| Library / Tipiṭaka / तिपिटक • Tipiṭaka / चूळवग्ग-अट्ठकथा • Cūḷavagga-aṭṭhakathā |
पकासनीयकम्मादिकथा
Pakāsanīyakammādikathā
३३६. खेळासकस्साति एत्थ मिच्छाजीवेन उप्पन्नपच्चया अरियेहि वन्तब्बा खेळसदिसा, तथारूपे पच्चये अयं अज्झोहरतीति कत्वा खेळासकोति भगवता वुत्तो।
336.Kheḷāsakassāti ettha micchājīvena uppannapaccayā ariyehi vantabbā kheḷasadisā, tathārūpe paccaye ayaṃ ajjhoharatīti katvā kheḷāsakoti bhagavatā vutto.
३४०. पत्थद्धेन कायेनाति पोत्थकरूपसदिसेन निच्चलेन कायेन।
340.Patthaddhena kāyenāti potthakarūpasadisena niccalena kāyena.
३४२. मयं खो भणे राजञातका नामाति राजा अम्हे जानातीति राजञातकस्स भावेन अत्तानं उक्कंसन्तो आह। पहट्ठकण्णवालोति बन्धने निच्चले कत्वा।
342.Mayaṃ kho bhaṇe rājañātakā nāmāti rājā amhe jānātīti rājañātakassa bhāvena attānaṃ ukkaṃsanto āha. Pahaṭṭhakaṇṇavāloti bandhane niccale katvā.
दुक्खञ्हि कुञ्जर नागमासदोति भो कुञ्जर बुद्धनागं आसादनं वधकचित्तेन उपगमनं नाम दुक्खं। नागहतस्साति बुद्धनागं घातकस्स।
Dukkhañhi kuñjara nāgamāsadoti bho kuñjara buddhanāgaṃ āsādanaṃ vadhakacittena upagamanaṃ nāma dukkhaṃ. Nāgahatassāti buddhanāgaṃ ghātakassa.
पटिकुटियोव ओसक्कीति तथागताभिमुखोयेव पिट्ठिमेहि पादेहि अवसक्कि। अलक्खिकोति एत्थ न लक्खेतीति अलक्खिको; न जानातीति अत्थो , अहं पापकम्मं करोमीति न जानाति। न लक्खितब्बोति वा अलक्खिको; न पस्सितब्बोति अत्थो।
Paṭikuṭiyova osakkīti tathāgatābhimukhoyeva piṭṭhimehi pādehi avasakki. Alakkhikoti ettha na lakkhetīti alakkhiko; na jānātīti attho , ahaṃ pāpakammaṃ karomīti na jānāti. Na lakkhitabboti vā alakkhiko; na passitabboti attho.
३४३. तिकभोजनन्ति एत्थ तीहि जनेहि भुञ्जितब्बभोजनं। तं पञ्ञापेस्सामीति तं अनुजानिस्सामि । गणभोजने पन यथाधम्मो कारेतब्बोति। पञ्चवत्थुयाचनकथा सङ्घादिसेसवण्णनायं वुत्ता। कप्पन्ति आयुकप्पं। ब्रह्मं पुञ्ञन्ति सेट्ठं पुञ्ञं। कप्पं सग्गम्हीति आयुकप्पमेव।
343.Tikabhojananti ettha tīhi janehi bhuñjitabbabhojanaṃ. Taṃ paññāpessāmīti taṃ anujānissāmi . Gaṇabhojane pana yathādhammo kāretabboti. Pañcavatthuyācanakathā saṅghādisesavaṇṇanāyaṃ vuttā. Kappanti āyukappaṃ. Brahmaṃ puññanti seṭṭhaṃ puññaṃ. Kappaṃ saggamhīti āyukappameva.
पकासनीयकम्मादिकथा निट्ठिता।
Pakāsanīyakammādikathā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi
पकासनीयकम्मं • Pakāsanīyakammaṃ
अभिमारपेसनं • Abhimārapesanaṃ
नाळागिरिपेसनं • Nāḷāgiripesanaṃ
पञ्चवत्थुयाचनकथा • Pañcavatthuyācanakathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
नाळागिरिपेसनकथावण्णना • Nāḷāgiripesanakathāvaṇṇanā
पञ्चवत्थुयाचनकथावण्णना • Pañcavatthuyācanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / छसक्यपब्बज्जाकथावण्णना • Chasakyapabbajjākathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / छसक्यपब्बज्जाकथादिवण्णना • Chasakyapabbajjākathādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / पकासनीयकम्मादिकथा • Pakāsanīyakammādikathā
