| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
43. பதே³ஸவிஹாரஞாணனித்³தே³ஸோ
43. Padesavihārañāṇaniddeso
94. கத²ங் ஸமோத³ஹனே பஞ்ஞா பதே³ஸவிஹாரே ஞாணங்? மிச்சா²தி³ட்டி²பச்சயாபி வேத³யிதங், மிச்சா²தி³ட்டி²வூபஸமபச்சயாபி வேத³யிதங். ஸம்மாதி³ட்டி²பச்சயாபி வேத³யிதங், ஸம்மாதி³ட்டி²வூபஸமபச்சயாபி வேத³யிதங். மிச்சா²ஸங்கப்பபச்சயாபி வேத³யிதங், மிச்சா²ஸங்கப்பவூபஸமபச்சயாபி வேத³யிதங். ஸம்மாஸங்கப்பபச்சயாபி வேத³யிதங், ஸம்மாஸங்கப்பவூபஸமபச்சயாபி வேத³யிதங்…பே॰… மிச்சா²விமுத்திபச்சயாபி வேத³யிதங், மிச்சா²விமுத்திவூபஸமபச்சயாபி வேத³யிதங். ஸம்மாவிமுத்திபச்சயாபி வேத³யிதங், ஸம்மாவிமுத்திவூபஸமபச்சயாபி வேத³யிதங். ச²ந்த³பச்சயாபி வேத³யிதங், ச²ந்த³வூபஸமபச்சயாபி வேத³யிதங். விதக்கபச்சயாபி வேத³யிதங், விதக்கவூபஸமபச்சயாபி வேத³யிதங். ஸஞ்ஞாபச்சயாபி வேத³யிதங், ஸஞ்ஞாவூபஸமபச்சயாபி வேத³யிதங்.
94. Kathaṃ samodahane paññā padesavihāre ñāṇaṃ? Micchādiṭṭhipaccayāpi vedayitaṃ, micchādiṭṭhivūpasamapaccayāpi vedayitaṃ. Sammādiṭṭhipaccayāpi vedayitaṃ, sammādiṭṭhivūpasamapaccayāpi vedayitaṃ. Micchāsaṅkappapaccayāpi vedayitaṃ, micchāsaṅkappavūpasamapaccayāpi vedayitaṃ. Sammāsaṅkappapaccayāpi vedayitaṃ, sammāsaṅkappavūpasamapaccayāpi vedayitaṃ…pe… micchāvimuttipaccayāpi vedayitaṃ, micchāvimuttivūpasamapaccayāpi vedayitaṃ. Sammāvimuttipaccayāpi vedayitaṃ, sammāvimuttivūpasamapaccayāpi vedayitaṃ. Chandapaccayāpi vedayitaṃ, chandavūpasamapaccayāpi vedayitaṃ. Vitakkapaccayāpi vedayitaṃ, vitakkavūpasamapaccayāpi vedayitaṃ. Saññāpaccayāpi vedayitaṃ, saññāvūpasamapaccayāpi vedayitaṃ.
ச²ந்தோ³ ச அவூபஸந்தோ ஹோதி, விதக்கோ ச அவூபஸந்தோ ஹோதி, ஸஞ்ஞா ச அவூபஸந்தா ஹோதி, தப்பச்சயாபி வேத³யிதங். ச²ந்தோ³ ச வூபஸந்தோ ஹோதி, விதக்கோ ச அவூபஸந்தோ ஹோதி, ஸஞ்ஞா ச அவூபஸந்தா ஹோதி, தப்பச்சயாபி வேத³யிதங். ச²ந்தோ³ ச வூபஸந்தோ ஹோதி, விதக்கோ ச வூபஸந்தோ ஹோதி, ஸஞ்ஞா ச அவூபஸந்தா ஹோதி, தப்பச்சயாபி வேத³யிதங். ச²ந்தோ³ ச வூபஸந்தோ ஹோதி, விதக்கோ ச வூபஸந்தோ ஹோதி, ஸஞ்ஞா ச வூபஸந்தா ஹோதி, தப்பச்சயாபி வேத³யிதங். அப்பத்தஸ்ஸ பத்தியா அத்தி² ஆஸவங், தஸ்மிம்பி டா²னே அனுப்பத்தே தப்பச்சயாபி வேத³யிதங். தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘ஸமோத³ஹனே பஞ்ஞா பதே³ஸவிஹாரே ஞாணங்’’.
Chando ca avūpasanto hoti, vitakko ca avūpasanto hoti, saññā ca avūpasantā hoti, tappaccayāpi vedayitaṃ. Chando ca vūpasanto hoti, vitakko ca avūpasanto hoti, saññā ca avūpasantā hoti, tappaccayāpi vedayitaṃ. Chando ca vūpasanto hoti, vitakko ca vūpasanto hoti, saññā ca avūpasantā hoti, tappaccayāpi vedayitaṃ. Chando ca vūpasanto hoti, vitakko ca vūpasanto hoti, saññā ca vūpasantā hoti, tappaccayāpi vedayitaṃ. Appattassa pattiyā atthi āsavaṃ, tasmimpi ṭhāne anuppatte tappaccayāpi vedayitaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘samodahane paññā padesavihāre ñāṇaṃ’’.
பதே³ஸவிஹாரஞாணனித்³தே³ஸோ தேசத்தாலீஸமோ.
Padesavihārañāṇaniddeso tecattālīsamo.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 43. பதே³ஸவிஹாரஞாணனித்³தே³ஸவண்ணனா • 43. Padesavihārañāṇaniddesavaṇṇanā
