| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
багин̣н̣агагат̇ааван̣н̣анаа
Pakiṇṇakakathāvaṇṇanā
975. зганд̇ад̇о нийваран̣ад̇д̇аа мид̣̇д̇хасса ‘‘над̇т̇и нийваран̣аа’’д̇и важанзна г̇ахан̣анд̇и д̣̇ассзд̇ум̣ ‘‘мид̣̇д̇хассаби нийваран̣ассаа’’д̇и вуд̇д̇ам̣. на жа руубам̣ бахаад̇аб̣б̣ам̣ ниббарияааяаббахаанасса ид̇ха ад̇хиббзд̇ад̇д̇аа. зд̇т̇а гзжи ‘‘наамагааяаруубагааяаг̇злан̃н̃асабхаавад̇о д̣̇увид̇хам̣ мид̣̇д̇хам̣. д̇ад̇т̇а буримам̣ ‘нийваран̣аа’д̇и важанзна вуд̇д̇ам̣, ид̇арам̣ руубасабхаава’’нд̇и вад̣̇анд̇и. д̇ад̇т̇а яам̣ д̇ам̣ аруубад̇о ан̃н̃ам̣ мид̣̇д̇хам̣ баригаббид̇ам̣, д̇амби нийваран̣ам̣ мид̣̇д̇хасабхаавад̇о ид̇арам̣ мид̣̇д̇хам̣ вияаад̇и баригаббид̇амид̣̇д̇хассаби на саггаа нийваран̣абхаавам̣ нивад̇д̇зд̇унд̇и д̇зсам̣ важанасса нийваран̣аббахаанаважанзна вирод̇хам̣ д̣̇ассзнд̇о ‘‘на жа руубагааяа’’нд̇иаад̣̇имааха. ат̇а ваа кийн̣аасаваанам̣ соббанасабхаавад̇о соббасса жа мид̣̇д̇хахзд̇угад̇д̇аа ад̇т̇и мид̣̇д̇харуубанд̇и ваад̣̇ам̣ санд̇хааяа уд̇д̇арамааха ‘‘на жа руубагааяаг̇злан̃н̃а’’нд̇иаад̣̇инаа. д̇ад̇т̇а мид̣̇д̇хамзва соббахзд̇ууд̇и нааяам̣ авад̇хааран̣аа ижчид̇аа, соббахзд̇у зва мид̣̇д̇ханд̇и бана ижчид̇аад̇и мид̣̇д̇хад̇о ан̃н̃оби соббахзд̇у ад̇т̇и, го бана со? руубагааяаг̇злан̃н̃ам̣. на жа рууба…бз… важанад̇од̇и яож̇анаа д̣̇адтаб̣б̣аа.
975. Ekantato nīvaraṇattā middhassa ‘‘natthi nīvaraṇā’’ti vacanena gahaṇanti dassetuṃ ‘‘middhassapi nīvaraṇassā’’ti vuttaṃ. Na ca rūpaṃ pahātabbaṃ nippariyāyappahānassa idha adhippetattā. Ettha keci ‘‘nāmakāyarūpakāyagelaññasabhāvato duvidhaṃ middhaṃ. Tattha purimaṃ ‘nīvaraṇā’ti vacanena vuttaṃ, itaraṃ rūpasabhāva’’nti vadanti. Tattha yaṃ taṃ arūpato aññaṃ middhaṃ parikappitaṃ, tampi nīvaraṇaṃ middhasabhāvato itaraṃ middhaṃ viyāti parikappitamiddhassapi na sakkā nīvaraṇabhāvaṃ nivattetunti tesaṃ vacanassa nīvaraṇappahānavacanena virodhaṃ dassento ‘‘na ca rūpakāya’’ntiādimāha. Atha vā khīṇāsavānaṃ soppanasabhāvato soppassa ca middhahetukattā atthi middharūpanti vādaṃ sandhāya uttaramāha ‘‘na ca rūpakāyagelañña’’ntiādinā. Tattha middhameva soppahetūti nāyaṃ avadhāraṇā icchitā, soppahetu eva middhanti pana icchitāti middhato aññopi soppahetu atthi, ko pana so? Rūpakāyagelaññaṃ. Na ca rūpa…pe… vacanatoti yojanā daṭṭhabbā.
