| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
5. бад̣̇умагуудааг̇аарияад̇т̇зраабад̣̇аанам̣
5. Padumakūṭāgāriyattheraapadānaṃ
353.
353.
‘‘бияад̣̇ассий наама бхаг̇аваа, саяамбхуу логанааяаго;
‘‘Piyadassī nāma bhagavā, sayambhū lokanāyako;
вивзгагаамо самб̣уд̣̇д̇хо, самаад̇хигусало муни.
Vivekakāmo sambuddho, samādhikusalo muni.
354.
354.
‘‘ванасан̣д̣ам̣ самог̇аяха, бияад̣̇ассий махаамуни;
‘‘Vanasaṇḍaṃ samogayha, piyadassī mahāmuni;
бам̣сугуулам̣ бад̇т̇арид̇ваа, нисийд̣̇и бурисуд̇д̇амо.
Paṃsukūlaṃ pattharitvā, nisīdi purisuttamo.
355.
355.
‘‘миг̇алуд̣̇д̣̇о бурз аасим̣, аран̃н̃з 1 гаананз ахам̣;
‘‘Migaluddo pure āsiṃ, araññe 2 kānane ahaṃ;
басад̣̇ам̣ миг̇амзсанд̇о, аахин̣д̣аами ахам̣ д̇ад̣̇аа.
Pasadaṃ migamesanto, āhiṇḍāmi ahaṃ tadā.
356.
356.
‘‘д̇ад̇т̇ад̣̇д̣̇асаасим̣ самб̣уд̣̇д̇хам̣, огхад̇ин̣н̣аманаасавам̣;
‘‘Tatthaddasāsiṃ sambuddhaṃ, oghatiṇṇamanāsavaṃ;
бубпид̇ам̣ сааларааж̇ам̣ва, сад̇арам̣сим̣ва уг̇г̇ад̇ам̣.
Pupphitaṃ sālarājaṃva, sataraṃsiṃva uggataṃ.
357.
357.
‘‘д̣̇исваанахам̣ д̣̇звад̣̇звам̣, бияад̣̇ассим̣ махааяасам̣;
‘‘Disvānahaṃ devadevaṃ, piyadassiṃ mahāyasaṃ;
ж̇аад̇ассарам̣ самог̇аяха, бад̣̇умам̣ аахарим̣ д̇ад̣̇аа.
Jātassaraṃ samogayha, padumaṃ āhariṃ tadā.
358.
358.
‘‘аахарид̇ваана бад̣̇умам̣, сад̇абад̇д̇ам̣ манорамам̣;
‘‘Āharitvāna padumaṃ, satapattaṃ manoramaṃ;
гуудааг̇аарам̣ гарид̇ваана, чаад̣̇аяим̣ бад̣̇умзнахам̣.
Kūṭāgāraṃ karitvāna, chādayiṃ padumenahaṃ.
359.
359.
‘‘анугамбаго гаарун̣иго, бияад̣̇ассий махаамуни;
‘‘Anukampako kāruṇiko, piyadassī mahāmuni;
сад̇д̇арад̇д̇инд̣̇ивам̣ б̣уд̣̇д̇хо, гуудааг̇аарз васий ж̇ино.
Sattarattindivaṃ buddho, kūṭāgāre vasī jino.
360.
360.
‘‘бураан̣ам̣ чад̣д̣аяид̇ваана, навзна чаад̣̇аяим̣ ахам̣;
‘‘Purāṇaṃ chaḍḍayitvāna, navena chādayiṃ ahaṃ;
ан̃ж̇алим̣ баг̇г̇ахзд̇ваана, адтаасим̣ д̇аавад̣̇з ахам̣.
Añjaliṃ paggahetvāna, aṭṭhāsiṃ tāvade ahaṃ.
361.
361.
‘‘вудтахид̇ваа самаад̇химхаа, бияад̣̇ассий махаамуни;
‘‘Vuṭṭhahitvā samādhimhā, piyadassī mahāmuni;
д̣̇исам̣ анувилогзнд̇о, нисийд̣̇и логанааяаго.
Disaṃ anuvilokento, nisīdi lokanāyako.
362.
362.
‘‘д̇ад̣̇аа суд̣̇ассано наама, убадтааго махид̣̇д̇хиго;
‘‘Tadā sudassano nāma, upaṭṭhāko mahiddhiko;
жид̇д̇аман̃н̃ааяа б̣уд̣̇д̇хасса, бияад̣̇ассисса сад̇т̇уно.
