| Library / Tipiṭaka / တိပိဋက • Tipiṭaka / နေတ္တိပ္ပကရဏ-ဋီကာ • Nettippakaraṇa-ṭīkā |
၄. ပဒဋ္ဌာနဟာရသမ္ပာတာဒိဝဏ္ဏနာ
4. Padaṭṭhānahārasampātādivaṇṇanā
၆၆. ယသ္မာ ဝာ သံကိလေသတော ရက္ခိတစိတ္တသ္သ တီဏိ သုစရိတာနိ ပာရိပူရိံ ဂစ္ဆန္တိ, တသ္မာ ရက္ခိတစိတ္တသ္သာတိ ဧတ္ထ ယာယံ ရက္ခိတစိတ္တတာ, သာ ကာယသုစရိတာဒီနံ တိဏ္ဏံ သုစရိတာနံ ပဒဋ္ဌာနန္တိ ဧဝမေတ္ထ အတ္ထော ဝေဒိတဗ္ဗော။ အတ္တာဓီနန္တိ အတ္တပရာဓီနံ။
66. Yasmā vā saṃkilesato rakkhitacittassa tīṇi sucaritāni pāripūriṃ gacchanti, tasmā rakkhitacittassāti ettha yāyaṃ rakkhitacittatā, sā kāyasucaritādīnaṃ tiṇṇaṃ sucaritānaṃ padaṭṭhānanti evamettha attho veditabbo. Attādhīnanti attaparādhīnaṃ.
တတော ဧဝာတိ ကာရဏဂ္ဂဟဏေန ဖလသ္သ ဂဟိတတ္တာ ဧဝ။
Tato evāti kāraṇaggahaṇena phalassa gahitattā eva.
၆၈. တတ္ထ ဣတိသဒ္ဒောတိ ‘‘ပရိပာလီယတီ’’တိ ဣတိသဒ္ဒော။
68.Tatthaitisaddoti ‘‘paripālīyatī’’ti itisaddo.
၇၃-၄. ပာဠိယံ ပဉ္စိန္ဒ္ရိယာနိ တီဟိ ခန္ဓေဟိ သင္ဂဟိတာနီတိ ဧတ္ထ သဒ္ဓာဝီရိယသတိန္ဒ္ရိယေဟိ ပာတိမောက္ခာဒိ တိဝိဓံ သီလံ ဂဟိတံ သောဓေတဗ္ဗတ္တာ။ တေသန္တိ တေဟိ သီလက္ခန္ဓော သင္ဂဟိတော။ သမာဓိပညိန္ဒ္ရိယေဟိ သမာဓိပညာက္ခန္ဓာ ဂဟိတာတိ ပာကဋောယမတ္ထော, တထာ သေသမ္ပီတိ အာဟ ‘‘ဣတော ပရေသု။ပေ.။ ဝုတ္တနယမေဝာ’’တိ။
73-4. Pāḷiyaṃ pañcindriyāni tīhi khandhehi saṅgahitānīti ettha saddhāvīriyasatindriyehi pātimokkhādi tividhaṃ sīlaṃ gahitaṃ sodhetabbattā. Tesanti tehi sīlakkhandho saṅgahito. Samādhipaññindriyehi samādhipaññākkhandhā gahitāti pākaṭoyamattho, tathā sesampīti āha ‘‘ito paresu…pe… vuttanayamevā’’ti.
၇၆. ဟေတုဟေတုသမုပ္ပန္နပစ္စယပစ္စယုပ္ပန္နသင္ခာတသ္သာတိ ဧတ္ထ ဟေတုပစ္စယဝိဘာဂော ဟေဋ္ဌာ ဝုတ္တောယေဝ။
76.Hetuhetusamuppannapaccayapaccayuppannasaṅkhātassāti ettha hetupaccayavibhāgo heṭṭhā vuttoyeva.
ပဒဋ္ဌာနဟာရသမ္ပာတာဒိဝဏ္ဏနာ နိဋ္ဌိတာ။
Padaṭṭhānahārasampātādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / နေတ္တိပ္ပကရဏပာဠိ • Nettippakaraṇapāḷi / ၄. ပဒဋ္ဌာနဟာရသမ္ပာတော • 4. Padaṭṭhānahārasampāto
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / နေတ္တိပ္ပကရဏ-အဋ္ဌကထာ • Nettippakaraṇa-aṭṭhakathā / ၄. ပဒဋ္ဌာနဟာရသမ္ပာတဝဏ္ဏနာ • 4. Padaṭṭhānahārasampātavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / ခုဒ္ဒကနိကာယ (ဋီကာ) • Khuddakanikāya (ṭīkā) / နေတ္တိဝိဘာဝိနီ • Nettivibhāvinī / ၄. ပဒဋ္ဌာနဟာရသမ္ပာတဝိဘာဝနာ • 4. Padaṭṭhānahārasampātavibhāvanā