важийгхосаад̣̇ийд̇и аад̣̇и-сад̣̇д̣̇зна хум̣гаараад̣̇исад̣̇д̣̇о сан̇г̇аяхад̇и. ан̇г̇улиподаад̣̇исад̣̇д̣̇о уд̇усамудтааноязва, жид̇д̇абажжаяо бана ход̇и. руубабхаавамад̇д̇аанийд̇и ж̇араамаран̣асабхааваанам̣ руубаанам̣ д̇ам̣д̇хаммамад̇д̇аани, д̇ад̇о зва на ж̇аад̇иаад̣̇ид̇хаммаванд̇аанийд̇и ааха ‘‘на саяам̣ сабхаававанд̇ааний’’д̇и. яат̇аа ж̇араа анижжад̇аа жа руубабхаавамад̇д̇ам̣, звам̣ ж̇аад̇ибийд̇и ж̇аад̇ияаа руубабхаавамад̇д̇ад̇ааяа убасам̣харан̣ад̇т̇о д̇ат̇аа-сад̣̇д̣̇о.
Vacīghosādīti ādi-saddena huṃkārādisaddo saṅgayhati. Aṅguliphoṭādisaddo utusamuṭṭhānoyeva, cittapaccayo pana hoti. Rūpabhāvamattānīti jarāmaraṇasabhāvānaṃ rūpānaṃ taṃdhammamattāni, tato eva na jātiādidhammavantānīti āha ‘‘na sayaṃ sabhāvavantānī’’ti. Yathā jarā aniccatā ca rūpabhāvamattaṃ, evaṃ jātipīti jātiyā rūpabhāvamattatāya upasaṃharaṇattho tathā-saddo.
д̇зсам̣ руубад̇хаммаанам̣. сан̇каад̇аад̣̇и-сад̣̇д̣̇о вияа абхиниб̣б̣ад̇д̇ид̇а-сад̣̇д̣̇оби вад̇д̇амаанагаалигоби ход̇ийд̇и ‘‘абхиниб̣б̣ад̇д̇ияамаанад̇хаммагкан̣асми’’нд̇и вуд̇д̇ам̣. звамабийд̇и яад̣̇иби ж̇иран̣абхиж̇ж̇анабхааваа ж̇иран̣аад̣̇исабхааваанам̣ д̇хаммаанам̣ ж̇анагабажжаяагижжаанубхаавагкан̣з абхаавад̇о д̇аббажжаяабхаававохаарам̣ абхиниб̣б̣ад̇д̇ивохааран̃жа на лабханд̇и, звамаби д̇зсам̣ убаад̣̇иннад̇аа вад̇д̇аб̣б̣аад̇и самб̣анд̇хо. ‘‘ж̇араамаран̣ам̣ бадижжасамуббанна’’нд̇и важанад̇о д̇асса барияааяад̇ам̣ виварад̇и ‘‘д̇зсам̣ уббаад̣̇з сад̇ий’’д̇иаад̣̇инаа.
Tesaṃ rūpadhammānaṃ. Saṅkhātādi-saddo viya abhinibbattita-saddopi vattamānakālikopi hotīti ‘‘abhinibbattiyamānadhammakkhaṇasmi’’nti vuttaṃ. Evamapīti yadipi jiraṇabhijjanabhāvā jiraṇādisabhāvānaṃ dhammānaṃ janakapaccayakiccānubhāvakkhaṇe abhāvato tappaccayabhāvavohāraṃ abhinibbattivohārañca na labhanti, evamapi tesaṃ upādinnatā vattabbāti sambandho. ‘‘Jarāmaraṇaṃ paṭiccasamuppanna’’nti vacanato tassa pariyāyataṃ vivarati ‘‘tesaṃ uppāde satī’’tiādinā.
яад̣̇и званд̇и яад̣̇и ниссаяабадиб̣ад̣̇д̇хавуд̇д̇игаа ж̇аад̇иаад̣̇аяо, звам̣ сад̇и. ‘‘махаабхууд̇аанам̣ убаад̣̇ааяарууба’’нд̇и важанад̇о бхууд̇аниссид̇зсу гзвало убаад̣̇ааяавохаарод̇и убаад̣̇ааяз ниссид̇ааби абарзна убаад̣̇ааяа-сад̣̇д̣̇зна висзсзд̇ваа вад̇д̇аб̣б̣аад̇и ад̇хиббааязна ‘‘убаад̣̇ааяубаад̣̇ааяабхааво аабаж̇ж̇ад̇ий’’д̇и ааха. гааран̣агааран̣зби гааран̣з вияа вохааро ход̇и ‘‘жорзхи г̇аамо д̣̇ад̣дхо’’д̇и яат̇аад̇и д̣̇ассзнд̇о ‘‘бхууд̇а…бз… д̇д̇анад̇о’’д̇и ааха. ид̣̇аани барамбараа винаа ниббарияааяад̇о уббаад̣̇аад̣̇ийнам̣ бхууд̇абадиб̣ад̣̇д̇хабхаавам̣ саха нид̣̇ассанзна д̣̇ассзд̇ум̣ ‘‘аби жаа’’д̇иаад̣̇имавожа. вигаарабарижчзд̣̇ааби убаад̣̇ааяаруубавигаараад̣̇ибхаавз бхууд̇абадиб̣ад̣̇д̇хабхааваавинивад̇д̇ид̇о згасмим̣ галаабз згзгаава вигаараад̣̇аяод̇и ж̇ийвид̇инд̣̇рияам̣ вияа галаабаанубаалагам̣ галаабавигаараад̣̇ибхаавад̇о жа ‘‘убаад̣̇ааяаруубаани’’ижжзва вужжанд̇ийд̇и ааха ‘‘звам̣ вигаа…бз… яож̇зд̇аб̣б̣ааний’’д̇и.
