| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[370] 10. балаасаж̇аад̇агаван̣н̣анаа
[370] 10. Palāsajātakavaṇṇanā
хам̣со балаасамаважаад̇и ид̣̇ам̣ сад̇т̇аа ж̇зд̇аванз вихаранд̇о гилзсаниг̇г̇ахам̣ аараб̣бха гат̇зси. вад̇т̇у бан̃н̃аасаж̇аад̇агз аави бхависсад̇и. ид̇ха бана сад̇т̇аа бхигкуу ааманд̇зд̇ваа ‘‘бхигкавз, гилзсо наама аасан̇гид̇аб̣б̣ова, аббамад̇д̇аго самааноби ниг̇род̇хаг̇ажчо вияа винаасам̣ баабзд̇и, бораан̣агабан̣д̣ид̇ааби аасан̇гид̇аб̣б̣ам̣ аасан̇гим̣суязваа’’д̇и вад̇ваа ад̇ийд̇ам̣ аахари.
Haṃso palāsamavacāti idaṃ satthā jetavane viharanto kilesaniggahaṃ ārabbha kathesi. Vatthu paññāsajātake āvi bhavissati. Idha pana satthā bhikkhū āmantetvā ‘‘bhikkhave, kileso nāma āsaṅkitabbova, appamattako samānopi nigrodhagaccho viya vināsaṃ pāpeti, porāṇakapaṇḍitāpi āsaṅkitabbaṃ āsaṅkiṃsuyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о суван̣н̣ахам̣саяонияам̣ ниб̣б̣ад̇д̇ид̇ваа ваяаббад̇д̇о жид̇д̇агуудабаб̣б̣ад̇з суван̣н̣аг̇ухааяам̣ васанд̇о химаванд̇абад̣̇зсз ж̇аад̇ассарз саяам̣ж̇аад̇асаалим̣ каад̣̇ид̇ваа ааг̇ажчад̇и. д̇асса г̇аманааг̇аманамаг̇г̇з махаабалаасаругко ахоси. со г̇ажчанд̇оби д̇ад̇т̇а виссамид̇ваа г̇ажчад̇и, ааг̇ажчанд̇оби д̇ад̇т̇а виссамид̇ваа ааг̇ажчад̇и . ат̇асса д̇асмим̣ ругкз ниб̣б̣ад̇д̇ад̣̇звад̇ааяа сад̣̇д̇хим̣ виссаасо ахоси. абарабхааг̇з згаа сагун̣игаа згасмим̣ ниг̇род̇харугкз ниг̇род̇хабаггам̣ каад̣̇ид̇ваа ааг̇анд̇ваа д̇асмим̣ балаасаругкз нисийд̣̇ид̇ваа видабанд̇арз важжам̣ баад̇зси. д̇ад̇т̇а ниг̇род̇хаг̇ажчо ж̇аад̇о, со жад̇уран̇г̇уламад̇д̇агаалз рад̇д̇ан̇гурабалаасад̇ааяа собхад̇и. хам̣сарааж̇аа д̇ам̣ д̣̇исваа ругкад̣̇звад̇ам̣ ааманд̇зд̇ваа ‘‘самма балааса, ниг̇род̇хо наама яамхи ругкз ж̇ааяад̇и, вад̣дханд̇о д̇ам̣ наасзд̇и, имасса вад̣дхид̇ум̣ маа д̣̇зд̇и, вимаанам̣ д̇з наасзссад̇и, бадигажжзва нам̣ уд̣̇д̇харид̇ваа чад̣д̣зхи, аасан̇гид̇аб̣б̣аяуд̇д̇агам̣ наама аасан̇гид̇ум̣ ваддад̇ий’’д̇и балаасад̣̇звад̇ааяа сад̣̇д̇хим̣ манд̇знд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto suvaṇṇahaṃsayoniyaṃ nibbattitvā vayappatto cittakūṭapabbate suvaṇṇaguhāyaṃ vasanto himavantapadese jātassare sayaṃjātasāliṃ khāditvā āgacchati. Tassa gamanāgamanamagge mahāpalāsarukkho ahosi. So gacchantopi tattha vissamitvā gacchati, āgacchantopi tattha vissamitvā āgacchati . Athassa tasmiṃ rukkhe nibbattadevatāya saddhiṃ vissāso ahosi. Aparabhāge ekā sakuṇikā ekasmiṃ nigrodharukkhe nigrodhapakkaṃ khāditvā āgantvā tasmiṃ palāsarukkhe nisīditvā viṭapantare vaccaṃ pātesi. Tattha nigrodhagaccho jāto, so caturaṅgulamattakāle rattaṅkurapalāsatāya sobhati. Haṃsarājā taṃ disvā rukkhadevataṃ āmantetvā ‘‘samma palāsa, nigrodho nāma yamhi rukkhe jāyati, vaḍḍhanto taṃ nāseti, imassa vaḍḍhituṃ mā deti, vimānaṃ te nāsessati, paṭikacceva naṃ uddharitvā chaḍḍehi, āsaṅkitabbayuttakaṃ nāma āsaṅkituṃ vaṭṭatī’’ti palāsadevatāya saddhiṃ mantento paṭhamaṃ gāthamāha –
105.
