| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[247] 7. баад̣̇ан̃ж̇алиж̇аад̇агаван̣н̣анаа
[247] 7. Pādañjalijātakavaṇṇanā
ад̣̇д̇хаа баад̣̇ан̃ж̇алий саб̣б̣зд̇и ид̣̇ам̣ сад̇т̇аа ж̇зд̇аванз вихаранд̇о лаал̣уд̣̇ааяийт̇зрам̣ аараб̣бха гат̇зси. згасмин̃хи д̣̇ивасз д̣̇вз аг̇г̇асаавагаа бан̃хам̣ винижчинанд̇и, бхигкуу бан̃хам̣ сун̣анд̇аа т̇зрз басам̣санд̇и. лаал̣уд̣̇ааяийт̇зро бана барисанд̇арз нисинно ‘‘зд̇з амхзхи самам̣ гим̣ ж̇аананд̇ий’’д̇и одтам̣ бхан̃ж̇и. д̇ам̣ д̣̇исваа т̇зраа удтааяа баггамим̣су, барисаа бхиж̇ж̇и. д̇хаммасабхааяам̣ бхигкуу гат̇ам̣ самудтаабзсум̣ – ‘‘аавусо лаал̣уд̣̇ааяий, д̣̇вз аг̇г̇асаавагз г̇арахид̇ваа одтам̣ бхан̃ж̇ий’’д̇и. д̇ам̣ суд̇ваа сад̇т̇аа ‘‘на, бхигкавз, ид̣̇аанзва, буб̣б̣зби лаал̣уд̣̇ааяий табзд̇ваа одтабхан̃ж̇анам̣ д̇ад̇о уд̇д̇ари ан̃н̃ам̣ на ж̇аанаад̇ий’’д̇и вад̇ваа ад̇ийд̇ам̣ аахари.
Addhā pādañjalī sabbeti idaṃ satthā jetavane viharanto lāḷudāyītheraṃ ārabbha kathesi. Ekasmiñhi divase dve aggasāvakā pañhaṃ vinicchinanti, bhikkhū pañhaṃ suṇantā there pasaṃsanti. Lāḷudāyīthero pana parisantare nisinno ‘‘ete amhehi samaṃ kiṃ jānantī’’ti oṭṭhaṃ bhañji. Taṃ disvā therā uṭṭhāya pakkamiṃsu, parisā bhijji. Dhammasabhāyaṃ bhikkhū kathaṃ samuṭṭhāpesuṃ – ‘‘āvuso lāḷudāyī, dve aggasāvake garahitvā oṭṭhaṃ bhañjī’’ti. Taṃ sutvā satthā ‘‘na, bhikkhave, idāneva, pubbepi lāḷudāyī ṭhapetvā oṭṭhabhañjanaṃ tato uttari aññaṃ na jānātī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса ад̇т̇ад̇хаммаанусаасаго амажжо ахоси. ран̃н̃о баад̣̇ан̃ж̇алий наама буд̇д̇о лаало д̣̇анд̇хабарисаггано ахоси. абарабхааг̇з рааж̇аа гааламагааси. амажжаа ран̃н̃о мад̇агижжаани гад̇ваа ‘‘д̇ам̣ раж̇ж̇з абхисин̃жиссаамаа’’д̇и манд̇аяамаанаа рааж̇абуд̇д̇ам̣ баад̣̇ан̃ж̇алим̣ аахам̣су. б̣од̇хисад̇д̇о бана ‘‘аяам̣ гумааро лаало д̣̇анд̇хабарисаггано, бариг̇г̇ахзд̇ваа нам̣ абхисин̃жиссаамаа’’д̇и ааха. амажжаа винижчаяам̣ саж̇ж̇зд̇ваа гумаарам̣ самийбз нисийд̣̇аабзд̇ваа ад̣д̣ам̣ винижчинанд̇аа на саммаа винижчиним̣су. д̇з ассаамигам̣ саамигам̣ гад̇ваа гумаарам̣ бужчим̣су – ‘‘гийд̣̇исам̣, гумаара, судту ад̣д̣ам̣ винижчинимхаа’’д̇и. со одтам̣ бхан̃ж̇и. б̣од̇хисад̇д̇о ‘‘бан̣д̣ид̇о вад̇а ман̃н̃з гумааро, асаммаавинижчид̇абхааво д̇зна н̃аад̇о бхависсад̇ий’’д̇и ман̃н̃амаано батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto tassa atthadhammānusāsako amacco ahosi. Rañño pādañjalī nāma putto lālo dandhaparisakkano ahosi. Aparabhāge rājā kālamakāsi. Amaccā rañño matakiccāni katvā ‘‘taṃ rajje abhisiñcissāmā’’ti mantayamānā rājaputtaṃ pādañjaliṃ āhaṃsu. Bodhisatto pana ‘‘ayaṃ kumāro lālo dandhaparisakkano, pariggahetvā naṃ abhisiñcissāmā’’ti āha. Amaccā vinicchayaṃ sajjetvā kumāraṃ samīpe nisīdāpetvā aḍḍaṃ vinicchinantā na sammā vinicchiniṃsu. Te assāmikaṃ sāmikaṃ katvā kumāraṃ pucchiṃsu – ‘‘kīdisaṃ, kumāra, suṭṭhu aḍḍaṃ vinicchinimhā’’ti. So oṭṭhaṃ bhañji. Bodhisatto ‘‘paṇḍito vata maññe kumāro, asammāvinicchitabhāvo tena ñāto bhavissatī’’ti maññamāno paṭhamaṃ gāthamāha –
194.
