A World of Knowledge
    Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā

    41. багин̣н̣аганид̣̇д̣̇зсаван̣н̣анаа

    41. Pakiṇṇakaniddesavaṇṇanā

    335-6. сад̣̇ваараб̣анд̇ханз таанз…бз… саяанд̇о д̣̇уггадам̣ пусзд̇и зваруубз таанз д̣̇иваа саяанд̇знаад̇и самб̣анд̇хо. сад̣̇ваараб̣анд̇ханз (баараа. 77; баараа. адта. 1.77) бана таанз язна гзнажи баригкид̇д̇з аб̣бхогаасзби ругкамуулзби анд̇амасо иминаа лагкан̣зна яуд̇д̇з аагаасан̇г̇ан̣зби саяанд̇зна д̣̇ваарам̣ б̣анд̇хид̇аб̣б̣амзва. вин̃н̃умхи бурисзд̇и бхигкумхи ваа сааман̣зрз ваа анд̇амасо убаасагааараамигзсуби ан̃н̃ад̇арасмим̣ сад̇ийд̇и ад̇т̇о. ‘‘зса ж̇аг̇г̇иссад̇ий’’д̇и аабхог̇о жааби габбад̇ийд̇и гзвалам̣ бхигкуним̣ ваа маад̇уг̇аамам̣ ваа аабужчид̇ум̣ на ваддад̇и. савасзд̇и ад̇д̇ано васз, аб̣ахусаад̇хааран̣адтаанзд̇и ад̇т̇о. д̇ам̣ винаагааранд̇и д̇ам̣ буб̣б̣з вуд̇д̇аббагаарам̣ д̣̇ваарат̇аганааабхог̇агаран̣асан̇каад̇ам̣ аагаарам̣ винаад̇и ад̇т̇о. ажид̇д̇агаабад̇д̇игирияааяам̣ сан̇кзбо.

    335-6.Sadvārabandhane ṭhāne…pe… sayanto dukkaṭaṃ phuseti evarūpe ṭhāne divā sayantenāti sambandho. Sadvārabandhane (pārā. 77; pārā. aṭṭha. 1.77) pana ṭhāne yena kenaci parikkhitte abbhokāsepi rukkhamūlepi antamaso iminā lakkhaṇena yutte ākāsaṅgaṇepi sayantena dvāraṃ bandhitabbameva. Viññumhi puriseti bhikkhumhi vā sāmaṇere vā antamaso upāsakaārāmikesupi aññatarasmiṃ satīti attho. ‘‘Esa jaggissatī’’ti ābhogo cāpi kappatīti kevalaṃ bhikkhuniṃ vā mātugāmaṃ vā āpucchituṃ na vaṭṭati. Savaseti attano vase, abahusādhāraṇaṭṭhāneti attho. Taṃ vinākāranti taṃ pubbe vuttappakāraṃ dvārathakanaābhogakaraṇasaṅkhātaṃ ākāraṃ vināti attho. Acittakāpattikiriyāyaṃ saṅkhepo.

    337. рад̇анаанийд̇и муд̇д̇аад̣̇ид̣̇асавид̇харад̇анаани. д̇хан̃н̃анд̇и сад̇д̇авид̇хам̣ д̇хан̃н̃ам̣.

    337.Ratanānīti muttādidasavidharatanāni. Dhaññanti sattavidhaṃ dhaññaṃ.

    338. сид̇т̇ад̇злод̣̇ад̇злзхийд̇и зд̇т̇а (жуул̣ава. 246; жуул̣ава. адта. 246) бана яо мад̇хусид̇т̇агад̇злзна ваа уд̣̇агамиссагад̇злзна ваа ан̃н̃зна гзнажи вигаарзна ваа гзсз осан̣тзд̇и, д̣̇анд̇амаяаад̣̇ийсу язна гзнажи пан̣зна ваа гожчзна ваа хад̇т̇зна ваа пан̣агижжам̣ гаронд̇о ан̇г̇улийхи ваа осан̣тзд̇и, д̇асса д̣̇уггадам̣ ход̇ийд̇и ад̇т̇о.

    338.Sitthatelodatelehīti ettha (cūḷava. 246; cūḷava. aṭṭha. 246) pana yo madhusitthakatelena vā udakamissakatelena vā aññena kenaci vikārena vā kese osaṇṭheti, dantamayādīsu yena kenaci phaṇena vā kocchena vā hatthena vā phaṇakiccaṃ karonto aṅgulīhi vā osaṇṭheti, tassa dukkaṭaṃ hotīti attho.

    339. нзгабаавуран̣аад̇и (жуул̣ава. 264) на згабаавуран̣аа. д̇уваддаяунд̇и нибаж̇ж̇зяяум̣. гим̣ вуд̇д̇ам̣ ход̇и? яад̣̇и згабаавуран̣аа ваа згад̇т̇аран̣аа ваа згаман̃жз ваа д̇уваддзяяум̣, на ваддад̇и, д̣̇уггадам̣ ход̇ийд̇и вуд̇д̇ам̣ ход̇и. згамхи (жуул̣ава. адта. 264) ваа бхааж̇анз на бхун̃ж̇зяяунд̇и самб̣анд̇хо.

    339.Nekapāvuraṇāti (cūḷava. 264) na ekapāvuraṇā. Tuvaṭṭayunti nipajjeyyuṃ. Kiṃ vuttaṃ hoti? Yadi ekapāvuraṇā vā ekattharaṇā vā ekamañce vā tuvaṭṭeyyuṃ, na vaṭṭati, dukkaṭaṃ hotīti vuttaṃ hoti. Ekamhi (cūḷava. aṭṭha. 264) vā bhājane na bhuñjeyyunti sambandho.

    340. жад̇уран̇г̇улад̇о (жуул̣ава. 282; жуул̣ава. адта. 282) уунам̣ д̣̇анд̇агадтам̣ на каад̣̇зяяаад̇и самб̣анд̇хо. ад̇хигадтан̇г̇уланд̇и адтан̇г̇улад̇о ад̇хигам̣. д̇ат̇аад̇и на каад̣̇зяяаад̇и ад̇т̇о. агаллаго (жуул̣ава. 289) ласун̣ам̣ на каад̣̇зяяа.

    340. Caturaṅgulato (cūḷava. 282; cūḷava. aṭṭha. 282) ūnaṃ dantakaṭṭhaṃ na khādeyyāti sambandho. Adhikaṭṭhaṅgulanti aṭṭhaṅgulato adhikaṃ. Tathāti na khādeyyāti attho. Akallako (cūḷava. 289) lasuṇaṃ na khādeyya.

    341. хийнзхи (баажи. 31 аад̣̇аяо) ваа уггадтзхи ваа ж̇аад̇иаад̣̇ийхи зва уггадтам̣ ваа хийнам̣ ваа ‘‘жан̣д̣аалосий’’д̇иаад̣̇инаа наязна уж̇ум̣ ваа ‘‘санд̇и ваа ид̇хзгажжз жан̣д̣аалаа, взнаа, нзсаад̣̇аа’’д̇иаад̣̇инаа наязна ан̃н̃аабад̣̇зсзна ваа убасамбаннам̣ ваа анубасамбаннам̣ ваа аггосаад̇хиббааяам̣ винаа гзвалам̣ д̣̇аваад̇хиббааязна вад̣̇з, д̣̇уб̣бхаасид̇анд̇и ад̇т̇о.

    341. Hīnehi (pāci. 31 ādayo) vā ukkaṭṭhehi vā jātiādīhi eva ukkaṭṭhaṃ vā hīnaṃ vā ‘‘caṇḍālosī’’tiādinā nayena ujuṃ vā ‘‘santi vā idhekacce caṇḍālā, venā, nesādā’’tiādinā nayena aññāpadesena vā upasampannaṃ vā anupasampannaṃ vā akkosādhippāyaṃ vinā kevalaṃ davādhippāyena vade, dubbhāsitanti attho.

    342. накз ваа гзсз ваа наасаломз (жуул̣ава. 275) ваа д̣̇ийгхз на д̇хаараязд̇и самб̣анд̇хо. ‘‘ануж̇аанаами, бхигкавз, мам̣саббамаан̣зна накз чинд̣̇ид̇у’’нд̇и (жуул̣ава. 274) жа ‘‘ануж̇аанаами, бхигкавз, д̣̇умаасигам̣ ваа д̣̇уван̇г̇улам̣ ваа’’д̇и (жуул̣ава. 246) жа вуд̇д̇ам̣. на лаб̣бхам̣ вийсад̇имадтанд̇и зд̇т̇а зганакамби мадтам̣ гаад̇ум̣ на ваддад̇и зва. ‘‘на бхигкавз вийсад̇имадтам̣ гаараабзд̇аб̣б̣ам̣. яо гаараабзяяа, аабад̇д̇и д̣̇уггадасса (жуул̣ава. 274). ануж̇аанаами, бхигкавз, маламад̇д̇ам̣ абагад̣дхид̇у’’нд̇и (жуул̣ава. 274) хи вуд̇д̇ам̣. д̇асмаа накад̇о маламад̇д̇ам̣ абагад̣дхид̇ум̣ ваддад̇и. самб̣аад̇хз ломахааран̣анд̇и зд̇т̇а самб̣аад̇хо наама убхо убагажчагаа муд̇д̇агаран̣ан̃жа. ‘‘ануж̇аанаами, бхигкавз, ааб̣аад̇хабажжаяаа самб̣аад̇хз ломам̣ сам̣хараабзд̇у’’нд̇и (жуул̣ава. 275) хи вуд̇д̇ам̣.

    342. Nakhe vā kese vā nāsalome (cūḷava. 275) vā dīghe na dhārayeti sambandho. ‘‘Anujānāmi, bhikkhave, maṃsappamāṇena nakhe chinditu’’nti (cūḷava. 274) ca ‘‘anujānāmi, bhikkhave, dumāsikaṃ vā duvaṅgulaṃ vā’’ti (cūḷava. 246) ca vuttaṃ. Na labbhaṃ vīsatimaṭṭhanti ettha ekanakhampi maṭṭhaṃ kātuṃ na vaṭṭati eva. ‘‘Na bhikkhave vīsatimaṭṭhaṃ kārāpetabbaṃ. Yo kārāpeyya, āpatti dukkaṭassa (cūḷava. 274). Anujānāmi, bhikkhave, malamattaṃ apakaḍḍhitu’’nti (cūḷava. 274) hi vuttaṃ. Tasmā nakhato malamattaṃ apakaḍḍhituṃ vaṭṭati. Sambādhe lomahāraṇanti ettha sambādho nāma ubho upakacchakā muttakaraṇañca. ‘‘Anujānāmi, bhikkhave, ābādhapaccayā sambādhe lomaṃ saṃharāpetu’’nti (cūḷava. 275) hi vuttaṃ.