105.
‘‘хам̣со балаасамаважа, ниг̇род̇хо самма ж̇ааяад̇и;
‘‘Haṃso palāsamavaca, nigrodho samma jāyati;
ан̇гасмим̣ д̇з нисиннова, со д̇з маммаани чзжчад̇ий’’д̇и.
Aṅkasmiṃ te nisinnova, so te mammāni checchatī’’ti.
батамабаад̣̇о банзд̇т̇а абхисамб̣уд̣̇д̇хзна худ̇ваа сад̇т̇аараа вуд̇д̇о. балаасанд̇и балаасад̣̇звад̇ам̣. саммаад̇и ваяасса. ан̇гасминд̇и видабхияам̣. со д̇з маммаани чзжчад̇ийд̇и со д̇з ан̇гз сам̣вад̣дхо сабад̇д̇о вияа ж̇ийвид̇ам̣ чинд̣̇иссад̇ийд̇и ад̇т̇о. ж̇ийвид̇асан̇каараа хи ид̇ха ‘‘маммааний’’д̇и вуд̇д̇аа.
Paṭhamapādo panettha abhisambuddhena hutvā satthārā vutto. Palāsanti palāsadevataṃ. Sammāti vayassa. Aṅkasminti viṭabhiyaṃ. So te mammāni checchatīti so te aṅke saṃvaḍḍho sapatto viya jīvitaṃ chindissatīti attho. Jīvitasaṅkhārā hi idha ‘‘mammānī’’ti vuttā.
д̇ам̣ суд̇ваа д̇асса важанам̣ аг̇ан̣ханд̇ий балаасад̣̇звад̇аа д̣̇уд̇ияам̣ г̇аат̇амааха –
Taṃ sutvā tassa vacanaṃ agaṇhantī palāsadevatā dutiyaṃ gāthamāha –
106.
106.
‘‘вад̣дхад̇аамзва ниг̇род̇хо, бад̇идтасса бхаваамахам̣;
‘‘Vaḍḍhatāmeva nigrodho, patiṭṭhassa bhavāmahaṃ;
яат̇аа бид̇аа жа маад̇аа жа, звам̣ мз со бхависсад̇ий’’д̇и.
Yathā pitā ca mātā ca, evaṃ me so bhavissatī’’ti.
д̇ассад̇т̇о – самма, на д̇вам̣ ж̇аанааси вад̣дхад̇амзва зса, ахамасса яат̇аа б̣аалагаалз буд̇д̇аанам̣ маад̇аабид̇аро бад̇идтаа хонд̇и, д̇ат̇аа бхависсаами, яат̇аа бана сам̣вад̣дхаа буд̇д̇аа бажчаа махаллагагаалз маад̇аабид̇уунам̣ бад̇идтаа хонд̇и, маяхамби бажчаа махаллагагаалз звамзва со бад̇идто бхависсад̇ийд̇и.
Tassattho – samma, na tvaṃ jānāsi vaḍḍhatameva esa, ahamassa yathā bālakāle puttānaṃ mātāpitaro patiṭṭhā honti, tathā bhavissāmi, yathā pana saṃvaḍḍhā puttā pacchā mahallakakāle mātāpitūnaṃ patiṭṭhā honti, mayhampi pacchā mahallakakāle evameva so patiṭṭho bhavissatīti.
