| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૨૦૭. પજ્જોતરાજવત્થુકથા
207. Pajjotarājavatthukathā
૩૩૪. વિચ્છિકસ્સ જાતોતિ વિચ્છિકસ્સ કારણા જાતો, વિચ્છિકં પટિચ્ચ જાતોતિ અત્થો. સબ્બિ ચ ભેસજ્જં વિચ્છિકાનં પટિકૂલં હોતીતિ યોજના. પઞ્ઞાસયોજનિકાતિ એત્થ ણિકપચ્ચયસ્સ ગન્તું સમત્થત્થે પવત્તભાવં દસ્સેન્તો આહ ‘‘ગન્તું સમત્થો હોતી’’તિ. અસ્સ રઞ્ઞોતિ ચન્દપજ્જોતનામકસ્સ અસ્સ રઞ્ઞો. હત્થિનીયેવાતિ ભદ્દવતિકા નામ હત્થિનીયેવ. વીસયોજનસતન્તિ વીસાધિકં યોજનસતં.
334.Vicchikassa jātoti vicchikassa kāraṇā jāto, vicchikaṃ paṭicca jātoti attho. Sabbi ca bhesajjaṃ vicchikānaṃ paṭikūlaṃ hotīti yojanā. Paññāsayojanikāti ettha ṇikapaccayassa gantuṃ samatthatthe pavattabhāvaṃ dassento āha ‘‘gantuṃ samattho hotī’’ti. Assa raññoti candapajjotanāmakassa assa rañño. Hatthinīyevāti bhaddavatikā nāma hatthinīyeva. Vīsayojanasatanti vīsādhikaṃ yojanasataṃ.
ભુઞ્જિતું નિસિન્નસ્સ એકસ્સ કુલપુત્તસ્સ દ્વારેતિ યોજના. તસ્સાતિ કુલપુત્તસ્સ, આરોચેસીતિ સમ્બન્ધો. સોતિ કુલપુત્તો, ‘‘આહરા’’તિ આણાપેસીતિ સમ્બન્ધો. ઇતરોતિ પુરિસો. તન્તિ પત્તં. યત્થ યત્થાતિ યસ્મિં યસ્મિં ભવે. તત્થ તત્થ વાહનસમ્પન્નો હોમીતિ યોજના. સોતિ પુરિસો. પજ્જોતો નામ અયં રાજા જાતોતિ યોજના.
Bhuñjituṃ nisinnassa ekassa kulaputtassa dvāreti yojanā. Tassāti kulaputtassa, ārocesīti sambandho. Soti kulaputto, ‘‘āharā’’ti āṇāpesīti sambandho. Itaroti puriso. Tanti pattaṃ. Yattha yatthāti yasmiṃ yasmiṃ bhave. Tattha tattha vāhanasampanno homīti yojanā. Soti puriso. Pajjoto nāma ayaṃ rājā jātoti yojanā.
સબ્બિં પાયેત્વાતિ ઇદં ઉપલક્ખણમત્તન્તિ દસ્સેન્તો આહ ‘‘સબ્બિઞ્ચ પાયેત્વા’’તિઆદિ. સબ્બિઞ્ચ પાયેત્વા, પરિચારકાનં આહારાચારે વિધિઞ્ચ આચિક્ખિત્વાતિ અત્થો. ઓલુમ્પેત્વાતિ લુપિધાતુ ઓદહનત્થોતિ આહ ‘‘ઓદહિત્વા’’તિ. વિરેચેસીતિ ઉદ્ધઞ્ચ અધો ચ વિરેચેસિ.
Sabbiṃ pāyetvāti idaṃ upalakkhaṇamattanti dassento āha ‘‘sabbiñca pāyetvā’’tiādi. Sabbiñca pāyetvā, paricārakānaṃ āhārācāre vidhiñca ācikkhitvāti attho. Olumpetvāti lupidhātu odahanatthoti āha ‘‘odahitvā’’ti. Virecesīti uddhañca adho ca virecesi.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૨૦૭. પજ્જોતરાજવત્થુ • 207. Pajjotarājavatthu
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / પજ્જોતરાજવત્થુકથા • Pajjotarājavatthukathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / પજ્જોતરાજવત્થુકથાદિવણ્ણના • Pajjotarājavatthukathādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / પજ્જોતરાજવત્થુકથાવણ્ણના • Pajjotarājavatthukathāvaṇṇanā
