| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[333] 3. баггаг̇од̇хаж̇аад̇агаван̣н̣анаа
[333] 3. Pakkagodhajātakavaṇṇanā
д̇ад̣̇зва мз д̇ванд̇и ид̣̇ам̣ сад̇т̇аа ж̇зд̇аванз вихаранд̇о згам̣ гудумб̣игам̣ аараб̣бха гат̇зси. вад̇т̇у хздтаа вид̇т̇аарид̇амзва. ид̇ха бана д̇зсам̣ уд̣̇д̇хаарам̣ саад̇хзд̇ваа ааг̇ажчанд̇аанам̣ анд̇араамаг̇г̇з луд̣̇д̣̇аго ‘‘убхоби каад̣̇ат̇аа’’д̇и згам̣ баггаг̇од̇хам̣ ад̣̇ааси. со бурисо бхарияам̣ баанийяад̇т̇ааяа бзсзд̇ваа саб̣б̣ам̣ г̇од̇хам̣ каад̣̇ид̇ваа д̇ассаа ааг̇ад̇агаалз ‘‘бхад̣̇д̣̇з, г̇од̇хаа балаад̇аа’’д̇и ааха. ‘‘саад̇ху, саами, баггаг̇од̇хааяа балааяанд̇ияаа гим̣ саггаа гаад̇у’’нд̇и? саа ж̇зд̇аванз баанийяам̣ бивид̇ваа сад̇т̇у санд̇игз нисиннаа сад̇т̇аараа ‘‘гим̣ убаасигз, аяам̣ д̇з хид̇агаамо сасинзхо убагаараго’’д̇и бужчид̇аа ‘‘бханд̇з, ахам̣ зд̇асса хид̇агаамаа сасинзхаа, аяам̣ бана маяи ниссинзхо’’д̇и ааха. сад̇т̇аа ‘‘ход̇у маа жинд̇аяи, звам̣ наамзса гарод̇и. яад̣̇аа бана д̇з г̇ун̣ам̣ сарад̇и, д̇ад̣̇аа д̇уяхамзва саб̣б̣иссарияам̣ д̣̇зд̇ий’’д̇и вад̇ваа д̇зхи яаажид̇о ад̇ийд̇ам̣ аахари.
Tadevame tvanti idaṃ satthā jetavane viharanto ekaṃ kuṭumbikaṃ ārabbha kathesi. Vatthu heṭṭhā vitthāritameva. Idha pana tesaṃ uddhāraṃ sādhetvā āgacchantānaṃ antarāmagge luddako ‘‘ubhopi khādathā’’ti ekaṃ pakkagodhaṃ adāsi. So puriso bhariyaṃ pānīyatthāya pesetvā sabbaṃ godhaṃ khāditvā tassā āgatakāle ‘‘bhadde, godhā palātā’’ti āha. ‘‘Sādhu, sāmi, pakkagodhāya palāyantiyā kiṃ sakkā kātu’’nti? Sā jetavane pānīyaṃ pivitvā satthu santike nisinnā satthārā ‘‘kiṃ upāsike, ayaṃ te hitakāmo sasineho upakārako’’ti pucchitā ‘‘bhante, ahaṃ etassa hitakāmā sasinehā, ayaṃ pana mayi nissineho’’ti āha. Satthā ‘‘hotu mā cintayi, evaṃ nāmesa karoti. Yadā pana te guṇaṃ sarati, tadā tuyhameva sabbissariyaṃ detī’’ti vatvā tehi yācito atītaṃ āhari.
