| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
2. бад̣̇умаваг̇г̇о
2. Padumavaggo
[261] 1. бад̣̇умаж̇аад̇агаван̣н̣анаа
[261] 1. Padumajātakavaṇṇanā
яат̇аа гзсаа жа массуу жаад̇и ид̣̇ам̣ сад̇т̇аа ж̇зд̇аванз вихаранд̇о аананд̣̇аб̣од̇химхи маалаабууж̇агаарагз бхигкуу аараб̣бха гат̇зси. вад̇т̇у гаалин̇г̇аб̣од̇хиж̇аад̇агз аавибхависсад̇и. со бана аананд̣̇ад̇т̇зрзна робид̇ад̇д̇аа ‘‘аананд̣̇аб̣од̇хий’’д̇и ж̇аад̇о. т̇зрзна хи ж̇зд̇аванад̣̇ваарагодтагз б̣од̇хисса робид̇абхааво сагалаж̇амб̣уд̣̇ийбз бад̇т̇ари. ат̇згажжз ж̇анабад̣̇аваасино бхигкуу ‘‘аананд̣̇аб̣од̇химхи маалаабууж̇ам̣ гариссаамаа’’д̇и ж̇зд̇аванам̣ ааг̇анд̇ваа сад̇т̇аарам̣ ванд̣̇ид̇ваа бунад̣̇ивасз саавад̇т̇им̣ бависид̇ваа уббалавийт̇им̣ г̇анд̇ваа маалам̣ алабхид̇ваа ааг̇анд̇ваа аананд̣̇ад̇т̇зрасса аарожзсум̣ – ‘‘аавусо, маяам̣ ‘б̣од̇химхи маалаабууж̇ам̣ гариссаамаа’д̇и уббалавийт̇им̣ г̇анд̇ваа згамааламби на лабхимхаа’’д̇и. т̇зро ‘‘ахам̣ во, аавусо, аахариссаамий’’д̇и уббалавийт̇им̣ г̇анд̇ваа б̣ахуу нийлуббалагалаабз угкибаабзд̇ваа ааг̇амма д̇зсам̣ д̣̇аабзси, д̇з д̇аани г̇ахзд̇ваа б̣од̇хисса бууж̇ам̣ гарим̣су. д̇ам̣ бавад̇д̇им̣ суд̇ваа д̇хаммасабхааяам̣ бхигкуу т̇зрасса г̇ун̣агат̇ам̣ самудтаабзсум̣ – ‘‘аавусо, ж̇аанабад̣̇аа бхигкуу аббабун̃н̃аа уббалавийт̇им̣ г̇анд̇ваа маалам̣ на лабхим̣су, т̇зро бана г̇анд̇ваава аахараабзсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва вад̇д̇учзгаа гат̇аагусалаа маалам̣ лабханд̇и, буб̣б̣зби лабхим̣суязваа’’д̇и вад̇ваа ад̇ийд̇ам̣ аахари.
