiṭṭhattā. Satipi vā jhānaṅgavohāre vedanābhedadvayassa ekantena jhānapaccayattābhāvadassanatthaṃ. Upekkhācittekaggatānaṃ pana yadipi jhānapaccayattābhāvo atthi, jhānapaccayabhāvo pana na natthīti ‘‘sabbānipi satta jhānaṅgānī’’ti ettha gahaṇaṃ kataṃ. Tattha ‘‘sabbānipī’’ti vacanaṃ sabbakusalādibhedasaṅgaṇhanatthaṃ, na pana sabbacittuppādagatasaṅgaṇhanatthanti daṭṭhabbaṃ.
яад̇о д̇ад̇о ваад̇и саммаа ваа мижчаа ваад̇и ад̇т̇о. зд̇з бана д̣̇взби жхаанамаг̇г̇абажжаяаа ахзд̇угажид̇д̇зсу на лаб̣бханд̇ийд̇и ид̣̇ам̣ ахзд̇угажид̇д̇зсу на лаб̣бханд̇и, на сахзд̇угажид̇д̇зсууд̇и сахзд̇угажид̇д̇зсу алаабхаабхаавад̣̇ассанад̇т̇ам̣ вуд̇д̇ам̣, на ахзд̇угажид̇д̇зсу лаабхаабхаавад̣̇ассанад̇т̇анд̇и. звам̣ ад̇т̇з г̇аяхамаанз ахзд̇угажид̇д̇зсу гад̇т̇ажи гассажи лаабхо на ваарид̇од̇и зд̇д̇агамзва вин̃н̃ааязяяа, на савид̇аггаахзд̇угажид̇д̇зсу жхаанабажжаяассзва алаабхаабхаавад̣̇ассанад̇т̇ам̣ гад̇анд̇и. ахзд̇угажид̇д̇зсу ваа лаабхаабхаавад̣̇ассанад̇т̇з бана имасмим̣ важанз савид̇аггаахзд̇угажид̇д̇зсу жхаанабажжаяасса лаабхаабхааво аабаж̇ж̇ад̇и, д̇асмаа язна алаабхзна д̇хаммасан̇г̇ан̣ияам̣ манод̇хаад̇уаад̣̇ийнам̣ сан̇г̇ахасун̃н̃ад̇аваарзсу жхаанам̣ на уд̣̇д̇хадам̣ , д̇ам̣ алаабхам̣ санд̇хааяа зса жхаанабажжаяассаби ахзд̇угажид̇д̇зсу алаабхо вуд̇д̇од̇и взд̣̇ид̇аб̣б̣о. яат̇аа хи сахзд̇угзсу вид̇аггаад̣̇ийнам̣ сахаж̇аад̇з сам̣гад̣дхид̇ваа згад̇д̇аг̇ад̇абхаавагаран̣ам̣ убаниж̇жхааяанаб̣яаабааро б̣алаваа, на д̇ат̇аа ахзд̇угажид̇д̇зсу ход̇и. имасмим̣ бана багаран̣з д̣̇уб̣б̣аламби убаниж̇жхааяанам̣ яад̣̇иби гин̃жимад̇д̇амби ад̇т̇и, д̇зна убагаарагад̇аа ход̇ийд̇и савид̇аггаахзд̇угажид̇д̇зсуби жхаанабажжаяо вуд̇д̇ова, д̇асмаа яз звам̣ батанд̇и ‘‘на зд̇з бана д̣̇взби жхаанамаг̇г̇абажжаяаа яат̇аасан̇кяам̣ д̣̇вибан̃жавин̃н̃аан̣аахзд̇угажид̇д̇зсу лаб̣бханд̇ий’’д̇и, д̇зсам̣ со баато сунд̣̇арад̇аро, имасса багаран̣ассааяам̣ ад̇т̇аван̣н̣анаа, на д̇хаммасан̇г̇ан̣ияаад̇и.
