| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૩૩૩. પક્કગોધજાતકં (૪-૪-૩)
333. Pakkagodhajātakaṃ (4-4-3)
૧૨૯.
129.
તદેવ મે ત્વં વિદિતો, વનમજ્ઝે રથેસભ;
Tadeva me tvaṃ vidito, vanamajjhe rathesabha;
યસ્સ તે ખગ્ગબદ્ધસ્સ, સન્નદ્ધસ્સ તિરીટિનો;
Yassa te khaggabaddhassa, sannaddhassa tirīṭino;
અસ્સત્થદુમસાખાય, પક્કા ગોધા પલાયથ.
Assatthadumasākhāya, pakkā godhā palāyatha.
૧૩૦.
130.
નમે નમન્તસ્સ ભજે ભજન્તં, કિચ્ચાનુકુબ્બસ્સ કરેય્ય કિચ્ચં;
Name namantassa bhaje bhajantaṃ, kiccānukubbassa kareyya kiccaṃ;
નાનત્થકામસ્સ કરેય્ય અત્થં, અસમ્ભજન્તમ્પિ ન સમ્ભજેય્ય.
Nānatthakāmassa kareyya atthaṃ, asambhajantampi na sambhajeyya.
૧૩૧.
131.
ચજે ચજન્તં વનથં ન કયિરા, અપેતચિત્તેન ન સમ્ભજેય્ય;
Caje cajantaṃ vanathaṃ na kayirā, apetacittena na sambhajeyya;
દિજો દુમં ખીણફલન્તિ 1 ઞત્વા, અઞ્ઞં સમેક્ખેય્ય મહા હિ લોકો.
Dijo dumaṃ khīṇaphalanti 2 ñatvā, aññaṃ samekkheyya mahā hi loko.
૧૩૨.
132.
સો તે કરિસ્સામિ યથાનુભાવં, કતઞ્ઞુતં ખત્તિયે 3 પેક્ખમાનો;
So te karissāmi yathānubhāvaṃ, kataññutaṃ khattiye 4 pekkhamāno;
સબ્બઞ્ચ તે ઇસ્સરિયં દદામિ, યસ્સિચ્છસી તસ્સ તુવં દદામીતિ.
Sabbañca te issariyaṃ dadāmi, yassicchasī tassa tuvaṃ dadāmīti.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૩૩૩] ૩. પક્કગોધજાતકવણ્ણના • [333] 3. Pakkagodhajātakavaṇṇanā
