A World of Knowledge
    Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā

    12. баажид̇д̇ияанид̣̇д̣̇зсаван̣н̣анаа

    12. Pācittiyaniddesavaṇṇanā

    121. мусаа …бз… харан̣зд̇и нимид̇д̇ад̇т̇з бхуммаважанам̣, д̇асса ‘‘баажид̇д̇и вуд̇д̇аа’’д̇и иминаа самб̣анд̇хо. звам̣ саб̣б̣ад̇т̇а. мусааваад̣̇зд̇и нибаад̇зна сад̣̇д̇хим̣ д̇аббурисо. буб̣б̣зби ж̇аанид̇ваа важанагкан̣зби ж̇аананд̇асса мусаабхан̣ананимид̇д̇анд̇и ад̇т̇о. бхан̣анан̃жа наама ид̇ха абхууд̇асса ваа бхууд̇ад̇ам̣, бхууд̇асса ваа абхууд̇ад̇ам̣ гад̇ваа гааязна ваа ваажааяа ваа вин̃н̃аабанаббаяог̇о. баарааж̇игасан̇гхаад̣̇исзсаажааравибад̇д̇ияо амуулигааяа жод̣̇знд̇асса яат̇ааггамам̣ сан̇гхаад̣̇исзсабаажид̇д̇ияад̣̇уггадаани. анубад̇хаарзд̇ваа сахасаа бхан̣анд̇асса, ‘‘ан̃н̃ам̣ бхан̣иссаамий’’д̇и ан̃н̃ам̣ бхан̣анд̇асса яасса бхан̣ад̇и, со на сун̣аад̇и, д̇асса жа анаабад̇д̇и.

    121.Musā…pe… haraṇeti nimittatthe bhummavacanaṃ, tassa ‘‘pācitti vuttā’’ti iminā sambandho. Evaṃ sabbattha. Musāvādeti nipātena saddhiṃ tappuriso. Pubbepi jānitvā vacanakkhaṇepi jānantassa musābhaṇananimittanti attho. Bhaṇanañca nāma idha abhūtassa vā bhūtataṃ, bhūtassa vā abhūtataṃ katvā kāyena vā vācāya vā viññāpanappayogo. Pārājikasaṅghādisesācāravipattiyo amūlikāya codentassa yathākkamaṃ saṅghādisesapācittiyadukkaṭāni. Anupadhāretvā sahasā bhaṇantassa, ‘‘aññaṃ bhaṇissāmī’’ti aññaṃ bhaṇantassa yassa bhaṇati, so na suṇāti, tassa ca anāpatti.

    омасад̇и аманаабад̇ааяа ган̣н̣зсу виж̇жхад̇и вияа зд̇зна, омасад̇и ваад̇и омасо, со жааяам̣ ваад̣̇ожа, д̇асмим̣. д̣̇ийгхо бана г̇аат̇ааб̣анд̇хавасзна. звам̣ саб̣б̣ад̇т̇а. хийнуггадтзсу жа ж̇аад̇инаамаг̇од̇д̇аваяагаммасиббаааб̣аад̇халин̇г̇агилзсааабад̇д̇иаггосасан̇каад̇зсу д̣̇асасу бхууд̇зна ваа абхууд̇зна ваа ‘‘кад̇д̇ияоси, жан̣д̣аалосий’’д̇иаад̣̇инаа гааязна ваа ваажааяа ваа анан̃н̃аабад̣̇зсзна бхигкуно кум̣сзд̇угаамад̇ааяа аггосаважанзд̇и ад̇т̇о. ‘‘санд̇и ид̇хзгажжз жан̣д̣аалаа’’д̇иаад̣̇инаа ан̃н̃аабад̣̇зсзна ваа ‘‘жороси, вигаарийси, маад̇угхаад̇агосий’’д̇иаад̣̇ийхи баал̣имуд̇д̇абад̣̇зхи ваа бхигкусса, яат̇аа ваа д̇ат̇аа ваа анубасамбаннам̣, бараммукаа бана саб̣б̣амби аггосанд̇асса д̣̇уггадам̣. гзвалам̣ д̣̇авагамяад̇ааяа вад̣̇ад̇о бана саб̣б̣ад̇т̇а д̣̇уб̣бхаасид̇ам̣.

    Omasati amanāpatāya kaṇṇesu vijjhati viya etena, omasati vāti omaso, so cāyaṃ vādoca, tasmiṃ. Dīgho pana gāthābandhavasena. Evaṃ sabbattha. Hīnukkaṭṭhesu ca jātināmagottavayakammasippaābādhaliṅgakilesaāpattiakkosasaṅkhātesu dasasu bhūtena vā abhūtena vā ‘‘khattiyosi, caṇḍālosī’’tiādinā kāyena vā vācāya vā anaññāpadesena bhikkhuno khuṃsetukāmatāya akkosavacaneti attho. ‘‘Santi idhekacce caṇḍālā’’tiādinā aññāpadesena vā ‘‘corosi, vikārīsi, mātughātakosī’’tiādīhi pāḷimuttapadehi vā bhikkhussa, yathā vā tathā vā anupasampannaṃ, parammukhā pana sabbampi akkosantassa dukkaṭaṃ. Kevalaṃ davakamyatāya vadato pana sabbattha dubbhāsitaṃ.

