| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
8. баад̣̇абийтияад̇т̇зраабад̣̇аанам̣
8. Pādapīṭhiyattheraapadānaṃ
50.
50.
‘‘сумзд̇хо наама самб̣уд̣̇д̇хо, аг̇г̇о гаарун̣иго муни;
‘‘Sumedho nāma sambuddho, aggo kāruṇiko muni;
д̇аараяид̇ваа б̣ахуу сад̇д̇з, ниб̣б̣уд̇о со махааяасо.
Tārayitvā bahū satte, nibbuto so mahāyaso.
51.
51.
‘‘сийхаасанасса сааманд̇аа, сумзд̇хасса махзсино;
‘‘Sīhāsanassa sāmantā, sumedhassa mahesino;
басаннажид̇д̇о сумано, баад̣̇абийтамагаараяим̣.
Pasannacitto sumano, pādapīṭhamakārayiṃ.
52.
52.
‘‘гад̇ваана гусалам̣ гаммам̣, сукабаагам̣ сукуд̣̇раяам̣;
‘‘Katvāna kusalaṃ kammaṃ, sukhapākaṃ sukhudrayaṃ;
бун̃н̃агаммзна сам̣яуд̇д̇о, д̇аавад̇им̣самаг̇ажчахам̣.
Puññakammena saṃyutto, tāvatiṃsamagacchahaṃ.
53.
53.
‘‘д̇ад̇т̇а мз васамаанасса, бун̃н̃агаммасаман̇г̇ино;
‘‘Tattha me vasamānassa, puññakammasamaṅgino;
бад̣̇аани уд̣̇д̇харанд̇асса, сон̣н̣абийтаа бхаванд̇и мз.
Padāni uddharantassa, soṇṇapīṭhā bhavanti me.
54.
54.
‘‘лаабхаа д̇зсам̣ сулад̣̇д̇хам̣ во, яз лабханд̇и убассуд̇им̣;
‘‘Lābhā tesaṃ suladdhaṃ vo, ye labhanti upassutiṃ;
ниб̣б̣уд̇з гаарам̣ гад̇ваана, лабханд̇и вибулам̣ сукам̣.
Nibbute kāraṃ katvāna, labhanti vipulaṃ sukhaṃ.
55.
55.
‘‘маяааби сугад̇ам̣ гаммам̣, ваан̣иж̇ж̇ам̣ суббаяож̇ид̇ам̣;
‘‘Mayāpi sukataṃ kammaṃ, vāṇijjaṃ suppayojitaṃ;
баад̣̇абийтам̣ гарид̇ваана, сон̣н̣абийтам̣ лабхаамахам̣.
Pādapīṭhaṃ karitvāna, soṇṇapīṭhaṃ labhāmahaṃ.
56.
56.
‘‘яам̣ яам̣ д̣̇исам̣ баггамаами, гзнажи гижжаязнахам̣ 1;
‘‘Yaṃ yaṃ disaṃ pakkamāmi, kenaci kiccayenahaṃ 2;
сон̣н̣абийтз аггамаами 3, бун̃н̃агаммассид̣̇ам̣ палам̣.
Soṇṇapīṭhe akkamāmi 4, puññakammassidaṃ phalaṃ.
57.
57.
‘‘д̇им̣сагаббасахассамхи, яам̣ гаммамагарим̣ д̇ад̣̇аа;
‘‘Tiṃsakappasahassamhi, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, баад̣̇абийтассид̣̇ам̣ палам̣.
Duggatiṃ nābhijānāmi, pādapīṭhassidaṃ phalaṃ.
58.
58.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
59.
59.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
60.
60.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа баад̣̇абийтияо т̇зро имаа г̇аат̇ааяо
Itthaṃ sudaṃ āyasmā pādapīṭhiyo thero imā gāthāyo
абхаасид̇т̇аад̇и.
Abhāsitthāti.
баад̣̇абийтияад̇т̇зрассаабад̣̇аанам̣ адтамам̣.
Pādapīṭhiyattherassāpadānaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 1-60. сагим̣саммаж̇ж̇агад̇т̇зраабад̣̇аанаад̣̇иван̣н̣анаа • 1-60. Sakiṃsammajjakattheraapadānādivaṇṇanā