Yato tato vāti sammā vā micchā vāti attho. Ete pana dvepi jhānamaggapaccayā ahetukacittesu na labbhantīti idaṃ ahetukacittesu na labbhanti, na sahetukacittesūti sahetukacittesu alābhābhāvadassanatthaṃ vuttaṃ, na ahetukacittesu lābhābhāvadassanatthanti. Evaṃ atthe gayhamāne ahetukacittesu katthaci kassaci lābho na vāritoti ettakameva viññāyeyya, na savitakkāhetukacittesu jhānapaccayasseva alābhābhāvadassanatthaṃ katanti. Ahetukacittesu vā lābhābhāvadassanatthe pana imasmiṃ vacane savitakkāhetukacittesu jhānapaccayassa lābhābhāvo āpajjati, tasmā yena alābhena dhammasaṅgaṇiyaṃ manodhātuādīnaṃ saṅgahasuññatavāresu jhānaṃ na uddhaṭaṃ , taṃ alābhaṃ sandhāya esa jhānapaccayassapi ahetukacittesu alābho vuttoti veditabbo. Yathā hi sahetukesu vitakkādīnaṃ sahajāte saṃkaḍḍhitvā ekattagatabhāvakaraṇaṃ upanijjhāyanabyāpāro balavā, na tathā ahetukacittesu hoti. Imasmiṃ pana pakaraṇe dubbalampi upanijjhāyanaṃ yadipi kiñcimattampi atthi, tena upakārakatā hotīti savitakkāhetukacittesupi jhānapaccayo vuttova, tasmā ye evaṃ paṭhanti ‘‘na ete pana dvepi jhānamaggapaccayā yathāsaṅkhyaṃ dvipañcaviññāṇaahetukacittesu labbhantī’’ti, tesaṃ so pāṭho sundarataro, imassa pakaraṇassāyaṃ atthavaṇṇanā, na dhammasaṅgaṇiyāti.
самам̣ багаарзхи яуд̇д̇ад̇ааяа згийбхаавобаг̇амзна вияа убагаарагад̇аа самбаяуд̇д̇абажжаяад̇аа.
Samaṃ pakārehi yuttatāya ekībhāvopagamena viya upakārakatā sampayuttapaccayatā.
яуд̇д̇аанамби сад̇ам̣ виббаяуд̇д̇абхаавзна наанад̇д̇уубаг̇амзна убагаарагад̇аа виббаяуд̇д̇абажжаяад̇аа. на хи вад̇т̇усахаж̇аад̇абажчааж̇аад̇авасзна аяуд̇д̇аанам̣ руубаад̣̇ийнам̣ аарамман̣аад̣̇ибхаавзна убагаарагаанам̣ виббаяуд̇д̇аанам̣ виббаяуд̇д̇абажжаяад̇аа ад̇т̇ийд̇и. руубаанам̣ бана руубзхи сад̇иби авиниб̣бхог̇з виббаяог̇оязва над̇т̇ийд̇и на д̇зсам̣ виббаяуд̇д̇абажжаяад̇аа. вуд̇д̇ан̃хи ‘‘жад̇уухи самбаяог̇о жад̇уухи виббаяог̇о’’д̇и (д̇хаад̇у. 3).
Yuttānampi sataṃ vippayuttabhāvena nānattūpagamena upakārakatā vippayuttapaccayatā. Na hi vatthusahajātapacchājātavasena ayuttānaṃ rūpādīnaṃ ārammaṇādibhāvena upakārakānaṃ vippayuttānaṃ vippayuttapaccayatā atthīti. Rūpānaṃ pana rūpehi satipi avinibbhoge vippayogoyeva natthīti na tesaṃ vippayuttapaccayatā. Vuttañhi ‘‘catūhi sampayogo catūhi vippayogo’’ti (dhātu. 3).
бажжуббанналагкан̣знаад̇и бажжуббаннасабхаавзна. д̇зна ‘‘ад̇т̇и мз баабагаммам̣ гад̇а’’нд̇и (баараа. 38), ‘‘ад̇т̇згажжо буг̇г̇ало ад̇д̇ахид̇ааяа бадибанно’’д̇и (бу. ба. маад̇игаа 4.24) жа звамаад̣̇ийсу вуд̇д̇ам̣ ниб̣б̣ад̇д̇аубалаб̣бхамаанад̇аалагкан̣ам̣ ад̇т̇ибхаавам̣ ниваарзд̇и. сад̇иби ж̇анагад̇д̇з убад̇т̇амбхагаббад̇хаанаа ад̇т̇ибхаавзна убагаарагад̇аад̇и ааха ‘‘убад̇т̇амбхагад̇д̇знаа’’д̇и. ид̣̇ан̃жа убад̇т̇амбхагад̇д̇ам̣ вад̇т̇аарамман̣асахаж̇аад̇аад̣̇ийнам̣ саад̇хааран̣ам̣ ад̇т̇ибхаавзна убагаарагад̇д̇ам̣ д̣̇адтаб̣б̣ам̣.