    бзсун̃н̃ахаран̣зд̇и бисун̣асса бхааво бзсун̃н̃ам̣. ад̇д̇ано бияагамяад̇ааяа ваа барасса барзсу бхзд̣̇аад̇хиббааязна ваа ж̇аад̇иаад̣̇ийхи омасанд̇асса бхигкуно важанам̣ суд̇ваа бхигкусса д̇асса бзсун̃н̃асса харан̣з. анубасамбаннасса харан̣з д̣̇уггадам̣. бад̣̇ам̣ бад̣̇ам̣ бад̣̇асо, вижчааяам̣ со, годтаасзна годтаасзнаад̇и ад̇т̇о. сан̇г̇ийд̇ид̇д̇аяаарул̣хо д̇ибидагад̇хаммо, анаарул̣хо жа рааж̇оваад̣̇аад̣̇иго д̇хаммо наама, д̇зна саха бад̣̇асод̇и нибаад̇асса д̇ад̇ияаад̇аббурисо. бад̣̇асод̇хаммзд̇и згагкараад̣̇инаа годтаасзна годтаасзна анубасамбаннзна сад̣̇д̇хим̣ яат̇аавуд̇д̇ад̇хаммабхан̣анзд̇и ад̇т̇о. бад̣̇асод̇хаммабхан̣анан̃хи бад̣̇асод̇хамма-сад̣̇д̣̇зна убажаарзна вуд̇д̇ам̣. анубасамбаннзна сад̣̇д̇хим̣ згад̇о уд̣̇д̣̇зсаг̇г̇ахан̣з саж̇жхааяагаран̣з, д̇ам̣санд̇игз уд̣̇д̣̇зсаг̇г̇ахан̣аад̣̇игз жа д̇зна сад̣̇д̇хим̣ згад̇о язбхуяязна баг̇ун̣ам̣ г̇ант̇ам̣ бхан̣анд̇асса осаарзнд̇асса калид̇адтаанз ‘‘звам̣ бхан̣аахий’’д̇и згад̇о бхан̣анд̇ассаби анаабад̇д̇и.

    Pesuññaharaṇeti pisuṇassa bhāvo pesuññaṃ. Attano piyakamyatāya vā parassa paresu bhedādhippāyena vā jātiādīhi omasantassa bhikkhuno vacanaṃ sutvā bhikkhussa tassa pesuññassa haraṇe. Anupasampannassa haraṇe dukkaṭaṃ. Padaṃ padaṃ padaso, vicchāyaṃ so, koṭṭhāsena koṭṭhāsenāti attho. Saṅgītittayāruḷho tipiṭakadhammo, anāruḷho ca rājovādādiko dhammo nāma, tena saha padasoti nipātassa tatiyātappuriso. Padasodhammeti ekakkharādinā koṭṭhāsena koṭṭhāsena anupasampannena saddhiṃ yathāvuttadhammabhaṇaneti attho. Padasodhammabhaṇanañhi padasodhamma-saddena upacārena vuttaṃ. Anupasampannena saddhiṃ ekato uddesaggahaṇe sajjhāyakaraṇe, taṃsantike uddesaggahaṇādike ca tena saddhiṃ ekato yebhuyyena paguṇaṃ ganthaṃ bhaṇantassa osārentassa khalitaṭṭhāne ‘‘evaṃ bhaṇāhī’’ti ekato bhaṇantassapi anāpatti.

    анд̇амасо вад̇т̇аад̣̇инаа язна гзнажи саб̣б̣ажчаннам̣ чад̣̇анам̣ анаахажжа д̣̇ияад̣дхахад̇т̇уб̣б̣зд̇хзнааби саб̣б̣абарижчиннам̣ язбхуяязначаннам̣ язбхуяязнабарижчиннан̃жа сзнаасанам̣ аг̇ааранд̇и ад̇хиббзд̇ам̣. д̇ад̇радто бана бхигкум̣ табзд̇ваа анд̇амасо баарааж̇игавад̇т̇убхууд̇о д̇иражчаанаг̇ад̇оби анд̇амасо д̇ад̣̇ахуж̇аад̇аа ид̇т̇ийби убажаарад̇о аг̇аара-сад̣̇д̣̇зна вужжад̇и. саха аг̇аарзнаад̇и сааг̇ааро, бхигку. убажаарзнзва жа бана анубасамбаннзна, маад̇уг̇аамзна жа саха сзяяагаббанам̣ сааг̇аарабхааво наамаад̇и г̇ахзд̇аб̣б̣ам̣. сан̇гхасаммад̇ам̣ сзнаасанабан̃н̃аабагаад̣̇ибхзд̣̇ам̣ убасамбаннам̣ аяасагаамаа худ̇ваа бхигкуухи язна жа уж̇жхаабзнд̇и аваж̇аанаабзнд̇и аван̃н̃ааяа ологаабзнд̇и, лаамагад̇о ваа жинд̇аабзнд̇и, д̇ам̣ важанам̣ уж̇жхаабанагам̣. язна кийяанд̇и саб̣б̣ад̇т̇а д̇асса аван̣н̣ам̣ багаасзнд̇и, д̇ам̣ кийяанам̣.