    343. яат̇аавуд̣дханд̇и вуд̣дхабадибаадияаа лад̣̇д̇хаб̣б̣ам̣. на б̣аад̇хзяяаад̇и на ваарзяяа. сан̇гхуд̣̇д̣̇идтам̣ваад̇и убаасагаад̣̇ийхи яат̇аавуд̣дхам̣ ‘‘аяяаа барибхун̃ж̇анд̇уу’’д̇и ниссаж̇ж̇ид̇ваава д̣̇иннам̣ сзнаасанаад̣̇и. ‘‘на бхигкавз уд̣̇д̣̇иссагад̇амби яат̇аавуд̣дхам̣ бадиб̣аахид̇аб̣б̣ам̣. яо бадиб̣аахзяяа, аабад̇д̇и д̣̇уггадассаа’’д̇и (жуул̣ава. 313) хи вуд̇д̇ам̣. ад̇ход̇абаад̣̇зхи (жуул̣ава. адта. 324) ваа аллабаад̣̇зхи ваа наггамзд̇и самб̣анд̇хо. суд̇ход̇абаад̣̇агам̣ ваабийд̇и д̇ход̇абаад̣̇зхзва аггамид̇аб̣б̣адтаанам̣. д̇ат̇зваад̇и наггамзяяа саубааханод̇и ад̇т̇о. ‘‘на бхигкавз ад̇ход̇зхи баад̣̇зхи, аллзхи баад̣̇зхи, саубааханзна сзнаасанам̣ аггамид̇аб̣б̣ам̣. яо аггамзяяа, аабад̇д̇и д̣̇уггадассаа’’д̇и (жуул̣ава. 324), хи вуд̇д̇ам̣. ‘‘ануж̇аанаами, бхигкавз, бажжад̇т̇арид̇ваа нибаж̇ж̇ид̇у’’нд̇и (жуул̣ава. 324) вуд̇д̇ад̇д̇аа барибхан̣д̣агад̇ам̣ бхуумим̣ ваа бхуумад̇т̇аран̣асзнаасанам̣ ваа сан̇гхигам̣ ман̃жабийтам̣ ваа ад̇д̇ано санд̇агзна бажжад̇т̇аран̣зна бажжад̇т̇арид̇ваава нибаж̇ж̇ид̇аб̣б̣ам̣.

    343.Yathāvuḍḍhanti vuḍḍhapaṭipāṭiyā laddhabbaṃ. Na bādheyyāti na vāreyya. Saṅghuddiṭṭhaṃvāti upāsakādīhi yathāvuḍḍhaṃ ‘‘ayyā paribhuñjantū’’ti nissajjitvāva dinnaṃ senāsanādi. ‘‘Na bhikkhave uddissakatampi yathāvuḍḍhaṃ paṭibāhitabbaṃ. Yo paṭibāheyya, āpatti dukkaṭassā’’ti (cūḷava. 313) hi vuttaṃ. Adhotapādehi (cūḷava. aṭṭha. 324) vā allapādehi vā nakkameti sambandho. Sudhotapādakaṃ vāpīti dhotapādeheva akkamitabbaṭṭhānaṃ. Tathevāti nakkameyya saupāhanoti attho. ‘‘Na bhikkhave adhotehi pādehi, allehi pādehi, saupāhanena senāsanaṃ akkamitabbaṃ. Yo akkameyya, āpatti dukkaṭassā’’ti (cūḷava. 324), hi vuttaṃ. ‘‘Anujānāmi, bhikkhave, paccattharitvā nipajjitu’’nti (cūḷava. 324) vuttattā paribhaṇḍakataṃ bhūmiṃ vā bhūmattharaṇasenāsanaṃ vā saṅghikaṃ mañcapīṭhaṃ vā attano santakena paccattharaṇena paccattharitvāva nipajjitabbaṃ.

    344. сан̇гхаадияаа на баллад̇т̇зд̇и ад̇хидтид̇ажийварзна вихаарз ваа анд̇арагхарз ваа баллад̇т̇игаа на гаад̇аб̣б̣аад̇и ад̇т̇о. баригаммагад̇ам̣ (жуул̣ава. адта. 324) бхид̇д̇иаад̣̇им̣ на абассаяз. ‘‘на бхигкавз баригаммагад̇аа бхид̇д̇и абассзд̇аб̣б̣аа. яо абассзяяа, аабад̇д̇и д̣̇уггадассаа’’д̇и (жуул̣ава. 324) хи вуд̇д̇ам̣. д̇асмаа сзд̇абхид̇д̇и ваа жид̇д̇агаммагад̇аа ваа бхид̇д̇и на абассаяид̇аб̣б̣аа. на гзвалам̣ бхид̇д̇иязва, баригаммагад̇аа д̣̇ваарагаваадаваад̇абаанад̇т̇амбхаад̣̇аяоби на абассаяид̇аб̣б̣аа. зд̇т̇аби ломаг̇ан̣анааяа зва аабад̇д̇ияо взд̣̇ид̇аб̣б̣аа. санд̇з уд̣̇агз но на аажамзд̇и (жуул̣ава. 373; жуул̣ава. адта. 373) но на аажамзд̇ум̣, уд̣̇агасуд̣̇д̇хим̣ агаад̇ум̣ на ваддад̇ийд̇и ад̇т̇о. санд̇зд̇и важанзна асанд̇з анаабад̇д̇ийд̇и д̣̇ийбзд̇и.

    344.Saṅghāṭiyāna pallattheti adhiṭṭhitacīvarena vihāre vā antaraghare vā pallatthikā na kātabbāti attho. Parikammakataṃ (cūḷava. aṭṭha. 324) bhittiādiṃ na apassaye. ‘‘Na bhikkhave parikammakatā bhitti apassetabbā. Yo apasseyya, āpatti dukkaṭassā’’ti (cūḷava. 324) hi vuttaṃ. Tasmā setabhitti vā cittakammakatā vā bhitti na apassayitabbā. Na kevalaṃ bhittiyeva, parikammakatā dvārakavāṭavātapānatthambhādayopi na apassayitabbā. Etthapi lomagaṇanāya eva āpattiyo veditabbā. Sante udake no na ācameti (cūḷava. 373; cūḷava. aṭṭha. 373) no na ācametuṃ, udakasuddhiṃ akātuṃ na vaṭṭatīti attho. Santeti vacanena asante anāpattīti dīpeti.

    345. агаббияасамаад̣̇аанзд̇и бхигкум̣ ваа сааман̣зраад̣̇игз сзсасахад̇хаммигз ваа агаббияз нияож̇знд̇асса д̣̇уггадамзва. ‘‘на, бхигкавз, баб̣б̣аж̇ид̇зна агаббияз самаад̣̇абзд̇аб̣б̣ам̣. яо самаад̣̇абзяяа, аабад̇д̇и д̣̇уггадассаа’’д̇и (махаава. 303) хи вуд̇д̇ам̣. сабхааг̇ааяа (махаава. адта. 169) аабад̇д̇ияаа д̣̇зсанааяаад̇и ад̇т̇о. вад̇т̇усабхааг̇ад̇аа ид̇ха ад̇хиббзд̇аа, на аабад̇д̇исабхааг̇ад̇аа. ‘‘на бхигкавз сабхааг̇аа аабад̇д̇и д̣̇зсзд̇аб̣б̣аа. яо д̣̇зсзяяа, аабад̇д̇и д̣̇уггадассаа’’д̇и (махаава. 169) жа ‘‘на бхигкавз сабхааг̇аа аабад̇д̇и бадиг̇г̇ахзд̇аб̣б̣аа. яо бадиг̇г̇ан̣хзяяа, аабад̇д̇и д̣̇уггадассаа’’д̇и (махаава. 169) жа вуд̇д̇ам̣. вад̇т̇усабхааг̇ам̣ аабад̇д̇им̣ аави гаад̇умби на ваддад̇и, д̇зна вуд̇д̇ам̣ ‘‘аавигаммз жа д̣̇уггада’’нд̇и. ‘‘ахам̣, аавусо, ид̇т̇аннаамам̣ аабад̇д̇им̣ аабаж̇ж̇им̣, д̇ам̣ ид̇о вудтахид̇ваа бадигариссаамий’’д̇и ан̃н̃асса важанам̣ аавигаммам̣наама.

    345.Akappiyasamādāneti bhikkhuṃ vā sāmaṇerādike sesasahadhammike vā akappiye niyojentassa dukkaṭameva. ‘‘Na, bhikkhave, pabbajitena akappiye samādapetabbaṃ. Yo samādapeyya, āpatti dukkaṭassā’’ti (mahāva. 303) hi vuttaṃ. Sabhāgāya (mahāva. aṭṭha. 169) āpattiyā desanāyāti attho. Vatthusabhāgatā idha adhippetā, na āpattisabhāgatā. ‘‘Na bhikkhave sabhāgā āpatti desetabbā. Yo deseyya, āpatti dukkaṭassā’’ti (mahāva. 169) ca ‘‘na bhikkhave sabhāgā āpatti paṭiggahetabbā. Yo paṭiggaṇheyya, āpatti dukkaṭassā’’ti (mahāva. 169) ca vuttaṃ. Vatthusabhāgaṃ āpattiṃ āvi kātumpi na vaṭṭati, tena vuttaṃ ‘‘āvikamme ca dukkaṭa’’nti. ‘‘Ahaṃ, āvuso, itthannāmaṃ āpattiṃ āpajjiṃ, taṃ ito vuṭṭhahitvā paṭikarissāmī’’ti aññassa vacanaṃ āvikammaṃnāma.

    346. ид̇арасса д̇ууд̇и асуд̣̇д̇хажид̇д̇асса.

    346.Itarassati asuddhacittassa.

    347. борисанд̇и (жуул̣ава. адта. 284) бурисаббамаан̣ам̣ абхирухид̇ум̣ ваддад̇ийд̇и ад̇т̇о. ‘‘ануж̇аанаами, бхигкавз, сад̇и гаран̣ийяз борисам̣ ругкам̣ абхирухид̇ум̣, аабад̣̇аасу яаавад̣̇ад̇т̇а’’нд̇и (жуул̣ава. 284) хи вуд̇д̇ам̣.

    347.Porisanti (cūḷava. aṭṭha. 284) purisappamāṇaṃ abhiruhituṃ vaṭṭatīti attho. ‘‘Anujānāmi, bhikkhave, sati karaṇīye porisaṃ rukkhaṃ abhiruhituṃ, āpadāsu yāvadattha’’nti (cūḷava. 284) hi vuttaṃ.

