| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
ਪਕਿਣ੍ਣਕਕਥਾવਣ੍ਣਨਾ
Pakiṇṇakakathāvaṇṇanā
ਦੋਮਨਸ੍ਸਚਿਤ੍ਤੇਨੇવ ਭਣਤੀਤਿ ਇਮਿਨਾ ਸਨ੍ਨਿਟ੍ਠਾਪਕਚੇਤਨਾ ਦੁਕ੍ਖવੇਦਨਾਯ ਸਮ੍ਪਯੁਤ੍ਤਾ ਏવਾਤਿ ਦਸ੍ਸੇਤਿ। ਸੁਖਬਹੁਲਤਾਯ ਹਿ ਰਾਜਾਨੋ ਹਸਮਾਨਾਪਿ ‘‘ਘਾਤੇਥਾ’’ਤਿ વਦਨ੍ਤਿ, ਹਾਸੋ ਪਨ ਨੇਸਂ ਅਨਤ੍ਥવੂਪਸਮਾਦਿਅਞ੍ਞવਿਸਯੋਤਿ ਸਨ੍ਨਿਟ੍ਠਾਪਕਚੇਤਨਾ ਦੁਕ੍ਖવੇਦਨਾਯ ਸਮ੍ਪਯੁਤ੍ਤਾ ਏવ। ਸਤਿ ਪਨ ਦੋਮਨਸ੍ਸੇ ਕਥਂ ਤਂ ਨਪ੍ਪਕਾਸਤੀਤਿ ਆਹ ‘‘ਸੁਖવੋਕਿਣ੍ਣਤ੍ਤਾ’’ਤਿਆਦਿ, ਪੁਬ੍ਬਾਪਰਿਯવਸੇਨ ਉਭੋਸੁ ਪਸ੍ਸੇਸੁ ਉਪ੍ਪਜ੍ਜਨਕਸੁਖੇਹਿ ਆਕਿਣ੍ਣਤ੍ਤਾ ਉਪ੍ਪਨ੍ਨਸ੍ਸ ਚ ਦੋਮਨਸ੍ਸਸ੍ਸ ਅਨੁਪ੍ਪਬਨ੍ਧਨੇਨ ਪવਤ੍ਤਿਯਾ ਅਭਾવਤੋ ਤਦਾ ਉਪ੍ਪਨ੍ਨਮ੍ਪਿ ਦੋਮਨਸ੍ਸਂ ਨਪ੍ਪਕਾਸਤੀਤਿ ਅਤ੍ਥੋ।
Domanassacittenevabhaṇatīti iminā sanniṭṭhāpakacetanā dukkhavedanāya sampayuttā evāti dasseti. Sukhabahulatāya hi rājāno hasamānāpi ‘‘ghātethā’’ti vadanti, hāso pana nesaṃ anatthavūpasamādiaññavisayoti sanniṭṭhāpakacetanā dukkhavedanāya sampayuttā eva. Sati pana domanasse kathaṃ taṃ nappakāsatīti āha ‘‘sukhavokiṇṇattā’’tiādi, pubbāpariyavasena ubhosu passesu uppajjanakasukhehi ākiṇṇattā uppannassa ca domanassassa anuppabandhanena pavattiyā abhāvato tadā uppannampi domanassaṃ nappakāsatīti attho.