Yathākesā ca massū cāti idaṃ satthā jetavane viharanto ānandabodhimhi mālāpūjakārake bhikkhū ārabbha kathesi. Vatthu kāliṅgabodhijātake āvibhavissati. So pana ānandattherena ropitattā ‘‘ānandabodhī’’ti jāto. Therena hi jetavanadvārakoṭṭhake bodhissa ropitabhāvo sakalajambudīpe patthari. Athekacce janapadavāsino bhikkhū ‘‘ānandabodhimhi mālāpūjaṃ karissāmā’’ti jetavanaṃ āgantvā satthāraṃ vanditvā punadivase sāvatthiṃ pavisitvā uppalavīthiṃ gantvā mālaṃ alabhitvā āgantvā ānandattherassa ārocesuṃ – ‘‘āvuso, mayaṃ ‘bodhimhi mālāpūjaṃ karissāmā’ti uppalavīthiṃ gantvā ekamālampi na labhimhā’’ti. Thero ‘‘ahaṃ vo, āvuso, āharissāmī’’ti uppalavīthiṃ gantvā bahū nīluppalakalāpe ukkhipāpetvā āgamma tesaṃ dāpesi, te tāni gahetvā bodhissa pūjaṃ kariṃsu. Taṃ pavattiṃ sutvā dhammasabhāyaṃ bhikkhū therassa guṇakathaṃ samuṭṭhāpesuṃ – ‘‘āvuso, jānapadā bhikkhū appapuññā uppalavīthiṃ gantvā mālaṃ na labhiṃsu, thero pana gantvāva āharāpesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva vattuchekā kathākusalā mālaṃ labhanti, pubbepi labhiṃsuyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сздтибуд̇д̇о ахоси. анд̇онаг̇арз жа згасмим̣ сарз бад̣̇умаани бубпанд̇и. зго чиннанаасо бурисо д̇ам̣ сарам̣ рагкад̇и. ат̇згад̣̇ивасам̣ б̣аараан̣асияам̣ уссавз гхудтз маалам̣ бил̣анд̇хид̇ваа уссавам̣ гийл̣ид̇угаамаа д̇аяо сздтибуд̇д̇аа ‘‘наасажчиннасса абхууд̇зна ван̣н̣ам̣ вад̇ваа маалам̣ яаажиссаамаа’’д̇и д̇асса бад̣̇умаани бхан̃ж̇анагаалз сарасса санд̇игам̣ г̇анд̇ваа згаманд̇ам̣ адтам̣су.
Atīte bārāṇasiyaṃ brahmadatte rajjaṃ kārente bodhisatto seṭṭhiputto ahosi. Antonagare ca ekasmiṃ sare padumāni pupphanti. Eko chinnanāso puriso taṃ saraṃ rakkhati. Athekadivasaṃ bārāṇasiyaṃ ussave ghuṭṭhe mālaṃ piḷandhitvā ussavaṃ kīḷitukāmā tayo seṭṭhiputtā ‘‘nāsacchinnassa abhūtena vaṇṇaṃ vatvā mālaṃ yācissāmā’’ti tassa padumāni bhañjanakāle sarassa santikaṃ gantvā ekamantaṃ aṭṭhaṃsu.
д̇зсу зго д̇ам̣ ааманд̇зд̇ваа батамам̣ г̇аат̇амааха –
Tesu eko taṃ āmantetvā paṭhamaṃ gāthamāha –
31.
31.
‘‘яат̇аа гзсаа жа массуу жа, чиннам̣ чиннам̣ вируухад̇и;
‘‘Yathā kesā ca massū ca, chinnaṃ chinnaṃ virūhati;
звам̣ рухад̇у д̇з наасаа, бад̣̇умам̣ д̣̇зхи яаажид̇о’’д̇и.
Evaṃ ruhatu te nāsā, padumaṃ dehi yācito’’ti.
со д̇асса гуж̇жхид̇ваа бад̣̇умам̣ на ад̣̇ааси.
So tassa kujjhitvā padumaṃ na adāsi.
ат̇асса д̣̇уд̇ияо д̣̇уд̇ияам̣ г̇аат̇амааха –
Athassa dutiyo dutiyaṃ gāthamāha –
32.
32.
‘‘яат̇аа саарад̣̇игам̣ б̣ийж̇ам̣, кзд̇д̇з вуд̇д̇ам̣ вируухад̇и;
‘‘Yathā sāradikaṃ bījaṃ, khette vuttaṃ virūhati;
звам̣ рухад̇у д̇з наасаа, бад̣̇умам̣ д̣̇зхи яаажид̇о’’д̇и.
Evaṃ ruhatu te nāsā, padumaṃ dehi yācito’’ti.
д̇ад̇т̇а саарад̣̇иганд̇и сарад̣̇асамаяз г̇ахзд̇ваа нигкид̇д̇ам̣ саарасамбаннам̣ б̣ийж̇ам̣. со д̇ассаби гуж̇жхид̇ваа бад̣̇умам̣ на ад̣̇ааси.
