| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. ਪਚ੍ਚੁਪਟ੍ਠਾਨਸਞ੍ਞਕਤ੍ਥੇਰਅਪਦਾਨવਣ੍ਣਨਾ
9. Paccupaṭṭhānasaññakattheraapadānavaṇṇanā
ਅਤ੍ਥਦਸ੍ਸਿਮ੍ਹਿ ਸੁਗਤੇਤਿਆਦਿਕਂ ਆਯਸ੍ਮਤੋ ਪਚ੍ਚੁਪਟ੍ਠਾਨਸਞ੍ਞਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਤ੍ਥਦਸ੍ਸਿਸ੍ਸ ਭਗવਤੋ ਕਾਲੇ ਯਕ੍ਖਯੋਨਿਯਂ ਨਿਬ੍ਬਤ੍ਤੋ ਭਗવਤਿ ਧਰਮਾਨੇ ਦਸ੍ਸਨਸ੍ਸ ਅਲਦ੍ਧਤ੍ਤਾ ਪਚ੍ਛਾ ਪਰਿਨਿਬ੍ਬੁਤੇ ਮਹਾਸੋਕਪ੍ਪਤ੍ਤੋ વਿਹਾਸਿ। ਤਦਾ ਹਿਸ੍ਸ ਭਗવਤੋ ਸਾਗਤੋ ਨਾਮ ਅਗ੍ਗਸਾવਕੋ ਅਨੁਸਾਸਨ੍ਤੋ ਭਗવਤੋ ਸਾਰੀਰਿਕਧਾਤੁਪੂਜਾ ਭਗવਤਿ ਧਰਮਾਨੇ ਕਤਪੂਜਾ વਿਯ ਚਿਤ੍ਤਪ੍ਪਸਾਦવਸਾ ਮਹਪ੍ਫਲਂ ਭવਤੀ’’ਤਿ વਤ੍વਾ ‘‘ਥੂਪਂ ਕਰੋਹੀ’’ਤਿ ਨਿਯੋਜਿਤੋ ਥੂਪਂ ਕਾਰੇਸਿ, ਤਂ ਪੂਜੇਤ੍વਾ ਤਤੋ ਚੁਤੋ ਦੇવਮਨੁਸ੍ਸੇਸੁ ਸਕ੍ਕਚਕ੍ਕવਤ੍ਤਿਸਮ੍ਪਤ੍ਤਿਮਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਸਾવਤ੍ਥਿਯਂ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Atthadassimhi sugatetiādikaṃ āyasmato paccupaṭṭhānasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassissa bhagavato kāle yakkhayoniyaṃ nibbatto bhagavati dharamāne dassanassa aladdhattā pacchā parinibbute mahāsokappatto vihāsi. Tadā hissa bhagavato sāgato nāma aggasāvako anusāsanto bhagavato sārīrikadhātupūjā bhagavati dharamāne katapūjā viya cittappasādavasā mahapphalaṃ bhavatī’’ti vatvā ‘‘thūpaṃ karohī’’ti niyojito thūpaṃ kāresi, taṃ pūjetvā tato cuto devamanussesu sakkacakkavattisampattimanubhavitvā imasmiṃ buddhuppāde sāvatthiyaṃ ekasmiṃ kulagehe nibbatto viññutaṃ patto satthari pasīditvā pabbajitvā nacirasseva arahā ahosi.
੭੨. ਸੋ ਅਪਰਭਾਗੇ ਅਤ੍ਤਨੋ ਪੁਞ੍ਞਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਤ੍ਥਦਸ੍ਸਿਮ੍ਹਿ ਸੁਗਤੇਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਮੇવ। ਯਕ੍ਖਯੋਨਿਂ ਉਪਪਜ੍ਜਿਨ੍ਤਿ ਏਤ੍ਥ ਪਨ ਅਤ੍ਤਨੋ ਸਕਾਸਂ ਸਮ੍ਪਤ੍ਤਸਮ੍ਪਤ੍ਤੇ ਖਾਦਨ੍ਤਾ ਯਨ੍ਤਿ ਗਚ੍ਛਨ੍ਤੀਤਿ ਯਕ੍ਖਾ, ਯਕ੍ਖਾਨਂ ਯੋਨਿ ਜਾਤੀਤਿ ਯਕ੍ਖਯੋਨਿ, ਯਕ੍ਖਯੋਨਿਯਂ ਨਿਬ੍ਬਤ੍ਤੋਤਿ ਅਤ੍ਥੋ।
72. So aparabhāge attano puññakammaṃ saritvā somanassajāto pubbacaritāpadānaṃ pakāsento atthadassimhi sugatetiādimāha. Taṃ heṭṭhā vuttameva. Yakkhayoniṃ upapajjinti ettha pana attano sakāsaṃ sampattasampatte khādantā yanti gacchantīti yakkhā, yakkhānaṃ yoni jātīti yakkhayoni, yakkhayoniyaṃ nibbattoti attho.
੭੩. ਦੁਲ੍ਲਦ੍ਧਂ વਤ ਮੇ ਆਸੀਤਿ ਮੇ ਮਯਾ ਲਦ੍ਧਯਸਂ ਦੁਲ੍ਲਦ੍ਧਂ, ਬੁਦ੍ਧਭੂਤਸ੍ਸ ਸਤ੍ਥੁਨੋ ਸਕ੍ਕਾਰਂ ਅਕਤਤ੍ਤਾ વਿਰਾਧੇਤ੍વਾ ਲਦ੍ਧਨ੍ਤਿ ਅਤ੍ਥੋ। ਦੁਪ੍ਪਭਾਤਨ੍ਤਿ ਦੁਟ੍ਠੁ ਪਭਾਤਂ ਰਤ੍ਤਿਯਾ ਪਭਾਤਕਰਣਂ, ਮਯ੍ਹਂ ਨ ਸੁਟ੍ਠੁਂ ਪਭਾਤਨ੍ਤਿ ਅਤ੍ਥੋ। ਦੁਰੁਟ੍ਠਿਤਨ੍ਤਿ ਦੁਉਟ੍ਠਿਤਂ, ਸੂਰਿਯਸ੍ਸ ਉਗ੍ਗਮਨਂ ਮਯ੍ਹਂ ਦੁਉਗ੍ਗਮਨਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
73.Dulladdhaṃvata me āsīti me mayā laddhayasaṃ dulladdhaṃ, buddhabhūtassa satthuno sakkāraṃ akatattā virādhetvā laddhanti attho. Duppabhātanti duṭṭhu pabhātaṃ rattiyā pabhātakaraṇaṃ, mayhaṃ na suṭṭhuṃ pabhātanti attho. Duruṭṭhitanti duuṭṭhitaṃ, sūriyassa uggamanaṃ mayhaṃ duuggamananti attho. Sesaṃ sabbattha uttānamevāti.
ਪਚ੍ਚੁਪਟ੍ਠਾਨਸਞ੍ਞਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Paccupaṭṭhānasaññakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. ਪਚ੍ਚੁਪਟ੍ਠਾਨਸਞ੍ਞਕਤ੍ਥੇਰਅਪਦਾਨਂ • 9. Paccupaṭṭhānasaññakattheraapadānaṃ
