| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. पादपीठियत्थेरअपदानं
8. Pādapīṭhiyattheraapadānaṃ
५०.
50.
‘‘सुमेधो नाम सम्बुद्धो, अग्गो कारुणिको मुनि।
‘‘Sumedho nāma sambuddho, aggo kāruṇiko muni;
तारयित्वा बहू सत्ते, निब्बुतो सो महायसो॥
Tārayitvā bahū satte, nibbuto so mahāyaso.
५१.
51.
‘‘सीहासनस्स सामन्ता, सुमेधस्स महेसिनो।
‘‘Sīhāsanassa sāmantā, sumedhassa mahesino;
पसन्नचित्तो सुमनो, पादपीठमकारयिं॥
Pasannacitto sumano, pādapīṭhamakārayiṃ.
५२.
52.
‘‘कत्वान कुसलं कम्मं, सुखपाकं सुखुद्रयं।
‘‘Katvāna kusalaṃ kammaṃ, sukhapākaṃ sukhudrayaṃ;
पुञ्ञकम्मेन संयुत्तो, तावतिंसमगच्छहं॥
Puññakammena saṃyutto, tāvatiṃsamagacchahaṃ.
५३.
53.
‘‘तत्थ मे वसमानस्स, पुञ्ञकम्मसमङ्गिनो।
‘‘Tattha me vasamānassa, puññakammasamaṅgino;
पदानि उद्धरन्तस्स, सोण्णपीठा भवन्ति मे॥
Padāni uddharantassa, soṇṇapīṭhā bhavanti me.
५४.
54.
‘‘लाभा तेसं सुलद्धं वो, ये लभन्ति उपस्सुतिं।
‘‘Lābhā tesaṃ suladdhaṃ vo, ye labhanti upassutiṃ;
निब्बुते कारं कत्वान, लभन्ति विपुलं सुखं॥
Nibbute kāraṃ katvāna, labhanti vipulaṃ sukhaṃ.
५५.
55.
‘‘मयापि सुकतं कम्मं, वाणिज्जं सुप्पयोजितं।
‘‘Mayāpi sukataṃ kammaṃ, vāṇijjaṃ suppayojitaṃ;
पादपीठं करित्वान, सोण्णपीठं लभामहं॥
Pādapīṭhaṃ karitvāna, soṇṇapīṭhaṃ labhāmahaṃ.
५६.
56.
५७.
57.
‘‘तिंसकप्पसहस्सम्हि, यं कम्ममकरिं तदा।
‘‘Tiṃsakappasahassamhi, yaṃ kammamakariṃ tadā;
दुग्गतिं नाभिजानामि, पादपीठस्सिदं फलं॥
Duggatiṃ nābhijānāmi, pādapīṭhassidaṃ phalaṃ.
५८.
58.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
५९.
59.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
६०.
60.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पादपीठियो थेरो इमा गाथायो
Itthaṃ sudaṃ āyasmā pādapīṭhiyo thero imā gāthāyo
अभासित्थाति।
Abhāsitthāti.
पादपीठियत्थेरस्सापदानं अट्ठमं।
Pādapīṭhiyattherassāpadānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-६०. सकिंसम्मज्जकत्थेरअपदानादिवण्णना • 1-60. Sakiṃsammajjakattheraapadānādivaṇṇanā