Cittamaññāya buddhassa, piyadassissa satthuno.
363.
363.
‘‘асийд̇ияаа сахассзхи, бхигкуухи бариваарид̇о;
‘‘Asītiyā sahassehi, bhikkhūhi parivārito;
вананд̇з сукамаасийнам̣, убзси логанааяагам̣.
Vanante sukhamāsīnaṃ, upesi lokanāyakaṃ.
364.
364.
‘‘яаавад̇аа ванасан̣д̣амхи, ад̇хивад̇т̇аа жа д̣̇звад̇аа;
‘‘Yāvatā vanasaṇḍamhi, adhivatthā ca devatā;
б̣уд̣̇д̇хасса жид̇д̇аман̃н̃ааяа, саб̣б̣з саннибад̇ум̣ д̇ад̣̇аа.
Buddhassa cittamaññāya, sabbe sannipatuṃ tadā.
365.
365.
‘‘самааг̇ад̇зсу яагкзсу, гумбхан̣д̣з сахарагкасз;
‘‘Samāgatesu yakkhesu, kumbhaṇḍe saharakkhase;
бхигкусан̇гхз жа самбад̇д̇з, г̇аат̇аа баб̣яаахарий 3 ж̇ино.
Bhikkhusaṅghe ca sampatte, gāthā pabyāharī 4 jino.
366.
366.
‘‘‘яо мам̣ сад̇д̇аахам̣ бууж̇зси, ааваасан̃жа агааси мз;
‘‘‘Yo maṃ sattāhaṃ pūjesi, āvāsañca akāsi me;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
367.
367.
‘‘‘суд̣̇уд̣̇д̣̇асам̣ сунибун̣ам̣, г̇амбхийрам̣ суббагаасид̇ам̣;
‘‘‘Sududdasaṃ sunipuṇaṃ, gambhīraṃ suppakāsitaṃ;
н̃аан̣зна гид̇д̇аяиссаами, сун̣аат̇а мама бхаасад̇о.
Ñāṇena kittayissāmi, suṇātha mama bhāsato.
368.
368.
‘‘‘жад̇уд̣̇д̣̇асаани габбаани, д̣̇звараж̇ж̇ам̣ гариссад̇и;
‘‘‘Catuddasāni kappāni, devarajjaṃ karissati;
гуудааг̇аарам̣ маханд̇асса 5, бад̣̇мабубпзхи чаад̣̇ид̇ам̣.
Kūṭāgāraṃ mahantassa 6, padmapupphehi chāditaṃ.
369.
369.
‘‘‘аагаасз д̇хаараяиссад̇и, бубпагаммассид̣̇ам̣ 7 палам̣;
‘‘‘Ākāse dhārayissati, pupphakammassidaṃ 8 phalaṃ;
жад̇уб̣б̣ийсз 9 габбасад̇з, вогин̣н̣ам̣ сам̣сариссад̇и.
Catubbīse 10 kappasate, vokiṇṇaṃ saṃsarissati.
370.
370.
‘‘‘д̇ад̇т̇а бубпамаяам̣ б̣яамхам̣, аагаасз д̇хаараяиссад̇и;
‘‘‘Tattha pupphamayaṃ byamhaṃ, ākāse dhārayissati;
яат̇аа бад̣̇умабад̇д̇амхи, д̇ояам̣ на убалимбад̇и.
Yathā padumapattamhi, toyaṃ na upalimpati.
371.
371.
‘‘‘д̇ат̇звиймасса н̃аан̣амхи, гилзсаа нобалимбарз;
‘‘‘Tathevīmassa ñāṇamhi, kilesā nopalimpare;
манасаа виниваддзд̇ваа, бан̃жа нийваран̣з аяам̣.
Manasā vinivaṭṭetvā, pañca nīvaraṇe ayaṃ.
372.
372.
‘‘‘жид̇д̇ам̣ ж̇анзд̇ваа нзгкаммз, аг̇аараа баб̣б̣аж̇иссад̇и;
‘‘‘Cittaṃ janetvā nekkhamme, agārā pabbajissati;
д̇ад̇о бубпамаяз б̣яамхз, д̇хаарзнд̇з 11 нигкамиссад̇и.
Tato pupphamaye byamhe, dhārente 12 nikkhamissati.
373.
373.