    Antamaso vatthādinā yena kenaci sabbacchannaṃ chadanaṃ anāhacca diyaḍḍhahatthubbedhenāpi sabbaparicchinnaṃ yebhuyyenachannaṃ yebhuyyenaparicchinnañca senāsanaṃ agāranti adhippetaṃ. Tatraṭṭho pana bhikkhuṃ ṭhapetvā antamaso pārājikavatthubhūto tiracchānagatopi antamaso tadahujātā itthīpi upacārato agāra-saddena vuccati. Saha agārenāti sāgāro, bhikkhu. Upacāreneva ca pana anupasampannena, mātugāmena ca saha seyyakappanaṃ sāgārabhāvo nāmāti gahetabbaṃ. Saṅghasammataṃ senāsanapaññāpakādibhedaṃ upasampannaṃ ayasakāmā hutvā bhikkhūhi yena ca ujjhāpenti avajānāpenti avaññāya olokāpenti, lāmakato vā cintāpenti, taṃ vacanaṃ ujjhāpanakaṃ. Yena khīyanti sabbattha tassa avaṇṇaṃ pakāsenti, taṃ khīyanaṃ.

    122. д̇аланд̇и хад̇т̇ад̇аламад̇хиббзд̇ам̣. д̇аг̇г̇ахан̣зна бана гааяова д̇алам̣. сад̇д̇ийд̇и гааяаббадиб̣ад̣̇д̇хаа сад̇д̇и аавуд̇хависзсо, убалагкан̣ад̇д̇аа бана саб̣б̣амби гааяаббадиб̣ад̣̇д̇хам̣ сад̇д̇и. д̇алан̃жа сад̇д̇и жа д̇аласад̇д̇и. ид̇ха бана гобзна бхигкусса д̇аласад̇д̇иуг̇г̇иран̣ам̣ д̇аласад̇д̇и. сажз бана вирад̣̇д̇хо бахаарам̣ д̣̇зд̇и, на бахарид̇угаамад̇ааяа д̣̇иннад̇д̇аа д̣̇уггадам̣, бахарид̇угаамад̇ааяа баажид̇д̇ияам̣, анубасамбаннз д̣̇уггадам̣, могкаад̇хиббааяасса анаабад̇д̇и.

    122.Talanti hatthatalamadhippetaṃ. Taggahaṇena pana kāyova talaṃ. Sattīti kāyappaṭibaddhā satti āvudhaviseso, upalakkhaṇattā pana sabbampi kāyappaṭibaddhaṃ satti. Talañca satti ca talasatti. Idha pana kopena bhikkhussa talasattiuggiraṇaṃ talasatti. Sace pana viraddho pahāraṃ deti, na paharitukāmatāya dinnattā dukkaṭaṃ, paharitukāmatāya pācittiyaṃ, anupasampanne dukkaṭaṃ, mokkhādhippāyassa anāpatti.

    бан̃н̃ад̇д̇зна вад̣̇ад̇о убасамбаннасса ваа д̇зна вужжамаанад̇хаммасса ваа анаад̣̇арагаран̣ам̣ анаад̣̇аро. анубасамбаннасса д̇зна вужжамаанасса ваа убасамбаннзна, барзна ваа абан̃н̃ад̇д̇зна ваа вужжамаанасса анаад̣̇арз д̣̇уггадам̣.

    Paññattena vadato upasampannassa vā tena vuccamānadhammassa vā anādarakaraṇaṃ anādaro. Anupasampannassa tena vuccamānassa vā upasampannena, parena vā apaññattena vā vuccamānassa anādare dukkaṭaṃ.

    ‘‘уунавассо д̇вам̣ ман̃н̃з’’д̇иаад̣̇инаа бхигкуно гуггужжасса уббаад̣̇анам̣ анубасамбаннасса д̣̇уггадам̣.

    ‘‘Ūnavasso tvaṃ maññe’’tiādinā bhikkhuno kukkuccassa uppādanaṃ anupasampannassa dukkaṭaṃ.

    анаабужчаа г̇аамаббавзсанзд̇и багад̇иважанзна бужчид̇умануруубам̣ анд̇оубажаарасиймааяа д̣̇ассануубажаарз бхигкум̣ д̣̇исваа ‘‘вигаалз г̇аамаббавзсанам̣ аабужчаамий’’д̇и анаабужчид̇ваа вигаалз г̇аамаббавзсанз. д̣̇ийгхо бана санд̇хивасзна. аабад̣̇аасу анаабад̇д̇и.

    Anāpucchā gāmappavesaneti pakativacanena pucchitumanurūpaṃ antoupacārasīmāya dassanūpacāre bhikkhuṃ disvā ‘‘vikāle gāmappavesanaṃ āpucchāmī’’ti anāpucchitvā vikāle gāmappavesane. Dīgho pana sandhivasena. Āpadāsu anāpatti.