Paccuppannalakkhaṇenāti paccuppannasabhāvena. Tena ‘‘atthi me pāpakammaṃ kata’’nti (pārā. 38), ‘‘atthekacco puggalo attahitāya paṭipanno’’ti (pu. pa. mātikā 4.24) ca evamādīsu vuttaṃ nibbattaupalabbhamānatālakkhaṇaṃ atthibhāvaṃ nivāreti. Satipi janakatte upatthambhakappadhānā atthibhāvena upakārakatāti āha ‘‘upatthambhakattenā’’ti. Idañca upatthambhakattaṃ vatthārammaṇasahajātādīnaṃ sādhāraṇaṃ atthibhāvena upakārakattaṃ daṭṭhabbaṃ.
аарамман̣з пусанаад̣̇ивасзна вад̇д̇амаанаанам̣ пассаад̣̇ийнам̣ анзгзсам̣ сахабхааво над̇т̇ийд̇и згасмим̣ пассаад̣̇исамуд̣̇ааяз сад̇и д̣̇уд̇ияо на ход̇и, асад̇и бана ход̇и, д̇зна над̇т̇ибхаавзна убагаарагад̇аа над̇т̇ибажжаяад̇аа. сад̇иби буримад̇аражид̇д̇аанам̣ над̇т̇ибхаавз на д̇аани над̇т̇ибхаавзна убагаарагаани, ананд̇арамзва бана ад̇д̇ано ад̇т̇ибхаавзна бавад̇д̇иогаасам̣ алабхамаанаанам̣ над̇т̇ибхаавзна бавад̇д̇иогаасам̣ д̣̇ад̣̇амаанам̣ вияа убагаарагам̣ ход̇ийд̇и ‘‘бавад̇д̇иогаасад̣̇аанзна убагаарагад̇аа’’д̇и ааха.
Ārammaṇe phusanādivasena vattamānānaṃ phassādīnaṃ anekesaṃ sahabhāvo natthīti ekasmiṃ phassādisamudāye sati dutiyo na hoti, asati pana hoti, tena natthibhāvena upakārakatā natthipaccayatā. Satipi purimataracittānaṃ natthibhāve na tāni natthibhāvena upakārakāni, anantarameva pana attano atthibhāvena pavattiokāsaṃ alabhamānānaṃ natthibhāvena pavattiokāsaṃ dadamānaṃ viya upakārakaṃ hotīti ‘‘pavattiokāsadānena upakārakatā’’ti āha.
зд̇т̇а жа абхаавамад̇д̇зна убагаарагад̇аа огаасад̣̇аанам̣ над̇т̇ибажжаяад̇аа, сабхааваавиг̇амзна аббавад̇д̇амаанаанам̣ сабхаававиг̇амзна убагаарагад̇аа виг̇ад̇абажжаяад̇аа, над̇т̇ид̇аа жа нирод̇хаананд̇арасун̃н̃ад̇аа, виг̇ад̇ад̇аа нирод̇хаббад̇д̇ад̇аа, аяамзд̇зсам̣ висзсо, д̇ат̇аа ад̇т̇ид̇ааяа сасабхаавад̇о убагаарагад̇аа ад̇т̇ибажжаяад̇аа, сабхааваавиг̇амзна нирод̇хасса аббад̇д̇ияаа убагаарагад̇аа авиг̇ад̇абажжаяад̇аад̇и бажжаяабхаавависзсо д̇хаммаависзсзби взд̣̇ид̇аб̣б̣о. д̇хаммаанан̃хи сад̇д̇ивисзсам̣ саб̣б̣ам̣ яаат̇аавад̇о абхисамб̣уж̇жхид̇ваа д̇ат̇ааг̇ад̇зна жад̇увийсад̇ибажжаяависзсаа вуд̇д̇аад̇и бхаг̇авад̇и сад̣̇д̇хааяа ‘‘звам̣висзсаа зд̇з д̇хаммаа’’д̇и суд̇амаяан̃аан̣ам̣ уббаад̣̇зд̇ваа жинд̇аабхааванаамаязхи д̇ад̣̇абхисамаяааяа яог̇о гаад̇аб̣б̣о.
