| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
4. бахаарасигкаабад̣̇аван̣н̣анаа
4. Pahārasikkhāpadavaṇṇanā
449. жад̇уд̇т̇з – бахаарам̣ д̣̇знд̇ийд̇и ‘‘аавусо бийтагам̣ бан̃н̃абзт̇а, баад̣̇ад̇хованам̣ аахарат̇аа’’д̇иаад̣̇ийни вад̇ваа д̇ат̇аа агаронд̇аанам̣ бахаарам̣ д̣̇знд̇и.
449. Catutthe – pahāraṃ dentīti ‘‘āvuso pīṭhakaṃ paññapetha, pādadhovanaṃ āharathā’’tiādīni vatvā tathā akarontānaṃ pahāraṃ denti.
451. бахаарам̣ д̣̇зд̇и аабад̇д̇и баажид̇д̇ияассаад̇и зд̇т̇а бахарид̇угаамад̇ааяа бахаарз д̣̇иннз сажзби марад̇и баажид̇д̇ияамзва. бахаарзна хад̇т̇о ваа баад̣̇о ваа бхиж̇ж̇ад̇и, сийсам̣ ваа бхиннам̣ ход̇и, баажид̇д̇ияамзва. ‘‘яат̇ааяам̣ сан̇гхамаж̇жхз на вирожад̇и, д̇ат̇аа нам̣ гаромий’’д̇и звам̣ вируубагаран̣аад̇хиббааязна ган̣н̣ам̣ ваа наасам̣ ваа чинд̣̇ад̇и, д̣̇уггадам̣.
451.Pahāraṃ deti āpatti pācittiyassāti ettha paharitukāmatāya pahāre dinne sacepi marati pācittiyameva. Pahārena hattho vā pādo vā bhijjati, sīsaṃ vā bhinnaṃ hoti, pācittiyameva. ‘‘Yathāyaṃ saṅghamajjhe na virocati, tathā naṃ karomī’’ti evaṃ virūpakaraṇādhippāyena kaṇṇaṃ vā nāsaṃ vā chindati, dukkaṭaṃ.
452. анубасамбаннассаад̇и г̇ахадтасса ваа баб̣б̣аж̇ид̇асса ваа ид̇т̇ияаа ваа бурисасса ваа анд̇амасо д̇иражчаанаг̇ад̇ассааби бахаарам̣ д̣̇зд̇и, д̣̇уггадам̣. сажз бана рад̇д̇ажид̇д̇о ид̇т̇им̣ бахарад̇и, сан̇гхаад̣̇исзсо.
452.Anupasampannassāti gahaṭṭhassa vā pabbajitassa vā itthiyā vā purisassa vā antamaso tiracchānagatassāpi pahāraṃ deti, dukkaṭaṃ. Sace pana rattacitto itthiṃ paharati, saṅghādiseso.
453. гзнажи вихзтияамаанод̇и мануссзна ваа д̇иражчаанаг̇ад̇зна ваа вихзтияамаано. могкаад̇хиббааяод̇и д̇ад̇о ад̇д̇ано могкам̣ бад̇т̇аяамаано. бахаарам̣ д̣̇зд̇ийд̇и гааяагааяабадиб̣ад̣̇д̇ханиссаг̇г̇ияаанам̣ ан̃н̃ад̇арзна бахаарам̣ д̣̇зд̇и, анаабад̇д̇и. сажзби анд̇араамаг̇г̇з жорам̣ ваа бажжад̇т̇игам̣ ваа вихзтзд̇угаамам̣ д̣̇исваа ‘‘убаасага, зд̇т̇зва д̇идта, маа ааг̇амий’’д̇и вад̇ваа важанам̣ анаад̣̇ияид̇ваа ааг̇ажчанд̇ам̣ ‘‘г̇ажча рз’’д̇и муг̇г̇арзна ваа сад̇т̇агзна ваа бахарид̇ваа яаад̇и, со жз д̇зна бахаарзна марад̇и, анаабад̇д̇иязва. ваал̣амиг̇зсуби зсзва наяо. сзсамзд̇т̇а уд̇д̇аанамзва. самудтаанаад̣̇ийни банасса батамабаарааж̇игасад̣̇исаани, ид̣̇ам̣ бана д̣̇угкавзд̣̇ананд̇и.
453.Kenaciviheṭhiyamānoti manussena vā tiracchānagatena vā viheṭhiyamāno. Mokkhādhippāyoti tato attano mokkhaṃ patthayamāno. Pahāraṃ detīti kāyakāyapaṭibaddhanissaggiyānaṃ aññatarena pahāraṃ deti, anāpatti. Sacepi antarāmagge coraṃ vā paccatthikaṃ vā viheṭhetukāmaṃ disvā ‘‘upāsaka, ettheva tiṭṭha, mā āgamī’’ti vatvā vacanaṃ anādiyitvā āgacchantaṃ ‘‘gaccha re’’ti muggarena vā satthakena vā paharitvā yāti, so ce tena pahārena marati, anāpattiyeva. Vāḷamigesupi eseva nayo. Sesamettha uttānameva. Samuṭṭhānādīni panassa paṭhamapārājikasadisāni, idaṃ pana dukkhavedananti.
бахаарасигкаабад̣̇ам̣ жад̇уд̇т̇ам̣.
Pahārasikkhāpadaṃ catutthaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. сахад̇хаммигаваг̇г̇о • 8. Sahadhammikavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. бахаарасигкаабад̣̇аван̣н̣анаа • 4. Pahārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. бахаарасигкаабад̣̇аван̣н̣анаа • 4. Pahārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. бахаарасигкаабад̣̇аван̣н̣анаа • 4. Pahārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. бахаарасигкаабад̣̇ам̣ • 4. Pahārasikkhāpadaṃ
