| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૨. પચ્છાસમણસુત્તં
2. Pacchāsamaṇasuttaṃ
૧૧૨. ‘‘પઞ્ચહિ, ભિક્ખવે, ધમ્મેહિ સમન્નાગતો પચ્છાસમણો ન આદાતબ્બો. કતમેહિ પઞ્ચહિ? અતિદૂરે વા ગચ્છતિ અચ્ચાસન્ને વા , ન પત્તપરિયાપન્નં ગણ્હતિ, આપત્તિસામન્તા ભણમાનં ન નિવારેતિ, ભણમાનસ્સ અન્તરન્તરા કથં ઓપાતેતિ, દુપ્પઞ્ઞો હોતિ જળો એળમૂગો. ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતો પચ્છાસમણો ન આદાતબ્બો.
112. ‘‘Pañcahi, bhikkhave, dhammehi samannāgato pacchāsamaṇo na ādātabbo. Katamehi pañcahi? Atidūre vā gacchati accāsanne vā , na pattapariyāpannaṃ gaṇhati, āpattisāmantā bhaṇamānaṃ na nivāreti, bhaṇamānassa antarantarā kathaṃ opāteti, duppañño hoti jaḷo eḷamūgo. Imehi kho, bhikkhave, pañcahi dhammehi samannāgato pacchāsamaṇo na ādātabbo.
‘‘પઞ્ચહિ, ભિક્ખવે, ધમ્મેહિ સમન્નાગતો પચ્છાસમણો આદાતબ્બો. કતમેહિ પઞ્ચહિ? નાતિદૂરે ગચ્છતિ ન અચ્ચાસન્ને, પત્તપરિયાપન્નં ગણ્હતિ, આપત્તિસામન્તા ભણમાનં નિવારેતિ , ભણમાનસ્સ ન અન્તરન્તરા કથં ઓપાતેતિ, પઞ્ઞવા હોતિ અજળો અનેળમૂગો. ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતો પચ્છાસમણો આદાતબ્બો’’તિ. દુતિયં.
‘‘Pañcahi, bhikkhave, dhammehi samannāgato pacchāsamaṇo ādātabbo. Katamehi pañcahi? Nātidūre gacchati na accāsanne, pattapariyāpannaṃ gaṇhati, āpattisāmantā bhaṇamānaṃ nivāreti , bhaṇamānassa na antarantarā kathaṃ opāteti, paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato pacchāsamaṇo ādātabbo’’ti. Dutiyaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૨. પચ્છાસમણસુત્તવણ્ણના • 2. Pacchāsamaṇasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૪. કુલૂપકસુત્તાદિવણ્ણના • 1-4. Kulūpakasuttādivaṇṇanā
