| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
4. бад̣̇адтаанахаарасамбаад̇аван̣н̣анаа
4. Padaṭṭhānahārasampātavaṇṇanā
66. сагасамбад̇д̇ияаа вияа сусам̣вихид̇асан̇габбо бхавад̇и. инд̣̇риязсу г̇уд̇д̇ад̣̇ваарад̇аа сужарид̇абаарибуурияаа аасаннагааран̣анд̇и ааха – ‘‘рагкид̇ажид̇д̇ассаад̇и д̇ин̣н̣ам̣ сужарид̇аанам̣ бад̣̇адтаана’’нд̇и. д̇ассад̇т̇о – ‘‘рагкид̇ажид̇д̇ассаа’’д̇и ид̣̇ам̣ д̇ин̣н̣ам̣ сужарид̇аанам̣ бад̣̇адтаанаважананд̇и. нзгкаммасан̇габбаад̣̇иб̣ахуласса гаамажчанд̣̇аад̣̇инийваран̣аббахаанам̣ сугаранд̇и нзгкаммасан̇габбаад̣̇аяо самат̇асса аасаннагааран̣анд̇и ааха – ‘‘саммаасан̇габбаг̇ожарод̇и самат̇асса бад̣̇адтаана’’нд̇и. гаммассагад̇аасаммаад̣̇идтияам̣ саббажжаяанаамаруубад̣̇ассанасаммаад̣̇идтияан̃жа тид̇о ад̇д̇аад̇хийнам̣ сам̣саарад̣̇угкам̣ бассанд̇о д̇ад̣̇ад̇иггаманубааяам̣ вибассанам̣ аарабхад̇ийд̇и саммаад̣̇идтивибассанааяа висзсагааран̣анд̇и ааха – ‘‘саммаад̣̇идтибурзгкаарод̇и вибассанааяа бад̣̇адтаана’’нд̇и. уд̣̇аяаб̣б̣аяад̣̇ассанам̣ уссуггаабзнд̇о саммад̇д̇анияаамам̣ оггамад̇ийд̇и д̇ам̣ батамамаг̇г̇аад̇хиг̇амасса гааран̣анд̇и ааха – ‘‘н̃ад̇ваана уд̣̇аяаб̣б̣аяанд̇и д̣̇ассанабхуумияаа бад̣̇адтаана’’нд̇и. аалогасан̃н̃ааманасигаараад̣̇ийхи т̇инамид̣̇д̇хасса абхибхаванам̣ вийрияасса аасаннагааран̣анд̇и ааха – ‘‘т̇инамид̣̇д̇хаабхибхуу бхигкууд̇и вийрияасса бад̣̇адтаана’’нд̇и. яад̣̇иби арияамаг̇г̇агкан̣з бахаанабхааванаа самаанагаалаа згаабхисамаяасса ижчид̇ад̇д̇аа, д̇ат̇ааби бахаад̇аб̣б̣асса бахаанаабхаавз бхааванаабаарибуурий над̇т̇ийд̇и бахаананимид̇д̇аа вияа гад̇ваа бхааванаа вуд̇д̇аа ‘‘саб̣б̣аа д̣̇уг̇г̇ад̇ияо ж̇ахзд̇и бхааванааяа бад̣̇адтаана’’нд̇и. ат̇а ваа ‘‘саб̣б̣аа д̣̇уг̇г̇ад̇ияо ж̇ахз’’д̇и ид̣̇ам̣ бхаг̇авад̇о важанам̣ яог̇ийнам̣ уссаахаж̇ананад̇т̇ам̣ аанисам̣сагид̇д̇анам̣ ход̇ийд̇и бхааванааяа висзсагааран̣анд̇и вуд̇д̇ам̣ ‘‘саб̣б̣аа…бз… бад̣̇адтаана’’нд̇и.
66. Sakasampattiyā viya susaṃvihitasaṅkappo bhavati. Indriyesu guttadvāratā sucaritapāripūriyā āsannakāraṇanti āha – ‘‘rakkhitacittassāti tiṇṇaṃ sucaritānaṃ padaṭṭhāna’’nti. Tassattho – ‘‘rakkhitacittassā’’ti idaṃ tiṇṇaṃ sucaritānaṃ padaṭṭhānavacananti. Nekkhammasaṅkappādibahulassa kāmacchandādinīvaraṇappahānaṃ sukaranti nekkhammasaṅkappādayo samathassa āsannakāraṇanti āha – ‘‘sammāsaṅkappagocaroti samathassa padaṭṭhāna’’nti. Kammassakatāsammādiṭṭhiyaṃ sappaccayanāmarūpadassanasammādiṭṭhiyañca ṭhito attādhīnaṃ saṃsāradukkhaṃ passanto tadatikkamanupāyaṃ vipassanaṃ ārabhatīti sammādiṭṭhivipassanāya visesakāraṇanti āha – ‘‘sammādiṭṭhipurekkhāroti vipassanāya padaṭṭhāna’’nti. Udayabbayadassanaṃ ussukkāpento sammattaniyāmaṃ okkamatīti taṃ paṭhamamaggādhigamassa kāraṇanti āha – ‘‘ñatvāna udayabbayanti dassanabhūmiyā padaṭṭhāna’’nti. Ālokasaññāmanasikārādīhi thinamiddhassa abhibhavanaṃ vīriyassa āsannakāraṇanti āha – ‘‘thinamiddhābhibhū bhikkhūti vīriyassa padaṭṭhāna’’nti. Yadipi ariyamaggakkhaṇe pahānabhāvanā samānakālā ekābhisamayassa icchitattā, tathāpi pahātabbassa pahānābhāve bhāvanāpāripūrī natthīti pahānanimittā viya katvā bhāvanā vuttā ‘‘sabbā duggatiyo jaheti bhāvanāya padaṭṭhāna’’nti. Atha vā ‘‘sabbā duggatiyo jahe’’ti idaṃ bhagavato vacanaṃ yogīnaṃ ussāhajananatthaṃ ānisaṃsakittanaṃ hotīti bhāvanāya visesakāraṇanti vuttaṃ ‘‘sabbā…pe… padaṭṭhāna’’nti.
бад̣̇адтаанахаарасамбаад̇аван̣н̣анаа нидтид̇аа.
Padaṭṭhānahārasampātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 4. бад̣̇адтаанахаарасамбаад̇о • 4. Padaṭṭhānahārasampāto
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 4. бад̣̇адтаанахаарасамбаад̇аад̣̇иван̣н̣анаа • 4. Padaṭṭhānahārasampātādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 4. бад̣̇адтаанахаарасамбаад̇авибхааванаа • 4. Padaṭṭhānahārasampātavibhāvanā