    барамбарабхож̇анзд̇и баро жа баро жа барамбараа ма-гааро санд̇хивасзна, д̇асмаа барамбараа уббад̇д̇ависаяаабаад̣̇аанаважанам̣, барад̇о барад̇о лад̣̇д̇хаа бхун̃ж̇анзд̇и ад̇т̇о. аяамзд̇т̇а ад̇хиббааяо – бан̃жахи бхож̇анзхи наамам̣ г̇ахзд̇ваа ниманд̇ид̇асса язна язна батамам̣ ниманд̇ид̇о, д̇асса д̇асса бхож̇анад̇о уббадибаадияаа, ‘‘маяхам̣ бхад̇д̇абажжаасам̣ д̇уяхам̣ д̣̇аммий’’д̇и ваа ‘‘вигаббзмий’’д̇и ваа аад̣̇инаа саммукаа ваа бараммукаа ваа авигаббзд̇ваа ваа ан̃н̃ад̇о ан̃н̃ад̇о бан̃жабхож̇анаад̣̇ийни лад̣̇д̇хаа бхун̃ж̇амаанзд̇и. г̇илаанажийварад̣̇аанажийварагаарасамаяз анаабад̇д̇и.

    Paramparabhojaneti paro ca paro ca paramparā ma-kāro sandhivasena, tasmā paramparā uppattavisayaapādānavacanaṃ, parato parato laddhā bhuñjaneti attho. Ayamettha adhippāyo – pañcahi bhojanehi nāmaṃ gahetvā nimantitassa yena yena paṭhamaṃ nimantito, tassa tassa bhojanato uppaṭipāṭiyā, ‘‘mayhaṃ bhattapaccāsaṃ tuyhaṃ dammī’’ti vā ‘‘vikappemī’’ti vā ādinā sammukhā vā parammukhā vā avikappetvā vā aññato aññato pañcabhojanādīni laddhā bhuñjamāneti. Gilānacīvaradānacīvarakārasamaye anāpatti.

    123. сзяяам̣ сзнаасанаани ваа ануд̣̇д̇харид̇ваа г̇аманзд̇и самб̣анд̇хо. ваа-сад̣̇д̣̇о самужжаяз. д̇ад̇т̇а ‘‘бхиси жимилигаа уд̇д̇арад̇т̇аран̣ам̣ бхуумад̇т̇аран̣ам̣ д̇аддигаа жаммагкан̣д̣о нисийд̣̇анам̣ бажжад̇т̇аран̣ам̣ д̇ин̣асант̇ааро бан̣н̣асант̇ааро’’д̇и (баажи. 116) вуд̇д̇аасу д̣̇асасу сзяяаасу згамби ад̇д̇ано вассаг̇г̇анз г̇ахзд̇ваа сан̇гхигз саб̣б̣аббадижчаннз г̇уд̇д̇з сзнаасанз сант̇арид̇ваа ваа сант̇араабзд̇ваа ваа яат̇аа табид̇ам̣ убажигаад̣̇ийхи на каж̇ж̇ад̇и, д̇ат̇аа табанавасзна ануд̣̇д̇харид̇ваа баригкид̇д̇асса аараамасса баригкзбам̣, абаригкид̇д̇асса убажаарам̣ ад̇иггамид̇ваа г̇аманз жа, д̇ат̇аа ман̃жабийтад̇исигожчасан̇каад̇аани сзнаасанаани вассагаалз аж̇жхогаасз сант̇арид̇ваа ваа сант̇араабзд̇ваа ваа анубасамбаннзна ануд̣̇д̇харид̇ваа т̇аамамаж̇жхимасса бурисасса лзд̣д̣убаад̇ам̣ ад̇иггамид̇ваа г̇аманз жаад̇и ад̇т̇о. яат̇аавуд̇д̇ад̇о бана ан̃н̃ад̇т̇а д̣̇уггадам̣.

    123. Seyyaṃ senāsanāni vā anuddharitvā gamaneti sambandho. -saddo samuccaye. Tattha ‘‘bhisi cimilikā uttarattharaṇaṃ bhūmattharaṇaṃ taṭṭikā cammakkhaṇḍo nisīdanaṃ paccattharaṇaṃ tiṇasanthāro paṇṇasanthāro’’ti (pāci. 116) vuttāsu dasasu seyyāsu ekampi attano vassaggane gahetvā saṅghike sabbappaṭicchanne gutte senāsane santharitvā vā santharāpetvā vā yathā ṭhapitaṃ upacikādīhi na khajjati, tathā ṭhapanavasena anuddharitvā parikkhittassa ārāmassa parikkhepaṃ, aparikkhittassa upacāraṃ atikkamitvā gamane ca, tathā mañcapīṭhatisikocchasaṅkhātāni senāsanāni vassakāle ajjhokāse santharitvā vā santharāpetvā vā anupasampannena anuddharitvā thāmamajjhimassa purisassa leḍḍupātaṃ atikkamitvā gamane cāti attho. Yathāvuttato pana aññattha dukkaṭaṃ.

    ид̇т̇ияаа ад̣̇д̇хаанаг̇аманзд̇и ‘‘г̇ажчаама бхаг̇ини, г̇ажчаама аяяаа’’д̇и ан̃н̃аман̃н̃ам̣ сам̣вид̣̇ахид̇ваа ‘‘аж̇ж̇а ваа свз ваа’’д̇иаад̣̇инаа нияамид̇агаалависан̇гзд̇ам̣ агад̇вааби д̣̇ваарависан̇гзд̇ам̣ маг̇г̇ависан̇гзд̇ам̣ гад̇вааби ид̇т̇ияаа сад̣̇д̇хим̣ ад̣̇д̇хаанамаг̇г̇аг̇аманзд̇и ад̇т̇о.