‘‘‘ругкамуулз васанд̇асса, нибагасса сад̇иймад̇о;
‘‘‘Rukkhamūle vasantassa, nipakassa satīmato;
д̇ад̇т̇а бубпамаяам̣ б̣яамхам̣, мад̇т̇агз д̇хаараяиссад̇и.
Tattha pupphamayaṃ byamhaṃ, matthake dhārayissati.
374.
374.
‘‘‘жийварам̣ бин̣д̣абаад̇ан̃жа, бажжаяам̣ саяанаасанам̣;
‘‘‘Cīvaraṃ piṇḍapātañca, paccayaṃ sayanāsanaṃ;
д̣̇ад̇ваана бхигкусан̇гхасса, ниб̣б̣ааяиссад̇инаасаво’.
Datvāna bhikkhusaṅghassa, nibbāyissatināsavo’.
375.
375.
‘‘гуудааг̇аарзна жарад̇аа 13, баб̣б̣аж̇ж̇ам̣ абхинигкамим̣;
‘‘Kūṭāgārena caratā 14, pabbajjaṃ abhinikkhamiṃ;
ругкамуулз васанд̇амби 15, гуудааг̇аарам̣ д̇харийяад̇и.
Rukkhamūle vasantampi 16, kūṭāgāraṃ dharīyati.
376.
376.
‘‘жийварз бин̣д̣абаад̇з жа, жзд̇анаа мз на виж̇ж̇ад̇и;
‘‘Cīvare piṇḍapāte ca, cetanā me na vijjati;
бун̃н̃агаммзна сам̣яуд̇д̇о, лабхаами баринидтид̇ам̣.
Puññakammena saṃyutto, labhāmi pariniṭṭhitaṃ.
377.
377.
‘‘г̇ан̣анаад̇о асан̇кзяяаа, габбагодий б̣ахуу мама;
‘‘Gaṇanāto asaṅkheyyā, kappakoṭī bahū mama;
рид̇д̇агаа д̇з ад̇игганд̇аа, бамуд̇д̇аа логанааяагаа.
Rittakā te atikkantā, pamuttā lokanāyakā.
378.
378.
‘‘адтаарасз габбасад̇з, бияад̣̇ассий винааяаго;
‘‘Aṭṭhārase kappasate, piyadassī vināyako;
д̇амахам̣ баяирубаасид̇ваа, имам̣ яоним̣ убааг̇ад̇о.
Tamahaṃ payirupāsitvā, imaṃ yoniṃ upāgato.
379.
379.
‘‘ид̇ха бассаами 17 самб̣уд̣̇д̇хам̣, аномам̣ наама жагкумам̣;
‘‘Idha passāmi 18 sambuddhaṃ, anomaṃ nāma cakkhumaṃ;
д̇амахам̣ убаг̇анд̇ваана, баб̣б̣аж̇им̣ анаг̇аарияам̣.
Tamahaṃ upagantvāna, pabbajiṃ anagāriyaṃ.
380.
380.
‘‘д̣̇угкассанд̇агаро б̣уд̣̇д̇хо, маг̇г̇ам̣ мз д̣̇зсаяий ж̇ино;
‘‘Dukkhassantakaro buddho, maggaṃ me desayī jino;
д̇асса д̇хаммам̣ сун̣ид̇ваана, бад̇д̇омхи ажалам̣ бад̣̇ам̣.
Tassa dhammaṃ suṇitvāna, pattomhi acalaṃ padaṃ.
381.
381.
‘‘д̇осаяид̇ваана самб̣уд̣̇д̇хам̣, г̇од̇амам̣ сагяабун̇г̇авам̣;
‘‘Tosayitvāna sambuddhaṃ, gotamaṃ sakyapuṅgavaṃ;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
382.
382.
‘‘адтаарасз габбасад̇з, яам̣ б̣уд̣̇д̇хамабхибууж̇аяим̣;
‘‘Aṭṭhārase kappasate, yaṃ buddhamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
383.
383.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
саб̣б̣аасаваа баригкийн̣аа, над̇т̇и д̣̇аани бунаб̣бхаво.
Sabbāsavā parikkhīṇā, natthi dāni punabbhavo.
384.
384.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
385.
385.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа бад̣̇умагуудааг̇аарияо т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā padumakūṭāgāriyo thero imā gāthāyo abhāsitthāti.
бад̣̇умагуудааг̇аарияад̇т̇зрассаабад̣̇аанам̣ бан̃жамам̣.
Padumakūṭāgāriyattherassāpadānaṃ pañcamaṃ.
Footnotes:
