| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൬. സോളസമവഗ്ഗോ
16. Soḷasamavaggo
(൧൫൭) ൨. പഗ്ഗഹകഥാ
(157) 2. Paggahakathā
൭൪൫. പരോ പരസ്സ ചിത്തം പഗ്ഗണ്ഹാതീതി? ആമന്താ. പരോ പരസ്സ ചിത്തം ‘‘മാ രജ്ജി,’’‘‘മാ ദുസ്സി,’’‘‘മാ മുയ്ഹി,’’‘‘മാ കിലിസ്സീ’’തി പഗ്ഗണ്ഹാതീതി? ന ഹേവം വത്തബ്ബേ…പേ॰… പരോ പരസ്സ ചിത്തം പഗ്ഗണ്ഹാതീതി? ആമന്താ. പരോ പരസ്സ അലോഭം കുസലമൂലം ജനേതി… അദോസം കുസലമൂലം ജനേതി… അമോഹം കുസലമൂലം ജനേതി… സദ്ധം ജനേതി… വീരിയം ജനേതി… സതിം ജനേതി… സമാധിം ജനേതി… പഞ്ഞം ജനേതീതി? ന ഹേവം വത്തബ്ബേ…പേ॰… പരോ പരസ്സ ചിത്തം പഗ്ഗണ്ഹാതീതി? ആമന്താ. പരോ പരസ്സ ഉപ്പന്നോ ഫസ്സോ ‘‘മാ നിരുജ്ഝീ’’തി പഗ്ഗണ്ഹാതീതി? ന ഹേവം വത്തബ്ബേ…പേ॰… പരോ പരസ്സ ഉപ്പന്നാ വേദനാ…പേ॰… ഉപ്പന്നാ പഞ്ഞാ ‘‘മാ നിരുജ്ഝീ’’തി പഗ്ഗണ്ഹാതീതി? ന ഹേവം വത്തബ്ബേ…പേ॰….
745. Paro parassa cittaṃ paggaṇhātīti? Āmantā. Paro parassa cittaṃ ‘‘mā rajji,’’‘‘mā dussi,’’‘‘mā muyhi,’’‘‘mā kilissī’’ti paggaṇhātīti? Na hevaṃ vattabbe…pe… paro parassa cittaṃ paggaṇhātīti? Āmantā. Paro parassa alobhaṃ kusalamūlaṃ janeti… adosaṃ kusalamūlaṃ janeti… amohaṃ kusalamūlaṃ janeti… saddhaṃ janeti… vīriyaṃ janeti… satiṃ janeti… samādhiṃ janeti… paññaṃ janetīti? Na hevaṃ vattabbe…pe… paro parassa cittaṃ paggaṇhātīti? Āmantā. Paro parassa uppanno phasso ‘‘mā nirujjhī’’ti paggaṇhātīti? Na hevaṃ vattabbe…pe… paro parassa uppannā vedanā…pe… uppannā paññā ‘‘mā nirujjhī’’ti paggaṇhātīti? Na hevaṃ vattabbe…pe….
പരോ പരസ്സ ചിത്തം പഗ്ഗണ്ഹാതീതി? ആമന്താ. പരോ പരസ്സ അത്ഥായ രാഗം പജഹതി… ദോസം പജഹതി… മോഹം പജഹതി…പേ॰… അനോത്തപ്പം പജഹതീതി? ന ഹേവം വത്തബ്ബേ…പേ॰….
Paro parassa cittaṃ paggaṇhātīti? Āmantā. Paro parassa atthāya rāgaṃ pajahati… dosaṃ pajahati… mohaṃ pajahati…pe… anottappaṃ pajahatīti? Na hevaṃ vattabbe…pe….
പരോ പരസ്സ ചിത്തം പഗ്ഗണ്ഹാതീതി? ആമന്താ. പരോ പരസ്സ അത്ഥായ മഗ്ഗം ഭാവേതി… സതിപട്ഠാനം ഭാവേതി…പേ॰… ബോജ്ഝങ്ഗം ഭാവേതീതി? ന ഹേവം വത്തബ്ബേ…പേ॰….
Paro parassa cittaṃ paggaṇhātīti? Āmantā. Paro parassa atthāya maggaṃ bhāveti… satipaṭṭhānaṃ bhāveti…pe… bojjhaṅgaṃ bhāvetīti? Na hevaṃ vattabbe…pe….
പരോ പരസ്സ ചിത്തം പഗ്ഗണ്ഹാതീതി? ആമന്താ. പരോ പരസ്സ അത്ഥായ ദുക്ഖം പരിജാനാതി…പേ॰… മഗ്ഗം ഭാവേതീതി? ന ഹേവം വത്തബ്ബേ…പേ॰….
Paro parassa cittaṃ paggaṇhātīti? Āmantā. Paro parassa atthāya dukkhaṃ parijānāti…pe… maggaṃ bhāvetīti? Na hevaṃ vattabbe…pe….
പരോ പരസ്സ ചിത്തം പഗ്ഗണ്ഹാതീതി? ആമന്താ. അഞ്ഞോ അഞ്ഞസ്സ കാരകോ, പരങ്കതം സുഖം ദുക്ഖം അഞ്ഞോ കരോതി അഞ്ഞോ പടിസംവേദേതീതി? ന ഹേവം വത്തബ്ബേ…പേ॰….
Paro parassa cittaṃ paggaṇhātīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
പരോ പരസ്സ ചിത്തം പഗ്ഗണ്ഹാതീതി? ആമന്താ. നനു വുത്തം ഭഗവതാ – ‘‘അത്തനാവ കതം പാപം…പേ॰… നാഞ്ഞോ അഞ്ഞം വിസോധയേ’’തി. അത്ഥേവ സുത്തന്തോതി? ആമന്താ. തേന ഹി ന വത്തബ്ബം – ‘‘പരോ പരസ്സ ചിത്തം പഗ്ഗണ്ഹാതീ’’തി.
Paro parassa cittaṃ paggaṇhātīti? Āmantā. Nanu vuttaṃ bhagavatā – ‘‘attanāva kataṃ pāpaṃ…pe… nāñño aññaṃ visodhaye’’ti. Attheva suttantoti? Āmantā. Tena hi na vattabbaṃ – ‘‘paro parassa cittaṃ paggaṇhātī’’ti.
൭൪൬. ന വത്തബ്ബം – ‘‘പരോ പരസ്സ ചിത്തം പഗ്ഗണ്ഹാതീ’’തി? ആമന്താ. നനു അത്ഥി ബലപ്പത്താ, അത്ഥി വസീഭൂതാതി? ആമന്താ. ഹഞ്ചി അത്ഥി ബലപ്പത്താ, അത്ഥി വസീഭൂതാ, തേന വത രേ വത്തബ്ബേ – ‘‘പരോ പരസ്സ ചിത്തം പഗ്ഗണ്ഹാതീ’’തി.
746. Na vattabbaṃ – ‘‘paro parassa cittaṃ paggaṇhātī’’ti? Āmantā. Nanu atthi balappattā, atthi vasībhūtāti? Āmantā. Hañci atthi balappattā, atthi vasībhūtā, tena vata re vattabbe – ‘‘paro parassa cittaṃ paggaṇhātī’’ti.
പഗ്ഗഹകഥാ നിട്ഠിതാ.
Paggahakathā niṭṭhitā.