    Itthiyā addhānagamaneti ‘‘gacchāma bhagini, gacchāma ayyā’’ti aññamaññaṃ saṃvidahitvā ‘‘ajja vā sve vā’’tiādinā niyamitakālavisaṅketaṃ akatvāpi dvāravisaṅketaṃ maggavisaṅketaṃ katvāpi itthiyā saddhiṃ addhānamaggagamaneti attho.

    згзгааяа нисийд̣̇анзд̇и згзна згаад̇и згзгаа, д̇ассаа нисаж̇ж̇ааяаад̇и ад̇т̇о. згзна саха згиссаа нисаж̇ж̇ам̣ винаа згааяа саха згасса нисаж̇ж̇ам̣ наама над̇т̇ийд̇и згааяа саха згасса нисаж̇ж̇ааяам̣ сад̇и нисиннасса бхигкуно баажид̇д̇ияанд̇и ад̇хиббааяо. ‘‘згааязганисийд̣̇анз’’д̇и ваа баато.

    Ekekāya nisīdaneti ekena ekāti ekekā, tassā nisajjāyāti attho. Ekena saha ekissā nisajjaṃ vinā ekāya saha ekassa nisajjaṃ nāma natthīti ekāya saha ekassa nisajjāyaṃ sati nisinnassa bhikkhuno pācittiyanti adhippāyo. ‘‘Ekāyekanisīdane’’ti vā pāṭho.

    124. руубаад̣̇ийнам̣ убасам̣хаарзна, бхаяаанагагат̇аагат̇анзна ваа убасамбаннасса бхим̣саабанз. анубасамбаннасса д̣̇уггадам̣.

    124. Rūpādīnaṃ upasaṃhārena, bhayānakakathākathanena vā upasampannassa bhiṃsāpane. Anupasampannassa dukkaṭaṃ.

    аагоданз убасамбаннасса анд̇амасо уббалабад̇д̇знааби бахаарад̣̇аанз. анубасамбаннасса анд̇амасо д̇иражчаанаг̇ад̇ассаби д̣̇уггадам̣. могкаад̇хиббааяасса анаабад̇д̇и.

    Ākoṭane upasampannassa antamaso uppalapattenāpi pahāradāne. Anupasampannassa antamaso tiracchānagatassapi dukkaṭaṃ. Mokkhādhippāyassa anāpatti.

    сан̇гхамаж̇жхз винаяад̇харзна ануяун̃ж̇ияамаанасса бужчид̇ад̇о ан̃н̃асса ваад̣̇о ан̃н̃зна ан̃н̃ам̣ бадижаран̣ам̣ ан̃н̃аваад̣̇о. д̇ат̇зва бужчияамаанасса агат̇зд̇угаамад̇ааяа вихзсанам̣ д̇ун̣хийбхааво вихзсаа. ан̃н̃аваад̣̇агасса вихзсагасса жа н̃ад̇д̇ид̣̇уд̇ияагаммзна ан̃н̃аваад̣̇агавихзсагагаммз гад̇з буна ан̃н̃аваад̣̇з вихзсааяа баажид̇д̇ияам̣. анааробид̇з бана гаммз д̣̇уггадам̣. гин̃жи вийд̇иггамам̣ д̣̇исваа ‘‘аавусо, ид̣̇ам̣ наама д̇аяаа гад̇а’’нд̇и вуд̇д̇з д̇ам̣ на гат̇зд̇угаамо д̇ун̣хийбхууд̇о сан̇гхам̣ вихзсзд̇ийд̇и вихзсаго. анаажаарам̣ аажарид̇ваа сан̇гхамаж̇жхз аабад̇д̇ияаа, вад̇т̇унаа ваа ануяун̃ж̇ияамаанз д̇ам̣ агат̇зд̇угаамо ‘‘го аабанно, гисмим̣ аабанно’’д̇иаад̣̇инаа наязна ан̃н̃зхи важанзхи д̇ам̣ важанам̣ бадижчаад̣̇знд̇о яо ан̃н̃ам̣ вад̣̇ад̇и, аяам̣ ан̃н̃аваад̣̇аго наама.

    Saṅghamajjhe vinayadharena anuyuñjiyamānassa pucchitato aññassa vādo aññena aññaṃ paṭicaraṇaṃ aññavādo. Tatheva pucchiyamānassa akathetukāmatāya vihesanaṃ tuṇhībhāvo vihesā. Aññavādakassa vihesakassa ca ñattidutiyakammena aññavādakavihesakakamme kate puna aññavāde vihesāya pācittiyaṃ. Anāropite pana kamme dukkaṭaṃ. Kiñci vītikkamaṃ disvā ‘‘āvuso, idaṃ nāma tayā kata’’nti vutte taṃ na kathetukāmo tuṇhībhūto saṅghaṃ vihesetīti vihesako. Anācāraṃ ācaritvā saṅghamajjhe āpattiyā, vatthunā vā anuyuñjiyamāne taṃ akathetukāmo ‘‘ko āpanno, kismiṃ āpanno’’tiādinā nayena aññehi vacanehi taṃ vacanaṃ paṭicchādento yo aññaṃ vadati, ayaṃ aññavādako nāma.