    348. бариссааванам̣ (жуул̣ава. 259; жуул̣ава. адта. 259) винаа ад̣дхаяож̇анам̣ г̇ажчанд̇асса д̣̇уггаданд̇и самб̣анд̇хо. ‘‘ад̣̇д̇хаанаг̇аманасамаяо наама ад̣дхаяож̇анам̣ г̇ажчиссаамийд̇и бхун̃ж̇ид̇аб̣б̣а’’нд̇и (баажи. 218) вуд̇д̇ам̣, д̇асмаа ад̣дхаяож̇анамзва анд̇имам̣ ад̣̇д̇хаананд̇и взд̣̇ид̇аб̣б̣ам̣. бхигкунияаа жа маад̇уг̇аамзна жа сам̣вид̇хаанасигкаабад̣̇з ‘‘згад̣̇д̇хаанамаг̇г̇ам̣ бадибаж̇ж̇зяяа, анд̇амасо г̇ааманд̇арамбий’’д̇и (баажи. 182, 413) звам̣ висзсзд̇ваа вуд̇д̇ад̇д̇аа ‘‘гуггудасамбаад̇з г̇аамз г̇ааманд̇арз г̇ааманд̇арз аабад̇д̇и баажид̇д̇ияассаа’’д̇и (баажи. 183, 414) вуд̇д̇ам̣, на ад̣̇д̇хааналагкан̣зна. яад̣̇и г̇ааманд̇арабарижчзд̣̇зна ад̣̇д̇хаанам̣ вужжад̇и, г̇ан̣абхож̇анасигкаабад̣̇зби ‘‘ад̣̇д̇хаанаг̇аманасамаяо наама г̇ааманд̇арамби г̇ажчиссаамийд̇и бхун̃ж̇ид̇аб̣б̣а’’нд̇и вад̣̇зяяа, на жа вуд̇д̇ам̣. д̇асмаа ‘‘на бхигкавз абариссааванагзна ад̣̇д̇хаано бадибаж̇ж̇ид̇аб̣б̣о. яо бадибаж̇ж̇зяяа, аабад̇д̇и д̣̇уггадасса. сажз на ход̇и бариссааванам̣ ваа д̇хаммагаран̣о ваа, сан̇гхаадиган̣н̣оби ад̇хидтаад̇аб̣б̣о иминаа бариссаавзд̇ваа бивиссаамий’’д̇и вуд̇д̇адтаанзби ад̣дхаяож̇анавасзнзва ад̣̇д̇хаанабарижчзд̣̇о взд̣̇ид̇аб̣б̣о. абхаяаг̇ириваасийнам̣ бана ‘‘д̣̇виг̇аавуд̇авасзна ад̣̇д̇хаанабарижчзд̣̇о’’д̇и баал̣ияам̣ зва ад̇т̇и. яаажамаанассаад̇и яаажанд̇асса. ‘‘на жа бхигкавз ад̣̇д̇хаанаббадибаннзна бхигкунаа бариссааванам̣ яаажияамаанзна на д̣̇аад̇аб̣б̣ам̣. яо на д̣̇ад̣̇зяяа, аабад̇д̇и д̣̇уггадассаа’’д̇и хи вуд̇д̇ам̣.

    348. Parissāvanaṃ (cūḷava. 259; cūḷava. aṭṭha. 259) vinā aḍḍhayojanaṃ gacchantassa dukkaṭanti sambandho. ‘‘Addhānagamanasamayo nāma aḍḍhayojanaṃ gacchissāmīti bhuñjitabba’’nti (pāci. 218) vuttaṃ, tasmā aḍḍhayojanameva antimaṃ addhānanti veditabbaṃ. Bhikkhuniyā ca mātugāmena ca saṃvidhānasikkhāpade ‘‘ekaddhānamaggaṃ paṭipajjeyya, antamaso gāmantarampī’’ti (pāci. 182, 413) evaṃ visesetvā vuttattā ‘‘kukkuṭasampāte gāme gāmantare gāmantare āpatti pācittiyassā’’ti (pāci. 183, 414) vuttaṃ, na addhānalakkhaṇena. Yadi gāmantaraparicchedena addhānaṃ vuccati, gaṇabhojanasikkhāpadepi ‘‘addhānagamanasamayo nāma gāmantarampi gacchissāmīti bhuñjitabba’’nti vadeyya, na ca vuttaṃ. Tasmā ‘‘na bhikkhave aparissāvanakena addhāno paṭipajjitabbo. Yo paṭipajjeyya, āpatti dukkaṭassa. Sace na hoti parissāvanaṃ vā dhammakaraṇo vā, saṅghāṭikaṇṇopi adhiṭṭhātabbo iminā parissāvetvā pivissāmī’’ti vuttaṭṭhānepi aḍḍhayojanavaseneva addhānaparicchedo veditabbo. Abhayagirivāsīnaṃ pana ‘‘dvigāvutavasena addhānaparicchedo’’ti pāḷiyaṃ eva atthi. Yācamānassāti yācantassa. ‘‘Na ca bhikkhave addhānappaṭipannena bhikkhunā parissāvanaṃ yāciyamānena na dātabbaṃ. Yo na dadeyya, āpatti dukkaṭassā’’ti hi vuttaṃ.

    349. ан̃н̃ад̇ра ааб̣аад̇хаббажжаяаа ган̣н̣анаасаад̣̇игз сзсан̇г̇з д̣̇уггаданд̇и самб̣анд̇хо. ааб̣аад̇хз сад̇и ан̇г̇улиаад̣̇ийни чинд̣̇ид̇ум̣ ваддад̇и. ан̇г̇аж̇аад̇ам̣ ваа б̣ийж̇аани ваа чинд̣̇ид̇ум̣ на ваддад̇и зва. ад̇д̇агхаад̇анз жа д̣̇уггаданд̇и самб̣анд̇хо. ‘‘на жа бхигкавз ад̇д̇аанам̣ гхаад̇зд̇аб̣б̣ам̣. яо гхаад̇зяяа, аабад̇д̇и д̣̇уггадассаа’’д̇и хи вуд̇д̇ам̣.

    349. Aññatra ābādhappaccayā kaṇṇanāsādike sesaṅge dukkaṭanti sambandho. Ābādhe sati aṅguliādīni chindituṃ vaṭṭati. Aṅgajātaṃ vā bījāni vā chindituṃ na vaṭṭati eva. Attaghātane ca dukkaṭanti sambandho. ‘‘Na ca bhikkhave attānaṃ ghātetabbaṃ. Yo ghāteyya, āpatti dukkaṭassā’’ti hi vuttaṃ.

    350. ‘‘на жа бхигкавз бадибхаанажид̇д̇ам̣ гаараабзд̇аб̣б̣ам̣ ид̇т̇ируубагам̣ бурисаруубагам̣. яо гаараабзяяа, аабад̇д̇и д̣̇уггадасса. ануж̇аанаами, бхигкавз, маалаагаммам̣ лад̇аагаммам̣ магарад̣̇анд̇агам̣ бан̃жабадига’’нд̇и (жуул̣ава. 299) вуд̇д̇ад̇д̇аа ‘‘жид̇д̇абод̇т̇агаруубаани, на гарз на жа гаараяз’’д̇и вуд̇д̇ам̣. бхун̃ж̇анд̇анд̇и (жуул̣ава. адта. 316) виббагад̇абхож̇анам̣. ‘‘на бхигкавз виббагад̇абхож̇ано бхигку вудтаабзд̇аб̣б̣о. яо вудтаабзяяа, аабад̇д̇и д̣̇уггадассаа’’д̇и (жуул̣ава. 316) хи вуд̇д̇ам̣.

    350. ‘‘Na ca bhikkhave paṭibhānacittaṃ kārāpetabbaṃ itthirūpakaṃ purisarūpakaṃ. Yo kārāpeyya, āpatti dukkaṭassa. Anujānāmi, bhikkhave, mālākammaṃ latākammaṃ makaradantakaṃ pañcapaṭika’’nti (cūḷava. 299) vuttattā ‘‘cittapotthakarūpāni, na kare na ca kāraye’’ti vuttaṃ. Bhuñjantanti (cūḷava. aṭṭha. 316) vippakatabhojanaṃ. ‘‘Na bhikkhave vippakatabhojano bhikkhu vuṭṭhāpetabbo. Yo vuṭṭhāpeyya, āpatti dukkaṭassā’’ti (cūḷava. 316) hi vuttaṃ.

    351. яаанаанийд̇и ваяхам̣ рат̇о сагадам̣ санд̣̇амаанигаад̣̇ийни г̇илаанасса абхирухид̇ум̣ габбанд̇и, сивиго жа габбад̇и. звам̣ саб̣б̣ад̇т̇а. ‘‘ануж̇аанаами, бхигкавз, г̇илаанасса яаанам̣, бурисаяуд̇д̇ам̣ хад̇т̇аваддагам̣, сивигам̣ баадан̇ги’’нд̇и (махаава. 253) хи вуд̇д̇ам̣.

    351.Yānānīti vayhaṃ ratho sakaṭaṃ sandamānikādīni gilānassa abhiruhituṃ kappanti, siviko ca kappati. Evaṃ sabbattha. ‘‘Anujānāmi, bhikkhave, gilānassa yānaṃ, purisayuttaṃ hatthavaṭṭakaṃ, sivikaṃ pāṭaṅki’’nti (mahāva. 253) hi vuttaṃ.

    352. д̣̇аванд̇и гзл̣им̣. ‘‘на бхигкавз б̣уд̣̇д̇хам̣ ваа д̇хаммам̣ ваа сан̇гхам̣ ваа аараб̣бха д̣̇аво гаад̇аб̣б̣о. яо гарзяяа, аабад̇д̇и д̣̇уггадассаа’’д̇и (баажи. 627) хи вуд̇д̇ам̣. д̇асмаа ‘‘гим̣ б̣уд̣̇д̇хо силагаб̣уд̣̇д̇хо, уд̣̇ааху бадиб̣уд̣̇д̇хо’’д̇и ваа ‘‘гим̣ д̇хаммо г̇од̇хаммо аж̇ад̇хаммо’’д̇и ваа ‘‘гим̣ сан̇гхо аж̇асан̇гхо миг̇асан̇гхо’’д̇и ваа звамаад̣̇инаа наязна яо д̣̇авам̣ гарод̇и, д̇асса д̣̇уггаданд̇и взд̣̇ид̇аб̣б̣ам̣. ‘‘д̇умхаагам̣ жийварам̣ д̣̇ассаама, бад̇д̇ам̣ д̣̇ассаамаа’’д̇иаад̣̇инаа наязна сааман̣зрам̣ ваа убасамбаннам̣ ваа ан̃н̃асса анд̇амасо д̣̇уссийлассааби барисабхууд̇ам̣ ад̇д̇ано убадтаагагаран̣ад̇т̇ам̣ убалаал̣анз д̣̇уггаданд̇и ад̇т̇о. ‘‘на бхигкавз ан̃н̃асса барисаа абалаал̣зд̇аб̣б̣аа. яо абалаал̣зяяа, аабад̇д̇и д̣̇уггадассаа’’д̇и хи вуд̇д̇ам̣.