Tattha sāradikanti saradasamaye gahetvā nikkhittaṃ sārasampannaṃ bījaṃ. So tassapi kujjhitvā padumaṃ na adāsi.
ат̇асса д̇ад̇ияо д̇ад̇ияам̣ г̇аат̇амааха –
Athassa tatiyo tatiyaṃ gāthamāha –
33.
33.
‘‘убхоби балабанд̇зд̇з, аби бад̣̇маани д̣̇ассад̇и;
‘‘Ubhopi palapantete, api padmāni dassati;
важ̇ж̇ум̣ ваа д̇з на ваа важ̇ж̇ум̣, над̇т̇и наасааяа рууханаа;
Vajjuṃ vā te na vā vajjuṃ, natthi nāsāya rūhanā;
д̣̇зхи самма бад̣̇умаани, ахам̣ яаажаами яаажид̇о’’д̇и.
Dehi samma padumāni, ahaṃ yācāmi yācito’’ti.
д̇ад̇т̇а убхоби балабанд̇зд̇зд̇и зд̇з д̣̇взби мусаа вад̣̇анд̇и. аби бад̣̇маанийд̇и ‘‘аби наама но бад̣̇умаани д̣̇ассад̇ий’’д̇и жинд̇зд̇ваа звам̣ вад̣̇анд̇и. важ̇ж̇ум̣ ваа д̇з на ваа важ̇ж̇унд̇и ‘‘д̇ава наасаа рухад̇уу’’д̇и звам̣ вад̣̇зяяум̣ ваа на ваа вад̣̇зяяум̣, зд̇зсам̣ важанам̣ аббамаан̣ам̣, саб̣б̣ад̇т̇ааби над̇т̇и наасааяа руханаа, ахам̣ бана д̇з наасам̣ бадижжа на гин̃жи вад̣̇аами, гзвалам̣ яаажаами, д̇асса мз д̣̇зхи, самма, бад̣̇умаани яаажид̇од̇и.
Tattha ubhopi palapanteteti ete dvepi musā vadanti. Api padmānīti ‘‘api nāma no padumāni dassatī’’ti cintetvā evaṃ vadanti. Vajjuṃ vāte na vā vajjunti ‘‘tava nāsā ruhatū’’ti evaṃ vadeyyuṃ vā na vā vadeyyuṃ, etesaṃ vacanaṃ appamāṇaṃ, sabbatthāpi natthi nāsāya ruhanā, ahaṃ pana te nāsaṃ paṭicca na kiñci vadāmi, kevalaṃ yācāmi, tassa me dehi, samma, padumāni yācitoti.
д̇ам̣ суд̇ваа бад̣̇умасараг̇обаго ‘‘имзхи д̣̇вийхи мусааваад̣̇о гат̇ид̇о, д̇умхзхи сабхааво гат̇ид̇о, д̇умхаагам̣ анужчавигаани бад̣̇умааний’’д̇и маханд̇ам̣ бад̣̇умагалаабам̣ аад̣̇ааяа д̇асса д̣̇ад̇ваа ад̇д̇ано бад̣̇умасарамзва г̇ад̇о.
Taṃ sutvā padumasaragopako ‘‘imehi dvīhi musāvādo kathito, tumhehi sabhāvo kathito, tumhākaṃ anucchavikāni padumānī’’ti mahantaṃ padumakalāpaṃ ādāya tassa datvā attano padumasarameva gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа бад̣̇умалаабхий сздтибуд̇д̇о ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā padumalābhī seṭṭhiputto ahameva ahosi’’nti.
бад̣̇умаж̇аад̇агаван̣н̣анаа батамаа.
Padumajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 261. бад̣̇умаж̇аад̇агам̣ • 261. Padumajātakaṃ