    д̣̇удтуллам̣ наама баарааж̇игасан̇гхаад̣̇исзсаа, ид̇ха бана сан̇гхаад̣̇исзсова. багаасо жа чаад̣̇о жа багаасачаад̣̇о, д̣̇удтулласса багаасачаад̣̇од̇и д̇аббурисо. абхин̣хаабад̇д̇игасса бхигкуно ааяад̇им̣ сам̣варад̇т̇ааяа аабад̇д̇ибарияанд̇ам̣ гулабарияанд̇ан̃жа гад̇ваа ваа агад̇ваа ваа д̇игкад̇д̇ум̣ абалогзд̇ваа гаад̇аб̣б̣ам̣. бхигкусаммуд̇им̣ табзд̇ваа анубасамбаннасса ‘‘аяам̣ асужим̣ можзд̇ваа сан̇гхаад̣̇исзсам̣ аабанно’’д̇иаад̣̇инаа наязна вад̇т̇унаа сад̣̇д̇хим̣ аабад̇д̇им̣ гхадзд̇ваа д̇асса д̣̇удтулласса багаасанз аарожанз жа, д̇ассзва язна гзнажи убааязна н̃ад̇ваа чаад̣̇анз жа, ад̣̇удтуллаарожанз чаад̣̇анз жа, анубасамбаннасса бана буримабан̃жамасигкаабад̣̇з ид̇араа д̣̇удтуллзби д̣̇уггадам̣.

    Duṭṭhullaṃ nāma pārājikasaṅghādisesā, idha pana saṅghādisesova. Pakāso ca chādo ca pakāsachādo, duṭṭhullassa pakāsachādoti tappuriso. Abhiṇhāpattikassa bhikkhuno āyatiṃ saṃvaratthāya āpattipariyantaṃ kulapariyantañca katvā vā akatvā vā tikkhattuṃ apaloketvā kātabbaṃ. Bhikkhusammutiṃ ṭhapetvā anupasampannassa ‘‘ayaṃ asuciṃ mocetvā saṅghādisesaṃ āpanno’’tiādinā nayena vatthunā saddhiṃ āpattiṃ ghaṭetvā tassa duṭṭhullassa pakāsane ārocane ca, tasseva yena kenaci upāyena ñatvā chādane ca, aduṭṭhullārocane chādane ca, anupasampannassa pana purimapañcamasikkhāpade itarā duṭṭhullepi dukkaṭaṃ.

    хаасод̣̇агзд̇и зд̇т̇а хаасз уд̣̇агзд̇и бад̣̇авибхааг̇о взд̣̇ид̇аб̣б̣о. язна гзнажи сарийрааваяавзна хасаад̇хиббааяасса убагажчагаад̣̇ийсу хаасз пусанз. хаасанимид̇д̇ан̃хи пусанам̣ хаасо. анубасамбаннз д̣̇уггадам̣. уд̣̇агз хаасзд̇и убариг̇обпагз уд̣̇агз хасаад̇хиббааяасса уммуж̇ж̇ананимуж̇ж̇анзна гийл̣ааяа. гийл̣аа хи ид̇ха хаасод̇и вуд̇д̇о. наавааяа гийл̣ад̇о, хад̇т̇аад̣̇инаа гадтаад̣̇инаа ваа уд̣̇агам̣ ханад̇о анд̇амасо бхааж̇анаг̇ад̇аган̃ж̇игаад̣̇ийниби кибанагийл̣ааяа гийл̣ад̇о д̣̇уггадам̣. ахасаад̇хиббааяасса анаабад̇д̇и.

    Hāsodaketi ettha hāse udaketi padavibhāgo veditabbo. Yena kenaci sarīrāvayavena hasādhippāyassa upakacchakādīsu hāse phusane. Hāsanimittañhi phusanaṃ hāso. Anupasampanne dukkaṭaṃ. Udake hāseti uparigopphake udake hasādhippāyassa ummujjananimujjanena kīḷāya. Kīḷā hi idha hāsoti vutto. Nāvāya kīḷato, hatthādinā kaṭṭhādinā vā udakaṃ hanato antamaso bhājanagatakañjikādīnipi khipanakīḷāya kīḷato dukkaṭaṃ. Ahasādhippāyassa anāpatti.

    нижчубханз вихаараад̇и сан̇гхигавихаарад̇о бхигкуно ниггад̣дхананиггад̣дхаабанз. зд̇т̇а жа згаббаяог̇з згаа, наанаабаяог̇з д̣̇ваараг̇ан̣анааяа аабад̇д̇ияо. буг̇г̇алиганиггад̣дханз, д̇асса баригкаараниггад̣дханз, анубасамбаннасса бана д̇асса баригкаарасса ваа ниггад̣дханз д̣̇уггадам̣. на саммаавад̇д̇анд̇аанам̣ анд̇зваасигасад̣̇д̇хивихааригаанам̣ ваа ниггад̣дханз, ад̇д̇ано виссаасигасса вихаараа ниггад̣дханз, бхан̣д̣анагаарагасса бана сагаласан̇гхаараамад̇о ниггад̣дханз анаабад̇д̇и.