    352.Davanti keḷiṃ. ‘‘Na bhikkhave buddhaṃ vā dhammaṃ vā saṅghaṃ vā ārabbha davo kātabbo. Yo kareyya, āpatti dukkaṭassā’’ti (pāci. 627) hi vuttaṃ. Tasmā ‘‘kiṃ buddho silakabuddho, udāhu paṭibuddho’’ti vā ‘‘kiṃ dhammo godhammo ajadhammo’’ti vā ‘‘kiṃ saṅgho ajasaṅgho migasaṅgho’’ti vā evamādinā nayena yo davaṃ karoti, tassa dukkaṭanti veditabbaṃ. ‘‘Tumhākaṃ cīvaraṃ dassāma, pattaṃ dassāmā’’tiādinā nayena sāmaṇeraṃ vā upasampannaṃ vā aññassa antamaso dussīlassāpi parisabhūtaṃ attano upaṭṭhākakaraṇatthaṃ upalāḷane dukkaṭanti attho. ‘‘Na bhikkhave aññassa parisā apalāḷetabbā. Yo apalāḷeyya, āpatti dukkaṭassā’’ti hi vuttaṃ.

    353. гааяам̣ (жуул̣ава. 411) ваа уурум̣ ваа нимид̇д̇ам̣ ваа виварид̇ваа бхигкунийнам̣ на д̣̇ассаязд̇и самб̣анд̇хо. гад̣̇д̣̇амуд̣̇агаад̣̇инаа д̇аа бхигкунияо на син̃жзяяаад̇и ад̇т̇о. на гзвалам̣ гад̣̇д̣̇амуд̣̇агаад̣̇игзнзва, виббасаннауд̣̇агараж̇анагад̣̇д̣̇амаад̣̇ийсуби язна гзнажи осин̃жанд̇асса д̣̇уггадамзва.

    353. Kāyaṃ (cūḷava. 411) vā ūruṃ vā nimittaṃ vā vivaritvā bhikkhunīnaṃ na dassayeti sambandho. Kaddamudakādinā tā bhikkhuniyo na siñceyyāti attho. Na kevalaṃ kaddamudakādikeneva, vippasannaudakarajanakaddamādīsupi yena kenaci osiñcantassa dukkaṭameva.

    354. б̣ааланд̇и зд̇т̇а б̣аало наама яо оваад̣̇ам̣ г̇ахзд̇ваа баад̇имогкуд̣̇д̣̇зсагасса аарожзд̇ваа баадибад̣̇з бажжаахарид̇аб̣б̣анд̇и на ж̇аанаад̇и. г̇илаано наама яо оваад̣̇ам̣ г̇ахзд̇ваа убосат̇аг̇г̇ам̣ г̇анд̇ваа аарожзд̇ун̃жа бажжаахарид̇ун̃жа на саггод̇и. г̇амияо наама яо бадид̣̇зсам̣ г̇анд̇угаамо.

    354.Bālanti ettha bālo nāma yo ovādaṃ gahetvā pātimokkhuddesakassa ārocetvā pāṭipade paccāharitabbanti na jānāti. Gilāno nāma yo ovādaṃ gahetvā uposathaggaṃ gantvā ārocetuñca paccāharituñca na sakkoti. Gamiyo nāma yo paṭidesaṃ gantukāmo.

    ‘‘на бхигкавз оваад̣̇о на г̇ахзд̇аб̣б̣о. яо на г̇ан̣хзяяа, аабад̇д̇и д̣̇уггадассаа’’д̇и (жуул̣ава. 414) жа ‘‘ануж̇аанаами, бхигкавз, табзд̇ваа б̣аалам̣, табзд̇ваа г̇илаанам̣, табзд̇ваа г̇амигам̣, авасзсзхи оваад̣̇ам̣ г̇ахзд̇у’’нд̇и (жуул̣ава. 414) жа ‘‘на бхигкавз оваад̣̇о на бажжаахарид̇аб̣б̣о. яо на бажжаахарзяяа, аабад̇д̇и д̣̇уггадассаа’’д̇и (баажи. 415) жа вуд̇д̇ад̇д̇аа бхигкунийхи д̇зрасияам̣ ваа жаад̇уд̣̇д̣̇асияам̣ ваа ааг̇анд̇ваа ‘‘аяам̣ убосат̇о жаад̇уд̣̇д̣̇асо’’д̇и ваа ‘‘баннарасо’’д̇и ваа ‘‘гад̣̇аа аяяа убосат̇о’’д̇и ваа бужчид̇з ‘‘жаад̇уд̣̇д̣̇асо’’д̇и ваа ‘‘баннарасо’’д̇и ваа ‘‘свз бхаг̇ини убосат̇о’’д̇и ваа аажигкид̇аб̣б̣ам̣. д̇аахи бхигкунийхи убосат̇ад̣̇ивасз ааг̇анд̇ваа ‘‘бхигкунисан̇гхо аяяа бхигкусан̇гхасса баад̣̇з ванд̣̇ад̇и, оваад̣̇уубасан̇гаманан̃жа яаажад̇и, лабхад̇у гира аяяа бхигкунисан̇гхо оваад̣̇уубасан̇гамана’’нд̇и звам̣ яаажид̇аб̣б̣ам̣, д̇ам̣ важанам̣ бадиг̇г̇ахзд̇ваа убосат̇аг̇г̇з баад̇имогкуд̣̇д̣̇зсагасса ‘‘бхигкунисан̇гхо, бханд̇з, бхигкусан̇гхасса баад̣̇з ванд̣̇ад̇и, оваад̣̇уубасан̇гаманан̃жа яаажад̇и, лабхад̇у гира, бханд̇з, бхигкунисан̇гхо оваад̣̇уубасан̇гамана’’нд̇и аажигкид̇аб̣б̣ам̣. баад̇имогкуд̣̇д̣̇зсагзнааби сажз д̇ад̇т̇а бхигкуноваад̣̇аго ад̇т̇и, ‘‘ид̇т̇аннаамо бхигку бхигкуноваад̣̇аго саммад̇о, д̇ам̣ бхигкунисан̇гхо убасан̇гамад̇уу’’д̇и вад̇д̇аб̣б̣ам̣. сажз над̇т̇и, ‘‘го ааяасмаа уссахад̇и бхигкунияо овад̣̇ид̇у’’нд̇и бужчид̇ваа сажз ад̇т̇и адтахан̇г̇зхи саманнааг̇ад̇о бхигку, д̇ам̣ д̇ад̇т̇зва самманнид̇ваа вуд̇д̇анаязнзва оваад̣̇аббадиг̇г̇аахагасса аарожзд̇аб̣б̣ам̣. яад̣̇и над̇т̇и гожи бхигку бхигкуноваад̣̇аго саммад̇о, ‘‘баасаад̣̇игзна бхигкунисан̇гхо самбаад̣̇зд̇уу’’д̇и вад̇д̇аб̣б̣ам̣. д̇зна бхигкунаа ‘‘саад̇хуу’’д̇и самбадижчид̇ваа баадибад̣̇з бхигкунийнам̣ ‘‘над̇т̇и гожи бхигку бхигкуноваад̣̇аго саммад̇о, баасаад̣̇игзна бхигкунисан̇гхо самбаад̣̇зд̇уу’’д̇и вад̇д̇аб̣б̣ам̣. д̇аахиби ‘‘саад̇ху аяяаа’’д̇и самбадижчид̇аб̣б̣ам̣. иминаа наязна г̇ан̣абуг̇г̇алзсуби важанабхзд̣̇о взд̣̇ид̇аб̣б̣о.

    ‘‘Na bhikkhave ovādo na gahetabbo. Yo na gaṇheyya, āpatti dukkaṭassā’’ti (cūḷava. 414) ca ‘‘anujānāmi, bhikkhave, ṭhapetvā bālaṃ, ṭhapetvā gilānaṃ, ṭhapetvā gamikaṃ, avasesehi ovādaṃ gahetu’’nti (cūḷava. 414) ca ‘‘na bhikkhave ovādo na paccāharitabbo. Yo na paccāhareyya, āpatti dukkaṭassā’’ti (pāci. 415) ca vuttattā bhikkhunīhi terasiyaṃ vā cātuddasiyaṃ vā āgantvā ‘‘ayaṃ uposatho cātuddaso’’ti vā ‘‘pannaraso’’ti vā ‘‘kadā ayya uposatho’’ti vā pucchite ‘‘cātuddaso’’ti vā ‘‘pannaraso’’ti vā ‘‘sve bhagini uposatho’’ti vā ācikkhitabbaṃ. Tāhi bhikkhunīhi uposathadivase āgantvā ‘‘bhikkhunisaṅgho ayya bhikkhusaṅghassa pāde vandati, ovādūpasaṅkamanañca yācati, labhatu kira ayya bhikkhunisaṅgho ovādūpasaṅkamana’’nti evaṃ yācitabbaṃ, taṃ vacanaṃ paṭiggahetvā uposathagge pātimokkhuddesakassa ‘‘bhikkhunisaṅgho, bhante, bhikkhusaṅghassa pāde vandati, ovādūpasaṅkamanañca yācati, labhatu kira, bhante, bhikkhunisaṅgho ovādūpasaṅkamana’’nti ācikkhitabbaṃ. Pātimokkhuddesakenāpi sace tattha bhikkhunovādako atthi, ‘‘itthannāmo bhikkhu bhikkhunovādako sammato, taṃ bhikkhunisaṅgho upasaṅkamatū’’ti vattabbaṃ. Sace natthi, ‘‘ko āyasmā ussahati bhikkhuniyo ovaditu’’nti pucchitvā sace atthi aṭṭhahaṅgehi samannāgato bhikkhu, taṃ tattheva sammannitvā vuttanayeneva ovādappaṭiggāhakassa ārocetabbaṃ. Yadi natthi koci bhikkhu bhikkhunovādako sammato, ‘‘pāsādikena bhikkhunisaṅgho sampādetū’’ti vattabbaṃ. Tena bhikkhunā ‘‘sādhū’’ti sampaṭicchitvā pāṭipade bhikkhunīnaṃ ‘‘natthi koci bhikkhu bhikkhunovādako sammato, pāsādikena bhikkhunisaṅgho sampādetū’’ti vattabbaṃ. Tāhipi ‘‘sādhu ayyā’’ti sampaṭicchitabbaṃ. Iminā nayena gaṇapuggalesupi vacanabhedo veditabbo.