Yadi evanti yadi nissayapaṭibaddhavuttikā jātiādayo, evaṃ sati. ‘‘Mahābhūtānaṃ upādāyarūpa’’nti vacanato bhūtanissitesu kevalo upādāyavohāroti upādāye nissitāpi aparena upādāya-saddena visesetvā vattabbāti adhippāyena ‘‘upādāyupādāyabhāvo āpajjatī’’ti āha. Kāraṇakāraṇepi kāraṇe viya vohāro hoti ‘‘corehi gāmo daḍḍho’’ti yathāti dassento ‘‘bhūta…pe… ttanato’’ti āha. Idāni paramparā vinā nippariyāyato uppādādīnaṃ bhūtapaṭibaddhabhāvaṃ saha nidassanena dassetuṃ ‘‘api cā’’tiādimavoca. Vikāraparicchedāpi upādāyarūpavikārādibhāve bhūtapaṭibaddhabhāvāvinivattito ekasmiṃ kalāpe ekekāva vikārādayoti jīvitindriyaṃ viya kalāpānupālakaṃ kalāpavikārādibhāvato ca ‘‘upādāyarūpāni’’icceva vuccantīti āha ‘‘evaṃ vikā…pe… yojetabbānī’’ti.
асан̇кад̇абхааванивааран̣ад̇т̇ам̣ баринибпаннад̇аа вуд̇д̇аад̇и ид̣̇ам̣ абаринибпаннасабхаававад̇о анубалаб̣бхамаанад̇ааяа сасависаан̣ам̣ вияа гзнажи на сан̇кад̇анд̇и асан̇кад̇ам̣ наама сияаад̇и имиссаа аасан̇гааяа нивад̇д̇анавасзна вуд̇д̇ам̣. ат̇а ваа руубавигаараад̣̇ибхаавад̇о руубабхааво вияа руубз сад̇и санд̇и, асад̇и на санд̇ийд̇и сид̣̇д̇хааяа бадижжасамуббаннад̇ааяа саад̇хид̇аа баринибпаннад̇аа д̇зсам̣ сан̇кад̇абхаавам̣ саад̇хзнд̇ий асан̇кад̇абхаавам̣ нивааран̣ад̇т̇ам̣ ж̇ааяад̇ийд̇и вуд̇д̇ам̣ ‘‘асан̇кад̇абхааванивааран̣ад̇т̇ам̣ баринибпаннад̇аа вуд̇д̇аа’’д̇и.
Asaṅkhatabhāvanivāraṇatthaṃ parinipphannatā vuttāti idaṃ aparinipphannasabhāvavato anupalabbhamānatāya sasavisāṇaṃ viya kenaci na saṅkhatanti asaṅkhataṃ nāma siyāti imissā āsaṅkāya nivattanavasena vuttaṃ. Atha vā rūpavikārādibhāvato rūpabhāvo viya rūpe sati santi, asati na santīti siddhāya paṭiccasamuppannatāya sādhitā parinipphannatā tesaṃ saṅkhatabhāvaṃ sādhentī asaṅkhatabhāvaṃ nivāraṇatthaṃ jāyatīti vuttaṃ ‘‘asaṅkhatabhāvanivāraṇatthaṃ parinipphannatā vuttā’’ti.
багин̣н̣агагат̇ааван̣н̣анаа нидтид̇аа.
Pakiṇṇakakathāvaṇṇanā niṭṭhitā.
руубаган̣д̣аван̣н̣анаа нидтид̇аа.
Rūpakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубавибхад̇д̇и • Rūpavibhatti
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / навагаад̣̇инид̣̇д̣̇зсаван̣н̣анаа • Navakādiniddesavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / багин̣н̣агагат̇ааван̣н̣анаа • Pakiṇṇakakathāvaṇṇanā
