| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. पदपूजकत्थेरअपदानं
4. Padapūjakattheraapadānaṃ
१९.
19.
‘‘सिद्धत्थस्स भगवतो, जातिपुप्फमदासहं।
‘‘Siddhatthassa bhagavato, jātipupphamadāsahaṃ;
पादेसु सत्त पुप्फानि, हासेनोकिरितानि मे॥
Pādesu satta pupphāni, hāsenokiritāni me.
२०.
20.
‘‘तेन कम्मेनहं अज्ज, अभिभोमि नरामरे।
‘‘Tena kammenahaṃ ajja, abhibhomi narāmare;
धारेमि अन्तिमं देहं, सम्मासम्बुद्धसासने॥
Dhāremi antimaṃ dehaṃ, sammāsambuddhasāsane.
२१.
21.
‘‘चतुन्नवुतितो कप्पे, यं पुप्फमभिरोपयिं।
‘‘Catunnavutito kappe, yaṃ pupphamabhiropayiṃ;
दुग्गतिं नाभिजानामि, पुप्फपूजायिदं फलं॥
Duggatiṃ nābhijānāmi, pupphapūjāyidaṃ phalaṃ.
२२.
22.
‘‘समन्तगन्धनामासुं, तेरस चक्कवत्तिनो।
‘‘Samantagandhanāmāsuṃ, terasa cakkavattino;
इतो पञ्चमके कप्पे, चातुरन्ता जनाधिपा॥
Ito pañcamake kappe, cāturantā janādhipā.
२३.
23.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पदपूजको थेरो इमा गाथायो अभासित्थाति।
Itthaṃ sudaṃ āyasmā padapūjako thero imā gāthāyo abhāsitthāti.
पदपूजकत्थेरस्सापदानं चतुत्थं।
Padapūjakattherassāpadānaṃ catutthaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ५. मुट्ठिपुप्फियत्थेरअपदानवण्णना • 5. Muṭṭhipupphiyattheraapadānavaṇṇanā