    355. логааяад̇ам̣ (жуул̣ава. 286; жуул̣ава. адта. 286) наама вид̇ан̣д̣асад̇т̇ам̣. ‘‘на бхигкавз аасид̇д̇агуубад̇хаанз бхун̃ж̇ид̇аб̣б̣ам̣. яо бхун̃ж̇зяяа, аабад̇д̇и д̣̇уггадассаа’’д̇и (жуул̣ава. 264) вуд̇д̇ад̇д̇аа ‘‘бзл̣ааяаби на бхун̃ж̇зяяаа’’д̇и вуд̇д̇ам̣.

    355.Lokāyataṃ (cūḷava. 286; cūḷava. aṭṭha. 286) nāma vitaṇḍasatthaṃ. ‘‘Na bhikkhave āsittakūpadhāne bhuñjitabbaṃ. Yo bhuñjeyya, āpatti dukkaṭassā’’ti (cūḷava. 264) vuttattā ‘‘peḷāyapi na bhuñjeyyā’’ti vuttaṃ.

    356. г̇ихибааруд̇ам̣ на баарубзяяа, г̇ихиниваасанам̣ на ниваасзяяаад̇и ад̇т̇о. ‘‘на бхигкавз г̇ихинивад̇т̇ам̣ ниваасзд̇аб̣б̣ам̣ хад̇т̇исон̣д̣агам̣ мажчаваал̣агам̣ жад̇уган̣н̣агам̣ д̇аалаван̣дагам̣ сад̇авалигам̣. яо ниваасзяяа, аабад̇д̇и д̣̇уггадассаа’’д̇и (жуул̣ава. 280) хи вуд̇д̇ам̣. бариман̣д̣алад̇о ан̃н̃ат̇аа баарубанам̣, саб̣б̣амзд̇ам̣ г̇ихибааруд̇ам̣ наама. д̇ам̣ бана на баарубзд̇аб̣б̣анд̇и ад̇т̇о. сам̣взллияанд̇и зд̇т̇а гажчам̣ б̣анд̇хид̇ваа на ниваасзяяаад̇и ад̇т̇о. д̣̇ааяанд̇и (жуул̣ава. 283; жуул̣ава. адта. 283) аран̃н̃ам̣. наалимбаязяяаад̇и самб̣анд̇хо.

    356. Gihipārutaṃ na pārupeyya, gihinivāsanaṃ na nivāseyyāti attho. ‘‘Na bhikkhave gihinivatthaṃ nivāsetabbaṃ hatthisoṇḍakaṃ macchavāḷakaṃ catukaṇṇakaṃ tālavaṇṭakaṃ satavalikaṃ. Yo nivāseyya, āpatti dukkaṭassā’’ti (cūḷava. 280) hi vuttaṃ. Parimaṇḍalato aññathā pārupanaṃ, sabbametaṃ gihipārutaṃ nāma. Taṃ pana na pārupetabbanti attho. Saṃvelliyanti ettha kacchaṃ bandhitvā na nivāseyyāti attho. Dāyanti (cūḷava. 283; cūḷava. aṭṭha. 283) araññaṃ. Nālimpayeyyāti sambandho.

    357. вад̣дхин̃жа на баяож̇аяз, нон̃аад̇агз наббаваарид̇з на яаажзд̇и ад̇т̇о. ан̃н̃ассаад̇и зд̇т̇а (жуул̣ава. 420; жуул̣ава. адта. 420) ‘‘д̇умхз барибхун̃ж̇ат̇аа’’д̇и нияамзд̇ваа д̣̇иннам̣ сахад̇хаммигаанамби д̣̇аад̇ум̣ на ваддад̇и. аг̇г̇ам̣ г̇ахзд̇ваа ваа гад̇ибаахам̣ бхуд̇ваа ваа буна д̣̇ад̣̇зяяаад̇и ад̇т̇о.

    357. Vaḍḍhiñca na payojaye, noñātake nappavārite na yāceti attho. Aññassāti ettha (cūḷava. 420; cūḷava. aṭṭha. 420) ‘‘tumhe paribhuñjathā’’ti niyametvā dinnaṃ sahadhammikānampi dātuṃ na vaṭṭati. Aggaṃ gahetvā vā katipāhaṃ bhutvā vā puna dadeyyāti attho.

    358. уд̣̇д̣̇исса яаажанзд̇и зд̇т̇а (баажи. адта. 679) ‘‘амхаагам̣ вихаарз ид̇т̇аннаамзна ид̣̇ан̃жид̣̇ан̃жа гад̇а’’нд̇и ваа ‘‘гариссанд̇ий’’д̇и ваа звам̣ уд̣̇д̣̇исса рагкам̣ яаажанзд̇и ад̇т̇о. н̃ад̇ваан̃ад̇ваа ваад̇и звам̣ ‘‘амхзхи яаажияамаанаа имзсам̣ д̣̇ан̣д̣зссанд̇ий’’д̇и д̇зсам̣ д̣̇ан̣д̣инам̣ н̃ад̇ваа ваа ан̃ад̇ваа ваад̇и ад̇т̇о. д̇зхи бана д̣̇ан̣д̣ид̇з со д̣̇ан̣д̣о уд̣̇д̣̇исса яаажанд̇аанам̣ г̇ийваава бхан̣д̣ад̣̇зяяам̣ ход̇и зваад̇и ад̇т̇о. ‘‘иминаа жа иминаа жа ид̣̇ан̃жа ид̣̇ан̃жа гад̇ам̣, зд̇д̇агам̣ д̣̇ан̣д̣ам̣ г̇ан̣хат̇аа’’д̇и саяам̣ д̣̇ан̣д̣аабанз бана асса д̣̇ан̣д̣асса аг̇гхабхзд̣̇зна баарааж̇игат̇уллажжаяад̣̇уггадаа н̃зяяаад̇и ад̇т̇о.

    358.Uddissa yācaneti ettha (pāci. aṭṭha. 679) ‘‘amhākaṃ vihāre itthannāmena idañcidañca kata’’nti vā ‘‘karissantī’’ti vā evaṃ uddissa rakkhaṃ yācaneti attho. Ñatvāñatvā vāti evaṃ ‘‘amhehi yāciyamānā imesaṃ daṇḍessantī’’ti tesaṃ daṇḍinaṃ ñatvā vā añatvā vāti attho. Tehi pana daṇḍite so daṇḍo uddissa yācantānaṃ gīvāva bhaṇḍadeyyaṃ hoti evāti attho. ‘‘Iminā ca iminā ca idañca idañca kataṃ, ettakaṃ daṇḍaṃ gaṇhathā’’ti sayaṃ daṇḍāpane pana assa daṇḍassa agghabhedena pārājikathullaccayadukkaṭā ñeyyāti attho.

    359. анад̇т̇ааяа асса жорасса бхаасид̇зд̇и самб̣анд̇хо. рааж̇арааж̇амахаамад̇д̇аад̣̇ийхи д̇асса жорасса д̣̇ан̣д̣ам̣ г̇ан̣ханд̇з асса бхигкусса д̇ад̇д̇агам̣ г̇ийваад̇и ад̇т̇о.

    359. Anatthāya assa corassa bhāsiteti sambandho. Rājarājamahāmattādīhi tassa corassa daṇḍaṃ gaṇhante assa bhikkhussa tattakaṃ gīvāti attho.

    360. вигхаасам̣ (баажи. 825-826) ваа ужжаарам̣ ваа сан̇гаарам̣ ваа муд̇д̇ам̣ ваа баагаарагуддаанам̣ б̣ахи чад̣д̣зяяа, д̣̇уггаданд̇и ад̇т̇о. вал̣ан̃ж̇з наавалогияаад̇и иминаава авал̣ан̃ж̇анагаалз наавалогзд̇ваа чад̣д̣зд̇ум̣ ваддад̇ийд̇и д̣̇ийбзд̇и. на гзвалам̣ д̇ад̇т̇зва, ат̇а ко харид̇з вааби вийхаад̣̇инаал̣игзраад̣̇иробимз чад̣д̣знд̇асса д̣̇уггадамзваад̇и ад̇т̇о.

    360. Vighāsaṃ (pāci. 825-826) vā uccāraṃ vā saṅkāraṃ vā muttaṃ vā pākārakuṭṭānaṃ bahi chaḍḍeyya, dukkaṭanti attho. Vaḷañje nāvalokiyāti imināva avaḷañjanakāle nāvaloketvā chaḍḍetuṃ vaṭṭatīti dīpeti. Na kevalaṃ tattheva, atha kho harite vāpi vīhādināḷikerādiropime chaḍḍentassa dukkaṭamevāti attho.

    361. ‘‘убахаарам̣ гаромаа’’д̇и вуд̇д̇зд̇и бужчид̇зд̇и ад̇хиббааяо.

    361.‘‘Upahāraṃ karomā’’ti vutteti pucchiteti adhippāyo.

    362. гийл̣ад̇т̇ам̣ (баажи. 979; баажи. адта. 978) гад̇ам̣ рааж̇ааг̇аарам̣ ваа богкаран̣им̣ ваа уяяаанам̣ ваа жид̇д̇ааг̇аарам̣ ваа аараамам̣ ваа д̣̇адтум̣ г̇ажчад̇о бад̣̇з бад̣̇з д̣̇уггаданд̇и ад̇т̇о.

    362. Kīḷatthaṃ (pāci. 979; pāci. aṭṭha. 978) kataṃ rājāgāraṃ vā pokkharaṇiṃ vā uyyānaṃ vā cittāgāraṃ vā ārāmaṃ vā daṭṭhuṃ gacchato pade pade dukkaṭanti attho.

    363. аасанзна (жуул̣ава. 364) навз на бадиб̣аахзяяа, ун̣хз (махаава. 67, 78, 79; жуул̣ава. 376, 378, 380, 382) жийварам̣ на нид̣̇ахзяяа. г̇урунаад̇и аажарияаад̣̇инаа бан̣аамид̇о камаабзяяаад̇и самб̣анд̇хо.

    363. Āsanena (cūḷava. 364) nave na paṭibāheyya, uṇhe (mahāva. 67, 78, 79; cūḷava. 376, 378, 380, 382) cīvaraṃ na nidaheyya. Gurunāti ācariyādinā paṇāmito khamāpeyyāti sambandho.

    364. аабад̇д̇ийхи жа сад̇д̇ахийд̇и (важ̇ира. дий. баажид̇д̇ияа 26) сад̇д̇ахи аабад̇д̇ийхи бхигкум̣ бараммукаа аггосанзна жа ‘‘ассад̣̇д̇хо аббасанно б̣ийж̇абхож̇ий’’д̇иаад̣̇инаа ан̃н̃знзва ваа аггосанзна жа д̣̇уггаданд̇и ад̇хиббааяо.