    Nicchubhane vihārāti saṅghikavihārato bhikkhuno nikkaḍḍhananikkaḍḍhāpane. Ettha ca ekappayoge ekā, nānāpayoge dvāragaṇanāya āpattiyo. Puggalikanikkaḍḍhane, tassa parikkhāranikkaḍḍhane, anupasampannassa pana tassa parikkhārassa vā nikkaḍḍhane dukkaṭaṃ. Na sammāvattantānaṃ antevāsikasaddhivihārikānaṃ vā nikkaḍḍhane, attano vissāsikassa vihārā nikkaḍḍhane, bhaṇḍanakārakassa pana sakalasaṅghārāmato nikkaḍḍhane anāpatti.

    анубакаж̇ж̇а саяанзд̇и ‘‘вуд̣дхо, г̇илаано, сан̇гхзна д̣̇инно’’д̇и ж̇аанид̇ваа ман̃жабийтаанам̣ ваа д̇асса бхигкуно бависанд̇асса ваа нигкаманд̇асса ваа убажаарам̣ анубакаж̇ж̇а анубависид̇ваа сан̇гхигз вихаарз ‘‘яасса самб̣аад̇хо бхависсад̇и, со баггамиссад̇ий’’д̇и ад̇хиббааязна нисийд̣̇ананисаж̇ж̇анавасзна саяанз. буг̇г̇алигз д̣̇уггадам̣.

    Anupakhajja sayaneti ‘‘vuḍḍho, gilāno, saṅghena dinno’’ti jānitvā mañcapīṭhānaṃ vā tassa bhikkhuno pavisantassa vā nikkhamantassa vā upacāraṃ anupakhajja anupavisitvā saṅghike vihāre ‘‘yassa sambādho bhavissati, so pakkamissatī’’ti adhippāyena nisīdananisajjanavasena sayane. Puggalike dukkaṭaṃ.

    зд̇т̇а жа баажид̇д̇ийд̇и уд̣̇д̣̇исид̇ваа гаанижи басид̣̇д̇хаани д̣̇ассид̇аани. авуд̇д̇аани бана д̇аад̣̇исаани иминаава сааман̃н̃аважанзна сан̇г̇ахзд̇ваа взд̣̇ид̇аб̣б̣аани. гат̇ам̣? ажзлагаад̣̇иан̃н̃ад̇ид̇т̇ияаанам̣ яасса гассажи аамисасса сахад̇т̇аа д̣̇аанз жа, саббинаванийд̇ад̇зламад̇хупаан̣ид̇амажчамам̣сакийрад̣̇ад̇хисан̇каад̇аанам̣ бан̣ийд̇абхож̇анаанам̣ ад̇д̇ано ад̇т̇ааяа вин̃н̃аабзд̇ваа бхун̃ж̇анз, рааг̇абарияудтид̇аид̇т̇ибурисасса яог̇г̇з гулз анубависид̇ваа нисаж̇ж̇анагаббанз, бан̃жаннам̣ бхож̇анаанам̣ ан̃н̃ад̇арзна ниманд̇ид̇о д̇асмим̣ бхуд̇д̇з ваа абхуд̇д̇з ваа санд̇ам̣ бхигкум̣ анаабужчид̇ваа бурзбхад̇д̇ам̣ бажчаабхад̇д̇ам̣ ваа яасмим̣ гулз ниманд̇ид̇о, д̇ад̇о г̇илаанажийварад̣̇аанагаарасамаяам̣ табзд̇ваа ан̃н̃асмим̣ ан̃н̃агулаббавзсанз, табзд̇ваа згад̣̇ивасам̣ ан̃н̃асмим̣ д̣̇инз аавасат̇абин̣д̣асса аг̇илаанзна худ̇ваа бхун̃ж̇анз, рад̇д̇ибарижчзд̣̇ам̣ ваа бхзсаж̇ж̇абарижчзд̣̇ам̣ ваа гад̇ваа баваарид̇ад̇о уд̇д̇ари ан̃н̃ад̇ра буна бавааран̣ааяа ан̃н̃ад̇ра нижжаббавааран̣ааяа вин̃н̃аабанз, ан̃н̃ад̇ра д̇ат̇ааруубабажжаяаа г̇аамад̇о нигканд̇асзнаад̣̇ассанааяа г̇аманз, бажжаязнаби г̇анд̇ваа д̇ирад̇д̇ад̇о уд̇д̇ари сзнааяа ваасз, д̇асса жа васанд̇асса яуд̣̇д̇хадтаанаб̣алаг̇ан̣адтаанасзнаанивзсаанийгад̣̇ассанад̇т̇ам̣ г̇аманз, бидтаад̣̇ийхи гад̇амаж̇ж̇асан̇каад̇асурааяа, бубпаад̣̇ийхи гад̇ааасавасан̇каад̇амзраяасса жа баанз, бад̣̇ийбуж̇ж̇алабад̇д̇абажанаад̣̇игааран̣ам̣ винаа висиб̣б̣ид̇угаамад̇ааяа аг̇илаанасса аг̇г̇ино ж̇ааланаж̇аалаабанз, габбаб̣инд̣̇ум̣ анаад̣̇ааяа наважийварабарибхог̇з, саамам̣ жийварам̣ вигаббзд̇ваа абажжуд̣̇д̇хааяа барибхог̇з, бхигкусанд̇агабад̇д̇аад̣̇ино анд̇амасо хасаад̇хиббааязнаби абанид̇хаанз абанид̇хаабанз, сан̃жижжа д̇иражчаанаг̇ад̇асса ж̇ийвид̇аворобанз, сан̃жижжа яат̇аад̇хаммам̣ нихад̇аад̇хигаран̣асса бунагаммааяа уггоданз, сан̃жижжа т̇зяяасад̇т̇зна сад̣̇д̇хим̣ сам̣вид̇хааяа згад̣̇д̇хаанаг̇аманз, бхигкуухи сигкаабад̣̇зхи вужжамаанасса ан̃н̃ам̣ авижаарзд̇ваа ‘‘на д̇ад̇т̇а сигкиссаамий’’д̇и бхан̣анз, сигкаабад̣̇авиван̣н̣анз, имзсам̣ ‘‘суд̇ваа орамиссаамий’’д̇и ад̇хиббааяам̣ винаа виваад̣̇аабаннаанам̣ убассуд̇идтаанз, д̇хаммигаанам̣ гаммаанам̣ чанд̣̇ам̣ д̣̇ад̇ваа бажчаа кийяанад̇хаммаабаж̇ж̇анз, сан̇гхз винижчаяз вад̇д̇амаанз чанд̣̇ам̣ ад̣̇ад̇ваа баггаманз, самаг̇г̇зна сан̇гхзна жийварам̣ д̣̇ад̇ваа бажчаа кийяанад̇хаммаабаж̇ж̇анз, ан̃н̃ад̇ра аж̇жхаараамаа аж̇жхаавасат̇аа ваа рад̇анасса ваа рад̇анасаммад̇асса ваа уг̇г̇ан̣ханауг̇г̇ахаабанз баажид̇д̇ияанд̇и.

