| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. бад̇хаанасуд̇д̇ам̣
3. Padhānasuttaṃ
13. ‘‘жад̇д̇ааримаани, бхигкавз, саммаббад̇хаанаани. гад̇амаани жад̇д̇аари? ид̇ха, бхигкавз, бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и; уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. имаани ко, бхигкавз, жад̇д̇аари саммаббад̇хаанааний’’д̇и.
13. ‘‘Cattārimāni, bhikkhave, sammappadhānāni. Katamāni cattāri? Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati; uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati; anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati; uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Imāni kho, bhikkhave, cattāri sammappadhānānī’’ti.
‘‘саммаббад̇хаанаа маарад̇хзяяаабхибхууд̇аа,
‘‘Sammappadhānā māradheyyābhibhūtā,
д̇з асид̇аа ж̇аад̇имаран̣абхаяасса баараг̇уу;
Te asitā jātimaraṇabhayassa pāragū;
д̇з д̇усид̇аа ж̇зд̇ваа маарам̣ саваахиним̣ 1 д̇з анзж̇аа,
Te tusitā jetvā māraṃ savāhiniṃ 2 te anejā,
саб̣б̣ам̣ намужиб̣алам̣ убаад̇ивад̇д̇аа д̇з сукид̇аа’’д̇и. д̇ад̇ияам̣;
Sabbaṃ namucibalaṃ upātivattā te sukhitā’’ti. tatiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. бад̇хаанасуд̇д̇аван̣н̣анаа • 3. Padhānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3. бад̇хаанасуд̇д̇аван̣н̣анаа • 3. Padhānasuttavaṇṇanā
