| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. бахаанасуд̇д̇ам̣
2. Pahānasuttaṃ
24. ‘‘саб̣б̣аббахаанааяа 1 во, бхигкавз, д̇хаммам̣ д̣̇зсзссаами. д̇ам̣ сун̣аат̇а. гад̇амо жа, бхигкавз, саб̣б̣аббахаанааяа д̇хаммо? жагкум̣, бхигкавз, бахаад̇аб̣б̣ам̣, руубаа бахаад̇аб̣б̣аа, жагкувин̃н̃аан̣ам̣ бахаад̇аб̣б̣ам̣, жагкусампассо бахаад̇аб̣б̣о , яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби бахаад̇аб̣б̣ам̣…бз… яамбид̣̇ам̣ сод̇асампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби бахаад̇аб̣б̣ам̣… яамбид̣̇ам̣ гхаанасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби бахаад̇аб̣б̣ам̣. ж̇ивхаа бахаад̇аб̣б̣аа, расаа бахаад̇аб̣б̣аа, ж̇ивхаавин̃н̃аан̣ам̣ бахаад̇аб̣б̣ам̣, ж̇ивхаасампассо бахаад̇аб̣б̣о, яамбид̣̇ам̣ ж̇ивхаасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби бахаад̇аб̣б̣ам̣. гааяо бахаад̇аб̣б̣о… мано бахаад̇аб̣б̣о, д̇хаммаа бахаад̇аб̣б̣аа, мановин̃н̃аан̣ам̣ бахаад̇аб̣б̣ам̣, маносампассо бахаад̇аб̣б̣о, яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби бахаад̇аб̣б̣ам̣. аяам̣ ко, бхигкавз, саб̣б̣аббахаанааяа д̇хаммо’’д̇и. д̣̇уд̇ияам̣.
24. ‘‘Sabbappahānāya 2 vo, bhikkhave, dhammaṃ desessāmi. Taṃ suṇātha. Katamo ca, bhikkhave, sabbappahānāya dhammo? Cakkhuṃ, bhikkhave, pahātabbaṃ, rūpā pahātabbā, cakkhuviññāṇaṃ pahātabbaṃ, cakkhusamphasso pahātabbo , yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ…pe… yampidaṃ sotasamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ… yampidaṃ ghānasamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ. Jivhā pahātabbā, rasā pahātabbā, jivhāviññāṇaṃ pahātabbaṃ, jivhāsamphasso pahātabbo, yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ. Kāyo pahātabbo… mano pahātabbo, dhammā pahātabbā, manoviññāṇaṃ pahātabbaṃ, manosamphasso pahātabbo, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ. Ayaṃ kho, bhikkhave, sabbappahānāya dhammo’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. бахаанасуд̇д̇аван̣н̣анаа • 2. Pahānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. бахаанасуд̇д̇аван̣н̣анаа • 2. Pahānasuttavaṇṇanā
