| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. पदुमधारिकत्थेरअपदानं
10. Padumadhārikattheraapadānaṃ
७८.
78.
‘‘हिमवन्तस्साविदूरे , रोमसो नाम पब्बतो।
‘‘Himavantassāvidūre , romaso nāma pabbato;
बुद्धोपि सम्भवो नाम, अब्भोकासे वसी तदा॥
Buddhopi sambhavo nāma, abbhokāse vasī tadā.
७९.
79.
‘‘भवना निक्खमित्वान, पदुमं धारयिं अहं।
‘‘Bhavanā nikkhamitvāna, padumaṃ dhārayiṃ ahaṃ;
एकाहं धारयित्वान, भवनं पुनरागमिं॥
Ekāhaṃ dhārayitvāna, bhavanaṃ punarāgamiṃ.
८०.
80.
‘‘एकतिंसे इतो कप्पे, यं बुद्धमभिपूजयिं।
‘‘Ekatiṃse ito kappe, yaṃ buddhamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
८१.
81.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
८२.
82.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
८३.
83.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पदुमधारिको थेरो इमा गाथायो
Itthaṃ sudaṃ āyasmā padumadhāriko thero imā gāthāyo
अभासित्थाति।
Abhāsitthāti.
पदुमधारिकत्थेरस्सापदानं दसमं।
Padumadhārikattherassāpadānaṃ dasamaṃ.
फलदायकवग्गो द्वेपञ्ञासमो।
Phaladāyakavaggo dvepaññāsamo.
तस्सुद्दानं –
Tassuddānaṃ –
कुरञ्चियं कपित्थञ्च, कोसम्बमथ केतकं।
Kurañciyaṃ kapitthañca, kosambamatha ketakaṃ;
नागपुप्फज्जुनञ्चेव, कुटजी घोससञ्ञको॥
Nāgapupphajjunañceva, kuṭajī ghosasaññako.
थेरो च सब्बफलदो, तथा पदुमधारिको।
Thero ca sabbaphalado, tathā padumadhāriko;
असीति चेत्थ गाथायो, तिस्सो गाथा तदुत्तरि॥
Asīti cettha gāthāyo, tisso gāthā taduttari.
