| Library / Tipiṭaka / તિપિટક • Tipiṭaka / ચૂળવગ્ગ-અટ્ઠકથા • Cūḷavagga-aṭṭhakathā |
પકાસનીયકમ્માદિકથા
Pakāsanīyakammādikathā
૩૩૬. ખેળાસકસ્સાતિ એત્થ મિચ્છાજીવેન ઉપ્પન્નપચ્ચયા અરિયેહિ વન્તબ્બા ખેળસદિસા, તથારૂપે પચ્ચયે અયં અજ્ઝોહરતીતિ કત્વા ખેળાસકોતિ ભગવતા વુત્તો.
336.Kheḷāsakassāti ettha micchājīvena uppannapaccayā ariyehi vantabbā kheḷasadisā, tathārūpe paccaye ayaṃ ajjhoharatīti katvā kheḷāsakoti bhagavatā vutto.
૩૪૦. પત્થદ્ધેન કાયેનાતિ પોત્થકરૂપસદિસેન નિચ્ચલેન કાયેન.
340.Patthaddhena kāyenāti potthakarūpasadisena niccalena kāyena.
૩૪૨. મયં ખો ભણે રાજઞાતકા નામાતિ રાજા અમ્હે જાનાતીતિ રાજઞાતકસ્સ ભાવેન અત્તાનં ઉક્કંસન્તો આહ. પહટ્ઠકણ્ણવાલોતિ બન્ધને નિચ્ચલે કત્વા.
342.Mayaṃ kho bhaṇe rājañātakā nāmāti rājā amhe jānātīti rājañātakassa bhāvena attānaṃ ukkaṃsanto āha. Pahaṭṭhakaṇṇavāloti bandhane niccale katvā.
દુક્ખઞ્હિ કુઞ્જર નાગમાસદોતિ ભો કુઞ્જર બુદ્ધનાગં આસાદનં વધકચિત્તેન ઉપગમનં નામ દુક્ખં. નાગહતસ્સાતિ બુદ્ધનાગં ઘાતકસ્સ.
Dukkhañhi kuñjara nāgamāsadoti bho kuñjara buddhanāgaṃ āsādanaṃ vadhakacittena upagamanaṃ nāma dukkhaṃ. Nāgahatassāti buddhanāgaṃ ghātakassa.
પટિકુટિયોવ ઓસક્કીતિ તથાગતાભિમુખોયેવ પિટ્ઠિમેહિ પાદેહિ અવસક્કિ. અલક્ખિકોતિ એત્થ ન લક્ખેતીતિ અલક્ખિકો; ન જાનાતીતિ અત્થો , અહં પાપકમ્મં કરોમીતિ ન જાનાતિ. ન લક્ખિતબ્બોતિ વા અલક્ખિકો; ન પસ્સિતબ્બોતિ અત્થો.
Paṭikuṭiyova osakkīti tathāgatābhimukhoyeva piṭṭhimehi pādehi avasakki. Alakkhikoti ettha na lakkhetīti alakkhiko; na jānātīti attho , ahaṃ pāpakammaṃ karomīti na jānāti. Na lakkhitabboti vā alakkhiko; na passitabboti attho.
૩૪૩. તિકભોજનન્તિ એત્થ તીહિ જનેહિ ભુઞ્જિતબ્બભોજનં. તં પઞ્ઞાપેસ્સામીતિ તં અનુજાનિસ્સામિ . ગણભોજને પન યથાધમ્મો કારેતબ્બોતિ. પઞ્ચવત્થુયાચનકથા સઙ્ઘાદિસેસવણ્ણનાયં વુત્તા. કપ્પન્તિ આયુકપ્પં. બ્રહ્મં પુઞ્ઞન્તિ સેટ્ઠં પુઞ્ઞં. કપ્પં સગ્ગમ્હીતિ આયુકપ્પમેવ.
343.Tikabhojananti ettha tīhi janehi bhuñjitabbabhojanaṃ. Taṃ paññāpessāmīti taṃ anujānissāmi . Gaṇabhojane pana yathādhammo kāretabboti. Pañcavatthuyācanakathā saṅghādisesavaṇṇanāyaṃ vuttā. Kappanti āyukappaṃ. Brahmaṃ puññanti seṭṭhaṃ puññaṃ. Kappaṃ saggamhīti āyukappameva.
પકાસનીયકમ્માદિકથા નિટ્ઠિતા.
Pakāsanīyakammādikathā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ચૂળવગ્ગપાળિ • Cūḷavaggapāḷi
પકાસનીયકમ્મં • Pakāsanīyakammaṃ
અભિમારપેસનં • Abhimārapesanaṃ
નાળાગિરિપેસનં • Nāḷāgiripesanaṃ
પઞ્ચવત્થુયાચનકથા • Pañcavatthuyācanakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā
નાળાગિરિપેસનકથાવણ્ણના • Nāḷāgiripesanakathāvaṇṇanā
પઞ્ચવત્થુયાચનકથાવણ્ણના • Pañcavatthuyācanakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / છસક્યપબ્બજ્જાકથાવણ્ણના • Chasakyapabbajjākathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / છસક્યપબ્બજ્જાકથાદિવણ્ણના • Chasakyapabbajjākathādivaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / પકાસનીયકમ્માદિકથા • Pakāsanīyakammādikathā