д̇ад̇о хам̣со д̇ад̇ияам̣ г̇аат̇амааха –
Tato haṃso tatiyaṃ gāthamāha –
107.
107.
‘‘яам̣ д̇вам̣ ан̇гасмим̣ вад̣дхзси, кийраругкам̣ бхаяаанагам̣;
‘‘Yaṃ tvaṃ aṅkasmiṃ vaḍḍhesi, khīrarukkhaṃ bhayānakaṃ;
ааманд̇а ко д̇ам̣ г̇ажчаама, вуд̣дхи масса на ружжад̇ий’’д̇и.
Āmanta kho taṃ gacchāma, vuḍḍhi massa na ruccatī’’ti.
д̇ад̇т̇а яам̣ д̇ванд̇и яасмаа д̇вам̣ зд̇ан̃жа бхаяад̣̇ааяагад̇д̇зна бхаяаанагам̣ кийраругкам̣ сабад̇д̇ам̣ вияа ан̇гз вад̣дхзси. ааманд̇а ко д̇анд̇и д̇асмаа маяам̣ д̇ам̣ ааманд̇зд̇ваа ж̇аанаабзд̇ваа г̇ажчаама. вуд̣дхи массаад̇и асса вуд̣дхи маяхам̣ на ружжад̇ийд̇и.
Tattha yaṃ tvanti yasmā tvaṃ etañca bhayadāyakattena bhayānakaṃ khīrarukkhaṃ sapattaṃ viya aṅke vaḍḍhesi. Āmanta kho tanti tasmā mayaṃ taṃ āmantetvā jānāpetvā gacchāma. Vuḍḍhi massāti assa vuḍḍhi mayhaṃ na ruccatīti.
зван̃жа бана вад̇ваа хам̣сарааж̇аа багкз басаарзд̇ваа жид̇д̇агуудабаб̣б̣ад̇амзва г̇ад̇о. д̇ад̇о бадтааяа буна нааг̇ажчи. абарабхааг̇з ниг̇род̇хо вад̣дхим̣, д̇асмим̣ згаа ругкад̣̇звад̇ааби ниб̣б̣ад̇д̇и. со вад̣дханд̇о балаасам̣ бхан̃ж̇и, саакаахи сад̣̇д̇хим̣язва д̣̇звад̇ааяа вимаанам̣ бад̇и. саа д̇асмим̣ гаалз хам̣саран̃н̃о важанам̣ саллагкзд̇ваа ‘‘ид̣̇ам̣ анааг̇ад̇абхаяам̣ д̣̇исваа хам̣сарааж̇аа гат̇зси , ахам̣ банасса важанам̣ наагааси’’нд̇и барид̣̇звамаанаа жад̇уд̇т̇ам̣ г̇аат̇амааха –
Evañca pana vatvā haṃsarājā pakkhe pasāretvā cittakūṭapabbatameva gato. Tato paṭṭhāya puna nāgacchi. Aparabhāge nigrodho vaḍḍhiṃ, tasmiṃ ekā rukkhadevatāpi nibbatti. So vaḍḍhanto palāsaṃ bhañji, sākhāhi saddhiṃyeva devatāya vimānaṃ pati. Sā tasmiṃ kāle haṃsarañño vacanaṃ sallakkhetvā ‘‘idaṃ anāgatabhayaṃ disvā haṃsarājā kathesi , ahaṃ panassa vacanaṃ nākāsi’’nti paridevamānā catutthaṃ gāthamāha –
108.
108.
‘‘ид̣̇аани ко мам̣ бхааязд̇и, махаанзрунид̣̇ассанам̣;
‘‘Idāni kho maṃ bhāyeti, mahānerunidassanaṃ;
хам̣сасса анабхин̃н̃ааяа, махаа мз бхаяамааг̇ад̇а’’нд̇и.
Haṃsassa anabhiññāya, mahā me bhayamāgata’’nti.
д̇ад̇т̇а ид̣̇аани ко мам̣ бхааязд̇ийд̇и аяам̣ ниг̇род̇хо д̇арун̣агаалз д̇осзд̇ваа ид̣̇аани мам̣ бхааяаабзд̇и санд̇аасзд̇и. махаанзрунид̣̇ассананд̇и синзрубаб̣б̣ад̇асад̣̇исам̣ маханд̇ам̣ хам̣сарааж̇асса важанам̣ суд̇ваа аж̇аанид̇ваа д̇арун̣агаалзязва зд̇асса ануд̣̇д̇хадад̇д̇аа. махаа мз бхаяамааг̇ад̇анд̇и ид̣̇аани маяхам̣ маханд̇ам̣ бхаяам̣ ааг̇ад̇анд̇и барид̣̇зви.
Tattha idāni kho maṃ bhāyetīti ayaṃ nigrodho taruṇakāle tosetvā idāni maṃ bhāyāpeti santāseti. Mahānerunidassananti sinerupabbatasadisaṃ mahantaṃ haṃsarājassa vacanaṃ sutvā ajānitvā taruṇakāleyeva etassa anuddhaṭattā. Mahā me bhayamāgatanti idāni mayhaṃ mahantaṃ bhayaṃ āgatanti paridevi.
ниг̇род̇хоби вад̣дханд̇о саб̣б̣ам̣ балаасам̣ бхан̃ж̇ид̇ваа каан̣угамад̇д̇амзва агааси. д̣̇звад̇ааяа вимаанам̣ саб̣б̣ам̣ анд̇арад̇хааяи.
Nigrodhopi vaḍḍhanto sabbaṃ palāsaṃ bhañjitvā khāṇukamattameva akāsi. Devatāya vimānaṃ sabbaṃ antaradhāyi.
109.
109.
‘‘на д̇асса вуд̣дхи гусалаббасад̇т̇аа, яо вад̣дхамаано гхасад̇з бад̇идтам̣;
‘‘Na tassa vuḍḍhi kusalappasatthā, yo vaḍḍhamāno ghasate patiṭṭhaṃ;
д̇ассуубарод̇хам̣ барисан̇гамаано, бад̇аараяий муулавад̇хааяа д̇хийро’’д̇и. –
Tassūparodhaṃ parisaṅkamāno, patārayī mūlavadhāya dhīro’’ti. –
бан̃жамаа абхисамб̣уд̣̇д̇хаг̇аат̇аа.
Pañcamā abhisambuddhagāthā.
д̇ад̇т̇а гусалаббасад̇т̇аад̇и гусалзхи басад̇т̇аа. гхасад̇зд̇и каад̣̇ад̇и, винаасзд̇ийд̇и ад̇т̇о. бад̇аараяийд̇и бад̇арад̇и вааяамад̇и. ид̣̇ам̣ вуд̇д̇ам̣ ход̇и – бхигкавз, яо вад̣дхамаано ад̇д̇ано бад̇идтам̣ наасзд̇и, д̇асса вуд̣дхи бан̣д̣ид̇зхи на басад̇т̇аа, д̇асса бана аб̣бханд̇арасса ваа б̣аахирасса ваа бариссаяасса ‘‘ид̇о мз убарод̇хо бхависсад̇ий’’д̇и звам̣ убарод̇хам̣ винаасам̣ барисан̇гамаано вийро н̃аан̣асамбанно муулавад̇хааяа бараггамад̇ийд̇и.
Tattha kusalappasatthāti kusalehi pasatthā. Ghasateti khādati, vināsetīti attho. Patārayīti patarati vāyamati. Idaṃ vuttaṃ hoti – bhikkhave, yo vaḍḍhamāno attano patiṭṭhaṃ nāseti, tassa vuḍḍhi paṇḍitehi na pasatthā, tassa pana abbhantarassa vā bāhirassa vā parissayassa ‘‘ito me uparodho bhavissatī’’ti evaṃ uparodhaṃ vināsaṃ parisaṅkamāno vīro ñāṇasampanno mūlavadhāya parakkamatīti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз бан̃жасад̇аа бхигкуу арахад̇д̇ам̣ баабун̣им̣су. д̇ад̣̇аа суван̣н̣ахам̣со ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne pañcasatā bhikkhū arahattaṃ pāpuṇiṃsu. Tadā suvaṇṇahaṃso ahameva ahosinti.
балаасаж̇аад̇агаван̣н̣анаа д̣̇асамаа.
Palāsajātakavaṇṇanā dasamā.
ван̣н̣аарохаваг̇г̇о д̣̇уд̇ияо.
Vaṇṇārohavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 370. балаасаж̇аад̇агам̣ • 370. Palāsajātakaṃ