    364.Āpattīhi ca sattahīti (vajira. ṭī. pācittiya 26) sattahi āpattīhi bhikkhuṃ parammukhā akkosanena ca ‘‘assaddho appasanno bījabhojī’’tiādinā aññeneva vā akkosanena ca dukkaṭanti adhippāyo.

    365. сад̣̇д̇хаад̣̇зяяам̣ (махаава. адта. 361) жийварам̣ ваа бин̣д̣абаад̇ам̣ ваад̇и ад̇т̇о. ‘‘на бхигкавз сад̣̇д̇хаад̣̇зяяам̣ винибаад̇зд̇аб̣б̣ам̣. яо винибаад̇зяяа, аабад̇д̇и д̣̇уггадассаа’’д̇и (махаава. 361) хи вуд̇д̇ам̣. ‘‘ануж̇аанаами, бхигкавз, маад̇аабид̇уунам̣ д̣̇аад̇у’’нд̇и (махаава. 361) вуд̇д̇ад̇д̇аа ‘‘лаб̣бхам̣ бид̇ууна’’нд̇и вуд̇д̇ам̣.

    365. Saddhādeyyaṃ (mahāva. aṭṭha. 361) cīvaraṃ vā piṇḍapātaṃ vāti attho. ‘‘Na bhikkhave saddhādeyyaṃ vinipātetabbaṃ. Yo vinipāteyya, āpatti dukkaṭassā’’ti (mahāva. 361) hi vuttaṃ. ‘‘Anujānāmi, bhikkhave, mātāpitūnaṃ dātu’’nti (mahāva. 361) vuttattā ‘‘labbhaṃ pitūna’’nti vuttaṃ.

    366. вассам̣вуд̇т̇о ан̃н̃ад̇раад̇и самб̣анд̇хо, ан̃н̃асмим̣ вихаарзд̇и ад̇т̇о. ан̃н̃ад̇од̇и ан̃н̃авихаарад̇о. ‘‘на бхигкавз ан̃н̃ад̇ра вассам̣вуд̇т̇зна ан̃н̃ад̇ра жийварабхааг̇о саад̣̇ид̇аб̣б̣о. яо саад̣̇иязяяа, аабад̇д̇и д̣̇уггадассаа’’д̇и (махаава. 364) хи вуд̇д̇ам̣. д̇зсанд̇и д̇асмим̣ вихаарз д̇ам̣ жийварам̣ бхааж̇зд̇ваа г̇ан̣хид̇ум̣ яуд̇д̇аанам̣ бхигкуунам̣ д̇хуранигкзбад̇о ход̇и бхан̣д̣аг̇гхзна гаарияод̇и ад̇т̇о.

    366. Vassaṃvuttho aññatrāti sambandho, aññasmiṃ vihāreti attho. Aññatoti aññavihārato. ‘‘Na bhikkhave aññatra vassaṃvutthena aññatra cīvarabhāgo sāditabbo. Yo sādiyeyya, āpatti dukkaṭassā’’ti (mahāva. 364) hi vuttaṃ. Tesanti tasmiṃ vihāre taṃ cīvaraṃ bhājetvā gaṇhituṃ yuttānaṃ bhikkhūnaṃ dhuranikkhepato hoti bhaṇḍagghena kāriyoti attho.

    367. саха анд̇арзна уд̇д̇арод̇и санд̇аруд̇д̇аро, г̇аамам̣ на бависзяяаад̇и ад̇т̇о. ‘‘на бхигкавз санд̇аруд̇д̇арзна г̇аамо бависид̇аб̣б̣о. яо бависзяяа, аабад̇д̇и д̣̇уггадассаа’’д̇и (махаава. 362) хи вуд̇д̇ам̣. галло ваад̇и аг̇илаано. саубаахано г̇аамам̣ на бависзяяаад̇и самб̣анд̇хо. ‘‘на бхигкавз жаамариб̣ийж̇аний д̇хаарзд̇аб̣б̣аа. яо д̇хаарзяяа, аабад̇д̇и д̣̇уггадассаа’’д̇и (жуул̣ава. 269), ‘‘ануж̇аанаами, бхигкавз, д̇иссо б̣ийж̇анияо ваагамаяам̣ усийрамаяам̣ морабин̃чамаяа’’нд̇и (жуул̣ава. 269) жа вуд̇д̇ад̇д̇аа ‘‘на д̇хаарзяяа жаамариймагасаб̣ийж̇ани’’нд̇и вуд̇д̇ам̣. магасаб̣ийж̇аний бана д̣̇анд̇ависаан̣ад̣̇ааруд̣̇ан̣д̣агааби ваддад̇и.

    367. Saha antarena uttaroti santaruttaro, gāmaṃ na paviseyyāti attho. ‘‘Na bhikkhave santaruttarena gāmo pavisitabbo. Yo paviseyya, āpatti dukkaṭassā’’ti (mahāva. 362) hi vuttaṃ. Kallo vāti agilāno. Saupāhano gāmaṃ na paviseyyāti sambandho. ‘‘Na bhikkhave cāmaribījanī dhāretabbā. Yo dhāreyya, āpatti dukkaṭassā’’ti (cūḷava. 269), ‘‘anujānāmi, bhikkhave, tisso bījaniyo vākamayaṃ usīramayaṃ morapiñchamaya’’nti (cūḷava. 269) ca vuttattā ‘‘na dhāreyya cāmarīmakasabījani’’nti vuttaṃ. Makasabījanī pana dantavisāṇadārudaṇḍakāpi vaṭṭati.

    368. аараамад̇о б̣ахийд̇и самб̣анд̇хо. ‘‘на бхигкавз чад̇д̇ам̣ д̇хаарзд̇аб̣б̣ам̣. яо д̇хаарзяяа, аабад̇д̇и д̣̇уггадассаа’’д̇и, ‘‘ануж̇аанаами, бхигкавз, г̇илаанасса чад̇д̇а’’нд̇и жа вуд̇д̇ад̇д̇аа аг̇илаано аараамад̇о б̣ахи на лабхад̇и, жийвараг̇уд̇д̇ияаад̣̇иад̇т̇ааяа аг̇илааноби лабхад̇ийд̇и ад̇т̇о.

    368. Ārāmato bahīti sambandho. ‘‘Na bhikkhave chattaṃ dhāretabbaṃ. Yo dhāreyya, āpatti dukkaṭassā’’ti, ‘‘anujānāmi, bhikkhave, gilānassa chatta’’nti ca vuttattā agilāno ārāmato bahi na labhati, cīvaraguttiyādiatthāya agilānopi labhatīti attho.

    369. г̇аахзяяа нубхад̇огааж̇анд̇и на г̇аахзяяа убхад̇огааж̇ам̣. зганд̇аригагааж̇аганд̇и згад̇огааж̇ан̃жа анд̇арагааж̇ан̃жа . сийсабхааро жа канд̇хабхааро жа гадибхааро жа сийсагканд̇хагадибхаараа. ‘‘на бхигкавз убхад̇огааж̇ам̣ харид̇аб̣б̣ам̣. яо харзяяа, аабад̇д̇и д̣̇уггадассаа’’д̇и (жуул̣ава. 281), ‘‘ануж̇аанаами, бхигкавз, згад̇огааж̇ам̣ анд̇арагааж̇ам̣ сийсабхаарам̣ канд̇хабхаарам̣ гадибхаарам̣ оламб̣ага’’нд̇и (жуул̣ава. 281) жа вуд̇д̇ад̇д̇аа убхад̇огааж̇амзва на ваддад̇и, сзсаани вадданд̇ийд̇и взд̣̇ид̇аб̣б̣аа.

    369.Gāheyya nubhatokājanti na gāheyya ubhatokājaṃ. Ekantarikakājakanti ekatokājañca antarakājañca . Sīsabhāro ca khandhabhāro ca kaṭibhāro ca sīsakkhandhakaṭibhārā. ‘‘Na bhikkhave ubhatokājaṃ haritabbaṃ. Yo hareyya, āpatti dukkaṭassā’’ti (cūḷava. 281), ‘‘anujānāmi, bhikkhave, ekatokājaṃ antarakājaṃ sīsabhāraṃ khandhabhāraṃ kaṭibhāraṃ olambaka’’nti (cūḷava. 281) ca vuttattā ubhatokājameva na vaṭṭati, sesāni vaṭṭantīti veditabbā.

    370. аногаасагад̇анд̇и (махаава. 153) яо батамамзва ‘‘гарохи мз аавусо огаасам̣, ахам̣ д̇ам̣ вад̇д̇угаамо’’д̇и звам̣ агад̇огаасам̣ аабад̇д̇ияаа жод̣̇зяяа, д̇асса д̣̇уггадам̣ ход̇ийд̇и ад̇т̇о. д̇ат̇аад̇и д̣̇уггадамзваад̇и ад̇т̇о.

    370.Anokāsakatanti (mahāva. 153) yo paṭhamameva ‘‘karohi me āvuso okāsaṃ, ahaṃ taṃ vattukāmo’’ti evaṃ akatokāsaṃ āpattiyā codeyya, tassa dukkaṭaṃ hotīti attho. Tathāti dukkaṭamevāti attho.

    371. багад̇ан̇г̇улзна, на суг̇ад̇ан̇г̇улзнаад̇и ад̇т̇о.

    371.Pakataṅgulena, na sugataṅgulenāti attho.

    372. мууг̇аб̣б̣ад̇аад̣̇им̣ (махаава. 209; махаава. адта. 209) д̇ид̇т̇ияаб̣б̣ад̇ам̣ яад̣̇и г̇ан̣хзяяа, д̣̇уггаданд̇и ад̇т̇о. аад̣̇и-сад̣̇д̣̇зна г̇овад̇агуггуравад̇аад̣̇аяо сан̇г̇ахид̇аа. д̇ат̇аад̇и (махаава. 303; махаава. адта. 303) нхаабид̇абуб̣б̣аго курабхан̣д̣ам̣ яад̣̇и барихарзяяа, д̣̇уггадамзваад̇и ад̇т̇о.

    372. Mūgabbatādiṃ (mahāva. 209; mahāva. aṭṭha. 209) titthiyabbataṃ yadi gaṇheyya, dukkaṭanti attho. Ādi-saddena govatakukkuravatādayo saṅgahitā. Tathāti (mahāva. 303; mahāva. aṭṭha. 303) nhāpitapubbako khurabhaṇḍaṃ yadi parihareyya, dukkaṭamevāti attho.