194.
‘‘ад̣̇д̇хаа баад̣̇ан̃ж̇алий саб̣б̣з, бан̃н̃ааяа ад̇ирожад̇и;
‘‘Addhā pādañjalī sabbe, paññāya atirocati;
д̇ат̇аа хи одтам̣ бхан̃ж̇ад̇и, уд̇д̇арим̣ нууна бассад̇ий’’д̇и.
Tathā hi oṭṭhaṃ bhañjati, uttariṃ nūna passatī’’ti.
д̇ассад̇т̇о – згам̣сзна баад̣̇ан̃ж̇алигумааро саб̣б̣з амхз бан̃н̃ааяа ад̇ирожад̇и. д̇ат̇аа хи одтам̣ бхан̃ж̇ад̇и, нууна уд̇д̇арим̣ ан̃н̃ам̣ гааран̣ам̣ бассад̇ийд̇и.
Tassattho – ekaṃsena pādañjalikumāro sabbe amhe paññāya atirocati. Tathā hi oṭṭhaṃ bhañjati, nūna uttariṃ aññaṃ kāraṇaṃ passatīti.
д̇з абарасмимби д̣̇ивасз винижчаяам̣ саж̇ж̇зд̇ваа ан̃н̃ам̣ ад̣д̣ам̣ судту винижчинид̇ваа ‘‘гийд̣̇исам̣, д̣̇зва, судту винижчинид̇а’’нд̇и бужчим̣су. со бунаби одтамзва бхан̃ж̇и. ат̇асса анд̇хаб̣аалабхаавам̣ н̃ад̇ваа б̣од̇хисад̇д̇о д̣̇уд̇ияам̣ г̇аат̇амааха –
Te aparasmimpi divase vinicchayaṃ sajjetvā aññaṃ aḍḍaṃ suṭṭhu vinicchinitvā ‘‘kīdisaṃ, deva, suṭṭhu vinicchinita’’nti pucchiṃsu. So punapi oṭṭhameva bhañji. Athassa andhabālabhāvaṃ ñatvā bodhisatto dutiyaṃ gāthamāha –
195.
195.
‘‘нааяам̣ д̇хаммам̣ ад̇хаммам̣ ваа, ад̇т̇аанад̇т̇ан̃жа б̣уж̇жхад̇и;
‘‘Nāyaṃ dhammaṃ adhammaṃ vā, atthānatthañca bujjhati;
ан̃н̃ад̇ра одтаниб̣бхог̇аа, нааяам̣ ж̇аанаад̇и гин̃жана’’нд̇и.
Aññatra oṭṭhanibbhogā, nāyaṃ jānāti kiñcana’’nti.
амажжаа баад̣̇ан̃ж̇алигумаарасса лаалабхаавам̣ н̃ад̇ваа б̣од̇хисад̇д̇ам̣ раж̇ж̇з абхисин̃жим̣су.
Amaccā pādañjalikumārassa lālabhāvaṃ ñatvā bodhisattaṃ rajje abhisiñciṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа баад̣̇ан̃ж̇алий лаал̣уд̣̇ааяий ахоси, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā pādañjalī lāḷudāyī ahosi, paṇḍitāmacco pana ahameva ahosi’’nti.
баад̣̇ан̃ж̇алиж̇аад̇агаван̣н̣анаа сад̇д̇амаа.
Pādañjalijātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 247. баад̣̇ан̃ж̇алийж̇аад̇агам̣ • 247. Pādañjalījātakaṃ