Ettha ca abhāvamattena upakārakatā okāsadānaṃ natthipaccayatā, sabhāvāvigamena appavattamānānaṃ sabhāvavigamena upakārakatā vigatapaccayatā, natthitā ca nirodhānantarasuññatā, vigatatā nirodhappattatā, ayametesaṃ viseso, tathā atthitāya sasabhāvato upakārakatā atthipaccayatā, sabhāvāvigamena nirodhassa appattiyā upakārakatā avigatapaccayatāti paccayabhāvaviseso dhammāvisesepi veditabbo. Dhammānañhi sattivisesaṃ sabbaṃ yāthāvato abhisambujjhitvā tathāgatena catuvīsatipaccayavisesā vuttāti bhagavati saddhāya ‘‘evaṃvisesā ete dhammā’’ti sutamayañāṇaṃ uppādetvā cintābhāvanāmayehi tadabhisamayāya yogo kātabbo.
жад̇уусу канд̇хзсу згассаби асан̇г̇ахид̇ад̇д̇аабхаавад̇о наамад̇хаммзгад̣̇зсад̇аа ананд̇араад̣̇ийнам̣ над̇т̇ийд̇и ‘‘наамад̇хаммааваа’’д̇и вад̇ваа на гзвалам̣ бажжаяабажжаяуббаннабхаавз бхаж̇анд̇аанам̣ жад̇уннам̣язва канд̇хаанам̣ наамад̇аа, ат̇а ко ниб̣б̣аанан̃жа наамамзваад̇и д̣̇ассзнд̇о ‘‘ниб̣б̣аанасса асан̇г̇ахид̇ад̇д̇аа’’д̇иаад̣̇имааха. бурзж̇аад̇абажжаяо руубзгад̣̇зсод̇и зд̇т̇а згад̣̇зсаважанзна руубаруубад̇о ан̃н̃ам̣ важ̇ж̇зд̇и, руубаруубам̣ бана гусалад̇д̇игз анааг̇ад̇амби бурзж̇аад̇абажжаяабхаавзна ан̃н̃ад̇т̇а ааг̇ад̇амзва. вуд̇д̇ан̃хи ‘‘анид̣̇ассанааббадигхо д̇хаммо анид̣̇ассанааббадигхасса д̇хаммасса бурзж̇аад̇абажжаязна бажжаяо – аарамман̣абурзж̇аад̇ам̣, вад̇т̇убурзж̇аад̇ам̣. аарамман̣абурзж̇аад̇ам̣ вад̇т̇ум̣ ид̇т̇инд̣̇рияам̣ бурисинд̣̇рияам̣ аабод̇хаад̇ум̣ габ̣ал̣ийгаарам̣ аахаарам̣ анижжад̇о…бз… д̣̇оманассам̣ уббаж̇ж̇ад̇ий’’д̇и (бадтаа. 2.22.39).
Catūsu khandhesu ekassapi asaṅgahitattābhāvato nāmadhammekadesatā anantarādīnaṃ natthīti ‘‘nāmadhammāvā’’ti vatvā na kevalaṃ paccayapaccayuppannabhāve bhajantānaṃ catunnaṃyeva khandhānaṃ nāmatā, atha kho nibbānañca nāmamevāti dassento ‘‘nibbānassa asaṅgahitattā’’tiādimāha. Purejātapaccayo rūpekadesoti ettha ekadesavacanena rūparūpato aññaṃ vajjeti, rūparūpaṃ pana kusalattike anāgatampi purejātapaccayabhāvena aññattha āgatameva. Vuttañhi ‘‘anidassanaappaṭigho dhammo anidassanaappaṭighassa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ vatthuṃ itthindriyaṃ purisindriyaṃ āpodhātuṃ kabaḷīkāraṃ āhāraṃ aniccato…pe… domanassaṃ uppajjatī’’ti (paṭṭhā. 2.22.39).
бажжаяуд̣̇д̣̇зсаван̣н̣анаа нидтид̇аа.
Paccayuddesavaṇṇanā niṭṭhitā.