    373. яам̣ гин̃жийд̇и (ган̇каа. адта. гудигаарасигкаабад̣̇аван̣н̣анаа) нхаабид̇ад̇ун̣н̣агаарагаммаад̣̇и яам̣ гин̃жи хад̇т̇агамманд̇и ад̇т̇о. д̇ад̣̇анусаарад̇од̇и хад̇т̇агаммаяаажанаанусаарад̇од̇и ад̇т̇о. сажз звам̣ яаажад̇о хад̇т̇агаммамууламзва д̣̇зд̇и, д̇ам̣ ан̃н̃асса д̣̇аабзд̇ваа гаарзд̇ум̣ ваддад̇ийд̇и ад̇т̇о. ниггаммам̣ бана хад̇т̇агаммавасзна аяаажид̇вааби ‘‘зхи имам̣ гарохий’’д̇и гаарзд̇ум̣ габбад̇ийд̇и ад̇т̇о. яам̣ гин̃жибарасанд̇аганд̇и яам̣ гин̃жи д̣̇ааруд̇ин̣аад̣̇игам̣ абарасанд̇агам̣ абариг̇г̇ахид̇ам̣ аахараабзд̇ум̣ габбад̇ийд̇и ад̇хиббааяо.

    373.Yaṃ kiñcīti (kaṅkhā. aṭṭha. kuṭikārasikkhāpadavaṇṇanā) nhāpitatuṇṇakārakammādi yaṃ kiñci hatthakammanti attho. Tadanusāratoti hatthakammayācanānusāratoti attho. Sace evaṃ yācato hatthakammamūlameva deti, taṃ aññassa dāpetvā kāretuṃ vaṭṭatīti attho. Nikkammaṃ pana hatthakammavasena ayācitvāpi ‘‘ehi imaṃ karohī’’ti kāretuṃ kappatīti attho. Yaṃ kiñciparasantakanti yaṃ kiñci dārutiṇādikaṃ aparasantakaṃ apariggahitaṃ āharāpetuṃ kappatīti adhippāyo.

    374. г̇ихийнанд̇и г̇ихийнам̣ санд̇агам̣. г̇обагзд̇и рагкагз. яад̇д̇агам̣ д̣̇зд̇и, д̇ад̇д̇агам̣ г̇ахзд̇ум̣ габбад̇ийд̇и ад̇т̇о. яат̇аабарижчзд̣̇анд̇и ‘‘д̣̇ивасз д̣̇ивасз зд̇д̇агам̣ ужчунаал̣игзрам̣ амб̣абаггам̣ д̇умхз каад̣̇ат̇аа’’д̇и барижчинд̣̇ид̇ваа д̣̇иннамзва д̇зсу д̣̇знд̇зсу лаб̣бхад̇ийд̇и ад̇т̇о.

    374.Gihīnanti gihīnaṃ santakaṃ. Gopaketi rakkhake. Yattakaṃ deti, tattakaṃ gahetuṃ kappatīti attho. Yathāparicchedanti ‘‘divase divase ettakaṃ ucchunāḷikeraṃ ambapakkaṃ tumhe khādathā’’ti paricchinditvā dinnameva tesu dentesu labbhatīti attho.

    375. д̣̇вихаабаж̇ж̇зяяаад̇и д̣̇вийхи аабаж̇ж̇зяяа. гад̇амзхи д̣̇вийхийд̇и жз, д̇з д̣̇ассзд̇ум̣ ‘‘гааяаваажаахий’’д̇и вуд̇д̇ам̣, ‘‘д̣̇вийхаагаарзхи аабад̇д̇им̣ аабаж̇ж̇ад̇и, гааязна аабаж̇ж̇ад̇и, ваажааяа аабаж̇ж̇ад̇ий’’д̇и (бари. 322) хи вуд̇д̇ам̣. гааяаваажаахи аабад̇д̇им̣ аабаж̇ж̇анд̇о жа чахи аагаарзхи аабад̇д̇им̣ аабаж̇ж̇ад̇и, д̇аани д̣̇ассзд̇ум̣ ‘‘алаж̇ж̇ин̃аан̣агуггужжабагад̇ад̇д̇аа’’д̇иаад̣̇имааха. зд̇т̇а (бари. 295) бана агаббияабхаавам̣ ж̇аананд̇о зва вийд̇иггамам̣ гаронд̇о алаж̇ж̇ид̇ааяа аабаж̇ж̇ад̇и наама. габбияаагаббияам̣ аж̇аанид̇ваа аабаж̇ж̇анд̇о ан̃н̃аан̣ад̇ааяа. габбияам̣ ну ко, но ну ко’’д̇и сам̣саяз уббаннз д̇амабхивид̇арид̇ваа вийд̇иггамам̣ гаронд̇о гуггужжабагад̇ад̇д̇аа аабаж̇ж̇ад̇и. сахасзяяаад̣̇им̣ аабаж̇ж̇анд̇о сад̇иблаваа, сад̇исаммосаад̇и ад̇т̇о. ажчамам̣сам̣ ‘‘суугарамам̣са’’нд̇и ваа суугарамам̣сам̣ ‘‘ажчамам̣са’’нд̇и ваа каад̣̇анд̇о агаббияз габбияасан̃н̃ид̇ааяа жа габбияз агаббияасан̃н̃ид̇ааяа жа аабаж̇ж̇ад̇ийд̇и взд̣̇ид̇аб̣б̣о.

    375.Dvihāpajjeyyāti dvīhi āpajjeyya. Katamehi dvīhīti ce, te dassetuṃ ‘‘kāyavācāhī’’ti vuttaṃ, ‘‘dvīhākārehi āpattiṃ āpajjati, kāyena āpajjati, vācāya āpajjatī’’ti (pari. 322) hi vuttaṃ. Kāyavācāhi āpattiṃ āpajjanto ca chahi ākārehi āpattiṃ āpajjati, tāni dassetuṃ ‘‘alajjiñāṇakukkuccapakatattā’’tiādimāha. Ettha (pari. 295) pana akappiyabhāvaṃ jānanto eva vītikkamaṃ karonto alajjitāya āpajjati nāma. Kappiyākappiyaṃ ajānitvā āpajjanto aññāṇatāya. Kappiyaṃ nu kho, no nu kho’’ti saṃsaye uppanne tamabhivitaritvā vītikkamaṃ karonto kukkuccapakatattā āpajjati. Sahaseyyādiṃ āpajjanto satiplavā, satisammosāti attho. Acchamaṃsaṃ ‘‘sūkaramaṃsa’’nti vā sūkaramaṃsaṃ ‘‘acchamaṃsa’’nti vā khādanto akappiye kappiyasaññitāya ca kappiye akappiyasaññitāya ca āpajjatīti veditabbo.

    376. алаж̇ж̇ид̇ааяа ваа ан̃н̃аан̣ад̇ааяа ваа аабад̇д̇им̣ гааяаваажаахи чаад̣̇аязд̇и ад̇т̇о. згз ваа згасмим̣ ваа. лин̇г̇зд̇и лин̇г̇абаривад̇д̇анад̇о. звам̣ жад̇уд̇хаа аабад̇д̇ивудтаанам̣ ход̇ийд̇и ад̇т̇о. д̇ин̣авад̇т̇аарагасамат̇ааб̣бхаанаад̣̇ийнам̣ васзна сан̇гхз аабад̇д̇и вудтаад̇ийд̇и взд̣̇ид̇аб̣б̣ам̣ ниссаж̇ж̇анаад̣̇ийсу г̇ан̣з. згасса санд̇игз вудтаанам̣ баагадамзва. ‘‘яаа аабад̇д̇ияо бхигкуунам̣ бхигкунийхи асаад̇хааран̣аа, д̇аахи аабад̇д̇ийхи анаабад̇д̇ий’’д̇и (баараа. 69) важанад̇о лин̇г̇абаривад̇д̇анз аабад̇д̇ивудтаанам̣ н̃аад̇аб̣б̣ам̣.

    376. Alajjitāya vā aññāṇatāya vā āpattiṃ kāyavācāhi chādayeti attho. Eke vā ekasmiṃ vā. Liṅgeti liṅgaparivattanato. Evaṃ catudhā āpattivuṭṭhānaṃ hotīti attho. Tiṇavatthārakasamathaabbhānādīnaṃ vasena saṅghe āpatti vuṭṭhātīti veditabbaṃ nissajjanādīsu gaṇe. Ekassa santike vuṭṭhānaṃ pākaṭameva. ‘‘Yā āpattiyo bhikkhūnaṃ bhikkhunīhi asādhāraṇā, tāhi āpattīhi anāpattī’’ti (pārā. 69) vacanato liṅgaparivattane āpattivuṭṭhānaṃ ñātabbaṃ.

    377. бажжаяад̣̇ваязд̇и жийварз жа бин̣д̣абаад̇з жа. на гзвалан̃жа имз зва, нимид̇д̇агаммамби на лаб̣бхад̇зва, г̇аат̇ааб̣анд̇хасукад̇т̇ам̣ бана на вуд̇д̇ам̣. д̇ад̇т̇а нимид̇д̇агаммам̣ наама яам̣ гин̃жи барзсам̣ бажжаяад̣̇аанасам̣яож̇анагам̣ гааяаважийгаммам̣. каад̣̇анийяам̣ г̇ахзд̇ваа г̇ажчанд̇з д̣̇исваа ‘‘гим̣ каад̣̇анийяам̣ лабхид̇т̇аа’’д̇иаад̣̇инаа наязна д̇асса бавад̇д̇и взд̣̇ид̇аб̣б̣аа. баригат̇аа наама яат̇аа яат̇аа д̇ам̣ лабхад̇и, д̇ат̇аа д̇ат̇аа баривад̇д̇зд̇ваа гат̇анам̣. ‘‘зд̇арахи бхигкуу бин̣д̣абаад̇зна гиламанд̇ий’’д̇иаад̣̇инаа наязна д̇асса бавад̇д̇и взд̣̇ид̇аб̣б̣аа. обхаасо наама бажжаяаббадисам̣яуд̇д̇агат̇аа. вин̃н̃ад̇д̇и бана баагадаа зва. д̇ад̇иязд̇и сзнаасанз. сзнаасанз бана нимид̇д̇обхаасабаригат̇аа вадданд̇и, вин̃н̃ад̇д̇и зва згаа на ваддад̇и. д̇ад̇т̇а нимид̇д̇агаммам̣ наама убаасагз д̣̇исваа сзнаасанад̇т̇ам̣ бхуумибаригаммагаран̣аад̣̇и. обхаасо наама ‘‘убаасагаа, д̇умхз гухим̣ васат̇аа’’д̇и ‘‘баасаад̣̇з, бханд̇з’’д̇и вуд̇д̇з ‘‘гим̣ бхигкуунам̣ баасаад̣̇о на ваддад̇ий’’д̇иаад̣̇игам̣ важанам̣. баригат̇аа наама ‘‘бхигкуунам̣ сзнаасанам̣ самб̣аад̇ха’’нд̇и важанам̣. сзсзд̇и г̇илаанабажжаяз.