ад̇ийд̇амби хздтаа вуд̇д̇асад̣̇исамзва. ид̇ха бана д̇зсам̣ нивад̇д̇анд̇аанам̣ анд̇араамаг̇г̇з луд̣̇д̣̇аго гиланд̇абхаавам̣ д̣̇исваа ‘‘д̣̇взби ж̇анаа каад̣̇ат̇аа’’д̇и згам̣ баггаг̇од̇хам̣ ад̣̇ааси. рааж̇ад̇хийд̇аа д̇ам̣ валлияаа б̣анд̇хид̇ваа аад̣̇ааяа маг̇г̇ам̣ бадибаж̇ж̇и. д̇з згам̣ сарам̣ д̣̇исваа маг̇г̇аа оггамма ассад̇т̇амуулз нисийд̣̇им̣су. рааж̇абуд̇д̇о ‘‘г̇ажча бхад̣̇д̣̇з, сарад̇о бад̣̇уминибад̇д̇зна уд̣̇агам̣ аахара, мам̣сам̣ каад̣̇иссаамаа’’д̇и ааха. саа г̇од̇хам̣ саакааяа лаг̇г̇зд̇ваа баанийяад̇т̇ааяа г̇ад̇аа. ид̇аро саб̣б̣ам̣ г̇од̇хам̣ каад̣̇ид̇ваа аг̇г̇анан̇г̇удтам̣ г̇ахзд̇ваа бараммуко нисийд̣̇и. со д̇ааяа баанийяам̣ г̇ахзд̇ваа ааг̇ад̇ааяа ‘‘бхад̣̇д̣̇з, г̇од̇хаа саакааяа од̇арид̇ваа ваммигам̣ баависи, ахам̣ д̇хаавид̇ваа аг̇г̇анан̇г̇удтам̣ аг̇г̇ахзсим̣, г̇ахид̇адтаанам̣ хад̇т̇зязва гад̇ваа чиж̇ж̇ид̇ваа б̣илам̣ бавидтаа’’д̇и ааха. ‘‘ход̇у, д̣̇зва, баггаг̇од̇хааяа балааяанд̇ияаа гим̣ гариссаама, зхи г̇ажчаамаа’’д̇и. д̇з баанийяам̣ бивид̇ваа б̣аараан̣асим̣ аг̇амам̣су.
Atītampi heṭṭhā vuttasadisameva. Idha pana tesaṃ nivattantānaṃ antarāmagge luddako kilantabhāvaṃ disvā ‘‘dvepi janā khādathā’’ti ekaṃ pakkagodhaṃ adāsi. Rājadhītā taṃ valliyā bandhitvā ādāya maggaṃ paṭipajji. Te ekaṃ saraṃ disvā maggā okkamma assatthamūle nisīdiṃsu. Rājaputto ‘‘gaccha bhadde, sarato paduminipattena udakaṃ āhara, maṃsaṃ khādissāmā’’ti āha. Sā godhaṃ sākhāya laggetvā pānīyatthāya gatā. Itaro sabbaṃ godhaṃ khāditvā agganaṅguṭṭhaṃ gahetvā parammukho nisīdi. So tāya pānīyaṃ gahetvā āgatāya ‘‘bhadde, godhā sākhāya otaritvā vammikaṃ pāvisi, ahaṃ dhāvitvā agganaṅguṭṭhaṃ aggahesiṃ, gahitaṭṭhānaṃ hattheyeva katvā chijjitvā bilaṃ paviṭṭhā’’ti āha. ‘‘Hotu, deva, pakkagodhāya palāyantiyā kiṃ karissāma, ehi gacchāmā’’ti. Te pānīyaṃ pivitvā bārāṇasiṃ agamaṃsu.
рааж̇абуд̇д̇о раж̇ж̇ам̣ бад̇ваа д̇ам̣ аг̇г̇амахзсидтаанамад̇д̇з табзси, саггаарасаммаано банассаа над̇т̇и. б̣од̇хисад̇д̇о д̇ассаа саггаарам̣ гаарзд̇угаамо ран̃н̃о санд̇игз тад̇ваа ‘‘нану маяам̣ аяяз д̇умхаагам̣ санд̇игаа гин̃жи на лабхаама, гим̣ но на ологзт̇аа’’д̇и ааха. ‘‘д̇аад̇а, ахамзва ран̃н̃о санд̇игаа гин̃жи на лабхаами, д̇уяхам̣ гим̣ д̣̇ассаами, рааж̇ааби маяхам̣ ид̣̇аани гим̣ д̣̇ассад̇и, со аран̃н̃ад̇о ааг̇аманагаалз баггаг̇од̇хам̣ згагова каад̣̇ий’’д̇и . ‘‘аяяз, на д̣̇зво зваруубам̣ гариссад̇и, маа звам̣ аважуд̇т̇аа’’д̇и. ат̇а нам̣ д̣̇звий ‘‘д̇уяхам̣ д̇ам̣, д̇аад̇а, на баагадам̣, ран̃н̃оязва маяхан̃жа баагада’’нд̇и вад̇ваа батамам̣ г̇аат̇амааха –
Rājaputto rajjaṃ patvā taṃ aggamahesiṭṭhānamatte ṭhapesi, sakkārasammāno panassā natthi. Bodhisatto tassā sakkāraṃ kāretukāmo rañño santike ṭhatvā ‘‘nanu mayaṃ ayye tumhākaṃ santikā kiñci na labhāma, kiṃ no na olokethā’’ti āha. ‘‘Tāta, ahameva rañño santikā kiñci na labhāmi, tuyhaṃ kiṃ dassāmi, rājāpi mayhaṃ idāni kiṃ dassati, so araññato āgamanakāle pakkagodhaṃ ekakova khādī’’ti . ‘‘Ayye, na devo evarūpaṃ karissati, mā evaṃ avacutthā’’ti. Atha naṃ devī ‘‘tuyhaṃ taṃ, tāta, na pākaṭaṃ, raññoyeva mayhañca pākaṭa’’nti vatvā paṭhamaṃ gāthamāha –
129.
129.
‘‘д̇ад̣̇зва мз д̇вам̣ вид̣̇ид̇о, ванамаж̇жхз рат̇зсабха;
‘‘Tadeva me tvaṃ vidito, vanamajjhe rathesabha;
яасса д̇з каг̇г̇аб̣ад̣̇д̇хасса, саннад̣̇д̇хасса д̇ирийдино;
Yassa te khaggabaddhassa, sannaddhassa tirīṭino;
ассад̇т̇ад̣̇умасаакааяа, баггаг̇од̇хаа балааяат̇аа’’д̇и.
Assatthadumasākhāya, pakkagodhā palāyathā’’ti.
д̇ад̇т̇а д̇ад̣̇зваад̇и д̇асмим̣язва гаалз ‘‘аяам̣ маяхам̣ ад̣̇ааяаго’’д̇и звам̣ д̇вам̣ вид̣̇ид̇о. ан̃н̃з бана д̇ава сабхаавам̣ на ж̇аананд̇ийд̇и ад̇т̇о. каг̇г̇аб̣ад̣̇д̇хассаад̇и б̣ад̣̇д̇хакаг̇г̇асса. д̇ирийдинод̇и д̇ирийдавад̇т̇анивад̇т̇асса маг̇г̇ааг̇аманагаалз. баггаг̇од̇хаад̇и ан̇г̇аарабаггаа г̇од̇хаа балааяат̇аад̇и.
Tattha tadevāti tasmiṃyeva kāle ‘‘ayaṃ mayhaṃ adāyako’’ti evaṃ tvaṃ vidito. Aññe pana tava sabhāvaṃ na jānantīti attho. Khaggabaddhassāti baddhakhaggassa. Tirīṭinoti tirīṭavatthanivatthassa maggāgamanakāle. Pakkagodhāti aṅgārapakkā godhā palāyathāti.
звам̣ ран̃н̃аа гад̇ад̣̇осам̣ барисамаж̇жхз баагадам̣ гад̇ваа гат̇зси. д̇ам̣ суд̇ваа б̣од̇хисад̇д̇о ‘‘аяяз, д̣̇звасса аббияагаалад̇о бабхуд̇и убхиннамби апаасугам̣ гад̇ваа гасмаа ид̇ха васат̇аа’’д̇и вад̇ваа д̣̇вз г̇аат̇аа абхааси –
Evaṃ raññā katadosaṃ parisamajjhe pākaṭaṃ katvā kathesi. Taṃ sutvā bodhisatto ‘‘ayye, devassa appiyakālato pabhuti ubhinnampi aphāsukaṃ katvā kasmā idha vasathā’’ti vatvā dve gāthā abhāsi –
130.
130.
‘‘намз наманд̇асса бхаж̇з бхаж̇анд̇ам̣, гижжаанугуб̣б̣асса гарзяяа гижжам̣;
‘‘Name namantassa bhaje bhajantaṃ, kiccānukubbassa kareyya kiccaṃ;
наанад̇т̇агаамасса гарзяяа ад̇т̇ам̣, асамбхаж̇анд̇амби на самбхаж̇зяяа.
Nānatthakāmassa kareyya atthaṃ, asambhajantampi na sambhajeyya.
131.
131.
‘‘жаж̇з жаж̇анд̇ам̣ ванат̇ам̣ на гаяираа, абзд̇ажид̇д̇зна на самбхаж̇зяяа;
‘‘Caje cajantaṃ vanathaṃ na kayirā, apetacittena na sambhajeyya;
д̣̇иж̇о д̣̇умам̣ кийн̣апаланд̇и н̃ад̇ваа, ан̃н̃ам̣ самзгкзяяа махаа хи лого’’д̇и.
Dijo dumaṃ khīṇaphalanti ñatvā, aññaṃ samekkheyya mahā hi loko’’ti.
д̇ад̇т̇а намз наманд̇ассаад̇и яо ад̇д̇ани муд̣̇ужид̇д̇зна намад̇и, д̇ассзва бадинамзяяа. гижжаанугуб̣б̣ассаад̇и ад̇д̇ано уббаннам̣ гижжам̣ анугуб̣б̣анд̇ассзва. анад̇т̇агаамассаад̇и авад̣дхигаамасса. ванат̇ам̣ на гаяираад̇и д̇асмим̣ жаж̇анд̇з д̇ан̣хааснзхам̣ на гарзяяа. абзд̇ажид̇д̇знаад̇и абаг̇ад̇ажид̇д̇зна вирад̇д̇ажид̇д̇зна. на самбхаж̇зяяаад̇и на самааг̇ажчзяяа. ан̃н̃ам̣ самзгкзяяаад̇и ан̃н̃ам̣ ологзяяа, яат̇аа д̣̇иж̇о кийн̣апалам̣ д̣̇умам̣ ругкам̣ н̃ад̇ваа ан̃н̃ам̣ палабхарид̇ам̣ ругкам̣ г̇ажчад̇и, д̇ат̇аа кийн̣арааг̇ам̣ бурисам̣ н̃ад̇ваа ан̃н̃ам̣ сасинзхам̣ убаг̇ажчзяяаад̇и ад̇хиббааяо.
Tattha name namantassāti yo attani muducittena namati, tasseva paṭinameyya. Kiccānukubbassāti attano uppannaṃ kiccaṃ anukubbantasseva. Anatthakāmassāti avaḍḍhikāmassa. Vanathaṃ na kayirāti tasmiṃ cajante taṇhāsnehaṃ na kareyya. Apetacittenāti apagatacittena virattacittena. Na sambhajeyyāti na samāgaccheyya. Aññaṃ samekkheyyāti aññaṃ olokeyya, yathā dijo khīṇaphalaṃ dumaṃ rukkhaṃ ñatvā aññaṃ phalabharitaṃ rukkhaṃ gacchati, tathā khīṇarāgaṃ purisaṃ ñatvā aññaṃ sasinehaṃ upagaccheyyāti adhippāyo.
рааж̇аа б̣од̇хисад̇д̇з гат̇знд̇з зва д̇ассаа г̇ун̣ам̣ сарид̇ваа ‘‘бхад̣̇д̣̇з, зд̇д̇агам̣ гаалам̣ д̇ава г̇ун̣ам̣ на саллагкзсим̣, бан̣д̣ид̇ассаязва гат̇ааяа саллагкзсим̣, мама абараад̇хам̣ саханд̇ияаа ид̣̇ам̣ сагалараж̇ж̇ам̣ д̇уяхамзва д̣̇аммий’’д̇и вад̇ваа жад̇уд̇т̇ам̣ г̇аат̇амааха –
Rājā bodhisatte kathente eva tassā guṇaṃ saritvā ‘‘bhadde, ettakaṃ kālaṃ tava guṇaṃ na sallakkhesiṃ, paṇḍitassayeva kathāya sallakkhesiṃ, mama aparādhaṃ sahantiyā idaṃ sakalarajjaṃ tuyhameva dammī’’ti vatvā catutthaṃ gāthamāha –
132.
132.
‘‘со д̇з гариссаами яат̇аанубхаавам̣, гад̇ан̃н̃уд̇ам̣ кад̇д̇ияз бзгкамаано;
‘‘So te karissāmi yathānubhāvaṃ, kataññutaṃ khattiye pekkhamāno;
саб̣б̣ан̃жа д̇з иссарияам̣ д̣̇ад̣̇аами, яассижчасий д̇асса д̇увам̣ д̣̇ад̣̇аамий’’д̇и.
Sabbañca te issariyaṃ dadāmi, yassicchasī tassa tuvaṃ dadāmī’’ti.
д̇ад̇т̇а сод̇и со ахам̣. яат̇аанубхааванд̇и яат̇аасад̇д̇и яат̇ааб̣алам̣. яассижчасийд̇и яасса ижчаси, д̇асса ид̣̇ам̣ раж̇ж̇ам̣ аад̣̇им̣ гад̇ваа яам̣ д̇вам̣ ижчаси, д̇ам̣ д̣̇ад̣̇аамийд̇и.
Tattha soti so ahaṃ. Yathānubhāvanti yathāsatti yathābalaṃ. Yassicchasīti yassa icchasi, tassa idaṃ rajjaṃ ādiṃ katvā yaṃ tvaṃ icchasi, taṃ dadāmīti.
зван̃жа бана вад̇ваа рааж̇аа д̣̇звияаа саб̣б̣иссарияам̣ ад̣̇ааси, ‘‘иминаахам̣ зд̇иссаа г̇ун̣ам̣ сараабид̇о’’д̇и бан̣д̣ид̇ассаби маханд̇ам̣ иссарияам̣ ад̣̇ааси.
Evañca pana vatvā rājā deviyā sabbissariyaṃ adāsi, ‘‘imināhaṃ etissā guṇaṃ sarāpito’’ti paṇḍitassapi mahantaṃ issariyaṃ adāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз убхо ж̇аяамбад̇игаа сод̇аабад̇д̇ипалз бад̇идтахим̣су.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ubho jayampatikā sotāpattiphale patiṭṭhahiṃsu.
д̇ад̣̇аа ж̇аяамбад̇игаа зд̇арахи ж̇аяамбад̇игаава ахзсум̣, бан̣д̣ид̇аамажжо бана ахамзва ахосинд̇и.
Tadā jayampatikā etarahi jayampatikāva ahesuṃ, paṇḍitāmacco pana ahameva ahosinti.
баггаг̇од̇хаж̇аад̇агаван̣н̣анаа д̇ад̇ияаа.
Pakkagodhajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 333. баггаг̇од̇хаж̇аад̇агам̣ • 333. Pakkagodhajātakaṃ
