| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
பத³பா⁴ஜனீயவண்ணனா
Padabhājanīyavaṇṇanā
303. ஸஹ பரித³ண்டே³ன வத்தமானாதி அத்தோ². ச²ந்த³வாஸினீ நாம ‘‘பியா பியங் வஸேதீ’’தி பாளி, புரிஸங் வாஸேதீதி அதி⁴ப்பாயோ. ‘‘பியோ பியங் வாஸேதீ’’தி அட்ட²கதா².
303. Saha paridaṇḍena vattamānāti attho. Chandavāsinī nāma ‘‘piyā piyaṃ vasetī’’ti pāḷi, purisaṃ vāsetīti adhippāyo. ‘‘Piyo piyaṃ vāsetī’’ti aṭṭhakathā.
தங் கிரியங் ஸம்பாதெ³ஸ்ஸதீதி அவஸ்ஸங் ஆரோசெந்தியா சே ஆரோசேதீதி அத்தோ². த்³வின்னங் மாதாபிதூனங் சே ஆரோசேதி, ஸங்கா⁴தி³ஸேஸோதி வினயவினிச்ச²யே ‘‘வத்து² ஓலோகேதப்³ப³’’ந்தி வுத்தங். வத்து²ம்ஹி ச ‘‘உதா³யித்தே²ரோ க³ணிகாய ஆரோசேஸீ’’தி வுத்தங். தங் ‘‘மாதாதீ³னம்பி வத³தோ விஸங்கேதோ நத்தீ²’’தி அட்ட²கதா²வசனதோ நிப்பயோஜனங். தங் பனேதந்தி ஆசரியஸ்ஸ வசனங். மாதுரக்கி²தங் ப்³ரூஹீதி பேஸிதஸ்ஸ க³ந்த்வா மாதாபிதுரக்கி²தங் வத³தோ தஸ்ஸ தஸ்ஸா மாதுரக்கி²தபா⁴வேபி ஸதி விஸங்கேதமேவ, கஸ்மா? ‘‘பிதுரக்கி²தாதீ³ஸு அஞ்ஞதரங் வத³ந்தஸ்ஸ விஸங்கேத’’ந்தி வுத்தத்தா இதரதா² ஆதி³-ஸத்³தோ³ நிரத்த²கோ ஸியா. ஏகங் த³ஸகங் இதரேன த³ஸகேன யோஜெத்வா புப்³பே³ ஸுக்கவிஸ்ஸட்டி²யங் வுத்தனயத்தா மாதுரக்கி²தாய மாதா அத்தனோ தீ⁴துஸந்திகங் பஹிணதீதி க³ஹேதப்³ப³ங்.
Taṃ kiriyaṃ sampādessatīti avassaṃ ārocentiyā ce ārocetīti attho. Dvinnaṃ mātāpitūnaṃ ce āroceti, saṅghādisesoti vinayavinicchaye ‘‘vatthu oloketabba’’nti vuttaṃ. Vatthumhi ca ‘‘udāyitthero gaṇikāya ārocesī’’ti vuttaṃ. Taṃ ‘‘mātādīnampi vadato visaṅketo natthī’’ti aṭṭhakathāvacanato nippayojanaṃ. Taṃ panetanti ācariyassa vacanaṃ. Māturakkhitaṃ brūhīti pesitassa gantvā mātāpiturakkhitaṃ vadato tassa tassā māturakkhitabhāvepi sati visaṅketameva, kasmā? ‘‘Piturakkhitādīsu aññataraṃ vadantassa visaṅketa’’nti vuttattā itarathā ādi-saddo niratthako siyā. Ekaṃ dasakaṃ itarena dasakena yojetvā pubbe sukkavissaṭṭhiyaṃ vuttanayattā māturakkhitāya mātā attano dhītusantikaṃ pahiṇatīti gahetabbaṃ.
338. அனபி⁴னந்தி³த்வாதி வசனமத்தமேவ, யதி³பி அபி⁴னந்த³தி, யாவ ஸாஸனங் நாரோசேதி, தாவ ‘‘வீமங்ஸிதோ’’தி ந வுச்சதி. ஸாஸனாரோசனகாலேதி ஆணாபகஸ்ஸ ஸாஸனவசனக்க²ணே. ததியபதே³ வுத்தனயேனாதி ஏகங்க³ஸம்பத்தியா து³க்கடந்தி அத்தோ². வத்து²க³ணனாய ஸங்கா⁴தி³ஸேஸோதி உப⁴யவத்து²க³ணனாய கிர.
338.Anabhinanditvāti vacanamattameva, yadipi abhinandati, yāva sāsanaṃ nāroceti, tāva ‘‘vīmaṃsito’’ti na vuccati. Sāsanārocanakāleti āṇāpakassa sāsanavacanakkhaṇe. Tatiyapade vuttanayenāti ekaṅgasampattiyā dukkaṭanti attho. Vatthugaṇanāya saṅghādisesoti ubhayavatthugaṇanāya kira.
339. சதுத்தே² அனாபத்தீதி எத்த² பன ‘‘படிக்³க³ண்ஹாதி ந வீமங்ஸதி ந பச்சாஹரதி, அனாபத்தீதி எத்த² விய ‘க³ச்ச²ந்தோ ந ஸம்பாதே³தி, ஆக³ச்ச²ந்தோ விஸங்வாதே³தீ’தி அனாபத்திபாளியாபி ப⁴விதப்³ப³ந்தி த³ஸ்ஸனத்த²ங் வுத்த’’ந்தி வத³ந்தி, ஏகச்சேஸு பொத்த²கேஸு ‘‘அத்தீ²’’திபி.
339.Catutthe anāpattīti ettha pana ‘‘paṭiggaṇhāti na vīmaṃsati na paccāharati, anāpattīti ettha viya ‘gacchanto na sampādeti, āgacchanto visaṃvādetī’ti anāpattipāḷiyāpi bhavitabbanti dassanatthaṃ vutta’’nti vadanti, ekaccesu potthakesu ‘‘atthī’’tipi.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. ஸஞ்சரித்தஸிக்கா²பத³ங் • 5. Sañcarittasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 5. ஸஞ்சரித்தஸிக்கா²பத³வண்ணனா • 5. Sañcarittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 5. ஸஞ்சரித்தஸிக்கா²பத³வண்ணனா • 5. Sañcarittasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 5. ஸஞ்சரித்தஸிக்கா²பத³வண்ணனா • 5. Sañcarittasikkhāpadavaṇṇanā