    377.Paccayadvayeti cīvare ca piṇḍapāte ca. Na kevalañca ime eva, nimittakammampi na labbhateva, gāthābandhasukhatthaṃ pana na vuttaṃ. Tattha nimittakammaṃ nāma yaṃ kiñci paresaṃ paccayadānasaṃyojanakaṃ kāyavacīkammaṃ. Khādanīyaṃ gahetvā gacchante disvā ‘‘kiṃ khādanīyaṃ labhitthā’’tiādinā nayena tassa pavatti veditabbā. Parikathā nāma yathā yathā taṃ labhati, tathā tathā parivattetvā kathanaṃ. ‘‘Etarahi bhikkhū piṇḍapātena kilamantī’’tiādinā nayena tassa pavatti veditabbā. Obhāso nāma paccayappaṭisaṃyuttakathā. Viññatti pana pākaṭā eva. Tatiyeti senāsane. Senāsane pana nimittobhāsaparikathā vaṭṭanti, viññatti eva ekā na vaṭṭati. Tattha nimittakammaṃ nāma upāsake disvā senāsanatthaṃ bhūmiparikammakaraṇādi. Obhāso nāma ‘‘upāsakā, tumhe kuhiṃ vasathā’’ti ‘‘pāsāde, bhante’’ti vutte ‘‘kiṃ bhikkhūnaṃ pāsādo na vaṭṭatī’’tiādikaṃ vacanaṃ. Parikathā nāma ‘‘bhikkhūnaṃ senāsanaṃ sambādha’’nti vacanaṃ. Seseti gilānapaccaye.

    378. на рухад̇ийд̇и на ход̇и. ажжаяз д̣̇аананд̇и ажжаяад̣̇аанам̣. бан̃жасу сахад̇хаммигзсу язна гзнажи гаалам̣ гаронд̇зна ‘‘мамажжаязна маяхам̣ баригкааро убаж̇жхааяасса ход̇у, аажарияасса ход̇у, ан̃н̃асса ваа гассажи ход̇уу’’д̇и вуд̇д̇з д̇зсам̣ на ход̇и, д̇асмаа вуд̇д̇ам̣ ‘‘на рухад̇ий’’д̇и. сан̇гхассзва жа д̇ам̣ ход̇ийд̇и яад̣̇и бхигкусааман̣зрзхи звам̣ вуд̇д̇ам̣, д̇асмим̣ мад̇зби бхигкусан̇гхассзва ход̇и, бхигкунисигкамаанасааман̣зрийхи жз вуд̇д̇ам̣, д̇асмим̣ мад̇з бхигкунисан̇гхасса д̇ам̣ ход̇ийд̇и ад̇т̇о. г̇ихийнам̣ бана руухад̇ийд̇и г̇ихийнам̣ бана ажжаяад̣̇аанам̣ зва саб̣б̣зсам̣ рухад̇ийд̇и вуд̇д̇ам̣ ход̇и.

    378.Na ruhatīti na hoti. Accaye dānanti accayadānaṃ. Pañcasu sahadhammikesu yena kenaci kālaṃ karontena ‘‘mamaccayena mayhaṃ parikkhāro upajjhāyassa hotu, ācariyassa hotu, aññassa vā kassaci hotū’’ti vutte tesaṃ na hoti, tasmā vuttaṃ ‘‘na ruhatī’’ti. Saṅghasseva ca taṃ hotīti yadi bhikkhusāmaṇerehi evaṃ vuttaṃ, tasmiṃ matepi bhikkhusaṅghasseva hoti, bhikkhunisikkhamānasāmaṇerīhi ce vuttaṃ, tasmiṃ mate bhikkhunisaṅghassa taṃ hotīti attho. Gihīnaṃ pana rūhatīti gihīnaṃ pana accayadānaṃ eva sabbesaṃ ruhatīti vuttaṃ hoti.

    379. убассаязд̇и бхигкунивихаарз. д̣̇ааяаж̇ж̇од̇и д̇асса баригкаарасса д̣̇ааяаж̇ж̇о. сзсзбийд̇и сажз бхигкунисигкамаанасааман̣зрияо бхигкувихаарз гаалам̣ гаронд̇и, д̇аасам̣ баригкаараанам̣ бхигкусан̇гхова д̣̇ааяаж̇ж̇од̇и ад̇т̇о.

    379.Upassayeti bhikkhunivihāre. Dāyajjoti tassa parikkhārassa dāyajjo. Sesepīti sace bhikkhunisikkhamānasāmaṇeriyo bhikkhuvihāre kālaṃ karonti, tāsaṃ parikkhārānaṃ bhikkhusaṅghova dāyajjoti attho.

    380. буримассзваад̇и зд̇т̇а ‘‘имам̣ баригкаарам̣ нзд̇ваа асугасса д̣̇зхий’’д̇и д̣̇иннам̣ буримассзва ход̇ийд̇и ад̇т̇о. ‘‘асугасса д̣̇аммий’’д̇и д̣̇иннам̣ бана бажчимассзва ход̇и барижжаж̇ид̇ваа д̣̇иннад̇д̇аа. имам̣ вид̇хим̣ н̃ад̇ваава виссаасаг̇г̇аахам̣ ваа г̇ан̣хзяяа, мад̇агажийварам̣ ваа ад̇хидтзд̇и самб̣анд̇хо. мад̇агажийвараад̇хидтаанам̣ наама гхан̣дим̣ бахарид̇ваа гаалам̣ гхосзд̇ваа т̇огам̣ ааг̇амзд̇ваа сажз бхигкуу ааг̇ажчанд̇и, д̇зхи сад̣̇д̇хим̣ бхааж̇зд̇аб̣б̣аани, но жз ааг̇ажчанд̇и, ‘‘маяхимаани жийвараани баабун̣анд̇ий’’д̇и ад̇хидтаад̇аб̣б̣аани. звам̣ ад̇хидтид̇з саб̣б̣аани д̇ассзва хонд̇и, тид̇игаа бана на д̇идтад̇и. сажз згзгам̣ уд̣̇д̇харид̇ваа ‘‘аяам̣ батамабхааг̇о маяхам̣ баабун̣аад̇и, аяам̣ д̣̇уд̇ияабхааг̇о’’д̇и звам̣ г̇ан̣хаад̇и, г̇ахид̇аани жа суг̇ахид̇аани хонд̇и, тид̇игаа жа д̇идтад̇и. звам̣ баабзд̇ваа г̇ан̣ханд̇знааби ад̇хидтид̇амзва ход̇и.

    380.Purimassevāti ettha ‘‘imaṃ parikkhāraṃ netvā asukassa dehī’’ti dinnaṃ purimasseva hotīti attho. ‘‘Asukassa dammī’’ti dinnaṃ pana pacchimasseva hoti pariccajitvā dinnattā. Imaṃ vidhiṃ ñatvāva vissāsaggāhaṃ vā gaṇheyya, matakacīvaraṃ vā adhiṭṭheti sambandho. Matakacīvaraadhiṭṭhānaṃ nāma ghaṇṭiṃ paharitvā kālaṃ ghosetvā thokaṃ āgametvā sace bhikkhū āgacchanti, tehi saddhiṃ bhājetabbāni, no ce āgacchanti, ‘‘mayhimāni cīvarāni pāpuṇantī’’ti adhiṭṭhātabbāni. Evaṃ adhiṭṭhite sabbāni tasseva honti, ṭhitikā pana na tiṭṭhati. Sace ekekaṃ uddharitvā ‘‘ayaṃ paṭhamabhāgo mayhaṃ pāpuṇāti, ayaṃ dutiyabhāgo’’ti evaṃ gaṇhāti, gahitāni ca sugahitāni honti, ṭhitikā ca tiṭṭhati. Evaṃ pāpetvā gaṇhantenāpi adhiṭṭhitameva hoti.

    381. лохабхан̣д̣з бахаран̣им̣ табзд̇ваа саб̣б̣ам̣ габбад̇и, д̣̇аарубхан̣д̣з жа д̣̇ааруж̇ам̣ бад̇д̇ан̃жа баад̣̇уган̃жа, баллан̇ган̃жа аасанд̣̇ин̃жа табзд̇ваа саб̣б̣ам̣ габбад̇и, мад̇д̇игаамаяз гад̇аган̃жа гумбхагаариган̃жа табзд̇ваа саб̣б̣ам̣ габбад̇ийд̇и ад̇т̇о. ‘‘ануж̇аанаами, бхигкавз, табзд̇ваа бахаран̣им̣ саб̣б̣ам̣ лохабхан̣д̣ам̣, табзд̇ваа аасанд̣̇им̣ баллан̇гам̣ д̣̇аарубад̇д̇ам̣ д̣̇аарубаад̣̇угам̣ саб̣б̣ам̣ д̣̇аарубхан̣д̣ам̣, табзд̇ваа гад̇аган̃жа гумбхагаариган̃жа саб̣б̣ам̣ мад̇д̇игаабхан̣д̣а’’нд̇и (жуул̣ава. 293) хи вуд̇д̇ам̣. зд̇т̇а гад̇аганд̇и бад̣̇умаган̣н̣игаагаарзна гад̇амаллаганд̇и ад̇хиббзд̇ам̣. д̇ханияассзва саб̣б̣амад̇д̇игаамаяаа гуди гумбхагаариганд̇и. багин̣н̣агавинижчаяо.

    381. Lohabhaṇḍe paharaṇiṃ ṭhapetvā sabbaṃ kappati, dārubhaṇḍe ca dārujaṃ pattañca pādukañca, pallaṅkañca āsandiñca ṭhapetvā sabbaṃ kappati, mattikāmaye katakañca kumbhakārikañca ṭhapetvā sabbaṃ kappatīti attho. ‘‘Anujānāmi, bhikkhave, ṭhapetvā paharaṇiṃ sabbaṃ lohabhaṇḍaṃ, ṭhapetvā āsandiṃ pallaṅkaṃ dārupattaṃ dārupādukaṃ sabbaṃ dārubhaṇḍaṃ, ṭhapetvā katakañca kumbhakārikañca sabbaṃ mattikābhaṇḍa’’nti (cūḷava. 293) hi vuttaṃ. Ettha katakanti padumakaṇṇikākārena katamallakanti adhippetaṃ. Dhaniyasseva sabbamattikāmayā kuṭi kumbhakārikanti. Pakiṇṇakavinicchayo.

    багин̣н̣аганид̣̇д̣̇зсаван̣н̣анаа нидтид̇аа.

    Pakiṇṇakaniddesavaṇṇanā niṭṭhitā.





    © 1991-2025 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact