| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[307] 7. балаасаж̇аад̇агаван̣н̣анаа
[307] 7. Palāsajātakavaṇṇanā
ажзд̇анам̣ б̣раахман̣а ассун̣анд̇анд̇и ид̣̇ам̣ сад̇т̇аа бариниб̣б̣аанаман̃жз нибанно аананд̣̇ад̇т̇зрам̣ аараб̣бха гат̇зси. сохааяасмаа ‘‘аж̇ж̇а рад̇д̇ияаа бажжуусасамаяз сад̇т̇аа бариниб̣б̣ааяиссад̇ий’’д̇и н̃ад̇ваа ‘‘ахан̃жамхи сзгко сагаран̣ийяо, сад̇т̇у жа мз бариниб̣б̣аанам̣ бхависсад̇и, бан̃жавийсад̇и вассаани сад̇т̇у гад̇ам̣ убадтаанам̣ нибпалам̣ бхависсад̇ий’’д̇и согаабхибхууд̇о уяяаанаоварагз габисийсам̣ ааламб̣ид̇ваа барод̣̇и. сад̇т̇аа д̇ам̣ абассанд̇о ‘‘гахам̣, бхигкавз, аананд̣̇о’’д̇и бужчид̇ваа д̇амад̇т̇ам̣ суд̇ваа д̇ам̣ баггосаабзд̇ваа ‘‘гад̇абун̃н̃оси д̇вам̣, аананд̣̇а, бад̇хаанамануяун̃ж̇а, киббам̣ хохиси анаасаво, маа жинд̇аяи, ид̣̇аани д̇аяаа мама гад̇ам̣ убадтаанам̣ гим̣гааран̣аа нибпалам̣ бхависсад̇и, яасса д̇з буб̣б̣з сарааг̇аад̣̇игаалзби мама гад̇ам̣ убадтаанам̣ нибпалам̣ наахосий’’д̇и вад̇ваа ад̇ийд̇ам̣ аахари.
Acetanaṃbrāhmaṇa assuṇantanti idaṃ satthā parinibbānamañce nipanno ānandattheraṃ ārabbha kathesi. Sohāyasmā ‘‘ajja rattiyā paccūsasamaye satthā parinibbāyissatī’’ti ñatvā ‘‘ahañcamhi sekkho sakaraṇīyo, satthu ca me parinibbānaṃ bhavissati, pañcavīsati vassāni satthu kataṃ upaṭṭhānaṃ nipphalaṃ bhavissatī’’ti sokābhibhūto uyyānaovarake kapisīsaṃ ālambitvā parodi. Satthā taṃ apassanto ‘‘kahaṃ, bhikkhave, ānando’’ti pucchitvā tamatthaṃ sutvā taṃ pakkosāpetvā ‘‘katapuññosi tvaṃ, ānanda, padhānamanuyuñja, khippaṃ hohisi anāsavo, mā cintayi, idāni tayā mama kataṃ upaṭṭhānaṃ kiṃkāraṇā nipphalaṃ bhavissati, yassa te pubbe sarāgādikālepi mama kataṃ upaṭṭhānaṃ nipphalaṃ nāhosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о б̣аараан̣асид̇о авид̣̇уурз балаасаругкад̣̇звад̇аа худ̇ваа ниб̣б̣ад̇д̇и. д̇ад̣̇аа б̣аараан̣асиваасино мануссаа д̣̇звад̇ааман̇г̇алигаа ахзсум̣ нижжам̣ б̣алигаран̣аад̣̇ийсу баяуд̇д̇аа. ат̇зго д̣̇уг̇г̇ад̇аб̣раахман̣о ‘‘ахамби згам̣ д̣̇звад̇ам̣ бадиж̇аг̇г̇иссаамий’’д̇и згасмим̣ уннад̇аббад̣̇зсз тид̇асса махад̇о балаасаругкасса муулам̣ самам̣ нид̇д̇ин̣ам̣ гад̇ваа баригкибид̇ваа ваалугам̣ огирид̇ваава саммаж̇ж̇ид̇ваа ругкз г̇анд̇хабан̃жан̇г̇улигаани д̣̇ад̇ваа маалааг̇анд̇хад̇хуумзхи бууж̇зд̇ваа д̣̇ийбам̣ ж̇аалзд̇ваа ‘‘сукам̣ саяаа’’д̇и вад̇ваа ругкам̣ бад̣̇агкин̣ам̣ гад̇ваа баггамад̇и. д̣̇уд̇ияад̣̇ивасз баад̇ова г̇анд̇ваа сукасзяяам̣ бужчад̇и. ат̇згад̣̇ивасам̣ ругкад̣̇звад̇аа жинд̇зси ‘‘аяам̣ б̣раахман̣о ад̇ивияа мам̣ бадиж̇аг̇г̇ад̇и, имам̣ б̣раахман̣ам̣ виймам̣сид̇ваа язна гааран̣зна мам̣ бадиж̇аг̇г̇ад̇и, д̇ам̣ д̣̇ассаамий’’д̇и. саа д̇асмим̣ кан̣з б̣раахман̣з ааг̇анд̇ваа ругкамуулз саммаж̇ж̇анд̇з махаллагаб̣раахман̣авзсзна самийбз тад̇ваа батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto bārāṇasito avidūre palāsarukkhadevatā hutvā nibbatti. Tadā bārāṇasivāsino manussā devatāmaṅgalikā ahesuṃ niccaṃ balikaraṇādīsu payuttā. Atheko duggatabrāhmaṇo ‘‘ahampi ekaṃ devataṃ paṭijaggissāmī’’ti ekasmiṃ unnatappadese ṭhitassa mahato palāsarukkhassa mūlaṃ samaṃ nittiṇaṃ katvā parikkhipitvā vālukaṃ okiritvāva sammajjitvā rukkhe gandhapañcaṅgulikāni datvā mālāgandhadhūmehi pūjetvā dīpaṃ jāletvā ‘‘sukhaṃ sayā’’ti vatvā rukkhaṃ padakkhiṇaṃ katvā pakkamati. Dutiyadivase pātova gantvā sukhaseyyaṃ pucchati. Athekadivasaṃ rukkhadevatā cintesi ‘‘ayaṃ brāhmaṇo ativiya maṃ paṭijaggati, imaṃ brāhmaṇaṃ vīmaṃsitvā yena kāraṇena maṃ paṭijaggati, taṃ dassāmī’’ti. Sā tasmiṃ khaṇe brāhmaṇe āgantvā rukkhamūle sammajjante mahallakabrāhmaṇavesena samīpe ṭhatvā paṭhamaṃ gāthamāha –
25.
25.
‘‘ажзд̇анам̣ б̣раахман̣а ассун̣анд̇ам̣, ж̇аано аж̇аананд̇амимам̣ балаасам̣;
‘‘Acetanaṃ brāhmaṇa assuṇantaṃ, jāno ajānantamimaṃ palāsaṃ;
аарад̣̇д̇хавирияо д̇хувам̣ аббамад̇д̇о, сукасзяяам̣ бужчаси гисса хзд̇уу’’д̇и.
Āraddhaviriyo dhuvaṃ appamatto, sukhaseyyaṃ pucchasi kissa hetū’’ti.
д̇ад̇т̇а ассун̣анд̇анд̇и ажзд̇анад̇д̇аава асун̣анд̇ам̣. ж̇аанод̇и д̇увам̣ ж̇аанамаано худ̇ваа д̇хувам̣ аббамад̇д̇од̇и нижжам̣ аббамад̇д̇о.
Tattha assuṇantanti acetanattāva asuṇantaṃ. Jānoti tuvaṃ jānamāno hutvā dhuvaṃ appamattoti niccaṃ appamatto.
д̇ам̣ суд̇ваа б̣раахман̣о д̣̇уд̇ияам̣ г̇аат̇амааха –
Taṃ sutvā brāhmaṇo dutiyaṃ gāthamāha –
26.
26.
‘‘д̣̇уурз суд̇о жзва б̣рахаа жа ругко, д̣̇зсз тид̇о бхууд̇аниваасаруубо;
‘‘Dūre suto ceva brahā ca rukkho, dese ṭhito bhūtanivāsarūpo;
д̇асмаа намассаами имам̣ балаасам̣, яз жзд̇т̇а бхууд̇аа д̇з д̇ханасса хзд̇уу’’д̇и.
Tasmā namassāmi imaṃ palāsaṃ, ye cettha bhūtā te dhanassa hetū’’ti.
д̇ад̇т̇а д̣̇уурз суд̇од̇и б̣раахман̣а аяам̣ ругко д̣̇уурз суд̇о виссуд̇о, на аасаннадтаанзязва баагадо. б̣рахаа жаад̇и маханд̇о жа. д̣̇зсз тид̇од̇и уннад̇з самз бхуумиббад̣̇зсз тид̇о. бхууд̇аниваасаруубод̇и д̣̇звад̇ааниваасасабхааво, ад̣̇д̇хаа зд̇т̇а махзсагкаа д̣̇звад̇аа нивуд̇т̇аа бхависсад̇и. д̇з д̇ханасса хзд̇ууд̇и иман̃жа ругкам̣ яз жзд̇т̇а нивуд̇т̇аа бхууд̇аа, д̇з д̇ханасса хзд̇у намассаами, на ниггааран̣аад̇и.
Tattha dūre sutoti brāhmaṇa ayaṃ rukkho dūre suto vissuto, na āsannaṭṭhāneyeva pākaṭo. Brahā cāti mahanto ca. Dese ṭhitoti unnate same bhūmippadese ṭhito. Bhūtanivāsarūpoti devatānivāsasabhāvo, addhā ettha mahesakkhā devatā nivutthā bhavissati. Te dhanassa hetūti imañca rukkhaṃ ye cettha nivutthā bhūtā, te dhanassa hetu namassāmi, na nikkāraṇāti.
д̇ам̣ суд̇ваа ругкад̣̇звад̇аа б̣раахман̣асса басаннаа ‘‘ахам̣, б̣раахман̣а, имасмим̣ ругкз ниб̣б̣ад̇д̇ад̣̇звад̇аа, маа бхааяи, д̇ханам̣ д̇з д̣̇ассаамий’’д̇и д̇ам̣ ассаасзд̇ваа ад̇д̇ано вимаанад̣̇ваарз маханд̇зна д̣̇звад̇аанубхаавзна аагаасз тад̇ваа ид̇араа д̣̇вз г̇аат̇аа абхааси –
Taṃ sutvā rukkhadevatā brāhmaṇassa pasannā ‘‘ahaṃ, brāhmaṇa, imasmiṃ rukkhe nibbattadevatā, mā bhāyi, dhanaṃ te dassāmī’’ti taṃ assāsetvā attano vimānadvāre mahantena devatānubhāvena ākāse ṭhatvā itarā dve gāthā abhāsi –
27.
27.
‘‘со д̇з гариссаами яат̇аанубхаавам̣, гад̇ан̃н̃уд̇ам̣ б̣раахман̣а бзгкамаано;
‘‘So te karissāmi yathānubhāvaṃ, kataññutaṃ brāhmaṇa pekkhamāno;
гат̇ан̃хи ааг̇амма сад̇ам̣ сагаасз, могхаани д̇з ассу барипанд̣̇ид̇аани.
Kathañhi āgamma sataṃ sakāse, moghāni te assu pariphanditāni.
28.
28.
‘‘яо д̇инд̣̇угаругкасса баро билагко, бариваарид̇о буб̣б̣аяан̃н̃о ул̣ааро;
‘‘Yo tindukarukkhassa paro pilakkho, parivārito pubbayañño uḷāro;
д̇ассзса мууласмим̣ нид̇хи никаад̇о, ад̣̇ааяаад̣̇о г̇ажча д̇ам̣ уд̣̇д̇хараахий’’д̇и.
Tassesa mūlasmiṃ nidhi nikhāto, adāyādo gaccha taṃ uddharāhī’’ti.
д̇ад̇т̇а яат̇аанубхааванд̇и яат̇аасад̇д̇и яат̇ааб̣алам̣. гад̇ан̃н̃уд̇анд̇и д̇аяаа маяхам̣ гад̇аг̇ун̣ам̣ ж̇аананд̇о д̇ам̣ ад̇д̇ани виж̇ж̇амаанам̣ гад̇ан̃н̃уд̇ам̣ бзгкамаано. ааг̇аммаад̇и ааг̇анд̇ваа. сад̇ам̣ сагаасзд̇и саббурисаанам̣ санд̇игз. могхаани д̇з ассу барипанд̣̇ид̇аанийд̇и сукасзяяабужчанавасзна ваажаапанд̣̇ид̇аани саммаж̇ж̇анаад̣̇игаран̣зна гааяапанд̣̇ид̇аани жа д̇ава гат̇ам̣ апалаани бхависсанд̇и.
Tattha yathānubhāvanti yathāsatti yathābalaṃ. Kataññutanti tayā mayhaṃ kataguṇaṃ jānanto taṃ attani vijjamānaṃ kataññutaṃ pekkhamāno. Āgammāti āgantvā. Sataṃ sakāseti sappurisānaṃ santike. Moghāni te assu pariphanditānīti sukhaseyyapucchanavasena vācāphanditāni sammajjanādikaraṇena kāyaphanditāni ca tava kathaṃ aphalāni bhavissanti.
яо д̇инд̣̇угаругкасса баро билагкод̇и яо зса д̇инд̣̇угаругкасса барад̇о билагкаругко тид̇од̇и вимаанад̣̇ваарз тид̇аава хад̇т̇ам̣ басаарзд̇ваа д̣̇ассзд̇и. бариваарид̇од̇иаад̣̇ийсу д̇асса билагкаругкасса муулз зса д̇ам̣ ругкамуулам̣ баригкибид̇ваа нихид̇ад̇ааяа бариваарид̇о, буб̣б̣з яидтаяан̃н̃авасзна буримасаамигаанам̣ уббаннад̇ааяа буб̣б̣аяан̃н̃о, анзганид̇хигумбхи бхаавзна маханд̇ад̇д̇аа ул̣ааро, бхуумим̣ кан̣ид̇ваа табид̇ад̇д̇аа никаад̇о, ид̣̇аани д̣̇ааяаад̣̇аанам̣ абхаавад̇о ад̣̇ааяаад̣̇о. ид̣̇ам̣ вуд̇д̇ам̣ ход̇и – зса д̇ам̣ ругкамуулам̣ баригкибид̇ваа г̇ийвааяа г̇ийвам̣ бахаранд̇ийнам̣ нид̇хигумбхийнам̣ васзна махаанид̇хи никаад̇о асаамиго, г̇ажча д̇ам̣ уд̣̇д̇харид̇ваа г̇ан̣хаад̇и.
Yo tindukarukkhassa paro pilakkhoti yo esa tindukarukkhassa parato pilakkharukkho ṭhitoti vimānadvāre ṭhitāva hatthaṃ pasāretvā dasseti. Parivāritotiādīsu tassa pilakkharukkhassa mūle esa taṃ rukkhamūlaṃ parikkhipitvā nihitatāya parivārito, pubbe yiṭṭhayaññavasena purimasāmikānaṃ uppannatāya pubbayañño, anekanidhikumbhi bhāvena mahantattā uḷāro, bhūmiṃ khaṇitvā ṭhapitattā nikhāto, idāni dāyādānaṃ abhāvato adāyādo. Idaṃ vuttaṃ hoti – esa taṃ rukkhamūlaṃ parikkhipitvā gīvāya gīvaṃ paharantīnaṃ nidhikumbhīnaṃ vasena mahānidhi nikhāto asāmiko, gaccha taṃ uddharitvā gaṇhāti.
зван̃жа бана вад̇ваа саа д̣̇звад̇аа ‘‘б̣раахман̣а, д̇вам̣ зд̇ам̣ уд̣̇д̇харид̇ваа г̇ан̣ханд̇о гиламиссаси, г̇ажча д̇вам̣, ахамзва д̇ам̣ д̇ава гхарам̣ нзд̇ваа асугасмим̣ асугасмин̃жа таанз нид̣̇ахиссаами, д̇вам̣ зд̇ам̣ д̇ханам̣ яааваж̇ийвам̣ барибхун̃ж̇анд̇о д̣̇аанам̣ д̣̇зхи, сийлам̣ рагкаахий’’д̇и б̣раахман̣асса оваад̣̇ам̣ д̣̇ад̇ваа д̇ам̣ д̇ханам̣ ад̇д̇ано аанубхаавзна д̇асса гхарз бад̇идтаабзси.
Evañca pana vatvā sā devatā ‘‘brāhmaṇa, tvaṃ etaṃ uddharitvā gaṇhanto kilamissasi, gaccha tvaṃ, ahameva taṃ tava gharaṃ netvā asukasmiṃ asukasmiñca ṭhāne nidahissāmi, tvaṃ etaṃ dhanaṃ yāvajīvaṃ paribhuñjanto dānaṃ dehi, sīlaṃ rakkhāhī’’ti brāhmaṇassa ovādaṃ datvā taṃ dhanaṃ attano ānubhāvena tassa ghare patiṭṭhāpesi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа б̣раахман̣о аананд̣̇о ахоси, ругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā brāhmaṇo ānando ahosi, rukkhadevatā pana ahameva ahosi’’nti.
балаасаж̇аад̇агаван̣н̣анаа сад̇д̇амаа.
Palāsajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 307. балаасаж̇аад̇агам̣ • 307. Palāsajātakaṃ