    Ettha ca pācittīti uddisitvā kānici pasiddhāni dassitāni. Avuttāni pana tādisāni imināva sāmaññavacanena saṅgahetvā veditabbāni. Kathaṃ? Acelakādiaññatitthiyānaṃ yassa kassaci āmisassa sahatthā dāne ca, sappinavanītatelamadhuphāṇitamacchamaṃsakhīradadhisaṅkhātānaṃ paṇītabhojanānaṃ attano atthāya viññāpetvā bhuñjane, rāgapariyuṭṭhitaitthipurisassa yogge kule anupavisitvā nisajjanakappane, pañcannaṃ bhojanānaṃ aññatarena nimantito tasmiṃ bhutte vā abhutte vā santaṃ bhikkhuṃ anāpucchitvā purebhattaṃ pacchābhattaṃ vā yasmiṃ kule nimantito, tato gilānacīvaradānakārasamayaṃ ṭhapetvā aññasmiṃ aññakulappavesane, ṭhapetvā ekadivasaṃ aññasmiṃ dine āvasathapiṇḍassa agilānena hutvā bhuñjane, rattiparicchedaṃ vā bhesajjaparicchedaṃ vā katvā pavāritato uttari aññatra puna pavāraṇāya aññatra niccappavāraṇāya viññāpane, aññatra tathārūpapaccayā gāmato nikkhantasenādassanāya gamane, paccayenapi gantvā tirattato uttari senāya vāse, tassa ca vasantassa yuddhaṭṭhānabalagaṇaṭṭhānasenānivesaanīkadassanatthaṃ gamane, piṭṭhādīhi katamajjasaṅkhātasurāya, pupphādīhi kataāsavasaṅkhātamerayassa ca pāne, padīpujjalapattapacanādikāraṇaṃ vinā visibbitukāmatāya agilānassa aggino jālanajālāpane, kappabinduṃ anādāya navacīvaraparibhoge, sāmaṃ cīvaraṃ vikappetvā apaccuddhāya paribhoge, bhikkhusantakapattādino antamaso hasādhippāyenapi apanidhāne apanidhāpane, sañcicca tiracchānagatassa jīvitavoropane, sañcicca yathādhammaṃ nihatādhikaraṇassa punakammāya ukkoṭane, sañcicca theyyasatthena saddhiṃ saṃvidhāya ekaddhānagamane, bhikkhūhi sikkhāpadehi vuccamānassa aññaṃ avicāretvā ‘‘na tattha sikkhissāmī’’ti bhaṇane, sikkhāpadavivaṇṇane, imesaṃ ‘‘sutvā oramissāmī’’ti adhippāyaṃ vinā vivādāpannānaṃ upassutiṭṭhāne, dhammikānaṃ kammānaṃ chandaṃ datvā pacchā khīyanadhammāpajjane, saṅghe vinicchaye vattamāne chandaṃ adatvā pakkamane, samaggena saṅghena cīvaraṃ datvā pacchā khīyanadhammāpajjane, aññatra ajjhārāmā ajjhāvasathā vā ratanassa vā ratanasammatassa vā uggaṇhanauggahāpane pācittiyanti.

    баажид̇д̇ияанид̣̇д̣̇зсаван̣н̣анаа нидтид̇аа.

    Pācittiyaniddesavaṇṇanā niṭṭhitā.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact